လံာ်ကွဲးနီၣ်တၢ်ခံဘ့ၣ်တဘ့ၣ် 26:16 - Sgaw Karen Common Bible

¹⁶ ဘၣ်ဆၣ်, တုၤစီၤပၤစီၤဧူးစံယါအဂံၢ်အဘါဆူၣ်ထီၣ်ဝဲန့ၣ်, အဝဲအတၢ်သးထီၣ်ထီဒိၣ်ထီၣ်ဝဲ, ဒီးတၢ်န့ၣ်ဆှၢဃီၤအီၤဆူ အတၢ်ဟးဂီၤအပူၤန့ၣ်လီၤ. အဝဲခီၣ်ဆၢယွၤ, ကစၢ်ယွၤ, ခီဖျိအတၢ်လဲၤနုာ်ဆူယွၤအတၢ်လုၢ်ဟံၣ်လၢအကဆူးကဲၤ တၢ်နၢမူဖဲတၢ်လုၢ်လီၢ်လၢတၢ်ဆူးကဲၤတၢ်နၢမူန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 26:16 Iomraidhean Croise

လံာ်စီၤပၤအခီၣ်ထံးတဘ့ၣ် 12:33

ဒီးလၢလါဃိးလါတလါထီၣ်တဆံယဲၢ်သီတသီအနံၤ, မုၢ်တနံၤဖဲအဝဲအကစၢ်ဒၣ်ဝဲပာ်လီၤတ့ၢ်ဝဲအီၤန့ၣ်, အဝဲလဲၤဆူဝ့ၢ်ဘ့ၤသ့လးဒီးလုၢ်ထီၣ်တၢ်လုၢ်တၢ်ပာ်တမံၤလၢတၢ် လုၢ်လီၢ်အဖီခိၣ်, ဒ်တၢ်မၤတၢ်ဘူၣ်တၢ်ဘါအမူးလၢအဝဲဒုးအိၣ်ထီၣ်တ့ၢ်ဝဲလၢကီၢ် အံၣ်စရ့လးအပှၤဂီၢ်မုၢ်အဂီၢ်အသိးန့ၣ်လီၤ.

လံာ်စီၤပၤအခီၣ်ထံးတဘ့ၣ် 13:1

ဖဲစီၤယၤရၤဘၣ်ဆၢထၢၣ်ဝဲဖဲတၢ်လုၢ်လီၢ်လၢကလုၢ်ထီၣ်ပာ်ထီၣ် တၢ်န့ၣ်ယွၤအဝံတဂၤလၢကီၢ်ယူဒၤလဲၤတုၤဝဲဆူဝ့ၢ်ဘ့ၤသ့လး ဒ်ယွၤမၤလိာ်အီၤအသိးန့ၣ်လီၤ.

လံာ်စီၤပၤခံဘ့ၣ်တဘ့ၣ် 14:10

ခဲကနံၣ်အံၤစီၤအမၤစယါဧၢ, နမၤနၢၤကွံာ်လံပှၤအဒိၣ်ဖိတဖၣ် ဒီးနပှဲၤဒီးတၢ်ပာ်ကဖၢလၢသးန့ၣ်လီၤ. သးမံလၢနတၢ်မံၤဟူ သၣ်ဖျါအဃိ, ဒီးအိၣ်လၢနဟံၣ်တက့ၢ်. ဘၣ်မနုၤလၢနဘၣ်ထီၣ်ဂဲၤထီၣ်တၢ်ကီတၢ်ခဲ, လၢကဟဲစိာ်န့ၢ်ဒၣ်နၤ ဒီးနပှၤဂီၢ်မုၢ်လၢတၢ်ဟးဂူာ်ဟးဂီၤန့ၣ်လဲၣ်.”

လံာ်စီၤပၤခံဘ့ၣ်တဘ့ၣ် 15:5

ယွၤတီၢ်စီၤဧူးစံယါလၢတၢ်ဆါအၢလီၤပျံၤလီၤဖုးတမံၤလၢ အဘၣ်အီၤလၢအမုၢ်နံၤလၢအအိၣ်လီၤတဲာ်အပူၤန့ၣ်လီၤ. အဝဲအိၣ်ဝဲဆိးဝဲလၢဟံၣ်လီၤဆီတဖျၢၣ်အပူၤ, ဘၣ်တၢ်ဆိကတီၢ်ကွံာ်အီၤလၢကယဲၢ်အမူအဒါတဖၣ်, ဖဲအဝဲအဖိခွါစီၤယိၤသၣ်ပၢက့ၤထံကီၢ်အခါန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 12:1

တဘျီဖဲစီၤရဃၤဘၣ်မၤဂၢၢ်ထီၣ်မၤကျၢၤထီၣ်ဝဲအဝဲအတၢ်စိ တၢ်ကမီၤဒ်စီၤပၤအသိးဝံၤအလီၢ်ခံန့ၣ်, အဝဲဒီးကယဲၢ်ပှၤဂီၢ်မုၢ်ခဲလၢာ်လဲၤသဒၣ်ကွံာ်ယူဒၤအတၢ်သိၣ်တၢ် သီလၢယွၤဟ့ၣ်လီၤဝဲန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 25:19

ခဲကနံၣ်အံၤစီၤအမၤစယါဧၢ, နကတိၤဒိၣ်ကတိၤသွါလီၤနသးလၢ နမၤနၢၤကွံာ်ပှၤအဒိၣ်ဖိတဖၣ်ဘၣ်ဆၣ်ယဟ့ၣ်ကူၣ်နၤလၢနကအိၣ်ဒၣ်လၢ နဟံၣ်န့ၣ်လီၤ. ဘၣ်မနုၤအဃိနထိၣ်ဂဲၤထီၣ်တၢ်ကီ တၢ်ခဲလၢကဟဲစိာ်န့ၢ်နၤဒီးနပှၤဂီၢ်မုၢ်ထဲတၢ်တတၢးတနါဧိၤ န့ၣ်လဲၣ်.”

လံာ်ကွဲးနီၣ်တၢ်ခံဘ့ၣ်တဘ့ၣ် 26:15

လၢဝ့ၢ်ယရူၤၡလ့ၣ်အပူၤန့ၣ်, အဝဲအပှၤမၤကဲထီၣ်တၢ်တဖၣ်, မၤတၢ်ပီးတၢ်လီတဖၣ်လၢတၢ်ခးပျၢ်အဂီၢ်, ဒီးလၢတၢ်ကွံာ်လၢၢ်ဖးဒိၣ်လၢပှၤပၢၤတၢ်အလီၢ်တဖၣ်ဒီးဝ့ၢ်ခိၣ် ဒူအသနၢၣ်တဖၣ်အဂီၢ်န့ၣ်လီၤ. အဝဲအတၢ်မံၤဟူသၣ်ဖျါရၤလီၤအသးသတုၤဆးဒးဒီးအဝဲအစိ အကမီၤဒိၣ်ထီၣ်ဝဲဒိၣ်ဒိၣ်ကလဲာ်မ့ၢ်လၢတၢ်မၤစၢၤလၢအမၤန့ၢ်ဝဲ လၢကစၢ်ယွၤအအိၣ်အဃိန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 27:2

အဝဲမၤတ့ၢ်တၢ်လၢအဘၣ်ယွၤအသးဒ်အပၢ်မၤတ့ၢ်ဝဲအသိး, ဘၣ်ဆၣ်တၢ်ဒဲးဘးလၢအပၢ်မၤတ့ၢ်ဝဲလၢအမ့ၢ်တၢ်ဆူးကဲၤတၢ်နၢမူ လၢယွၤအတၢ်လုၢ်ဟံၣ်အပူၤန့ၣ်, အဝဲတမၤဝဲဘၣ်. မ့မ့ၢ်ပှၤဂီၢ်မုၢ်န့ၣ်, မၤဒံးဒၣ်တၢ်ဒဲးဘးအဖၢမုၢ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 32:25

ဘၣ်ဆၣ်စီၤပၤဃံးစကံယၤပာ်ထီၣ်ထီအသးကဲာ်ဆိးလၢကဒုးနဲၣ် အတၢ်စံးဘျုးဆၢက့ၤလၢ, တၢ်လၢယွၤမၤတ့ၢ်လၢအဂီၢ်အဃိန့ၣ်လီၤ. ဒီးကီၢ်ယူဒၤဒီးဝ့ၢ်ယရူၤရှလ့ၣ်တူၢ်ဘၣ်တၢ်လၢတၢ်န့ၣ်အဃိလီၤ.

တၢ်ကတိၤဒိ. 16:18

တၢ်ပာ်ထီၣ်ထီသးန့ၣ်ဆှၢပှၤဆူတၢ်ဟးဂီၤ, ဒီးတၢ်ပာ်ကဖိသးန့ၣ်ဆူတၢ်လီၤပှီၢ်လီၤ.

လံာ်ဒၤနံးယ့လး 11:12

ဒီးဖဲအမၤန့ၢ်ဒုၣ်ဒါအသုးမုၢ်ဖးဒိၣ်န့ၣ်အသးကထီၣ်ထီဝဲလၢ အတၢ်မၤနၢၤအဃိဒီးမၤသံကွံာ်ပှၤအကလးသ့ၣ်တဖၣ်လီၤ. ဘၣ်ဆၣ်ဒီးတမၤနၢၤတၢ်ဆူညါလၢၤဘၣ်.

လံာ်ဒၤနံးယ့လး 8:8

မဲာ်တဲးလဲးတဒုန့ၣ်အဂံၢ်အဘါဒိၣ်ထီၣ်ဆူၣ်ထီၣ်အါထီၣ်ဝဲပှီၢ်ပှီၢ်လီၤ. ဘၣ်ဆၣ်ဒီးဖဲအတုၤလၢအစိကမီၤအထီကတၢၢ်န့ၣ် အနၢၤကၢ်ကွံာ်ဝဲဒၣ်လီၤ. လၢအလီၢ်န့ၣ်တၢ်အနၢၤဖျါလီၤ တိၢ်လီၤဆီလွံၢ်ဘိပၢၢ်ထီၣ်ဝဲဒီးယူာ်ဃီၤအသးဆူတၢ်အလီၢ် ကိးကပၤဒဲးန့ၣ်လီၤ.

လံာ်ဃဘးကူာ် 2:4

ဒီးတၢ်ကစီၣ်န့ၣ်မ့ၢ်တၢ်အံၤ, “ပှၤတတီတလိၤတဖၣ်န့ၣ်တမူ ဘၣ်ဝဲဘၣ်. မ့မ့ၢ်ပှၤတီပှၤလိၤန့ၣ်ကမူဝဲလၢအတၢ်သးတီဒီး ကစၢ်ယွၤအဃိန့ၣ်လီၤ.”

လံာ်တၢ်ဂံၢ် 16:1

စီၤယံးစဟၢ်အဖိခွါစီၤကိၤရးလၢပှၤလ့ၤဝံဖိစီၤကဃးအဒူၣ် ထၢပူၤ, အိၣ်ဒီးတၢ်ပာ်ဒူထီၣ်သးလၢတအဲၣ်ဒိးပာ်ကဲဘၣ်ဒီးကပူ ထီၣ်ထီဒါစီၤမိၤၡ့န့ၣ်လီၤ. ပှၤသၢဂၤလၢရူၤဘ့ၣ်အဒူၣ်ပူၤလၢအမ့ၢ်စီၤအလံအာ်အဖိခွါစီၤ ဒၤသၣ်ဒီးစီၤအဘံရၣ်ဒီးစီၤပ့ၤလ့းအဖိခွါစီၤအိၣ်, ပာ်ဖှိၣ်ထီၣ်အသးဒီးအီၤ,

လံာ်တၢ်ဂံၢ် 16:18

မၤသးဒ်န့ၣ်ဒီး, ပှၤကိးဂၤဒဲးဟံးန့ၢ်အသပၢၤမ့ၣ်အူ, ပာ်ထီၣ်မ့ၣ်အူအ့ၣ်ဒီးတၢ်နၢမူလၢအဖီခိၣ်, ဒီးဆၢထၢၣ်ဖဲဒဲစီဆှံ အကျဲစၢၤဃုာ်ဒီးစီၤမိၤၡ့ဒီးစီၤအၤဟရိၣ်န့ၣ်လီၤ.

လံာ်တၢ်ဂံၢ် 16:35

အန့ၣ်ဒီးယွၤဆှၢလီၤမ့ၣ်အူတခါလၢအကပျီၤထီၣ်ဒီးအီၣ်ကွံာ် ပှၤအဂၤခံကယၤယဲၢ်ဆံလၢအဟ့ၣ်ထီၣ်တၢ်လုၢ်နၢမူန့ၣ်လီၤ.

လံာ်တၢ်ဂံၢ် 16:7

ဒၢနုာ်မ့ၣ်အူအ့ၣ်ဒီးပာ်တၢ်နၢမူလၢအဖီခိၣ်ဝံၤဒီးလဲၤစိာ် အီၤဆူတၢ်လုၢ်လီၢ်န့ၣ်တက့ၢ်. အန့ၣ်ဒီးပကကွၢ်သကိးလၢပကျါန့ၣ်ယွၤဃုထၢမတၤလဲၣ်န့ၣ်တက့ၢ်. သုဝဲပှၤလ့ၤဝံဖိတဖၣ်မ့ၢ်ပှၤမၤတၢ်နးကဲၣ်ဆိးလံန့ၣ်လီၤ.”

လံာ်တၢ်ဂံၢ် 17:5

အန့ၣ်ဒီးပှၤလၢယဃုထၢအီၤတဂၤအနီၣ်ထိးဘိန့ၣ်ကဒိးစၢ်ထီၣ်ဝဲလီၤ. လၢကျဲဒ်အံၤန့ၣ်ယကဆိကတီၢ်ကွံာ်ပှၤအံၣ်စရ့လးဖိတဖၣ်အံၤ အတၢ်ကဒူးကဒ့ၣ်ထီဒါသုတဘိယူၢ်ဃီန့ၣ်လီၤ.”

လံာ်သိၣ်လီၤသီလီၤတၢ် 8:14

ဒ်သိးသုသုတပာ်ထီၣ်ထီသုသးတဂ့ၤ, ဒီးသုတသးပ့ၤနီၣ်ကွံာ် ယွၤသုကစၢ်ယွၤလၢအမၤပူၤမၤဖျဲးသုလၢကီၢ်အဲၤကူပတူးဖဲ သုမ့ၢ်ကုၢ်တဖၣ်တဂ့ၤအဂီၢ်န့ၣ်မၤလီၤတံၢ်သုသးတက့ၢ်.

လံာ်သိၣ်လီၤသီလီၤတၢ် 8:17

လၢတၢ်န့ၣ်အဃိ, သုတဘၣ်ဆိကမိၣ်ထီၣ်နီတစုလၢသုမၤထူးထီၣ် တီၤထီၣ်သုသးလၢသုနီၢ်ကစၢ်ဒၣ်ဝဲ, အတၢ်စိကမီၤဒီးတၢ်ဂံၢ်တၢ်ဘါဒၣ်ဝဲအပူၤန့ၣ်တဂ့ၤ.

ကလီးစဲ 2:18

တဘၣ်ပျဲပှၤလၢအပာ်မၤအသးဒ်အဆီၣ်လီၤအသးဘါကလူး တဖၣ်, ပှၤလၢအဟံးန့ၢ်အခီၣ်တဃာ်လၢအတၢ်ထံၣ်တၢ်လၢညါ ခီတဖၣ်, ဒီးပာ်ကဖၢလၢအသးလၢအတၢ်ကူၣ်တၢ်ဆးဒၣ်ဝဲ အဃိတဖၣ်, စံၣ်ညီၣ်သုတဂ့ၤ.