လံာ်ကွဲးနီၣ်တၢ်ခံဘ့ၣ်တဘ့ၣ် 5:1 - Sgaw Karen Common Bible

¹ တုၤစီၤပၤၡလိၤမိၤမၤဝံၤကယဲၢ်တၢ်မၤဘၣ်ဃးဒီးယွၤအတၢ်လုၢ် ဟံၣ်န့ၣ်, အဝဲဒၢနုာ်လီၤကယဲၢ်တၢ်တဖၣ်ခဲလၢာ်လၢအပၢ်စီၤဒၤဝံးပာ်စီ ဆှံတ့ၢ်အီၤဆူယွၤ, လၢအမ့ၢ်ဝဲ, စ့, ထူဒီးတၢ်ပီးတၢ်လီအဂၤတဖၣ်, ဆူယွၤအတၢ်လုၢ်ဟံၣ်အတၢ်ပာ်ဖှိၣ်အဒၢးတဖၣ်အပူၤန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 5:1 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 8:11

စီၤပၤဒၤဝံးပာ်စီဆှံတၢ်တဖၣ်န့ၣ်ဒ်သိးတၢ်ကသူအီၤလၢတၢ် ဘူၣ်တၢ်ဘါအပူၤ, ဃုာ်ဒီးထူဒီးစ့လၢအဝဲဟဲက့ၤစိာ်ဝဲလၢထံကီၢ်တဖၣ်လၢအဝဲ မၤနၢၤတ့ၢ်လံဝဲ,

လံာ်စီၤပၤအခီၣ်ထံးတဘ့ၣ် 7:39

အဝဲပာ်လီၤလ့ၣ်ယဲၢ်ဆိလၢယွၤအတၢ်လုၢ်ဟံၣ်အကလံၤထံးတကပၤ, ဒီးအဂၤယဲၢ်ဆိလၢကလံၤစိးတကပၤန့ၣ်လီၤ. ထံဒၢဖးဒိၣ်န့ၣ်, အဝဲပာ်လီၤဝဲလၢကလံၤထံးမုၢ်ထီၣ်တကပၤန့ၣ် လီၤ.

လံာ်စီၤပၤအခီၣ်ထံးတဘ့ၣ် 7:51

ကယဲၢ်တၢ်အပီးအလီခဲလၢာ်အံၤဘၣ်တၢ်မၤအီၤလၢထူန့ၣ်လီၤ. တုၤစီၤပၤၡလိၤမိၤမၤဝံၤကယဲၢ်တၢ်မၤလၢယွၤအတၢ်လုၢ်ဟံၣ် အဂီၢ်န့ၣ်, ကယဲၢ်တၢ်လၢအပၢ်စီၤဒၤဝံးလုၢ်ထီၣ်တ့ၢ်ဝဲဆူ ယွၤအအိၣ်လၢအမ့ၢ်စ့, ထူဒီးတၢ်ပီးတၢ်လီအဂၤတဖၣ်န့ၣ်, အဝဲဒၢနုာ်ဝဲဆူယွၤအတၢ်လုၢ်ဟံၣ်အတၢ်ပာ်ဖှိၣ်အဒၢးတဖၣ်အပူၤ န့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 18:11

စီၤပၤဒၤဝံးပာ်စီဆှံတၢ်သ့ၣ်တဖၣ်န့ၣ်လၢတၢ်ကသူအီၤလၢတၢ် ဘူၣ်တၢ်ဘါအပူၤအဂီၢ်ဃုာ်ဒီးကျိၣ်ဧိၤစ့ဧိၤ, ထူဧိၤလွဲဧိၤလၢအဟံးန့ၢ်တ့ၢ်ဝဲလၢပှၤကလုာ်လၢအမၤနၢၤကွံာ် ဝဲလၢအမ့ၢ်, ပှၤအဒိၣ်ဖိ, ပှၤမိၤအးဖိ, ပှၤဧၣ်မိၣ်ဖိ, ပှၤဖလ့ၡသးဖိဒီးပှၤဧမၤလ့းဖိတဖၣ်အအိၣ်န့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 22:14

လၢယွၤအတၢ်လုၢ်ဟံၣ်အဂီၢ်န့ၣ်, လၢယတၢ်ကျဲးစၢးဒၣ်ယဲ အဃိ, ယပာ်ဖှိၣ်ပာ်စၢၤထူအဃၢလီၤတယၢၢ်အါန့ၢ်ဒံးအကံကၢ် တကလီၢ်ဒီးစ့အဃၢလီၤတယၢၢ်အါန့ၢ်ဒံးအကံကၢ်တကကွဲၢ်လၢတၢ် ကသူအီၤလၢတၢ်ဘှီထီၣ်အဂီၢ်လီၤ. လၢတၢ်န့ၣ်အမဲာ်ညါ, တိၢ်ဘီဒီးထးလၢတၢ်စီၤအဃၢတသ့ဘၣ်, အိၣ်စ့ၢ်ကီးဝဲလီၤ. ယအိၣ်ကတဲာ်ကတီၤပာ်စ့ၢ်ကီးသ့ၣ်ဒီးလၢၢ်တဖၣ်, ဘၣ်ဆၣ်နကဘၣ်မၤန့ၢ်အါထီၣ်ဒီးအီၤန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 4:22

နီၣ်တံာ်လၢကမၤကဆှီမ့ၣ်အူအဆၣ်တဖၣ်, သလၢတဖၣ်, ခွးလၢတၢ်နၢမူအဂီၢ်တဖၣ်, ဒီးသပၢၤဘံၣ်သလၣ်တဖၣ်လၢတၢ်ကစိာ် မ့ၣ်အူအ့ၣ်တဖၣ်န့ၣ်လီၤ. တၢ်တဖၣ်ခဲလၢာ်အံၤဘၣ်တၢ်မၤအီၤလၢထူစီန့ၣ်လီၤ. ယွၤအတၢ်လုၢ်ဟံၣ်အတြဲၤလၢတၢ်ချၢတဖၣ်ဒီးတြဲၤလၢတၢ်လဲၤနုာ် ဆူတၢ်လီၢ်စီဆှံကတၢၢ်တဖၣ်န့ၣ်, ဘၣ်တၢ်ကျးဘၢအီၤလၢထူန့ၣ်လီၤ.