လံာ်ကွဲးနီၣ်တၢ်ခံဘ့ၣ်တဘ့ၣ် 32:4 - Sgaw Karen Common Bible

⁴ ပဒိၣ်ပပှၢ်တဖၣ်မၢပှၤဂီၢ်မုၢ်အါဂၤဟးထီၣ်ဆူဝ့ၢ်အချၢဒီးဆွံ တံာ်ကယဲၢ်ထံထီၣ်ပၢၢ်တဖၣ်ဒ်သိးထံသုတဟဲယွၤထီၣ်လၢအပူၤတဂ့ၤ အဂီၢ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 32:4 Iomraidhean Croise

လံာ်စီၤပၤအခီၣ်ထံးတဘ့ၣ် 19:21

အန့ၣ်ဝံၤဒီး, စီၤအလံၤၡါလဲၤဆူအဂီၤဖံးဖါတဖုအအိၣ်, မၤသံကွံာ်ဝဲဒီးဖီထီၣ်တၢ်ညၣ်, သူနီၣ်ယိးဘိဒ်သ့ၣ်မုၣ်အသိး လၢမ့ၣ်အူအဂီၢ်န့ၣ်လီၤ. အဝဲဒုးအီၣ်ပှၤဂီၢ်မုၢ်လၢတၢ်ညၣ်ဒီးအဝဲသ့ၣ်အီၣ်ဝဲလီၤ. ဝံၤဒီးအဝဲလဲၤဒီးပိာ်ထီၣ်စီၤအ့ၤလံယၤအခံဒ်အဝဲအပှၤမၤ စၢၤအီၤအသိးန့ၣ်လီၤ.

လံာ်စီၤပၤအခီၣ်ထံးတဘ့ၣ် 3:9

လၢတၢ်န့ၣ်အဃိဟ့ၣ်လီၤယၤတၢ်ကူၣ်သ့လၢယလိၣ်ဘၣ်အီၤဒ်သိး ယကပၢနပှၤဂီၢ်မုၢ်လၢတၢ်စံၣ်ညီၣ်တီအပူၤဒီးယကသ့ၣ်ညါနီၤဖးတၢ်ဂ့ၤ ဒီးတၢ်အၢအဆၢန့ၣ်တက့ၢ်. မ့တမ့ၢ်ဘၣ်ဒ်န့ၣ်ဒီးယပၢနပှၤဂီၢ်မုၢ်ဖးဒိၣ်အံၤကသ့ဝဲတစုစုဒ်လဲၣ်.”

လံာ်စီၤပၤခံဘ့ၣ်တဘ့ၣ် 18:13

လၢစီၤပၤစီၤဃံးစကံယၤပၢတၢ်တဆံလွံၢ်နံၣ်တနံၣ်အပူၤန့ၣ်, ကီၢ်အၤၡူၢ်အစီၤပၤဖးဒိၣ်စၤနဃ့ရံာ်, ဟဲဒုးကီၢ်ယူဒၤအဝ့ၢ် တဖၣ်လၢအအိၣ်ဒီးတိာ်ဧိၤတာ်ဧိၤဒီးမၤနၢၤဝဲန့ၣ်လီၤ.

လံာ်စီၤပၤခံဘ့ၣ်တဘ့ၣ် 18:9

လၢစီၤဃံးစကံယၤပၢတၢ်လွံၢ်နံၣ်တနံၣ်အပူၤ, လၢအမ့ၢ်ဝဲတၢ်ဆၢကတီၢ်ဖဲစီၤပၤဟိၤၡ့ပၢတၢ်လၢကီၢ်အံၣ်စရ့ လးနွံနံၣ်တနံၣ်အပူၤန့ၣ်, ကီၢ်အၤၡူၢ်အစီၤပၤဖးဒိၣ်ၡၤလမၤန့စ့ၢ်ဟဲနုာ်လီၤဒုးကီၢ် အံၣ်စရ့လးဒီးကဝီၤဃာ်ၡၤမရံန့ၣ်လီၤ.

လံာ်စီၤပၤခံဘ့ၣ်တဘ့ၣ် 19:17

ယွၤဧၢ, ပဝဲခဲလၢာ်ပသ့ၣ်ညါလၢကီၢ်အၤရူၢ်အစီၤပၤဖးဒိၣ်တဖၣ် မၤဟးဂီၤကွံာ်တ့ၢ်ပှၤကလုာ်တဖၣ်ဒီးဒုးကဲထီၣ်အထံအကီၢ်တဖၣ် လၢတၢ်အိၣ်သယုၢ်အလီၢ်,

လံာ်စီၤပၤခံဘ့ၣ်တဘ့ၣ် 20:20

ကယဲၢ်တၢ်အဂၤလၢစီၤပၤဃံးစကံယၤမၤတ့ၢ်ဝဲ, အဝဲအတၢ်မၤအဒူအဃိၤတဖၣ်, ဒီးတၢ်ကွဲးနီၣ်ဘၣ်ဃးဒီးအဝဲဘှီ ထီၣ်ကမါပဒၢးထံတဖျၢၣ်ဒီးအတၢ်ခူၣ်ထံကျိၤတကျိၤလၢကဟဲစိာ် နုာ်ထံဆူဝ့ၢ်ပူၤအဂ့ၢ်အကျိၤခဲလၢာ်န့ၣ်ဘၣ်တၢ်ကွဲးအီၤလၢ ကီၢ်ယူဒၤအစီၤပၤတဖၣ်အလံာ်တၢ်စံၣ်စိၤတဲစိၤအပူၤန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 30:14

ကယဲၢ်တၢ်လုၢ်လီၢ်တဖၣ်လၢအဘၣ်တၢ်သူတ့ၢ်အီၤလၢတၢ်လုၢ်ထီၣ်ပာ် ထီၣ်တဖၣ်ဒီးတၢ်ဆူးကဲၤတၢ်နၢမူအဂီၢ်လၢအအိၣ်လၢဝ့ၢ်ယရူၤ ရှလ့ၣ်အပူၤန့ၣ်, အဝဲသ့ၣ်ဟံးထီၣ်ကွံာ်ဒီးတ့ၢ်လီၤကွံာ်ဝဲဆူကံဒြိၣ်အတၢ်တြီၤ ပူၤန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 32:1

ဖဲတၢ်မၤအသးတဖၣ်အံၤလၢအမ့ၢ်ဝဲ, စီၤပၤဃံးစကံယၤမၤယွၤ အတၢ်လၢတၢ်သူၣ်တီသးရၤဝံၤအလီၢ်ခံန့ၣ်, ကီၢ်အၤၡူၢ်အစီၤပၤဖးဒိၣ်စၤနဃ့ရံးဟဲထီၣ်ဒုးကီၢ်ယူဒၤ န့ၣ်လီၤ. အဝဲကဝီၤဃာ်ကယဲၢ်ဝ့ၢ်တဖၣ်ခဲလၢာ်လၢအအိၣ်ဒီးတိာ်ဧိၤတာ်ဧိၤ ဒီးဟ့ၣ်လီၤအကလုၢ်ဒ်သိးအသုးမုၢ်ကမၤလီၤပှီၢ်ဝ့ၢ်ခိၣ်ဒူတဖၣ် အဂီၢ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 32:3

အဝဲဒီးအပဒိၣ်ပပှၢ်တဖၣ်ပာ်လီၤအသးလၢကဆွံတံာ်ထံထီၣ်ပၢၢ်တဖၣ် လၢအအိၣ်လၢဝ့ၢ်ချၢ, ဒ်သိးကတြီဃာ်ပှၤအၤၡူၢ်ဖိတဖၣ် လၢတၢ်မၤန့ၢ်ထံ, ဖဲအဝဲသ့ၣ်ဘူးထီၣ်ဒီးဝ့ၢ်ယရူၤၡလ့ၣ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 32:30

ပှၤလၢအမၤတံာ်တၢၤကံဃိၣ်အထံထီၣ်ပၢၢ်ဒီးဒုးယွၤတရံးထံ ကျိၤဒ်သိးကယွၤလီၤခီဖျိထံပီၤတပီၤဆူတၢ်လီၢ်တတီၤလၢဝ့ၢ် ယရူၤရှလ့ၣ်အခိၣ်ဒူတဖၣ်အသးကံၢ်ပူၤန့ၣ်, မ့ၢ်စီၤပၤဃံးစကံယၤလီၤ. ကယဲၢ်တၢ်လၢစီၤဃံးစကံယၤမၤဝဲတမံၤလၢ်လၢ်န့ၣ်ကဲထီၣ်လိၣ်ထီၣ် ဝဲ

လံာ်ယၡါယၤ 10:8

အဝဲကတိၤဒိၣ်ကတိၤသွါတၢ်ဒီးစံးဝဲ, “ယသုးခိၣ်ကိးဂၤဒဲး စုာ်စုာ်န့ၣ်, မ့ၢ်စီၤပၤတဂၤလီၤ.

လံာ်ယၡါယၤ 22:11

သုဘှီထီၣ်တၢ်ပာ်ကီၤထံအလီၢ်လၢဝ့ၢ်အအိပူၤဒ်သိးသုကမၤ န့ၢ်ထံလၢအဟဲယွၤလီၤဝဲလၢကွံအလီၢ်လံၤလီၤ. ဘၣ်ဆၣ်သုတကနၣ်ဃုာ်ယွၤလၢအကူၣ်ကျဲၤတ့ၢ်တၢ်အံၤဒီး ဒုးကဲထီၣ်လိၣ်ထီၣ်အီၤ, လၢတၢ်ဆၢကတီၢ်လၢအယံာ်တ့ၢ် မးလံတဂၤန့ၣ်ဘၣ်.

လံာ်ယၡါယၤ 22:9

သုထံၣ်ဘၣ်တၢ်လီၢ်တဖၣ်ဖဲဝ့ၢ်ယရူၤၡလ့ၣ်အခိၣ်ဒူတဖၣ်လိၣ် ဘၣ်တၢ်ဘှီဂ့ၤထီၣ်က့ၤအီၤန့ၣ်လီၤ.

လံာ်နၤဃူၣ် 3:14

ဒၢၣ်ဃာ်ထံဒီးအိၣ်ကတဲာ်ကတီၤနသးလၢဒုၣ်ဒါအတၢ်ကဝီၤ တံၢ်ဃာ်နၤအဂီၢ်, ဒီးမၤခၢၣ်သနၢၣ်နတိာ်နတာ်တက့ၢ်. ယီၢ်ကပံာ်လၢတၢ်မၤဒၢးခီတဖၣ်အဂီၢ်ဒီးကတဲာ်ကတီၤထီၣ် တၢ်သိဒၢးခီတဖၣ်တက့ၢ်.