လံာ်ကွဲးနီၣ်တၢ်ခံဘ့ၣ်တဘ့ၣ် 4:21 - Sgaw Karen Common Bible

²¹ တၢ်မၤဃံမၤလၤလၢဖီတဖၣ်, မ့ၣ်အူဒၢတဖၣ်, ဒီးနီၣ်တံာ်လၢကမၤပံာ်မ့ၣ်အူတဖၣ်,

လံာ်ကွဲးနီၣ်တၢ်ခံဘ့ၣ်တဘ့ၣ် 4:21 Iomraidhean Croise

လံာ်စီၤပၤအခီၣ်ထံးတဘ့ၣ် 6:18

သ့ၣ်ဆှိအ့ရ့းအသ့ၣ်ဘၣ်တဖၣ်ဘၣ်တၢ်ကယၢကယဲအီၤဒီးထံလူၤသၣ် တဖၣ်ဒီးဖီတဖၣ်လၢတၢ်စိးပျၤန့ၢ်အီၤလီၤ. တၢ်ဒူၣ်အအိပူၤတကပၤအံၤဘၣ်တၢ်ကးဘၢအီၤဒီးသ့ၣ်ဆှိအ့ရ့းဒ် သိးလၢၢ်လၢတၢ်ဒူၣ်တဖၣ်အလိၤအသုတဘၣ်တၢ်ထံၣ်အီၤတဂ့ၤအဂီၢ်န့ၣ်လီၤ.

လံာ်စီၤပၤအခီၣ်ထံးတဘ့ၣ် 6:29

ဒၢးဖးဒိၣ်ဒီးဒၢးလၢတၢ်သးကံၢ်ပူၤကတၢၢ်အတၢ်ဒူၣ်တဖၣ်ဘၣ်တၢ် ကယၢကယဲအီၤခဲလၢာ်လၢခ့ရူာ်တဖၣ်, သ့ၣ်စူၣ်ပလူၣ်တဖၣ်ဒီးဖီတဖၣ်အဂီၤလၢတၢ်စိးပျၤအီၤန့ၣ်လီၤ.

လံာ်စီၤပၤအခီၣ်ထံးတဘ့ၣ် 6:35

ဒီးဘၣ်တၢ်ကယၢကယဲအီၤလၢခ့ရူာ်တဖၣ်, သ့ၣ်စူၣ်ပလူၣ်တဖၣ်ဒီးဖီတဖၣ် အဂီၤလၢတၢ်စိးပျၤအီၤဒီးဘၣ်တၢ်ကးဘၢအီၤလၢထူဖိးလိာ်ဖိး ဒ့န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 4:20

တၢ်ပာ်ထီၣ်မ့ၣ်အူဒၢအလီၢ်တဖၣ်ဒီးမ့ၣ်အူဒၢထူစီတဖၣ်လၢကဘၣ် တၢ်ဒွဲၣ်ကပီၤထီၣ်အီၤလၢတၢ်လီၢ်စီဆှံကတၢၢ်အမဲာ်ညါဒ်တၢ်တိာ် ပာ်အိၣ်ဝဲအသိး,

လံာ်ကွဲးနီၣ်တၢ်ခံဘ့ၣ်တဘ့ၣ် 4:22

နီၣ်တံာ်လၢကမၤကဆှီမ့ၣ်အူအဆၣ်တဖၣ်, သလၢတဖၣ်, ခွးလၢတၢ်နၢမူအဂီၢ်တဖၣ်, ဒီးသပၢၤဘံၣ်သလၣ်တဖၣ်လၢတၢ်ကစိာ် မ့ၣ်အူအ့ၣ်တဖၣ်န့ၣ်လီၤ. တၢ်တဖၣ်ခဲလၢာ်အံၤဘၣ်တၢ်မၤအီၤလၢထူစီန့ၣ်လီၤ. ယွၤအတၢ်လုၢ်ဟံၣ်အတြဲၤလၢတၢ်ချၢတဖၣ်ဒီးတြဲၤလၢတၢ်လဲၤနုာ် ဆူတၢ်လီၢ်စီဆှံကတၢၢ်တဖၣ်န့ၣ်, ဘၣ်တၢ်ကျးဘၢအီၤလၢထူန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 4:5

ထံဒၢဖးဒိၣ်န့ၣ်တီၣ်ဝဲသၢစုမုၢ်ဒိၣ်လီၤ. အခိၣ်ဒူအကနုၤမၤအသးဒ်သလၢတဖျၢၣ်အခိၣ်ဒူအသိး, လီၤဂာ်ဒ်ဖီတဖီးအကဘျံးတဖၣ်အတၢ်သလၣ်ထီၣ်အသးအသိးန့ၣ်လီၤ. ထံဒၢဖးဒိၣ်န့ၣ်တြီၢ်ဝဲအဘၤသးသၢကထိန့ၣ်လီၤ.

လံာ်တၢ်ဟးထီၣ်ကွံာ် 37:20

တၢ်ပာ်မ့ၣ်အူဒၢအလီၢ်အဘိန့ၣ်အိၣ်ဒီးအဖီလၢတၢ်ကယၢကယဲအီၤ လွံၢ်ဖိးလီၤဂာ်ဒီးၡၤကးသၣ်ဖီထီၣ်ဖးထီၣ်ဃုာ်ဒီးအဘိၣ်ဒီးအဖီကဘျံးတဖၣ်န့ၣ်လီၤ.