လံာ်ကွဲးနီၣ်တၢ်ခံဘ့ၣ်တဘ့ၣ် 5:11 - Sgaw Karen Common Bible

¹¹ အန့ၣ်တစု, ပှၤလုၢ်တၢ်အခိၣ်လၢအအိၣ်ဖဲန့ၣ်ခဲလၢာ်ဟးထီၣ်ကွံာ် လၢတၢ်အလီၢ်စီဆှံအပူၤန့ၣ်လီၤ. အဝဲသ့ၣ်ခဲလၢာ်လၢအအိၣ်ဖဲန့ၣ်, မ့ၢ်လီၤဆီလိာ်အသးလၢမူဒါအတီၤဘၣ်ဆၣ်, ပာ်စီဆှံထီၣ်အသးတပူၤဃီခဲလၢာ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 5:11 Iomraidhean Croise

လံာ်ကွဲးနီၣ်တၢ်အခီၣ်ထံးတဘ့ၣ် 15:14

ဒီးပှၤလုၢ်တၢ်အခိၣ်တဖၣ်, ဒီးပှၤလ့ၤဝံဖိသ့ၣ်တဖၣ်မၤကဆှီ ထီၣ်အသးလၢကသုးယွၤ, အံၣ်စရ့လးအကစၢ်ယွၤအတၢ်အၢၣ်လီၤအီၤလီၤအတလါအဂီၢ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 29:15

ပှၤတဖၣ်အံၤဒုးအိၣ်ဖှိၣ်ရိဖှိၣ်ပှၤလ့ၤဝံဖိသကိးသကိးဒီး အီၤတဖၣ်, ဒီးအဝဲသ့ၣ်ခဲလၢာ်မၤကဆှီထီၣ်အသးဒ်တၢ်အလုၢ်အလၢ်အိၣ်ဝဲအသိး န့ၣ်လီၤ. အန့ၣ်ဝံၤဒီး, ဒ်စီၤပၤမၤလိာ်တ့ၢ်အဝဲ သ့ၣ်တၢ်လၢကမၤဝဲအသိးန့ၣ်, အဝဲသ့ၣ်စးထီၣ်မၤကဆှီယွၤအတၢ် လုၢ်ဟံၣ်ဒ်တၢ်အလုၢ်အလၢ်အိၣ်ဝဲအသိး, လီၤပလိာ်ဒီးယူဒၤအတၢ်သိၣ်တၢ်သီလၢယွၤဟ့ၣ်လီၤဝဲန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 29:34

မ့ၢ်လၢပှၤလုၢ်တၢ်အခိၣ်တဖၣ်တအိၣ်လၢလၢလီၣ်လီၣ်လၢကမၤသံကယဲၢ် ဆၣ်ဖိကီၢ်ဖိတဖၣ်အံၤအဃိ, ပှၤလ့ၤဝံဖိတဖၣ်မၤစၢၤအဝဲသ့ၣ်, တုၤလၢတၢ်မၤဝံၤဝဲတစု န့ၣ်လီၤ. တုၤလီၤလၢအကတီၢ်အဝဲန့ၣ်, ပှၤလုၢ်တၢ်အခိၣ်တဖၣ်လၢ အမၤကဆှီထီၣ်အသးဒ်အလုၢ်အလၢ်အိၣ်ဝဲအသိးန့ၣ်, အနီၣ်ဂံၢ်အါထီၣ်ဝဲလီၤ. (ပှၤလ့ၤဝံဖိတဖၣ်သူၣ်တီသးရၤလၢတၢ် မၤကဆှီထီၣ်သးအလုၢ်အလၢ်အါန့ၢ်ဒံးပှၤလုၢ်တၢ်အခိၣ်တဖၣ်မၤဝဲ တက့ၢ်န့ၣ်လီၤ.)

လံာ်ကွဲးနီၣ်တၢ်ခံဘ့ၣ်တဘ့ၣ် 29:5

အဝဲစံးဝဲ, “သုဝဲပှၤလ့ၤဝံဖိတဖၣ်သုကဘၣ်ပာ်စီဆှံထီၣ် သုသးဒီးမၤကဆှီထီၣ်ယွၤ, သုမိၢ်ပၢ်ဖံဖုလၢပျၢၤတဖၣ်အကစၢ်ယွၤအတၢ်လုၢ်ဟံၣ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 30:15

ဒီးလၢလါထီၣ်တဆံလွံၢ်သီတသီအနံၤန့ၣ်အဝဲသ့ၣ်မၤသံသိဖိ တဖၣ်လၢတၢ်လုၢ်ဘူၣ်လဲၤကပာ်အဂီၢ်န့ၣ်လီၤ. ပှၤလုၢ်တၢ်အခိၣ်တဖၣ်ဒီးပှၤလ့ၤဝံတဖၣ်လၢအတကဆှီဝဲဒ်တၢ်အလုၢ် အလၢ်အိၣ်ဝဲအသိးန့ၣ်မဲာ်ဆှးဝဲဒိၣ်မး, တုၤအဝဲသ့ၣ်ပာ်စီဆှံထီၣ်က့ၤအသးလၢယွၤအဂီၢ်, ဒီးခဲအံၤအဝဲသ့ၣ်လုၢ်ထီၣ်တ့ၢ်တၢ်လုၢ်မ့ၣ်အူတဖၣ်လၢယွၤအတၢ် လုၢ်ဟံၣ်အပူၤသ့ဝဲန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 35:4

ဟံးန့ၢ်သုလီၢ်တဖၣ်လၢယွၤအတၢ်လုၢ်ဟံၣ်အပူၤ, ဒ်သုဒူၣ်ထၢတဖၣ်အိၣ်ဝဲအသိး, လီၤပလိာ်ဒီးမူဒါတဖၣ်လၢစီၤဒၤဝံးဒီးအဝဲအဖိခွါ စီၤပၤၡလိၤမိၤဟ့ၣ်လီၤတ့ၢ်သု,

လံာ်ကွဲးနီၣ်တၢ်ခံဘ့ၣ်တဘ့ၣ် 35:6

သုကဘၣ်မၤသံဘူၣ်လဲၤကပာ်အသိတဖၣ်ဒီးမဲာ်တဲးလဲးတဖၣ်န့ၣ် လီၤ. ခဲကနံၣ်အံၤမၤကဆှီထီၣ်သုသးဒ်တၢ်ဘူၣ်တၢ်ဘါအလုၢ် အလၢ်အိၣ်ဝဲအသိးဒီးကတဲာ်ကတီၤတၢ်လုၢ်တဖၣ်ဒ်သိးပှၤ အံၣ်စရ့လးဖိကဒဲကဒဲဒီးသုကပိာ်ထွဲတၢ်သိၣ်လိနဲၣ်ယုၤ တဖၣ်လၢယွၤဟ့ၣ်လီၤဝဲခီဖျိစီၤမိၤၡ့အဂီၢ်န့ၣ်တက့ၢ်.”

လံာ်ကွဲးနီၣ်တၢ်ခံဘ့ၣ်တဘ့ၣ် 5:12

ကယဲၢ်ပှၤသးဝံၣ်တၢ်ဖိ, ပှၤလ့ၤဝံဖိလၢအမ့ၢ်, စီၤအၤစာ်, စီၤဟ့ၤမၣ်ဒီးစီၤယဒူသူၣ်, ဒီးပှၤလၢအဝဲသ့ၣ်အဒူၣ်ထၢပူၤတ ဖၣ်, ကူသိးဝဲဒီးဖှီဝါကဆှၣ်လီၤ. ပှၤလ့ၤဝံဖိတဖၣ်အံၤဆၢထၢၣ်ဝဲဘူးဒီးတၢ်လုၢ်လီၢ်အမုၢ်ထီၣ် တကပၤ, အိၣ်ဒီးစှၢၣ်စှံးတဖၣ်ဒီးသီတူၢ်တဖၣ်, ဒီးဃုာ်ဒီးအဝဲသ့ၣ် န့ၣ်ပှၤလုၢ်တၢ်အခိၣ်လၢအအူကွဲၤတဖၣ်အိၣ်ဝဲတကယၤခံဆံဂၤန့ၣ် လီၤ.

လံာ်စီၤယိၤဘး 1:5

မုၢ်တဂီၤဖဲတၢ်အီၣ်တၢ်အီအမူးဝံၤဝဲတဘျီလၢ်လၢ်န့ၣ်, စီၤယိၤဘးဂဲၤထၢၣ်ဂီၤဂီၤဒီးကိးဖှိၣ်အဖိတဖၣ်ဒီးလုၢ်တၢ် လုၢ်မ့ၣ်အူလၢအဖိတဂၤစုာ်စုာ်အဂီၢ်ဒ်သိးကမၤကဆှီထီၣ်က့ၤ အဝဲသ့ၣ်အဂီၢ်န့ၣ်လီၤ. အဂ့ၢ်ဒ်အံၤစီၤယိၤဘးဆိကမိၣ်ဝဲလၢဘၣ် တဘၣ်အဖိခွါတဂၤဂၤလၢတၢ်တပာ်သူၣ်ပာ်သးအပူၤမၤတ့ၢ် လံတၢ်ဒဲးဘးခီဖျိတၢ်ကတိၤတရီတပါကစၢ်ယွၤလၢအသးကံၢ်ပူၤ လံ. တၢ်န့ၣ်အဃိစီၤယိၤဘးမၤတၢ်အံၤတထံၣ်ဃီလီၤ.

လံာ်တၢ်ဟးထီၣ်ကွံာ် 19:10

ဒီးယွၤစံးဘၣ်အီၤ, “လဲၤဆူပှၤဂီၢ်မုၢ်အအိၣ်ဒီးတဲဘၣ်အဝဲ သ့ၣ်ဒ်သိးကမၤကဆှီအသးလၢမုၢ်တနံၤအံၤဒီးခဲမုၢ်ဆ့ၣ်တနံၤ လၢတၢ်ဘူၣ်ထီၣ်ဘါထီၣ်အဂီၢ်တက့ၢ်. အဝဲသ့ၣ်ကဘၣ်ဆှုၣ် အတၢ်ကူတၢ်သိးတဖၣ်လီၤ.