လံာ်ကွဲးနီၣ်တၢ်ခံဘ့ၣ်တဘ့ၣ် 4:1 - Sgaw Karen Common Bible

¹ စီၤပၤၡလိၤမိၤမၢပှၤမၤထီၣ်တၢ်လုၢ်လီၢ်တိၢ်ဘီတခါလၢအထီ အိၣ်ဝဲအပျၢ်ခံဆံ, အဒီၣ်ဃီၤအိၣ်ဝဲအပျၢ်ခံဆံဒီးအကစီၤထီၣ် အိၣ်ဝဲဆံဆဲၣ်ပျၢ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 4:1 Iomraidhean Croise

လံာ်စီၤပၤအခီၣ်ထံးတဘ့ၣ် 8:22

ဒီးလၢပှၤဂီၢ်မုၢ်အမဲာ်ညါန့ၣ်, စီၤၡလိၤမိၤလဲၤဂဲၤဆၢထၢၣ် လၢတၢ်လုၢ်လီၢ်အမဲာ်ညါ, ဒီးယူာ်ထီၣ်အစု, ဒီးဘါထုကဖၣ်တၢ်စံးဝဲ,

လံာ်စီၤပၤအခီၣ်ထံးတဘ့ၣ် 8:64

ဖဲမုၢ်တနံၤဃီအံၤန့ၣ်, အဝဲပာ်စီဆှံထီၣ်စ့ၢ်ကီးတၢ်လီၢ်လၢ ဂၢၤအခၢၣ်သးတတီၤ, တၢ်လီၢ်လၢအအိၣ်ဖဲယွၤအတၢ်လုၢ်ဟံၣ်အမဲာ်ညါ, ဝံၤဒီးဖဲန့ၣ်အဝဲလုၢ်ထီၣ်တၢ်လုၢ်တဖၣ်လၢတၢ်ဆူးကဲၤအီၤဒီတဒု, တၢ်လုၢ်ဘုဧိၤဟုဧိၤတဖၣ်ဒီးဆၣ်ဖိကီၢ်ဖိတဖၣ်အသိလၢတၢ် လုၢ်မၤဃူမၤဖိးအဂီၢ်န့ၣ်လီၤ. အဝဲမၤဝဲဒ်အံၤမ့ၢ်လၢတိၢ်ဘီတၢ်လုၢ်လီၢ်န့ၣ်ဆံးကဲာ်ဆိးလၢ တၢ်လုၢ်တဖၣ်အံၤခဲလၢာ်အဂီၢ်အဃိန့ၣ်လီၤ.

လံာ်စီၤပၤအခီၣ်ထံးတဘ့ၣ် 9:25

စီၤၡလိၤမိၤလုၢ်ထီၣ်ပာ်ထီၣ်တၢ်လုၢ်မ့ၣ်အူတဖၣ်ဒီးတၢ်လုၢ်မၤ ဃူမၤဖိးတဖၣ်လၢတၢ်လုၢ်လီၢ်လၢအဝဲဘှီထီၣ်တ့ၢ်ဝဲလၢယွၤ အဂီၢ်အဖီခိၣ်တနံၣ်သၢဘျီန့ၣ်လီၤ. အဝဲဆူးကဲၤထီၣ်စ့ၢ်ကီးတၢ်လုၢ်နၢမူဆူယွၤအအိၣ်န့ၣ်လီၤ. ဒီးလၢတၢ်န့ၣ်အဃိအဝဲမၤဝံၤတၢ်သူၣ်ထီၣ်ယွၤအတၢ်လုၢ်ဟံၣ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 1:5

တၢ်လုၢ်လီၢ်တိၢ်ဘီလၢအဘၣ်တၢ်မၤအီၤလၢစီၤဃူၢ်အလံၤခွါ, စီၤအူရံၤအဖိခွါစီၤဘစၤလအ့လးန့ၣ်အိၣ်စ့ၢ်ကီးဝဲလၢယွၤ အဒဲစီဆှံလၢယွၤအိၣ်ဝဲ, အမဲာ်ညါ, လၢဝ့ၢ်ကံးဘိၣ်အပူၤန့ၣ်လီၤ. စီၤပၤၡလိၤမိၤဒီးကယဲၢ်ပှၤဂီၢ်မုၢ်ခဲလၢာ်ဘူၣ်ထီၣ်ဘါထီၣ် ယွၤဖဲန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 15:8

တုၤစီၤပၤအၤစါနၢ်ဟူဝံအတၢ်စံးပာ်လၢစီၤဧိၤဒ့းအဖိခွါ စီၤဧစၤရယၤစံးဝဲန့ၣ်, အဝဲအဂံၢ်အဘါဘၣ်တၢ်ဒုးဆူၣ်ထီၣ်အီၤန့ၣ်လီၤ. အဝဲသုးကွံာ်ကယဲၢ်တၢ်ဂီၤတၢ်ဖီၣ်တဖၣ်လၢယူဒၤဒီးဘံၣ်ယၤမံၣ် အကီၢ်ပူၤ, ဒီးကယဲၢ်တၢ်ဂီၤတၢ်ဖီၣ်ခဲလၢာ်လၢဝ့ၢ်တဖၣ်လၢအဝဲမၤန့ၢ်တ့ၢ် ဝဲ, လၢအ့ဖရဲၣ်အကစၢၢ်ကလိတဖၣ်အလိၤန့ၣ်လီၤ. အဝဲဘှီဂ့ၤထီၣ်က့ၤစ့ၢ်ကီးယွၤအတၢ်လုၢ် လီၢ်လၢအအိၣ်ဆၢထၢၣ်ဖဲယွၤအတၢ်လုၢ်ဟံၣ်အဂၢၤပူၤန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 29:18

ပှၤလ့ၤဝံဖိတဖၣ်ဟ့ၣ်ထီၣ်က့ၤတၢ်ပာ်ဖျါဒ်လၢလာ်အံၤဆူစီၤပၤ ဃံးစကံယၤအအိၣ်န့ၣ်လီၤ. “ပမၤကဆှီထီၣ်က့ၤယွၤအတၢ်လုၢ်ဟံၣ်ဒီတဖျၢၣ်ညါဒ်တၢ်အလုၢ်အလၢ် အိၣ်ဝဲအသိးဝံၤလံဝဲ, ဃုာ်ဒီးတၢ်လုၢ်လီၢ်လၢတၢ်လုၢ်မ့ၣ်အူတဖၣ်အဂီၢ်, စီၢ်နီၤခိၣ်လၢတၢ်ပာ်ကိၣ်စီဆှံအဂီၢ်ဒီးကယဲၢ်တၢ်အဃၢၤအဃိၢ် ခဲလၢာ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 7:7

စီၤၡလိၤမိၤပာ်စီဆှံထီၣ်ဝဲဂၢၤအတၢ်လီၢ်လၢတၢ်ခၢၣ်သးက တၢၢ်, တၢ်လီၢ်ကဝီၤလၢအအိၣ်ဝဲဖဲယွၤအတၢ်လုၢ်ဟံၣ်အမဲာ်ညါ, အဝဲလုၢ်ထီၣ်တၢ်လုၢ်တၢ်ပာ်တဖၣ်လၢအမ့ၢ်, တၢ်လုၢ်ဆူးကဲၤဒီတဒုညါ, တၢ်လုၢ်ဘုဧိၤဟုဧိၤတဖၣ်ဒီးတၢ်အသိတဖၣ်လၢတၢ်လုၢ်မၤဃူမၤဖိး အပူၤန့ၣ်လီၤ. အဝဲမၤတ့ၢ်တၢ်အံၤမ့ၢ်လၢတၢ်လုၢ်လီၢ်တိၢ်ဘီလၢ အဝဲဘှီထီၣ်တ့ၢ်ဝဲန့ၣ်, ဆံးကဲာ်ဆိးလၢတၢ်လုၢ်တၢ်ပာ်ခဲလၢာ်အံၤအဂီၢ် အဃိန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 8:12

စီၤၡလိၤမိၤလုၢ်ထီၣ်ပာ်ထီၣ်ဝဲတၢ်လုၢ်တၢ်ပာ်တဖၣ်ဆူယွၤအအိၣ် လၢတၢ်လုၢ်လီၢ်လၢအသူၣ်ထီၣ်ဝဲအဖီခိၣ်, ဖဲတၢ်လုၢ်ဟံၣ်အမဲာ်ညါန့ၣ်လီၤ.