ဒ်ယွၤအတၢ်မၤလိာ်အသိးဝံန့ၣ်ကိးထီၣ်တၢ်စံၣ်ညီၣ်အတၢ်ကတိၤထီ ဒါတၢ်လုၢ်လီၢ်, “တၢ်လုၢ်လီၢ်ဧၢ, တၢ်လုၢ်လီၢ်ဧၢ, အအံၤမ့ၢ်တၢ်လၢယွၤစံးဝဲဒၣ်န့ၣ်လီၤ. ဖိသၣ်တဂၤလၢအမံၤ ကမ့ၢ်စီၤယိၤၡံယၤကအိၣ်ဖျဲၣ်ထီၣ်လၢစီၤဒၤဝံးအဒူၣ်ဖိထၢဖိအပူၤန့ၣ်လီၤ. ပှၤလုၢ်တၢ်အခိၣ်တဖၣ်လၢအလုၢ်ထီၣ်ပာ်ထီၣ်တၢ်အံၤ, လၢအမ့ၢ်ပှၤမၤတၢ်လၢတၢ်ဂီၤတၢ်ဖီၣ်အတၢ်လုၢ်လီၢ်န့ၣ်, အဝဲကမၤသံကွံာ်အီၤလၢနလိၤဒီးအဝဲကဆိၣ်ကဲၤထီၣ်ပှၤကညီ အဃံတဖၣ်လၢနဖီခိၣ်လီၤ.”
လံာ်ကွဲးနီၣ်တၢ်ခံဘ့ၣ်တဘ့ၣ် 34:3 - Sgaw Karen Common Bible3 ဖဲစီၤယိၤၡံယၤကဲထီၣ်စီၤပၤဃိးနံၣ်တနံၣ်အပူၤ, ဖဲအသးစၢ်ဒံးဒိၣ်မးအခါန့ၣ်, အဝဲစးထီၣ်ဘူၣ်ထီၣ်ဘါထီၣ်အပၢ်ဖးဒိၣ်စီၤဒၤဝံး အကစၢ်ယွၤန့ၣ်လီၤ. လွံၢ်နံၣ်ပူၤကွံာ်ဝံၤအလီၢ်ခံ, အဝဲစးထီၣ်မၤဟးဂီၤကွံာ်ပှၤတစူၢ်တနာ်ယွၤအတၢ်ဘူၣ်ထီၣ် ဘါထီၣ်တၢ်ဂီၤတၢ်ဖီၣ်အလီၢ်တဖၣ်, ကစၢ်မုၣ်အၡ့ရၤအတၢ်ပနီၣ်တဖၣ်ဒီးကယဲၢ်တၢ်ဂီၤတၢ်ဖီၣ်အဂၤတဖၣ် ခဲလၢာ်န့ၣ်လီၤ. Faic an caibideil |
လံာ်ကွဲးနီၣ်တၢ်ခံဘ့ၣ်တဘ့ၣ် 34:3
26 Iomraidhean Croise
အဝဲမၤဟးဂီၤကွံာ်ပှၤတစူၢ်တနာ်ယွၤအတၢ်ဘူၣ်ထီၣ်ဘါထီၣ်ယွၤ အလီၢ်တဖၣ်, မၤကၢ်လီၤကွံာ်လၢၢ်ထူၣ်တဖၣ်ဒီးကူာ်လီၤကွံာ်ကစၢ်မုၣ်အၡ့ရၤ အဂီၤန့ၣ်လီၤ. အဝဲမၤကၢ်လီၤကလဲကွံာ်စ့ၢ်ကီးဂုၢ်တိၢ်ဘီလၢစီၤမိၤၡ့မၤ န့ၢ်ဝဲလၢအဘၣ်တၢ်ကိးအီၤလၢနဃူၡတၣ်န့ၣ်လီၤ. လၢတၢ်မၤလၤကပီၤဂုၢ်တိၢ်ဘီန့ၣ်အဂီၢ်ကီၢ်အံၣ်စရ့လးအပှၤဂီၢ် မုၢ်ဆိၣ်ကဲၤထီၣ်တၢ်နၢမူတုၤလီၤလၢဆၢကတီၢ်အဝဲန့ၣ်လီၤ.
ဝံၤဒီး, စီၤယိၤၡံယၤဟ့ၣ်လီၤအကလုၢ်ဆူပှၤလုၢ်တၢ်အခိၣ်အဒိၣ် ကတၢၢ်စီၤဃံးလကံယၤ, အဝဲအပှၤလုၢ်တၢ်အခိၣ်စၢၤတဖၣ်, ဒီးပှၤခိးတၢ်အိၣ်မူအိၣ်ဒါဖဲယွၤအတၢ်လုၢ်ဟံၣ်အကျဲစၢၤတဖၣ်လၢ အကဟဲစိာ်ထီၣ်ကယဲၢ်တၢ်ပီးတၢ်လီခဲလၢာ်လၢအဘၣ်တၢ်သူ အီၤလၢတၢ်ဘူၣ်ထီၣ်ဘါထီၣ်ဘဧၤလးအဂီၢ်, ကစၢ်မုၣ်အၡ့ရၤအဂီၢ်ဒီးဆၣ်ဧိၤဖီဧိၤအဂီၢ်, ဆူယွၤအတၢ်လုၢ်ဟံၣ်အချၢန့ၣ်လီၤ. စီၤပၤဒွဲၣ်အူထီၣ်ကွံာ်တၢ်သ့ၣ်တဖၣ်အံၤခဲလၢာ်လၢဝ့ၢ်အချၢ ဘူးဒီးကံဒြိၣ်အတၢ်တြီၤပူၤ, ဝံၤဒီးမၢပှၤစိာ်ထီၣ်ကွံာ်အချါတဖၣ်ဆူဝ့ၢ်ဘ့ၤသ့လးန့ၣ်လီၤ.
စီၤဒၤဝံးဆိကမိၣ်ထီၣ်ဝဲ, “တၢ်လုၢ်ဟံၣ်လၢယဖိခွါစီၤၡလိၤမိၤကသူၣ်ထီၣ်န့ၣ်, ကဘၣ်လီၤဘီလီၤမုၢ်ဒီးမံၤဟူသၣ်ဖျါလၢဟီၣ်ခိၣ်ဒီဘ့ၣ်ညါလီၤ. ဘၣ်ဆၣ်အဝဲအသးစၢ်ဒံး, ဒီးအတၢ်လဲၤခီဖျိ စှၤဒံးမးန့ၣ်လီၤ. လၢတၢ်န့ၣ်အဃိ, ယကဘၣ်ကတဲာ်ကတီၤဆိတၢ် တဖၣ်လၢတၢ်န့ၣ်အဂီၢ်လီၤ.” သတးဒီးတချုးလၢအဝဲသံဒံးဘၣ်န့ၣ်, စီၤဒၤဝံးကတဲာ်ကတီၤပာ်စၢၤတၢ်ပီးတၢ်လီအါအါဂီၢ်ဂီၢ်န့ၣ်လီၤ.
ဒီးအဝဲစံးဘၣ်ဝဲစီၤၡလိၤမိၤ, “ယဖိခွါဧၢ, ယသိၣ်လိမၤလိာ်နၤလၢနကသ့ၣ်ညါနပၢ်အကစၢ်ယွၤဒီးနကမၤအတၢ်မၤ လၢနသးဒီဖျၢၣ်ညါဒီးလၢတၢ်သူၣ်အိၣ်သးအိၣ်အပူၤန့ၣ်လီၤ. အဝဲသ့ၣ်ညါပတၢ်ဆိကမိၣ်တဖၣ်ခဲလၢာ်ဒီးပတၢ်မိၣ်န့ၢ်သးလီ တဖၣ်ခဲလၢာ်န့ၣ်လီၤ. နမ့ၢ်လဲၤဆူအအိၣ်ဒီးအဝဲကတူၢ်လိာ်နၤ, ဘၣ်ဆၣ်နမ့ၢ်ဃၣ်ကွံာ်နသးလၢအီၤဒီးအဝဲကကွံာ်တ့ၢ်ကွံာ်နၤလီၤ စိၤလီၤထီန့ၣ်လီၤ.
စီၤပၤဒၤဝံးဘိးဘၣ်သ့ၣ်ညါပှၤလၢအဟဲပာ်ဖှိၣ်အသးခဲလၢာ်, “ယဖိခွါစီၤၡလိၤမိၤ, မ့ၢ်ပှၤတဂၤလၢကစၢ်ယွၤဃုထၢတ့ၢ်ဝဲ, ဘၣ်ဆၣ်အဝဲအသးစၢ်ဒံး, ဒီးအတၢ်လဲၤခီဖျိစှၤဒံးဝဲန့ၣ်လီၤ. တၢ်မၤလၢတၢ်ကဘၣ်မၤအီၤန့ၣ်, မ့ၢ်တၢ်မၤလီၤဘီလီၤမုၢ်, မ့ၢ်လၢတၢ်အံၤတမ့ၢ်ဘၣ်နီတဖျၢၣ်လၢပှၤကညီအဂီၢ်ဘၣ်. မ့မ့ၢ်, မ့ၢ်တၢ်လုၢ်ဟံၣ်တဖျၢၣ်လၢယွၤ, ကစၢ်ယွၤအဂီၢ်အဃိန့ၣ်လီၤ.
Sanasan