လံာ်ကွဲးနီၣ်တၢ်ခံဘ့ၣ်တဘ့ၣ် 3:4 - Sgaw Karen Common Bible

⁴ ဒၢးတၢ်မဲာ်ညါလၢအအိၣ်ဝဲဘူးဒီးတၢ်လုၢ်ဟံၣ်အထီမ့ၢ်အပျၢ်ခံ ဆံဒ်တၢ်လုၢ်ဟံၣ်အဒီၣ်ဃီၤအသိး, ဒီးအကစီၤထီၣ်မ့ၢ်အပျၢ်တကယၤခံဆံန့ၣ်လီၤ. တၢ်ဒါလၢဒၢးအပူၤဘၣ်တၢ်ပီၤအီၤလၢထူစီန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 3:4 Iomraidhean Croise

လံာ်စီၤပၤအခီၣ်ထံးတဘ့ၣ် 6:3

ဒၢးတၢ်မဲာ်ညါန့ၣ်အထီအိၣ်ဝဲအပျၢ်တဆံဒီးအဒီၣ်ဃီၤအိၣ်ဝဲ အပျၢ်ခံဆံ, လဲၢ်ထဲသိးသိးဒီးတၢ်လီၢ်စီဆှံအတၢ်ထီအသိးန့ၣ် လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 29:17

တၢ်မၤဘၣ်တၢ်စးထီၣ်မၤအီၤလၢလါအခီၣ်ထံးတလါ, လါထီၣ်တသီ, ဒီးလၢလါထီၣ်ဃိးသီတသီအနံၤန့ၣ်, အဝဲသ့ၣ်မၤဝံၤကွံာ်အီၤခဲလၢာ်, ဃုာ်ဒီးဒၢးတၢ်မဲာ်ညါလၢတၢ် လဲၤနုာ်ဆူယွၤအတၢ်လုၢ်ဟံၣ်န့ၣ်လီၤ. ဝံၤဒီးအဝဲသ့ၣ်မၤကဒီးတၢ်ဆူညါဃိးသီ, တုၤလၢလါထီၣ်တဆံ ဃုသီအနံၤ, လၢတၢ်ဘူၣ်ထီၣ်ဘါထီၣ်အဂီၢ်န့ၣ်လီၤ.

လံာ်ယဃ့းစက့လး 40:48

အန့ၣ်ဝံၤဒီးအဝဲဆှၢယၤဆူယွၤအတၢ်လုၢ်ဟံၣ်အကျဲစၢၤထံး အဒၢးန့ၣ်လီၤ. အဝဲထိၣ်ကျဲစၢၤကျိၤထံးန့ၣ်လီၤ. အကစီၤထီၣ်ထီဝဲတခီယဲၢ် ပျၢ်စုာ်စုာ်ဒီးအလဲၢ်န့ၣ်အိၣ်ဝဲဒၣ်တဆံလွံၢ်ပျၢ်, အိၣ်ဒီးတၢ်အဒူၣ်ခံ ခီယၢ်ဘးလၢအထီၣ်ဝဲတခီသၢပျၢ်စုာ်စုာ်န့ၣ်လီၤ.

လံာ်ယိၤဟၣ် 10:23

ယ့ၣ်ၡူးဟးထီၣ်ဟးလီၤလၢစီၤၡလိၤမိၤအတၢ်ဒုးခိၣ် အဖီလာ်လၢတၢ်လုၢ်ဟံၣ်အပူၤန့ၣ်လီၤ.

မၤတၢ် 3:11

ဖဲပှၤတဂၤန့ၣ်ဟံးဃာ်ဒံးစီၤပ့းတရူးဒီးစီၤယိၤဟၣ်ဖဲတၢ်လီၢ် လၢတၢ်ကိးအမံၤလၢစီၤၡလိၤမိၤအတၢ်ဒုးခိၣ်န့ၣ်, ပှၤတဖၣ်န့ၣ်ကမၢကမၣ်ဝဲဒိၣ်ဒိၣ်ကလဲာ်ဒီးဃ့ၢ်ဃီၤဝဲဆူအဝဲ သ့ၣ်အအိၣ်န့ၣ်လီၤ.

မၤတၢ် 5:12

ပှၤတၢ်မၢဖိတဖၣ်မၤတၢ်လီၤလးဒီးတၢ်ပနီၣ်လီၤလးအါမံၤလၢပှၤသ့ၣ် တဖၣ်အကျါလီၤ. ပှၤစူၢ်က့ၤနာ်က့ၤတၢ်တဖၣ်ညီနုၢ်အိၣ်ဖှိၣ်ရိဖှိၣ်သကိး တပူၤဃီဖဲစီၤၡလိၤမိၤအတၢ်ဒုးခိၣ်အဖီလာ်န့ၣ်လီၤ.