လံာ်ကွဲးနီၣ်တၢ်ခံဘ့ၣ်တဘ့ၣ် 5:5 - Sgaw Karen Common Bible

⁵ ပှၤလုၢ်တၢ်အခိၣ်တဖၣ်ဒီးပှၤလ့ၤဝံဖိတဖၣ်စ့ၢ်ကီး, စိာ်ဃီၤဝဲယွၤအဒဲစီဆှံလၢအိၣ်ဝဲဆိးဝဲဒီးကယဲၢ်တၢ်အပီး အလီခဲလၢာ်ဆူယွၤအတၢ်လုၢ်ဟံၣ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 5:5 Iomraidhean Croise

လံာ်စီၤပၤအခီၣ်ထံးတဘ့ၣ် 8:4

ဒီးလဲၤစိာ်ဝဲဆူယွၤအတၢ်လုၢ်ဟံၣ်အပူၤန့ၣ်လီၤ. ပှၤလ့ၤဝံဖိဒီးပှၤလုၢ်တၢ်အခိၣ်တဖၣ်သုးစ့ၢ်ကီးဝဲယွၤအဒဲ လၢယွၤအိၣ်ဝဲဆိးဝဲဒီးအတၢ်အပီးအလီခဲလၢာ်ဆူယွၤအတၢ်လုၢ် ဟံၣ်န့ၣ်လီၤ.

လံာ်စီၤပၤအခီၣ်ထံးတဘ့ၣ် 8:6

ဒီးပှၤလုၢ်တၢ်အခိၣ်တဖၣ်လဲၤစိာ်နုာ်ယွၤအတၢ်အၢၣ်လီၤအီလီၤ အတလါစီဆှံဆူယွၤအတၢ်လုၢ်ဟံၣ်အပူၤဒီးပာ်လီၤဝဲလၢတၢ်လီၢ် စီဆှံကတၢၢ်ဖဲခ့ရူာ်တဖၣ်အဒံးဆ့အဖီလာ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 1:3

မၤလိာ်ဝဲလၢအဝဲသ့ၣ်ကလဲၤသကိးတၢ်ဒီးအီၤဆူတၢ်ဘူၣ်ထီၣ်ဘါ ထီၣ်ယွၤအလီၢ်လၢအအိၣ်လၢဝ့ၢ်ကံးဘိၣ်န့ၣ်လီၤ. အဝဲသ့ၣ်လဲၤတၢ်ဖဲန့ၣ်မ့ၢ်လၢတၢ်လီၢ်န့ၣ်မ့ၢ်တၢ်လီၢ်ဖဲယွၤအဒဲ စီဆှံလၢယွၤအိၣ်ဝဲ, အိၣ်သူၣ်လီၤတ့ၢ်အသးအဃိလီၤ. ဒဲန့ၣ်မ့ၢ်ဒဲတဖျၢၣ်လၢယွၤအခ့အပှၤစီၤမိၤၡ့သူၣ်ထီၣ်တ့ၢ် အီၤလၢပှၢ်မုၢ်ကနၢအပူၤန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 23:18

စီၤယဟိယဒါပာ်လီၤပှၤလုၢ်တၢ်အခိၣ်တဖၣ်, ဒီးပှၤလ့ၤဝံဖိ တဖၣ်လၢကကွၢ်ထွဲယွၤအတၢ်လုၢ်ဟံၣ်အတၢ်ဖံးတၢ်မၤအဂီၢ်န့ၣ်လီၤ. အဝဲသ့ၣ်ကဘၣ်မၤမူဒါတဖၣ်လၢအဘၣ်တၢ်ဟ့ၣ်လီၤတ့ၢ်အဝဲသ့ၣ်လၢ စီၤပၤစီၤဒၤဝံးဒီးကဘၣ်ဆိၣ်ကဲၤထီၣ်တၢ်လုၢ်တၢ်ပာ်တဖၣ်လၢ အဘၣ်တၢ်လုၢ်ထီၣ်အီၤဆူယွၤဒ်ယူဒၤအတၢ်သိၣ်တၢ်သီလၢစီၤမိၤ ၡ့ဟ့ၣ်တ့ၢ်ဝဲန့ၣ်လီၤ. အဝဲသ့ၣ်ကဲခိၣ်ကဲနၢ်စ့ၢ်ကီးလၢတၢ်သူၣ်ဝံၣ်သးဆၢဒီးတၢ်ဘူၣ် တၢ်ဘါအမူးတဖၣ်အဂီၢ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 5:4

ဖဲကယဲၢ်ပှၤခိၣ်ပှၤနၢ်ခဲလၢာ်ပာ်ဖှိၣ်ထီၣ်အသးဝံၤန့ၣ်, ပှၤလ့ၤဝံဖိတဖၣ်စိာ်ထီၣ်ယွၤအတၢ်အၢၣ်လီၤအီလီၤအတလါ, ဒီးလဲၤစိာ်ဝဲဆူယွၤအတၢ်လုၢ်ဟံၣ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 5:6

စီၤပၤၡလိၤမိၤဒီးကယဲၢ်အံၣ်စရ့လးအပှၤဂီၢ်မုၢ်အိၣ်ဖှိၣ်ရိ ဖှိၣ်ဖဲယွၤအတၢ်အၢၣ်လီၤအီလီၤအတလါအမဲာ်ညါဒီးလုၢ်ထီၣ်ပာ်ထီၣ်သိ ဒီးဂီၤဖံးအါအါဂီၢ်ဂီၢ်တုၤဒၣ်လဲာ်တၢ်ဂံၢ်အီၤတသ့ဘၣ်န့ၣ်လီၤ.