လံာ်ကွဲးနီၣ်တၢ်ခံဘ့ၣ်တဘ့ၣ် 5:2 - Sgaw Karen Common Bible

² အန့ၣ်ဝံၤဒီး, စီၤပၤၡလိၤမိၤကိးဖှိၣ်ကယဲၢ်ပှၤခိၣ်ပှၤနၢ်တဖၣ် လၢအံၣ်စရ့လးအဒူၣ်တဖၣ်ဒီးဒူၣ်ထၢတဖၣ်အပူၤလၢကဟဲပာ်ဖှိၣ်ထီၣ်အသးလၢဝ့ၢ်ယရူၤၡလ့ၣ်အပူၤ, ဒ်သိးကလဲၤဟံးန့ၢ်ယွၤအတၢ်အၢၣ်လီၤအီလီၤအတလါလၢစံယိၣ်, စီၤဒၤဝံးအဝ့ၢ်, ဒီးဟဲက့ၤစိာ်အီၤဆူယွၤအတၢ်လုၢ်ဟံၣ်ပူၤ အဂီၢ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 5:2 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 5:7

(ဘၣ်ဆၣ်ဒီးစီၤဒၤဝံးမၤန့ၢ်ကွံာ်အဝဲသ့ၣ်အဝ့ၢ်စံယိၣ်အတိာ် ဒီးတၢ်န့ၣ်ဘၣ်တၢ်သ့ၣ်ညါအီၤဒ်စီၤဒၤဝံးအဝ့ၢ်န့ၣ်လီၤ.)

လံာ်စီၤၡမူၤအ့လးခံဘ့ၣ်တဘ့ၣ် 6:12

စီၤပၤစီၤဒၤဝံးနၢ်ဟူဘၣ်ဝဲလၢ, မ့ၢ်လၢယွၤအတၢ်အၢၣ်လီၤအီ လီၤအတလါစီဆှံအဃိ, ယွၤဆိၣ်ဂ့ၤစီၤဧိၤဘ့းအ့ဒိၣ်အဟံၣ်ဖိဃီဖိဒီး ကယဲၢ်တၢ်အိၣ်ဒီးအီၤခဲလၢာ်န့ၣ်လီၤ. လၢတၢ်န့ၣ်အဃိအဝဲစိာ်ထီၣ်ယွၤအတၢ်အၢၣ်လီၤအီလီၤအတလါစီဆှံ လၢစီၤဧိၤဘ့းအ့ဒိၣ်အဟံၣ်ဒီးက့ၤစိာ်အီၤဆူ ဝ့ၢ်ယရူၤရှလ့ၣ်အိၣ်ဒီးတၢ်မၤမူးဖးဒိၣ်တမူးန့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 15:1

စီၤဒၤဝံးမၤဟံၣ်တဖၣ်လၢကသူဝဲလၢအဂီၢ်ဒၣ်ဝဲလၢစီၤဒၤဝံး အဝ့ၢ်ပူၤန့ၣ်လီၤ. အဝဲကတဲာ်ကတီၤစ့ၢ်ကီးတၢ်လီၢ်တတီၤလၢကစၢ်ယွၤအတၢ်အၢၣ်လီၤအီ လီၤအတလါအဂီၢ်ဒီးမၤထီၣ်ဝဲဒဲတဖျၢၣ်လၢတလါအဂီၢ်န့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 15:12

အဝဲစံးဘၣ်ပှၤလ့ၤဝံဖိသ့ၣ်တဖၣ်, “သုမ့ၢ်ခိၣ်နၢ်တဖၣ်လၢပှၤလ့ၤဝံဖိအဒူၣ်ထၢတဖၣ်အပူၤန့ၣ် လီၤ. မၤကဆှီသုသးဒီးမၤကဆှီသုပှၤလ့ၤဝံဖိကဒဲကဒဲတဖၣ်ဒ်သိး သုဟဲစိာ်ယွၤ, အံၣ်စရ့လးအကစၢ်ယွၤအတၢ်အၢၣ်လီၤအီလီၤအတလါဆူတၢ်လီၢ်လၢ ယကတဲာ်ကတီၤပာ်လၢအဂီၢ်န့ၣ်ကသ့ဝဲတက့ၢ်.

လံာ်ကွဲးနီၣ်တၢ်အခီၣ်ထံးတဘ့ၣ် 15:25

လၢတၢ်န့ၣ်အဃိစီၤပၤဒၤဝံး, ပှၤအံၣ်စရ့လးဖိအခိၣ်အနၢ်တဖၣ် ဒီးပှၤသုးဖိအခိၣ်တဖၣ်လဲၤဝဲဆူစီၤဧိၤဘ့းအ့ဒိၣ်အဟံၣ်လၢ တၢ်ဟံးန့ၢ်က့ၤတၢ်အၢၣ်လီၤအီလီၤအတလါအဂီၢ်ဒီးအဝဲသ့ၣ်အိၣ် ဒီးတၢ်သူၣ်ဖှံသးညီအမူးဖးဒိၣ်တမူးလီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 15:3

လၢတၢ်န့ၣ်အဃိစီၤဒၤဝံးဒုးအိၣ်ဖှိၣ်ရိဖှိၣ်ပှၤအံၣ်စရ့လး ဖိခဲလၢာ်လၢဝ့ၢ်ယရူၤၡလ့ၣ်ဒ်သိးအကဟဲစိာ်တၢ်အၢၣ်လီၤအီလီၤ အတလါဆူတၢ်လီၢ်လၢအကတဲာ်ကတီၤဝဲန့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 16:1

အဝဲသ့ၣ်လဲၤစိာ်တၢ်အၢၣ်လီၤအီလီၤအတလါစီဆှံဆူဒဲလၢစီၤ ဒၤဝံးကတဲာ်ကတီၤတ့ၢ်ဝဲဒီးပာ်ဝဲလၢအပူၤန့ၣ်လီၤ. ဒီးအဝဲသ့ၣ်လုၢ်ထီၣ်တၢ်လုၢ်မ့ၣ်အူတဖၣ်ဒီးတၢ်လုၢ်မၤဃူမၤ ဖိးတဖၣ်ဆူကစၢ်ယွၤအအိၣ်န့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 24:31

ဟံၣ်ဖိဃီဖိတဒူၣ်စုာ်စုာ်အခိၣ်ဒီးအဒီပုၢ်ဝဲၢ်ခွါအဆံးတဖၣ် အကျါတဂၤဖီၣ်တၢ်ဖးလၢအဝဲသ့ၣ်အမူအဒါတဖၣ်အဂီၢ်, ဒ်သိးဒၣ်အဝဲသ့ၣ်အဘူးအတံၢ်တဖၣ်, ပှၤလုၢ်တၢ်အခိၣ်တဖၣ်လၢအလီၤ စၢၤလီၤသွဲၣ်လၢစီၤအၤဟရိၣ်မၤတ့ၢ်ဝဲအသိးန့ၣ်လီၤ. စီၤပၤဒၤဝံး, စီၤစၤဒိး, စီၤအဃံၤမ့လ့း, ဒီးပှၤလုၢ်တၢ်အခိၣ်တဖၣ်ဒီးပှၤလ့ၤဝံဖိတဖၣ်အဟံၣ်ဖိ ဃီဖိအခိၣ်တဖၣ်မ့ၢ်ပှၤအုၣ်အသးတဖၣ်န့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 24:6

စီၤအလၤဧစၢ်ဒီးစီၤအံသမၢ်အစၢၤအသွဲၣ်တဖၣ်ဖီၣ်တၢ်ဖးတဖၣ်တဂၤ တဘျီ, တဂၤတဘျီန့ၣ်လီၤ. အန့ၣ်ဝံၤဒီး, အဝဲသ့ၣ်ဘၣ်တၢ်ကွဲးနီၣ်ကွဲးဃါအမံၤလၢစီၤနၤ သန့လးအဖိခွါစီၤၡမါယၤ, ပှၤလ့ၤဝံဖိအပှၤကွဲးလံာ်ဒိၣ်တဂၤန့ၣ်လီၤ. စီၤပၤ, ပဒိၣ်ပပှၢ်တဖၣ်, ပှၤလုၢ်တၢ်အခိၣ်စီၤစၤဒိး, စီၤအ့ဘယၤသၢ်, အဖိခွါစီၤအဃံၤမ့လ့းဒီးပှၤလုၢ်တၢ်အခိၣ် အဟံၣ်ဖိဃီဖိအခိၣ်တဖၣ်, ဒီးပှၤလ့ၤဝံ အဟံၣ်ဖိဃီဖိတဖၣ်, ခဲလၢာ်မ့ၢ်ပှၤအုၣ်အသးတဖၣ်န့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 26:26

စီၤၡလိမံးအဘူးအတံၢ်တဖၣ်မ့ၢ်ပှၤဘၣ်ကဲခိၣ်ကဲနၢ်လၢတၢ်ပၢၤ ဃာ်တၢ်ဟ့ၣ်တဖၣ်လၢဘၣ်တၢ်ပာ်စီဆှံတ့ၢ်အီၤဆူကစၢ်ယွၤလၢစီၤ ပၤဒၤဝံး, ဒ်ဟံၣ်ဖိဃီဖိတဖၣ်အခိၣ်, ဒူၣ်ထၢကရူၢ်တဖၣ်အခိၣ်ဒီးသုးခိၣ် သုးနၢ်တဖၣ်န့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 28:1

စီၤပၤစီၤဒၤဝံးမၤလိာ်ကယဲၢ်အံၣ်စရ့လးအပဒိၣ်ပပှၢ်ခဲလၢာ်လၢ ကဟဲအိၣ်ဖှိၣ်ရိဖှိၣ်ဖဲဝ့ၢ်ယရူၤရှလ့ၣ်အပူၤန့ၣ်လီၤ. လၢတၢ်န့ၣ်အဃိ, ကယဲၢ်ဒူၣ်တဖၣ်အခိၣ်အနၢ်ခဲလၢာ်, ခိၣ်နၢ်တဖၣ်လၢအပၢဆှၢတ့ၢ်ဘီမုၢ်အတၢ်မၤ, ခိၣ်နၢ်တဖၣ်လၢဒူၣ်ထၢတဖၣ်အပူၤ, ပှၤတဖၣ်လၢအပၢဆှၢသုးကျဲၤ တၢ်စုလီၢ်ခီၣ်ခိၣ်ဒီးဆၣ်ဖိကီၢ်ဖိတဖၣ်လၢအဘၣ်ထွဲ ဆူစီၤပၤဒီးအဝဲအဖိခွါတဖၣ်, သပှၢ်ကတၢၢ်ပှၤလၢအမ့ၢ်ကယဲၢ် ပဒိၣ်ပပှၢ်တဖၣ်လၢနီပူၤ, ပှၤသုးဖိတဖၣ်လၢအလဲၤလၢညါ, ဒီးပှၤအကါဒိၣ်တဖၣ်, ဟဲပာ်ဖှိၣ်အသးလၢဝ့ၢ်ယရူၤရှလ့ၣ်အပူၤ န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 1:4

ဘၣ်ဆၣ်ဒီးယွၤအတၢ်အၢၣ်လီၤအီလီၤအတလါစီဆှံအိၣ်လံလၢဝ့ၢ် ယရူၤရှလ့ၣ်အပူၤ, ဒီးဘၣ်တၢ်ပာ်အီၤလၢဒဲတဖျၢၣ်အပူၤ, ဒဲလၢစီၤပၤဒၤဝံးသူၣ် ထီၣ်တ့ၢ်ဝဲဖဲအဝဲဟဲက့ၤစိာ်က့ၤတလါစီဆှံန့ၣ်လၢဝ့ၢ်ကံး ရယးယဧၢရံၣ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 5:1

တုၤစီၤပၤၡလိၤမိၤမၤဝံၤကယဲၢ်တၢ်မၤဘၣ်ဃးဒီးယွၤအတၢ်လုၢ် ဟံၣ်န့ၣ်, အဝဲဒၢနုာ်လီၤကယဲၢ်တၢ်တဖၣ်ခဲလၢာ်လၢအပၢ်စီၤဒၤဝံးပာ်စီ ဆှံတ့ၢ်အီၤဆူယွၤ, လၢအမ့ၢ်ဝဲ, စ့, ထူဒီးတၢ်ပီးတၢ်လီအဂၤတဖၣ်, ဆူယွၤအတၢ်လုၢ်ဟံၣ်အတၢ်ပာ်ဖှိၣ်အဒၢးတဖၣ်အပူၤန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 5:12

ကယဲၢ်ပှၤသးဝံၣ်တၢ်ဖိ, ပှၤလ့ၤဝံဖိလၢအမ့ၢ်, စီၤအၤစာ်, စီၤဟ့ၤမၣ်ဒီးစီၤယဒူသူၣ်, ဒီးပှၤလၢအဝဲသ့ၣ်အဒူၣ်ထၢပူၤတ ဖၣ်, ကူသိးဝဲဒီးဖှီဝါကဆှၣ်လီၤ. ပှၤလ့ၤဝံဖိတဖၣ်အံၤဆၢထၢၣ်ဝဲဘူးဒီးတၢ်လုၢ်လီၢ်အမုၢ်ထီၣ် တကပၤ, အိၣ်ဒီးစှၢၣ်စှံးတဖၣ်ဒီးသီတူၢ်တဖၣ်, ဒီးဃုာ်ဒီးအဝဲသ့ၣ် န့ၣ်ပှၤလုၢ်တၢ်အခိၣ်လၢအအူကွဲၤတဖၣ်အိၣ်ဝဲတကယၤခံဆံဂၤန့ၣ် လီၤ.

စံးထီၣ်ပတြၢၤ 2:6

အဝဲစံးဝဲ, “ယပာ်ထီၣ်ယစီၤပၤလၢ ယကစၢၢ်စီဆှံစံယိၣ်အလိၤလံ.”

စံးထီၣ်ပတြၢၤ 87:2

ကစၢ်ယွၤအဲၣ်ဝဲဝ့ၢ်ယရူၤၡလ့ၣ်အါန့ၢ်တၢ်လီၢ်အဂၤ လၢအအိၣ်လၢအံၣ်စရ့လးအပူၤတက့ၢ်လီၤ.

လံာ်တၢ်ဘူၣ်ထီၣ်ဘါထီၣ် 9:5

အဝဲသ့ၣ်ဟဲစိာ်တၢ်လၢစီၤမိၤၡ့မၤလိာ်ဝဲခဲလၢာ်ဆူတၢ်ဘူၣ်ထီၣ်ဘါ ထီၣ်ယွၤအဒဲအမဲာ်ညါလီၤ. ဒီးပှၤဂီၢ်မုၢ်ခဲလၢာ်ပာ်ဖှိၣ်ထီၣ်အသးဖဲန့ၣ်လၢတၢ်ဘူၣ်ထီၣ် ဘါထီၣ်ယွၤအဂီၢ်လီၤ.

လံာ်တၢ်ဂံၢ် 10:33

ဖဲပှၤဂီၢ်မုၢ်ဟးထီၣ်ကွံာ်လၢစံၤနါကစၢၢ်စီဆှံန့ၣ်, အဝဲသ့ၣ်လဲၤတၢ်သၢသီလီၤ. ယွၤအတၢ်အၢၣ်လီၤအီလီၤအတလါစီဆှံလဲၤတၢ်လၢအဝဲသ့ၣ်အမဲာ်ညါ တဘိယူၢ်ဃီဒ်သိးကဃုန့ၢ်တၢ်လီၢ်တတီၤလၢအဝဲသ့ၣ်ကသူၣ်အဒဲအဂီၢ် န့ၣ်လီၤ.

လံာ်တၢ်ဂံၢ် 10:36

ဒီးဖဲအအိၣ်ကတီၢ်တဘျီလၢ်လၢ်န့ၣ်, အဝဲကစံးဝဲဒၣ်, “ယွၤဧၢ, ဟဲက့ၤဆူအံၣ်စရ့လးအဒူၣ်ဖိထၢဖိလၢအကထိတဖၣ် အအိၣ်တက့ၢ်” န့ၣ်လီၤ.