လံာ်ကွဲးနီၣ်တၢ်ခံဘ့ၣ်တဘ့ၣ် 26:13 - Sgaw Karen Common Bible

¹³ လၢအဝဲသ့ၣ်အဖီလာ်န့ၣ်ပှၤသုးဖိအိၣ်ဝဲအဂၤသၢကလီၢ်နွံကထိယဲၢ် ကယၤလၢဒုးတၢ်သ့မူၢ်မူၢ်နီၢ်နီၢ်လၢစီၤပၤအဂီၢ်, ထီဒါအဝဲအဒုၣ်အဒါတဖၣ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 26:13 Iomraidhean Croise

လံာ်ကွဲးနီၣ်တၢ်ခံဘ့ၣ်တဘ့ၣ် 11:1

တုၤစီၤပၤရဃၤဘၣ်လဲၤတုၤဝဲဆူဝ့ၢ်ယရူၤၡလ့ၣ်န့ၣ်, အဝဲကိးဖှိၣ်ပှၤသုးဖိအဂ့ၤကတၢၢ်တကလီၤဃိးကလးဂၤလၢပှၤဘံၣ် ယၤမံၣ်ဒီးပှၤယူဒၤဖိအဒူၣ်တဖၣ်အပူၤန့ၣ်လီၤ. အဝဲတိာ်ပာ်လဲၢဆူတၢ်ဒုးအပူၤဒီးမၤန့ၢ်က့ၤအတၢ်စိတၢ်ကမီၤ လၢအံၣ်စရ့လးကလံၤစိးအဒူၣ်တဖၣ်အဖီခိၣ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 12:1

တဘျီဖဲစီၤရဃၤဘၣ်မၤဂၢၢ်ထီၣ်မၤကျၢၤထီၣ်ဝဲအဝဲအတၢ်စိ တၢ်ကမီၤဒ်စီၤပၤအသိးဝံၤအလီၢ်ခံန့ၣ်, အဝဲဒီးကယဲၢ်ပှၤဂီၢ်မုၢ်ခဲလၢာ်လဲၤသဒၣ်ကွံာ်ယူဒၤအတၢ်သိၣ်တၢ် သီလၢယွၤဟ့ၣ်လီၤဝဲန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 13:3

စီၤအဘံယၤပာ်ဖှိၣ်ထီၣ်သုးမုၢ်တဖုလၢအအိၣ်ဒီးပှၤသုးဖိ လွံၢ်ကလီၢ် ဂၤဒီးစီၤယၤရၤဘၣ်ခီၣ်ဆၢအီၤဒီးသုးမုၢ်တဖုလၢ အအိၣ်ဒီးသုးဖိဃိးကလီၢ် ဂၤန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 14:7

အဝဲတဲဘၣ်ကီၢ်ယူဒၤအပှၤဂီၢ်မုၢ်, “မ်ပမၤဂၢၢ်ထီၣ်ကျၢၤထီၣ် ပဝ့ၢ်တဖၣ်ခီဖျိတၢ်သူၣ်ထီၣ်တၢ်ဒူၣ်တဖၣ်ဒီးတၢးခီခၢၣ်သနၢၣ်တ ဖၣ်, တြဲၤဖးဒိၣ်တဖၣ်လၢဘၣ်တၢ်ကးတံၢ်အီၤဒီးဂိာ်တံၢ်ဃာ်အီၤလၢထး ဖျၢၣ်သ့ဝဲန့ၣ်တက့ၢ်. ပမၤန့ၢ်လံထံဧိၤကီၢ်ဧိၤမ့ၢ်လၢပမၤတ့ၢ်ယွၤ, ပကစၢ်ယွၤအတၢ်ဘၣ်အသးအဃိန့ၣ်လီၤ. အဝဲဒီဒၣ်အိၣ်ပှိၤပှၤဒီး ဟ့ၣ်ပှၤတၢ်ဘံၣ်တၢ်ဘၢလၢတၢ်ကိးကပၤဒဲးအပူၤန့ၣ်လီၤ.” ဒီးလၢတၢ်န့ၣ်အဃိအဝဲသ့ၣ်သူၣ်ထီၣ်ဘှီထီၣ်တၢ်ဒီးဘီၣ်ထီၣ်ညီ ထီၣ်ဝဲဒၣ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 14:8

စီၤပၤအၤစါအိၣ်ဒီးသုးမုၢ်တဖုလၢအပှၤသုးဖိအိၣ်ဝဲ သၢကလီၢ် ဂၤလၢယူဒၤအဒူၣ်, အိၣ်ကံာ်တူာ်ထီၣ်အသးဒီးကတီၤဒီး ဘီတဖၣ်ဒီး, ပှၤ ခံကလီၢ်ဃိးကလးဂၤလၢဘံၣ်ယၤမံၣ်အဒူၣ်, အိၣ်ကံာ်တူာ်အသးဒီးကတီၤဒီးချံၣ်တဖၣ်န့ၣ်လီၤ. အဝဲသ့ၣ်ခဲလၢာ်မ့ၢ်ပှၤဒူပှၤဃိၤဒီးဘၣ်တၢ်သိၣ်လိတ့ၢ်အီၤဂ့ၤ ဂ့ၤဘၣ်ဘၣ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 25:5

စီၤပၤအမၤစယါကရၢကရိထီၣ်ကယဲၢ်ပှၤပိာ်ခွါခဲလၢာ်လၢယူဒၤ ဒီးဘံၣ်ယၤမံၣ်အဒူၣ်တဖၣ်အပူၤဆူသုးမုၢ်တဖုဘၣ်တဖုဒ်ဒူၣ်ထၢ တဖၣ်လၢအဝဲသ့ၣ်ဘၣ်ထွဲဝဲအသိး, ဒီးပာ်လီၤသုးခိၣ်တဖၣ်လၢကကဲခိၣ်ကဲနၢ်လၢပှၤပိာ်ခွါတဖုလၢ အအိၣ်တကထိအဖီခိၣ်မ့ၢ်ဂ့ၤ, ပှၤပိာ်ခွါတဖုလၢအအိၣ်တကယၤအဖီခိၣ်မ့ၢ်ဂ့ၤန့ၣ်လီၤ. တၢ်အံၤအိၣ်ဃုာ်ဝဲဒီးကယဲၢ်ပှၤပိာ်ခွါလၢအသးအနံၣ်ခံဆံမ့ၢ်ဂ့ၤ, အသးပှၢ်န့ၢ်အနံၣ်ခံဆံမ့ၢ်ဂ့ၤ, ပှၤခဲလၢာ်အဂၤသၢကလီၢ် န့ၣ်လီၤ. အဝဲသ့ၣ်မ့ၢ်သုးဖိတဖၣ်လၢအဘၣ်တၢ်ဃုထၢလီၤဆီအီၤ, ပှၤအိၣ်ကတဲာ်ကတီၤအသးလၢတၢ်ဒုးအဂီၢ်, အိၣ်ဒီးတၢ်သ့တၢ်ဘၣ်လၢတၢ်သူဘီတဖၣ်ဒီးကတီၤတဖၣ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 26:12

သုးမုၢ်န့ၣ်အိၣ်ဒီးအသုးခိၣ်သုးနၢ်လၢအပၢဆှၢအီၤအဂၤခံ ကထိဃုကယၤန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 26:14

စီၤဧူးစံယါဟ့ၣ်ဝဲအသုးမုၢ်လၢတၢ်လိၣ်တဖၣ်ဒ်, ကတီၤတဖၣ်, ဘီတဖၣ်, ခိၣ်ကုာ်သုးတဖၣ်, သဃိးတဖၣ်ချံၣ်တဖၣ်ဒီးပျၢ် တဖၣ်ဒီးလၢၢ်တဖၣ်လၢနီၣ်ခးတၢ်အဂီၢ်န့ၣ်လီၤ.