လံာ်ကွဲးနီၣ်တၢ်ခံဘ့ၣ်တဘ့ၣ် 3:7 - Sgaw Karen Common Bible

⁷ အဝဲသူတ့ၢ်ထူလၢကကျးယွၤအတၢ်လုၢ်ဟံၣ်အဒူၣ်တဖၣ်, အကျိၤတဖၣ်, ကျဲအဟဲနုာ်တဖၣ်ဒီးတြဲၤတဖၣ်အဂီၢ်န့ၣ်လီၤ. လၢတၢ်ဒူၣ်တဖၣ်အလိၤန့ၣ်, ပှၤမၤတၢ်ဖိတဖၣ်စိးပျၤခ့ရူာ်အဂီၤ တဖၣ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 3:7 Iomraidhean Croise

လံာ်ကွဲးနီၣ်တၢ်ခံဘ့ၣ်တဘ့ၣ် 3:6

စီၤပၤကယၢကယဲဝဲယွၤအတၢ်လုၢ်ဟံၣ်လၢလၢၢ်အဃံအလၤလုၢ်ဒိၣ်ပှ့ၤ ဒိၣ်တဖၣ်ဒီးထူလၢအဘၣ်တၢ်ဟဲစိာ်အီၤလၢကီၢ်ပးရဝဲၣ်န့ၣ်လီၤ.

လံာ်တၢ်ဟးထီၣ်ကွံာ် 26:1

ဘှီထီၣ်ဒဲစီဆှံဒီဖျၢၣ်ညါ, ယအိၣ်ယဆိးအဒဲစီဆှံလၢတၢ်ကံးယာ်လုၣ်အဂ့ၤကတၢၢ် အဘ့ၣ်တဆံလၢအဘၣ်တၢ်ထါအီၤလၢတၢ်အလွဲၢ်လါ, အလွဲၢ်လုးတကုာ်, ဒီးသိဆူၣ်ဂီၤတက့ၢ်. ဆးဒဲးကံၣ်ဒဲးဝ့ၤအီၤဒီးတၢ်အသးလၢအအိၣ်ဒီးအဒံးဆ့တဖၣ် အဂီၤန့ၣ်တက့ၢ်.

လံာ်တၢ်ဟးထီၣ်ကွံာ် 26:29

သ့ၣ်ဘ့ၣ်ဘၣ်တဖၣ်ကးဘၢအီၤလၢထူဒီးထီထီၣ်ထူအကွီၤတဖၣ် လၢကဟံးဃာ်နီၣ်ဘိတဖၣ်လၢကဘၣ်တၢ်ပီၤစ့ၢ်ကီးအီၤလၢထူန့ၣ် တက့ၢ်.

လံာ်ယဃ့းစက့လး 7:20

တဘျီန့ၣ်အဝဲသ့ၣ်ပာ်ကဖၢလၢအသးလၢအတၢ်မျၢ်ပလဲအဃံ အလၤတဖၣ်အဃိ, ဘၣ်ဆၣ်အဝဲသ့ၣ်သူတၢ်တဖၣ်န့ၣ်လၢတၢ်တ့ထီၣ် တၢ်ဂီၤတၢ်ဖီၣ်တဖၣ်လၢအလီၤသးဘၣ်အၢန့ၣ်လီၤ. လၢတၢ်န့ၣ်အဃိ, ယွၤဒုးကဲထီၣ်အဝဲသ့ၣ်အတၢ်ထူးတၢ်တီၤဆူတၢ်လီၤသးဟ့လၢ အဝဲသ့ၣ်အဂီၢ်န့ၣ်လီၤ.