လံာ်ကွဲးနီၣ်တၢ်ခံဘ့ၣ်တဘ့ၣ် 5:12 - Sgaw Karen Common Bible

¹² ကယဲၢ်ပှၤသးဝံၣ်တၢ်ဖိ, ပှၤလ့ၤဝံဖိလၢအမ့ၢ်, စီၤအၤစာ်, စီၤဟ့ၤမၣ်ဒီးစီၤယဒူသူၣ်, ဒီးပှၤလၢအဝဲသ့ၣ်အဒူၣ်ထၢပူၤတ ဖၣ်, ကူသိးဝဲဒီးဖှီဝါကဆှၣ်လီၤ. ပှၤလ့ၤဝံဖိတဖၣ်အံၤဆၢထၢၣ်ဝဲဘူးဒီးတၢ်လုၢ်လီၢ်အမုၢ်ထီၣ် တကပၤ, အိၣ်ဒီးစှၢၣ်စှံးတဖၣ်ဒီးသီတူၢ်တဖၣ်, ဒီးဃုာ်ဒီးအဝဲသ့ၣ် န့ၣ်ပှၤလုၢ်တၢ်အခိၣ်လၢအအူကွဲၤတဖၣ်အိၣ်ဝဲတကယၤခံဆံဂၤန့ၣ် လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 5:12 Iomraidhean Croise

လံာ်ကွဲးနီၣ်တၢ်အခီၣ်ထံးတဘ့ၣ် 13:8

စီၤဧူးစးဒီးစီၤအဃံယိၤဆှၢလ့ၣ်ကဟၣ်ဖဲစီၤဒၤဝံးဒီး ကယဲၢ်အံၣ်စရ့လးအပှၤဂီၢ်မုၢ်ခဲလၢာ်, ဂဲၤကလံာ်လၢအဂံၢ်အဘါခဲလၢာ်လၢကမၤလၤကပီၤကစၢ်ယွၤန့ၣ်လီၤ. အဝဲသ့ၣ်သးဝံၣ်တၢ်အိၣ်ဒီးတၢ်ဒ့တၢ်အူအပီးအလီတဖၣ်လၢအမ့ၢ်, သီတူၢ်တဖၣ်, ဒၢတဖၣ်, စှၢၢ်စှံးတဖၣ်ဒီးကွဲၤတဖၣ်န့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 15:24

ပှၤလုၢ်တၢ်အခိၣ်တဖၣ်လၢအမ့ၢ်ဝဲစီၤၡဘၤနယၤ, စီၤယဟိၡၤဖး, စီၤနၤသန့လး, စီၤဧမၤစဲ, စီၤစကၤရယါ, စီၤဘနါယၤဒီးစီၤ အလၤဧစၢ်တဖၣ်ဘၣ်တၢ်ဃုထၢအီၤလၢကအူကွဲၤတဖၣ်လၢတၢ်အၢၣ်လီၤအီ လီၤအတလါအမဲာ်ညါန့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 15:27

စီၤဒၤဝံးသိးဆ့ကၤဖးထီတဘ့ၣ်လၢတၢ်ဆးအီၤလၢဖှီဝါကဆှၣ် အဂ့ၤကတၢၢ်, ဒီးပှၤသးဝံၣ်တၢ်ဖိတဖၣ်, ဒီးအဝဲသ့ၣ်အပှၤအခိၣ်စီၤကနၤနယၤဒီးပှၤလ့ၤဝံဖိတဖၣ်လၢအစိာ် တလါစီဆှံသိးစ့ၢ်ကီးဆ့ဒ်န့ၣ်တဖၣ်လီၤ. စီၤဒၤဝံးသိးစ့ၢ်ကီးဝဲအ့ဖိးဖှီဝါကဆှၣ်တဘ့ၣ်န့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 23:30

ဒီးလၢတၢ်စံးထီၣ်ပတြၢၤဒီးတၢ်မၤလၤကပီၤယွၤကိးမုၢ်ဂီၤ ဒီးကိးမုၢ်ဟါအဂီၢ်,

လံာ်ကွဲးနီၣ်တၢ်အခီၣ်ထံးတဘ့ၣ် 23:5

ပှၤ လွံၢ်ကထိ ဂၤလၢကပၢၤပဲတြီ, ဒီးပှၤလွံၢ်ကထိ ဂၤလၢကစံးထီၣ်ပတြၢၤယွၤအိၣ်ဒီးတၢ်သူၣ်ဝံၣ်သးဆၢအပီးအလီ တဖၣ်လၢအဘၣ်တၢ်ဟ့ၣ်အီၤလၢစီၤပၤ, လၢတၢ်ကွၢ်စိအံၤအဂီၢ်န့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 6:33

ဒူၣ်ထၢအတၢ်လီၤစၢၤတဖၣ်လၢအဟံးန့ၢ်မူဒါအံၤ, မ့ၢ်ဒ်အဖီလာ်အသိးလီၤ. လၢပှၤကဃးဖိအဒူၣ်ထၢပူၤန့ၣ်, စီၤဟ့မၣ်, လၢအမ့ၢ်စီၤယိၤအ့လးအဖိခွါ, မ့ၢ်တၢ်သးဝံၣ်ရိအခီၣ်ထံးတဖုအခိၣ်န့ၣ်လီၤ. အဝဲအတၢ်လီၤစၢၤလီၤသွဲၣ်စးထီၣ်လၢစီၤယၤကိာ်မ့ၢ်ဒ်လာ်အံၤ န့ၣ်လီၤ. စီၤဟ့မၣ်, စီၤယိၤအ့လး, စီၤၡမူၤအ့လး,

လံာ်ကွဲးနီၣ်တၢ်အခီၣ်ထံးတဘ့ၣ် 6:39

စီၤအၤစာ်မ့ၢ်တၢ်သးဝံၣ်ရိခံဖုတဖုအခိၣ်န့ၣ်လီၤ. အဝဲအတၢ်လီၤစၢၤလီၤသွဲၣ်စးထီၣ်လၢစီၤလ့ၤဝံ, မ့ၢ်ဒ်လာ်အံၤန့ၣ်လီၤ. စီၤအၤစာ်, စီၤဘရ့ကံယၤ, စီၤၡံမၤ,

လံာ်ကွဲးနီၣ်တၢ်ခံဘ့ၣ်တဘ့ၣ် 29:25

စီၤပၤမၤထွဲတၢ်သိၣ်လိနဲၣ်ယုၤတဖၣ်လၢယွၤဟ့ၣ်လီၤတ့ၢ်စီၤ ပၤဒၤဝံးခီဖျိစီၤပၤအဝံစီၤကးဒီးဝံနၤသၣ်တဖၣ်န့ၣ်လီၤ. အဝဲပာ်လီၤပှၤလ့ၤဝံဖိတဖၣ်လၢယွၤအတၢ်လုၢ်ဟံၣ်အပူၤအိၣ်ဒီး သီတူၢ်တဖၣ်ဒီးစှၢၢ်စှံးတဖၣ်,

လံာ်ကွဲးနီၣ်တၢ်ခံဘ့ၣ်တဘ့ၣ် 29:26

တၢ်ပီးတၢ်လီတဖၣ်ဒ်စီၤပၤစီၤဒၤဝံးသူတ့ၢ်ဝဲန့ၣ်လီၤ. ပှၤလုၢ်တၢ်အခိၣ်တဖၣ်စ့ၢ်ကီးဆၢထၢၣ်ဖဲန့ၣ်အိၣ်ဒီးကွဲၤတဖၣ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 7:6

ပှၤလုၢ်တၢ်အခိၣ်တဖၣ်ဆၢထၢၣ်ဝဲဖဲတၢ်လီၢ်တဖၣ်လၢအဘၣ်တၢ်ပာ်လီၤ အီၤဒီးလၢအဝဲသ့ၣ်အမဲာ်ညါလိၤလိၤန့ၣ်, ပှၤလ့ၤဝံဖိတဖၣ်ဆၢထၢၣ်ဝဲစံးထီၣ်ပတြၢၤယွၤလၢတၢ်ဒ့တၢ်အူ အပီးအလီတဖၣ်လၢစီၤပၤဒၤဝံးမၤပာ်စၢၤတ့ၢ်ဝဲ, ဒီးသးဝံၣ်ထါသးဝံၣ်, “အဝဲအတၢ်အဲၣ်မ့ၢ်တၢ်အထူအယိာ်” ဒ်အဝဲသ့ၣ်ဘၣ်တၢ်မၢတ့ၢ်ဒီးဟ့ၣ်စိဟ့ၣ်ကမီၤအီၤလၢစီၤဒၤဝံး အသိးန့ၣ်လီၤ. ဖဲပှၤဂီၢ်မုၢ်ခဲလၢာ်ဆၢထၢၣ်ဝဲန့ၣ်, ပှၤလုၢ်တၢ်အခိၣ်တဖၣ်အူထီၣ်ကွဲၤတဖၣ်န့ၣ်လီၤ.

စံးထီၣ်ပတြၢၤ 149:3

မ်အဝဲသ့ၣ်စံးထီၣ်ပတြၢၤအမံၤလၢတၢ်ဂဲၤကလံၣ်, သးဝံၣ်ထီၣ်အီၤလၢဒၢဖိဒီးတနၢ်တက့ၢ်.

စံးထီၣ်ပတြၢၤ 50:1

ယွၤ, တၢ်အစိဒိၣ်ကမီၤထီကစၢ်ယွၤကတိၤတၢ်လီၤ. ကိးပှၤဟီၣ်ခိၣ်ဖိလၢမုၢ်ထီၣ်ပၢၢ်လၢမုၢ်နုာ်လီၤ.

စံးထီၣ်ပတြၢၤ 62:1

ယသးအိၣ်ခိးထဲကစၢ်ယွၤတဂၤဧိၤလၢတၢ်အိၣ်ဘှ့ၣ်အိၣ်ဘှီၣ်အပူၤန့ၣ်လီၤ. တၢ်အုၣ်က့ၤခီၣ်က့ၤယၤန့ၣ်ဟဲဒၣ်ထဲလၢအအိၣ်လီၤ.

စံးထီၣ်ပတြၢၤ 68:25

ပှၤသးဝံၣ်တၢ်ဖိလဲၤလၢညါ, ပှၤဒ့တၢ်ဖိလဲၤလၢခံ ဒီးလၢအဘၢၣ်စၢၤန့ၣ် ပှၤမုၣ်ကနီၤတဖၣ်လၢအပှီၢ်ဒၢတဖၣ်န့ၣ်လီၤ.

စံးထီၣ်ပတြၢၤ 88:1

ကစၢ်ယွၤ, တၢ်အုၣ်က့ၤခီၣ်က့ၤယၤကစၢ်ယွၤဧၢ, လၢမုၢ်ဆါယကိးထီၣ်နၤလၢတၢ်မၤစၢၤအဂီၢ်, ဒီးလၢမုၢ်နၤယကိးထီၣ်လၢနမဲာ်ညါလီၤ.

စံးထီၣ်ပတြၢၤ 92:3

အိၣ်ဒီးတၢ်ဒ့သနၢ်လၢ အပျံၤအိၣ်ဆံဆဲၣ်ဘိဒီး တၢ်သးဝံၣ်မုာ်လၢသီတူၢ်အလိၤန့ၣ်, မ့ၢ်အဂ့ၤဆံးဒိၣ်လဲၣ်.

လံာ်လီၣ်ဖျါ 15:6

ကလူးနွံဂၤလၢအအိၣ်ဒီးတၢ်နးတၢ်ဖှီၣ်နွံမံၤန့ၣ်, ဟဲထီၣ်လၢ တၢ်လုၢ်ဟံၣ်အပူၤ, ကူဝဲသိးဝဲလၢဖှီဝါကဆှၣ်လၢအကဆှီဒီး ကတြ့ၣ်ကတြိၣ်, ဒီးကံၢ်တူာ်အသးနါပှၢ်လၢတၢ်အကွီၤထူ တဖၣ်န့ၣ်လီၤ.

လံာ်လီၣ်ဖျါ 19:8

အဝဲဒၣ်ဘၣ်တၢ်ဟ့ၣ်လံအီၤတၢ်ကံးယာ်အလွဲၢ်ဝါလၢအကဆှီ, ဒီးကပြုၢ်ကပြီၤ, လၢအကကူဝဲသိးဝဲအဂီၢ်လီၤ.” (တၢ်ကံးယာ် အလွဲၢ်အဝါန့ၣ်, မ့ၢ်ဝဲကစၢ်ယွၤအပှၤဂီၢ်မုၢ်အတၢ်ဖံးတၢ်မၤအဂ့ၤ အဝါတဖၣ်လီၤ.)