လံာ်ကွဲးနီၣ်တၢ်ခံဘ့ၣ်တဘ့ၣ် 34:2 - Sgaw Karen Common Bible

² အဝဲမၤတ့ၢ်တၢ်လၢအဘၣ်ယွၤအသး, အဝဲလူၤပိာ်ထွဲအပၢ်ဖးဒိၣ်လၢ ပျၢၤစီၤဒၤဝံးအဒိအတဲာ်အခံ, ဒီးစူၢ်ကယဲၢ်ကစၢ်ယွၤအတၢ်သိၣ်တၢ်သီတဖၣ်လီၤတံၢ်လီၤဆဲးန့ၣ် လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 34:2 Iomraidhean Croise

လံာ်စီၤပၤအခီၣ်ထံးတဘ့ၣ် 14:8

ယဟံးထီၣ်ကွံာ်ဘီမုၢ်လၢစီၤဒၤဝံးအစၢၤအသွဲၣ်တဖၣ်အအိၣ်ဒီး ဟ့ၣ်လီၤတ့ၢ်နၤလီၤ. ဘၣ်ဆၣ်နတလီၤဂာ်ဘၣ်ဒီးယခ့ယပှၤစီၤဒၤဝံးန့ၣ်ဘၣ်. အဝဲမ့ၢ်ပှၤလၢအတီဒီးယၤလၢလၢပှဲၤပှဲၤ, စူၢ်ယတၢ်မၤလိာ်တဖၣ်ဒီးမၤတၢ်လၢယဘၣ်သူၣ်ဘၣ်သးန့ၣ်လီၤ.

လံာ်စီၤပၤအခီၣ်ထံးတဘ့ၣ် 15:5

ယွၤမၤတ့ၢ်တၢ်အံၤမ့ၢ်လၢစီၤဒၤဝံးမၤတ့ၢ်တၢ်လၢအမၤမုာ်ယွၤ အသးဒီးစူၢ်အဝဲအတၢ်မၤလိာ်တဖၣ်ထီဘိ, မ့တမ့ၢ်ဘၣ်ထဲလၢတၢ်ဂ့ၢ်တမံၤလၢအဘၣ်ထွဲဒီးပှၤဃ့ၤသးဖိစီၤ အူၤရံယၤဘၣ်န့ၣ်လီၤ.

လံာ်စီၤပၤခံဘ့ၣ်တဘ့ၣ် 22:2

စီၤယိၤၡံယၤမၤတ့ၢ်တၢ်လၢအဘၣ်ယွၤအသးန့ၣ်လီၤ. အဝဲပိာ်ထွဲအပၢ်ဖးဒိၣ်လၢပျၢၤစီၤပၤစီၤဒၤဝံးအဒိအတဲာ် အခံဒီးစူၢ်ကယဲၢ်ကစၢ်ယွၤအတၢ်ဘူၣ်တၢ်ဘါအတၢ်သိၣ်တၢ်သီတဖၣ်, ဃံးဃံးန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 14:2

စီၤအၤစါမၤမုာ်တ့ၢ်ယွၤ, အကစၢ်ယွၤအသးခီဖျိမၤတၢ်လၢအဘၣ် ဒီးဂ့ၤဝဲအဃိန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 17:3

ယွၤဆိၣ်ဂ့ၤတ့ၢ်စီၤယဟိၡၤဖးမ့ၢ်လၢအပိာ်ထွဲအပၢ်အတၢ်အိၣ်မူ အိၣ်ဂဲၤအခီၣ်ထံးတပတီၢ်အဒိအတဲာ်ဒီးတဘူၣ်ထီၣ်ဘါထီၣ်ဘၣ်ဘဧၤ လးအဃိန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 17:4

အဝဲမၤတ့ၢ်အပၢ်အကစၢ်ယွၤအတၢ်မၤ, စူၢ်ကစၢ်ယွၤအတၢ်မၤလိာ်တဖၣ် ဒီးတမၤဘၣ်ဝဲဒ်ကီၢ်အံၣ်စရ့လးအစီၤပၤတဖၣ်မၤတ့ၢ်ဝဲအသိးန့ၣ်ဘၣ်.

လံာ်ကွဲးနီၣ်တၢ်ခံဘ့ၣ်တဘ့ၣ် 29:2

ပိာ်ထွဲထီၣ်အဝဲအပၢ်ဖးဒိၣ်လၢပျၢၤစီၤပၤစီၤဒၤဝံးအဒိ အတဲာ်အခံန့ၣ်, အဝဲမၤတ့ၢ်တၢ်လၢအဘၣ်ယွၤအသးန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 34:3

ဖဲစီၤယိၤၡံယၤကဲထီၣ်စီၤပၤဃိးနံၣ်တနံၣ်အပူၤ, ဖဲအသးစၢ်ဒံးဒိၣ်မးအခါန့ၣ်, အဝဲစးထီၣ်ဘူၣ်ထီၣ်ဘါထီၣ်အပၢ်ဖးဒိၣ်စီၤဒၤဝံး အကစၢ်ယွၤန့ၣ်လီၤ. လွံၢ်နံၣ်ပူၤကွံာ်ဝံၤအလီၢ်ခံ, အဝဲစးထီၣ်မၤဟးဂီၤကွံာ်ပှၤတစူၢ်တနာ်ယွၤအတၢ်ဘူၣ်ထီၣ် ဘါထီၣ်တၢ်ဂီၤတၢ်ဖီၣ်အလီၢ်တဖၣ်, ကစၢ်မုၣ်အၡ့ရၤအတၢ်ပနီၣ်တဖၣ်ဒီးကယဲၢ်တၢ်ဂီၤတၢ်ဖီၣ်အဂၤတဖၣ် ခဲလၢာ်န့ၣ်လီၤ.

တၢ်ကတိၤဒိ. 4:27

ဟးဆှဲးတၢ်အၢတၢ်သီဒီးလဲၤတၢ်ဆူညါလိၤလိၤတက့ၢ်. သုးကွံာ်နခီၣ်ခါတကါဒၣ်လဲာ်လၢကျဲအဘၣ်တဂ့ၤ.

လံာ်သိၣ်လီၤသီလီၤတၢ် 17:11

တူၢ်လိာ်အဝဲသ့ၣ်အတၢ်စံၣ်ညီၣ်ဒီးပိာ်ထွဲ အဝဲသ့ၣ်အတၢ်သိၣ်လိနဲၣ်ယုၤကိးမံၤဒဲးလီၤတံၢ်လီၤဆဲးတက့ၢ်.

လံာ်သိၣ်လီၤသီလီၤတၢ် 17:20

တၢ်အံၤကပၢၤအီၤဒ်သိးသုတဆိကမိၣ်လီၤအသးလၢအဂ့ၤန့ၢ်ဒံးပှၤ အံၣ်စရ့လးဖိကဒဲကဒဲဒီးအီၤတဂ့ၤဒီးကပၢၤအီၤလၢအသု တလဲၤသဒၣ်ယွၤအတၢ်မၤလိာ်တဖၣ်လၢကျဲနီတဘိတဂ့ၤအဂီၢ်န့ၣ်လီၤ. အန့ၣ်ဒီးအဝဲကပၢတၢ်လၢအါနံၣ်အါလါအတီၢ်ပူၤဒီးအဝဲအစၢၤ အသွဲၣ်တဖၣ်ကပၢဘၣ်ကီၢ်အံၣ်စရ့လးအါစိၤန့ၣ်လီၤ.

လံာ်သိၣ်လီၤသီလီၤတၢ် 28:14

ဘၣ်ဆၣ်သုတဘၣ်လဲၤကပာ်ကွံာ်အီၤလၢကျဲနီတဘိမ့ၢ်ဂ့ၤ, ဘူၣ်ထီၣ်ဘါထီၣ်ဒီးမၤကစၢ်အဂၤတဖၣ်အတၢ်မ့ၢ်ဂ့ၤ, နီတစုဘၣ်.

လံာ်သိၣ်လီၤသီလီၤတၢ် 5:32

ကီၢ်အံၣ်စရ့လးအပှၤဂီၢ်မုၢ်ဧၢ, မၤတၢ်ကိးမံၤလၢယွၤ, သုကစၢ်ယွၤမၤလိာ်တ့ၢ်သုသပှၢ်ကတၢၢ်တက့ၢ်. စူၢ်အဝဲအတၢ်ဘူၣ်တၢ်ဘါအတၢ်သိၣ်တၢ်သီတမံၤလၢ်လၢ်တက့ၢ်.

လံာ်စီၤယိၤၡူ 1:7

ထဲပာ်ဆူၣ်နသးဒီးအိၣ်ဒီးတၢ်သးဒူတက့ၢ်. ဒီးမၤလီၤတံၢ်နသးလၢနစူၢ်တၢ်သိၣ်တၢ်သီခဲလၢာ်လၢယခ့ယပှၤစီၤမိၤၡ့ ဟ့ၣ်လီၤနၤန့ၣ်တက့ၢ်. ဆူစုထွဲမ့ၢ်ဂ့ၤ, စုစ့ၣ်မ့ၢ်ဂ့ၤတဘၣ်ဃၣ်ကပၤကွံာ်နသးလၢအီၤ တဂ့ၤ. ဒီးဖဲနလဲၤတၢ်တပူၤလၢ်လၢ်န့ၣ်နကဘီၣ်ထီၣ်ညီထီၣ်လီၤ.

လံာ်စီၤယိၤၡူ 23:6

လၢတၢ်န့ၣ်အဃိဒီး, အိၣ်ဂၢၢ်ကျၢၤလၢသုကဟံးဃာ်ဒီး မၤကယဲၢ်တၢ်ကွဲးအသးလၢစီၤမိၤၡ့အလံာ်တၢ်သိၣ်တၢ်သီအပူၤ, ဒီးဆူစုထွဲမ့ၢ်ဂ့ၤ, စုစ့ၣ်မ့ၢ်ဂ့ၤသုသုတဃၣ်ကွံာ်သုသးတဂ့ၤ.