လံာ်ကွဲးနီၣ်တၢ်ခံဘ့ၣ်တဘ့ၣ် 26:8 - Sgaw Karen Common Bible

⁸ ပှၤဧၣ်မိၣ်ဖိတဖၣ်ဟ့ၣ်စီၤဧူးစံယါလၢတၢ်ယူးယီၣ်အတၢ်ဟ့ၣ်ဒီး အဝဲအစိအကမီၤဒိၣ်ထီၣ်ဝဲအါမး, တုၤအတၢ်မံၤဟူသၣ်ဖျါအကစီၣ်ရၤလီၤအသးတုၤလၢကီၢ်အဲၤကူ ပတူးဒၣ်လဲာ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 26:8 Iomraidhean Croise

လံာ်တၢ်ကဲထီၣ်အခီၣ်ထံး 12:2

ယကဟ့ၣ်လီၤနၤလၢနစၢၤနသွဲၣ်အါအါဂီၢ်ဂီၢ်, ဒီးအဝဲသ့ၣ်ကကဲထီၣ်ပှၤတကလုာ်ဖးဒိၣ်န့ၣ်လီၤ. ယကဆိၣ်ဂ့ၤနၤဒီးမၤဟူထီၣ်သါလီၤနမံၤဒ်သိးနကကဲ ထီၣ်တၢ်ဆိၣ်ဂ့ၤတမံၤလီၤ.

လံာ်တၢ်ကဲထီၣ်အခီၣ်ထံး 19:38

အဖိမုၣ်အဆံးတဂၤဆံးစၢ်န့ၢ်အဖိခွါတဂၤဒီးယုၢ်ဝဲအမံၤလၢ စီၤဘ့ၣ်ဧၣ်မံလီၤ. အဝဲဒၣ်မ့ၢ်ပှၤဧၣ်မိၣ်ဖိလၢမုၢ်မဆါတမံၤအံၤအမိၢ်ပၢ်ဖံဖုလၢ ပျၢၤအပၢ်န့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 8:13

ဖဲအဝဲဟဲက့ၤလၢတၢ်မၤသံကွံာ်ပှၤအဒိၣ်ဖိအဂၤတကလးဃိးကထိ လၢတၢ်တြီၤအံသၣ်ပူၤအခါန့ၣ်စီၤဒၤဝံးအမံၤဟူ ဒိၣ်ထီၣ်အါန့ၢ်အလီၢ်ဒၣ်လဲာ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 8:2

အန့ၣ်ဝံၤဒီးအဝဲမၤနၢၤကွံာ်ပှၤမိၤအးဖိတဖၣ်လီၤ. အဝဲမၢပှၤဃိာ်ဖိတဖၣ်မံလီၤလၢဟီၣ်ခိၣ်လိၤဒီးမၤသံကွံာ်ပှၤ သၢဂၤအကျါခံဂၤစုာ်စုာ်လီၤ. မၤသးဒ်န့ၣ်ဒီး, ပှၤမိၤအးဖိတဖၣ်ကဲထီၣ်ပှၤဃၣ်ကွံာ်လၢအဝဲပၢ ဘၣ်အီၤဒီးဘၣ်ဟ့ၣ်အီၤလၢတၢ်အခိအသွဲတဖၣ်န့ၣ်လီၤ.

လံာ်စီၤပၤအခီၣ်ထံးတဘ့ၣ် 4:31

အဝဲမ့ၢ်ပှၤကူၣ်ဘၣ်ကူၣ်သ့အဒိၣ်ကတၢၢ်လၢပှၤခဲလၢာ်အကျါ, ကူၣ်သ့ဒိၣ်န့ၢ်ဒံးပှၤအ့စရၤဃးဖိစီၤအ့သၣ်, ဒီးစီၤမၤဃိလးအဖိခွါတဖၣ်လၢအမ့ၢ်ဝဲစီၤဟ့မၣ်, စီၤကးလကိးလး, စီၤဒၢ်ဒၤန့ၣ်လီၤ. ဒီးအဝဲအတၢ်မံၤဟူသၣ်ဖျါရၤလီၤအသး သကုၤကယဲၢ်ထံကီၢ်အိၣ်ဘူးအိၣ်တံၢ်တဖၣ်န့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 14:17

စီၤဒၤဝံးအတၢ်မံၤဟူထီၣ်သါလီၤဆူတၢ်လီၢ်သကုၤဆးဒး, ဒီးယွၤဒုးပျံၤပှၤကိးကလုာ်ဒဲးလၢအီၤန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 17:11

ပှၤဖလ့ၡသးဖိတနီၤ, ဟဲစိာ်န့ၢ်စီၤယဟိၡၤဖးလၢစ့အါအါ ဂီၢ်ဂီၢ်ဒီးတၢ်ဟ့ၣ်အဂၤတဖၣ်, ဒီးပှၤဧ့းရ့းဖိတနီၤဟဲစိာ်န့ၢ်အီၤသိအဒုနွံကထိ နွံကယၤဒီးမဲာ်တဲးလဲးအဒုနွံကထိနွံကယၤန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 20:1

တၢ်န့ၣ်တဖၣ်အလီၢ်ခံတယံာ်ဘၣ်န့ၣ်, ကီၢ်မိၤအးဒီးကီၢ်ဧၤမိၣ် အသုးမုၢ်တဖၣ်ပာ်ဖှိၣ်ဃုာ်သကိးအသးဒီးအဝဲသ့ၣ်အသိၣ်အမှံၤတဖၣ် လၢအမ့ၢ်ပှၤမူနးဖိတဖၣ်ဒီးဟဲထီၣ်ဒုးကီၢ်ယူဒၤန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 26:9

စီၤဧူးစံယါမၤဂၢၢ်ထီၣ်ကျၢၤထီၣ်ဝ့ၢ်ယရူၤၡလ့ၣ်အတိာ်ဧိၤတာ် ဧိၤတဖၣ်ခီဖျိသူၣ်ထီၣ်ဘှီထီၣ်ပှၤပၢၤတၢ်အလီၢ်တဖၣ်ဖဲတၢ်အနၢၣ် အတြဲၤ, ဖဲကစၢၢ်ကဆူးအတြဲၤဖးဒိၣ်, ဒီးဖဲတၢ်အခိၣ်ဒူ အသနၢၣ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 27:5

အဝဲဒုးတ့ၢ်တၢ်ထီဒါပှၤဧၣ်မိၣ်ဖိအစီၤပၤဒီးအသုးမုၢ်, ဒီးမၤနၢၤကွံာ်အဝဲသ့ၣ်န့ၣ်လီၤ. ဝံၤဒီးအဝဲမၤဆူၣ်ပှၤဧၣ် မိၣ်ဖိတဖၣ်လၢကဟ့ၣ်အီၤတၢ်ခိတၢ်သွဲလၢလာ် အံၤကိးနံၣ်ဒဲးလၢသၢနံၣ်အတီၢ်ပူၤန့ၣ်လီၤ. တၢ်တဖၣ်န့ၣ်မ့ၢ်ဝဲ, စ့အလီၤတယၢၢ်အကံကၢ်တကယၤ, ဘုကၠူၣ်အကိာ်တကလးဒီးဘုမုယီၤအကိာ်တကလးန့ၣ်လီၤ.

လံာ်မးသဲ 4:24

ယ့ၣ်ၡူးအကစီၣ်ဟူထီၣ်သါလီၤလၢကီၢ်ဒီဘ့ၣ်ညါပၢၢ်တုၤလၢကီၢ် စူၤရံဒီးပှၤဟဲကိးန့ၢ်အီၤလၢပှၤဆူးပှၤဆါလၢအတူၢ်ဘၣ်တၢ်ဆူး တၢ်ဆါအကလုာ်ကလုာ်လၢအတူၢ်ဘၣ်တၢ်နးနးကျံၤကျံၤတဖၣ်, ဒ်ပှၤလၢတၢ်နါဒိးအီၤ, ပှၤလၢအပျုၢ်ထိးတဖၣ်ဒီးပှၤသံတခီပၤတဖၣ်, ဒီးယ့ၣ်ၡူးမၤဘျါက့ၤအဝဲသ့ၣ်ခဲလၢာ်လီၤ.

လံာ်သိၣ်လီၤသီလီၤတၢ် 2:19

အန့ၣ်တစု, သုကဘူးထီၣ်ဒီးပှၤဧၣ်မိၣ်ဖိတဖၣ်, လၢအမ့ၢ်စီၤလိာ်အစၢၤအသွဲၣ်တဖၣ်အကီၢ်န့ၣ်လီၤ. မၤကီမၤခဲအဝဲသ့ၣ်မ့ၢ်ဂ့ၤ, စးထီၣ်တၢ်ဒုးတၢ်ယၤ, ထီဒါအဝဲသ့ၣ်မ့ၢ်ဂ့ၤန့ၣ်တဂ့ၤ. အဂ့ၢ်ဒ်အံၤ, ယတဟ့ၣ်ဘၣ်သုလၢကီၢ်လၢယဟ့ၣ်လီၤတ့ၢ်အဝဲသ့ၣ်န့ၣ်နီတစဲးဘၣ်.

လံာ်စီၤၡမူၤအ့လးအခီၣ်ထံးတဘ့ၣ် 11:1

လၢခံပူၤကွံာ်တလါဃၣ်ဃၣ်န့ၣ်, ကီၢ်ဧၣ်မိၣ်အစီၤပၤစီၤနၤဃၣ် ဆှၢထီၣ်အသုးမုၢ်ထီဒါဝ့ၢ်ယၤဘ့ၣ်အိၣ်လၢကီၢ်ကံးလဧးအလီၢ် ကဝီၤအပူၤန့ၣ်ဒီးကဝီၤဃးအီၤန့ၣ်လီၤ. ပှၤပိာ်ခွါတဖၣ်လၢအအိၣ်လၢဝ့ၢ်ယၤဘ့ၣ်အပူၤစံးဘၣ်စီၤနၤဃၣ်, “မၤတၢ်အၢၣ်လီၤအီလီၤတမံၤဒီးပှၤတက့ၢ်. ဒီးပကတူၢ်လိာ်နၤဒ်ပှၤတဂၤလၢအပၢဘၣ်ပှၤအသိးန့ၣ်လီၤ.”