လံာ်ကွဲးနီၣ်တၢ်ခံဘ့ၣ်တဘ့ၣ် 27:3 - Sgaw Karen Common Bible

³ ပှၤသူၣ်ထီၣ်ဘှီထီၣ်ယွၤအတၢ်လုၢ်ဟံၣ်အကလံၤစိးအတြဲၤဖးဒိၣ် န့ၣ်, မ့ၢ်ဝဲစီၤယိၤသၣ်ဒီးအဝဲမၤဂ့ၤထီၣ်လဲၢ်ထီၣ်ဝ့ၢ်အခိၣ်ဒူ လၢဝ့ၢ်ယရူၤၡလ့ၣ်အလီၢ်ကဝီၤလၢတၢ်ကီးအီၤလၢဧိၤဖ့လးန့ၣ် လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 27:3 Iomraidhean Croise

လံာ်စီၤပၤခံဘ့ၣ်တဘ့ၣ် 15:35

ဘၣ်ဆၣ်ပှၤတစူၢ်တနာ်ယွၤအတၢ်ဘူၣ်ထီၣ်ဘါထီၣ်အလီၢ်တဖၣ်တဘၣ်တၢ်မၤ ဟးဂီၤကွံာ်အီၤဘၣ်. ဒီးပှၤဂီၢ်မုၢ်လုၢ်ထီၣ်ဒံးတၢ်လုၢ်တၢ်ပာ်တဖၣ်ဒီးဆိၣ်ကဲၤဒံးတၢ်နၢမူဖဲန့ၣ်လီၤ. ပှၤလၢအဘှီထီၣ်ယွၤအတၢ်လုၢ်ဟံၣ်အကလံၤစိးတြဲၤန့ၣ်မ့ၢ်ဝဲစီၤ ယိၤသၣ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 23:20

သုးခိၣ်သုးနၢ်တဖၣ်, ပှၤတူၢ်ဒိၣ်ကီၤဒိၣ်တဖၣ်, ပဒိၣ်ပပှၢ်တဖၣ်, ဒီးကယဲၢ်ပှၤဂီၢ်မုၢ်အိၣ်လီၤတဲာ်တဖၣ်ပာ်ဖှိၣ်ဃုာ် အသးဒီးစီၤယဟိယဒါလၢတၢ်ဟးထီၣ်လဲၤသကိးတၢ်လၢတၢ်ဟဲ ကိးထီၣ်စီၤပၤလၢယွၤအတၢ်လုၢ်ဟံၣ်ဆူစီၤပၤအနီအဂီၢ်န့ၣ်လီၤ. အဝဲသ့ၣ်ဟဲနုာ်လီၤဝဲလၢတၢ်မဲာ်ညါအတြဲၤဖးဒိၣ်, ဒီးစီၤပၤဟံးန့ၢ်အလီၢ်လၢလီၢ်ပစိာ်အဖီခိၣ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 33:14

တၢ်မၤအသးအံၤဝံၤအလီၢ်ခံန့ၣ်, စီၤမနၤၡ့ၤမၤထီၣ်စီၤဒၤဝံး အဝ့ၢ်ခိၣ်ဒူလၢအချၢတတီၤလၢမုၢ်ထီၣ်တကပၤ, စးထီၣ်လၢကံဃိၣ်အထံထီၣ်ပၢၢ်တုၤလၢညၣ်အတြဲၤအကလံၤစိး, ဝ့ၢ်အလီၢ်ကဝီၤလၢတၢ်ကိးအီၤလၢဧိၤဖ့လးန့ၣ်လီၤ. အဝဲပာ်စ့ၢ်ကီးသုးမုၢ်တဖုအခိၣ်တဂၤလၢတၢ်ပၢဆှၢသုးဖိ တဖုအဂီၢ်, လၢကီၢ်ယူဒၤအဝ့ၢ်လၢအအိၣ်ဒီးတိာ်ဧိၤတာ်ဧိၤတဝ့ၢ် စုာ်စုာ်အပူၤန့ၣ်လီၤ.

လံာ်ယံးရမံယၤ 20:2

အဝဲဟ့ၣ်လီၤအကလုၢ်လၢပှၤကဒိယၤတီၢ်ယၤဒီးစၢဃာ်ယၤလၢ ထးသွဲတဖၣ်ဘူးဒီးဘံၣ်ယၤမံၣ်အတြဲၤထီတတီၤလၢယွၤ အတၢ်လုၢ်ဟံၣ်အပူၤန့ၣ်လီၤ.

လံာ်ယံးရမံယၤ 26:10

ဖဲကီၢ်ယူဒၤအခိၣ်အနၢ်တဖၣ် နၢ်ဟူတၢ်လၢအမၤတ့ၢ် အသးအံၤန့ၣ်, အဝဲသ့ၣ်ဟးထီၣ်ချ့ချ့လၢ စီၤပၤအနူၢ်ပူၤ ဟဲဝဲဆူယွၤအတၢ်လုၢ်ဟံၣ် ဒီးဟံးန့ၢ်တၢ်အလီၢ်တဖၣ် ဖဲယွၤအတၢ်လုၢ်ဟံၣ်အတြဲၤအသီန့ၣ်လီၤ.