လံာ်ကွဲးနီၣ်တၢ်ခံဘ့ၣ်တဘ့ၣ် 23:2 - Sgaw Karen Common Bible

² အဝဲသ့ၣ်လဲၤတၢ်က့ၤတၢ်ဆူကယဲၢ်ဝ့ၢ်ခဲလၢာ်လၢကီၢ်ယူဒၤအပူၤ ဒီးဟဲက့ၤကိးက့ၤ, ပှၤလ့ၤဝံဖိတဖၣ်ဒီးကယဲၢ်ဒူၣ်ထၢခဲလၢာ်အခိၣ်တဖၣ်ဃုာ်ဒီးအဝဲ သ့ၣ်ဆူဝ့ၢ်ယရူၤၡလ့ၣ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 23:2 Iomraidhean Croise

လံာ်ကွဲးနီၣ်တၢ်အခီၣ်ထံးတဘ့ၣ် 15:12

အဝဲစံးဘၣ်ပှၤလ့ၤဝံဖိသ့ၣ်တဖၣ်, “သုမ့ၢ်ခိၣ်နၢ်တဖၣ်လၢပှၤလ့ၤဝံဖိအဒူၣ်ထၢတဖၣ်အပူၤန့ၣ် လီၤ. မၤကဆှီသုသးဒီးမၤကဆှီသုပှၤလ့ၤဝံဖိကဒဲကဒဲတဖၣ်ဒ်သိး သုဟဲစိာ်ယွၤ, အံၣ်စရ့လးအကစၢ်ယွၤအတၢ်အၢၣ်လီၤအီလီၤအတလါဆူတၢ်လီၢ်လၢ ယကတဲာ်ကတီၤပာ်လၢအဂီၢ်န့ၣ်ကသ့ဝဲတက့ၢ်.

လံာ်ကွဲးနီၣ်တၢ်အခီၣ်ထံးတဘ့ၣ် 24:6

စီၤအလၤဧစၢ်ဒီးစီၤအံသမၢ်အစၢၤအသွဲၣ်တဖၣ်ဖီၣ်တၢ်ဖးတဖၣ်တဂၤ တဘျီ, တဂၤတဘျီန့ၣ်လီၤ. အန့ၣ်ဝံၤဒီး, အဝဲသ့ၣ်ဘၣ်တၢ်ကွဲးနီၣ်ကွဲးဃါအမံၤလၢစီၤနၤ သန့လးအဖိခွါစီၤၡမါယၤ, ပှၤလ့ၤဝံဖိအပှၤကွဲးလံာ်ဒိၣ်တဂၤန့ၣ်လီၤ. စီၤပၤ, ပဒိၣ်ပပှၢ်တဖၣ်, ပှၤလုၢ်တၢ်အခိၣ်စီၤစၤဒိး, စီၤအ့ဘယၤသၢ်, အဖိခွါစီၤအဃံၤမ့လ့းဒီးပှၤလုၢ်တၢ်အခိၣ် အဟံၣ်ဖိဃီဖိအခိၣ်တဖၣ်, ဒီးပှၤလ့ၤဝံ အဟံၣ်ဖိဃီဖိတဖၣ်, ခဲလၢာ်မ့ၢ်ပှၤအုၣ်အသးတဖၣ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 21:2

ကီၢ်ယူဒၤအစီၤပၤစီၤယဟိၡၤဖးအဖိခွါစီၤယဟိရၣ်အိၣ်ဒီး အဒီပုၢ်ဝဲၢ်ခွါဃုဂၤ, လၢအမ့ၢ်ဝဲစီၤဧစၤရယၤ, စီၤယဃံအ့လး, စီၤစကၤရယၤဟူၤ, စီၤဧစၤရယၤ, စီၤမံၤက့လးဒီးစီၤၡဖးတယၤ န့ၣ်လီၤ.

စံးထီၣ်ပတြၢၤ 112:5

ပှၤလၢအသူၣ်အိၣ်သးအိၣ်တၢ်ဒီးဟ့ၣ်လိၢ်တၢ်, ပှၤလၢမၤအတၢ်ဖံးတၢ်မၤလၢ တၢ်စံၣ်ညီၣ်တီအပူၤန့ၣ်ဘၣ်ဆိၣ် ဂ့ၤဝဲလီၤ.

လံာ်မးသဲ 10:16

ကနၣ်တက့ၢ်. ယဆှၢလီၤသုဒ်သိအသိး ဆူထွံၣ်မံၤတဖၣ်အကျါလီၤ. လၢတၢ်န့ၣ်အဃိသုကဘၣ်ကူၣ်သ့ဒ်ဂုၢ် ဒီးတကူၣ်အၢဘၣ်တၢ်ဒ်ထိၣ်လွံၢ်အသိးလီၤ.

အ့းဖ့းစူး 5:15

လၢတၢ်န့ၣ်အဃိပလီၢ်သုသးလၢသုတၢ်အိၣ်မူအပူၤတက့ၢ်. တဘၣ်အိၣ်မူဒ်ပှၤလၢအသးတဆးတဖၣ်အသိးန့ၣ်တဂ့ၤ. မ့မ့ၢ်, အိၣ်မူဒ်ပှၤကူၣ်တၢ်သ့အသိးန့ၣ်တက့ၢ်.