လံာ်ကွဲးနီၣ်တၢ်ခံဘ့ၣ်တဘ့ၣ် 24:12 - Sgaw Karen Common Bible

¹² စီၤပၤဒီးစီၤယဟိယဒါကဟ့ၣ်လီၤစ့ဆူပှၤအခိၣ်တဖၣ်လၢအဘှီ က့ၤယွၤအတၢ်လုၢ်ဟံၣ်, ဒီးအဝဲသ့ၣ်ကဒိးလဲဝဲပှၤတဖၣ်လၢအမၤတၢ် လၢလၢၢ်, ပှၤတဖၣ်လၢအမၤတၢ်လၢသ့ၣ်ဒီးပှၤတဖၣ်လၢအမၤတၢ်လၢထးလၢကဘှီ ဂ့ၤက့ၤယွၤအတၢ်လုၢ်ဟံၣ်အဂီၢ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 24:12 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 5:11

ဝ့ၢ်ထါယၢၣ်အစီၤပၤစီၤဃံရၣ်ဆှၢလီၤတၢ်မၤကူၣ်မၤကၤအခၢၣ်စး တဖုဆူစီၤဒၤဝံးအအိၣ်လီၤ. အဝဲဆှၢလီၤန့ၢ်အီၤလၢသ့ၣ်ဆှိးအ့ရ့းအကျီၣ်တဖၣ်ဃုာ်ဒီး ပှၤစုသ့ဖိတဖၣ်လၢအမၤတၢ်လၢသ့ၣ်သ့ဒီးပှၤလၢအမၤတၢ်လၢလၢၢ်သ့တဖၣ် ဒ်သိးကဘှီထီၣ်စီၤပၤအနီတဖျၢၣ်အဂီၢ်န့ၣ်လီၤ.

လံာ်စီၤပၤအခီၣ်ထံးတဘ့ၣ် 5:15

စီၤၡလိၤမိၤအိၣ်စ့ၢ်ကီးဒီးပှၤကူးတဲာ်လၢၢ်ဃိးကလးဂၤလၢ ကစၢၢ်ခိၣ်ကလိကျါဒီးပှၤစိၢ်လၢၢ်နွံကလးဂၤ,

လံာ်ကွဲးနီၣ်တၢ်ခံဘ့ၣ်တဘ့ၣ် 24:11

ကိးမုၢ်နံၤဒဲးပှၤလ့ၤဝံဖိတဖၣ်ဘၣ်လဲၤစိာ်တလါန့ၣ်ဆူစီၤ ပၤအပဒိၣ်လၢအကွၢ်ထွဲတလါအအိၣ်န့ၣ်လီၤ. ဖဲတလါပှဲၤတဘျီလၢ်လၢ်န့ၣ်စီၤပၤအပှၤကွဲးလံာ်ဒိၣ်ဒီးပှၤလုၢ် တၢ်အခိၣ်အဒိၣ်ကတၢၢ်အခၢၣ်စး, ဘၣ်ထုးထီၣ်ကွံာ်စ့ခဲလၢာ်ဒီးပာ်ကဒါက့ၤတလါလၢအလီၢ်န့ၣ်လီၤ. လၢတၢ်န့ၣ်အဃိအဝဲသ့ၣ်ထၢဖှိၣ်န့ၢ်စ့အါအါဂီၢ်ဂီၢ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 24:13

ကယဲၢ်ပှၤမၤတၢ်ဖိခဲလၢာ်, မၤတၢ်ဆူၣ်ဆူၣ်ဒီးအဝဲသ့ၣ်ဘှီဂ့ၤ ထီၣ်က့ၤဝဲယွၤအတၢ်လုၢ်ဟံၣ်ဒ်အဂံၢ်ထံးအတၢ်မ့ၢ်တၢ်အသိး, ဒီးမၤဂၢၢ်ကျၢၤခၢၣ်သနၢၣ်ဝဲဒ်လၢညါအသိးန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 24:27

လံာ်စီၤပၤတဖၣ်အခီပညီပာ်ဖျါထီၣ်ဝဲတၢ်တဲတဖၣ်လၢအဘၣ်ထွဲ ဒီးစီၤယိၤအၣ်အဖိခွါတဖၣ်အဂ့ၢ်, ဝံအတၢ်ကတိၤဆိပာ်ထီဒါအီၤအဂ့ၢ်, ဒီးတၢ်ကွဲးနီၣ်ဘၣ်ထွဲဒီးအဝဲဘှီထီၣ်ကဒါက့ၤယွၤအတၢ်လုၢ်ဟံၣ်ဒ်လဲၣ် အဂ့ၢ်န့ၣ်လီၤ. အဝဲအဖိခွါစီၤအမၤစယါကဲထီၣ်စီၤပၤလၢအလီၢ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 34:8

လၢအဝဲပၢတၢ်တဆံဃိးနံၣ်တနံၣ်အပူၤ, ဖဲအဝဲမၤကဆှီထီၣ်ထံ ဧိၤကီၢ်ဧိၤဒီးယွၤအတၢ်လုၢ်ဟံၣ်ခီဖျိတၢ်မၤကတၢၢ်ကွံာ်ပှၤ တစူၢ်တနာ်ယွၤအတၢ်ဘူၣ်တၢ်ဘါဝံၤအလီၢ်ခံန့ၣ်, စီၤပၤယိၤၡံယၤမၢလီၤပှၤသၢဂၤလၢကဘှီဂ့ၤထီၣ်က့ၤယွၤ, ကစၢ်ယွၤအတၢ်လုၢ်ဟံၣ်န့ၣ်လီၤ. ပှၤတဖၣ်န့ၣ်မ့ၢ်ဝဲ, စီၤအစါလံယၤအဖိခွါစီၤၡၤဖၣ်, ဝ့ၢ်ယရူၤၡလ့ၣ်အပဒိၣ်ဖးဒိၣ်စီၤမၤစယၤ, ဒီးပဒိၣ်ဖးဒိၣ်တဂၤလၢအမ့ၢ်စီၤယဟိအါဃးအဖိခွါစီၤယိအၤ န့ၣ်လီၤ.