လံာ်ကွဲးနီၣ်တၢ်ခံဘ့ၣ်တဘ့ၣ် 23:11 - Sgaw Karen Common Bible

¹¹ အန့ၣ်ဒီး, စီၤယဟိယဒါဆှၢထီၣ်စီၤယိၤအၣ်ဆူတၢ်ချၢ, ဒုးကုာ်ထီၣ်အီၤစီၤပၤအခိၣ်သလုးလၢအခိၣ်လိၤ, ဒီးဟ့ၣ်ဃီၤအီၤလၢတၢ်ဘူၣ်တၢ်ဘါအတၢ်သိၣ်တၢ်သီတဖၣ်လၢအဘၣ်ထွဲ ဒီးတၢ်မ့ၢ်စီၤပၤအလံာ်တဘ့ၣ်လီၤ. အန့ၣ်ဒီး, အဝဲဘၣ်တၢ်ဒုးကဲထီၣ်အီၤလၢစီၤပၤန့ၣ်လီၤ. ပှၤလုၢ်တၢ်အခိၣ်စီၤယဟိယဒါဒီးအဖိခွါတဖၣ်ဖှူစီၤယိၤအၣ်လၢ သိဒီးပှၤကိးဂၤဒဲးကိးထီၣ်ဝဲ, “မ်စီၤပၤမူဝဲလီၤထူလီၤယိာ်တက့ၢ်.”

လံာ်ကွဲးနီၣ်တၢ်ခံဘ့ၣ်တဘ့ၣ် 23:11 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 1:10

လၢတၢ်န့ၣ်အဃိ, ယလဲၤထီၣ်ဆူအအိၣ်ဒီးမၤသံအီၤန့ၣ်လီၤ. အဂ့ၢ်ဒ်အံၤ, ယသ့ၣ်ညါလၢတပူၤဂ့ၤတပူၤဂ့ၤန့ၣ် တုၤအဝဲဒၣ်လီၤဃံၤလၢအဘီလိၤတဘျီဃီန့ၣ်ကသံဝဲဒၣ်လီၤ. အန့ၣ်ဝံၤဒီး, ယဟံးန့ၢ်စီၤပၤအခိၣ်သလုးလၢအဝဲအခိၣ်လိၤဒီး ထံဖှံၣ်လၢအဝဲအစုဒုၣ်လိၤဒီးယဟဲစိာ်လီၤဆူနအိၣ်လီၤ, တၢ်ဒိၣ်ဧၢ.”

လံာ်စီၤၡမူၤအ့လးခံဘ့ၣ်တဘ့ၣ် 16:16

ဖဲစီၤဒၤဝံးအတံၤသကိးလၢအနာ်န့ၢ်ဝဲစီၤဃူၡဲၤဘၣ်သဂၢၢ်ဒီး စီၤအးဘၡါလိၣ်န့ၣ်အဝဲကိးပသူထီၣ်, “မ်စီၤပၤမူဝဲတက့ၢ်. မ်စီၤပၤမူဝဲတက့ၢ်,” န့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 5:3

လၢတၢ်န့ၣ်အဃိကယဲၢ်ပှၤခိၣ်ပှၤနၢ်လၢကီၢ်အံၣ်စရ့လးအပူၤဟဲဆူ စီၤပၤဒၤဝံးအအိၣ်ဖဲဝ့ၢ်ဃ့ဘြိၣ်န့ၣ်လီၤ. အဝဲမၤတၢ်ဒီသိၣ်ဒီမှံၤဒီးအဝဲသ့ၣ်လၢယွၤအမဲာ်ညါ, ဒီးအဝဲသ့ၣ်ဖှူစီၤဒၤဝံးဒ်သိးကကဲထီၣ်စီၤပၤလၢကီၢ်အံၣ်စရ့လးအဖီခိၣ်န့ၣ်လီၤ.

လံာ်စီၤပၤအခီၣ်ထံးတဘ့ၣ် 1:25

အအံၤတနံၤအံၤဒၣ်လဲာ်န့ၣ်အဝဲလဲၤတ့ၢ်ဝဲဒီးလုၢ်ထီၣ်တ့ၢ်တၢ် လုၢ်တၢ်ပာ်လၢအမ့ၢ်ဂီၤဖံးဖါအါအါကလဲာ်, သိဒီးဂီၤဖံးအဘီၣ်တဖၣ်အါအါကလဲာ်န့ၣ်လီၤ. အဝဲကွဲမုာ်နဖိခွါခဲလၢာ်, နပှၤသုးမုၢ်အခိၣ်စီၤယိၤအာ်, ဒီးပှၤလုၢ်တၢ်အခိၣ်စီၤအ့ဘယၤသၢ်, ဒီးခဲကနံၣ်အံၤအဝဲသ့ၣ်အီၣ်တၢ်အီတၢ်ဒီးအီၤဒီးကိးပသူထီၣ်ဝဲ, မ်စီၤပၤအဒိနံၤယၤအိၣ်မူဝဲအါနံၣ်အါလါတက့ၢ်, န့ၣ်လီၤ.

လံာ်စီၤပၤအခီၣ်ထံးတဘ့ၣ် 1:34

ဒီးဖဲန့ၣ်, စီၤစၤဒိး, ဒီးစီၤနၤသၣ်ကဘၣ်ဖှူအီၤဒ်ကီၢ်အံၣ် စရ့လးအစီၤပၤအသိးန့ၣ်လီၤ. အန့ၣ်ဝံၤဒီး, အူထီၣ်ကွဲၤဒီးကိးပသူထီၣ်, မ်စီၤပၤၡလိၤမိၤမူဝဲအါနံၣ်အါလါန့ၣ်တက့ၢ်.

လံာ်စီၤပၤအခီၣ်ထံးတဘ့ၣ် 1:39

စီၤစၤဒိးဟံးန့ၢ်သ့ၣ်စၤယံးအသိဒၢလၢအဟဲစိာ်ဝဲလၢယွၤ အိၣ်ဝဲဆိးဝဲအဒဲစီဆှံအပူၤဒီးဖှူဝဲစီၤၡလိၤမိၤန့ၣ်လီၤ. အဝဲသ့ၣ်အူထီၣ်ကွဲၤဒီးပှၤဂီၢ်မုၢ်ခဲလၢာ်ကိးပသူထီၣ်ဝဲ, “မ်စီၤပၤၡလိၤမိၤမူဝဲအါနံၣ်အါလါန့ၣ်တက့ၢ်.”

လံာ်စီၤပၤခံဘ့ၣ်တဘ့ၣ် 11:12

ဝံၤဒီးစီၤယဟိယဒါဆှၢထီၣ်စီၤယိၤအၣ်ဆူတၢ်ချၢ, ဒီးပာ်ထီၣ်ခိၣ်သလုးလၢအဝဲအခိၣ်လိၤ, ဒီးဟ့ၣ်လီၤအီၤစီၤပၤအတၢ်ပၢအတၢ်သိၣ်တၢ်သီတဖၣ်အလံာ်တဘ့ၣ် န့ၣ်လီၤ. ဝံၤဒီးစီၤယိၤအၣ်ဘၣ်တၢ်ဖှူအီၤဒီးဘၣ်တၢ်ဘိးဘၣ်သ့ၣ်ညါအီၤ ဒ်စီၤပၤအသိးန့ၣ်လီၤ. ပှၤဂီၢ်မုၢ်ဒဲအစုတဖၣ်ဒီးကိးထီၣ်ဝဲ, “မ်စီၤပၤမူဝဲလီၤစိၤလီၤထီတက့ၢ်.”

လံာ်ကွဲးနီၣ်တၢ်ခံဘ့ၣ်တဘ့ၣ် 22:11

စီၤအဃၤစယၤအိၣ်ဒီးအဒီပုၢ်ဝဲၢ်မုၣ်တဂၤလၢအမိၢ်တမ့ၢ်တဂၤဃီ ဘၣ်လၢအမံၤမ့ၢ်နီၢ်ယဟိၡဘၤလၢအဒိးတ့ဒိးဖျီအသးဒီးပှၤလုၢ် တၢ်အခိၣ်တဂၤလၢအမ့ၢ်ဝဲစီၤယဟိယဒါန့ၣ်လီၤ. လၢတၢ်ခူသူၣ်အပူၤ, အဝဲမၤပူၤဖျဲးစီၤအဃၤစယၤအဖိခွါတဖၣ် အကျါတဂၤလၢအမ့ၢ်စီၤယိၤအၣ်န့ၣ်လီၤ. အဝဲစိာ်ကွံာ်အီၤလၢစီၤပၤဖိခွါအဂၤလၢတၢ်ကမၤသံအီၤတဖၣ် အကျါဒီးပာ်ခူသူၣ်အီၤဃုာ်ဒီးပိာ်မုၣ်လၢအကွၢ်အီၤတဂၤလၢ ယွၤအတၢ်လုၢ်ဟံၣ်အဒၢးတဖျၢၣ်အပူၤန့ၣ်လီၤ. လၢအဝဲအတၢ်ပာ်ခူသူၣ်အံၤအဃိ, အဝဲမၤပူၤမၤဖျဲးအီၤလၢနီၢ်ဧသၤလယၤအတၢ်မၤသံအီၤန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 23:10

အဝဲပာ်လီၤပှၤလၢအနးအိၣ်ထုးထီၣ်အသးသ့ၣ်တဖၣ်ဝးတရံးယွၤအတၢ် လုၢ်ဟံၣ်အမဲာ်ညါလၢကဒီဒၣ်အိၣ်ပှိၤစီၤပၤအဂီၢ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 23:12

နီၢ်ဧသၤလယၤနၢ်ဟူဘၣ်ပှၤဂီၢ်မုၢ်ကိးပသူဟ့ၣ်ဆူၣ်ထီၣ်စီၤပၤ အဂံၢ်အဘါအဃိအဝဲလဲၤဝဲချ့ချ့ဆူယွၤအတၢ်လုၢ်ဟံၣ်ဖဲ ပှၤဂီၢ်မုၢ်ပာ်ဖှိၣ်ထီၣ်အသးအလီၢ်န့ၣ်လီၤ.

စံးထီၣ်ပတြၢၤ 132:18

ယကလုၣ်ဘၢအဒုၣ်အဒါတဖၣ်ဒီး တၢ်မဲာ်ဆှးလီၤ. မ့မ့ၢ်ကဘီၣ်ထီၣ်ညီထီၣ်ဒီး ဂုၤထီၣ်ပသီထီၣ်န့ၣ်လီၤ.

စံးထီၣ်ပတြၢၤ 21:3

နသဂၢၢ်အီၤအိၣ်ဒီးတၢ်ဆိၣ်ဂ့ၤလီၤဆီတဖၣ် ဒီးနပာ်ခိၣ်သလုးထူလၢအခိၣ်လိၤလီၤ.

စံးထီၣ်ပတြၢၤ 78:5

အဝဲဟ့ၣ်လီၤတၢ်သိၣ်တၢ်သီတဖၣ်ဆူ အံၣ်စရ့လးအပှၤဂီၢ်မုၢ် ဒီးတၢ်မၤလိာ်တဖၣ်ဆူ ယၤကိာ်အစၢၤအသွဲၣ်န့ၣ်လီၤ. အဝဲသိၣ်လိတ့ၢ်လံပပၢ်သ့ၣ်တဖၣ်လၢ ကသိၣ်လိယွၤအတၢ်သိၣ်တၢ်သီ ဆူအဖိအလံၤတဖၣ်,

စံးထီၣ်ပတြၢၤ 89:20

ယထံၣ်န့ၢ်ယခ့ယပှၤစီၤဒၤဝံး, ယဖှူအီၤလၢယသိစီဆှံ,

စံးထီၣ်ပတြၢၤ 89:39

နမၤဟးဂီၤနတၢ်အၢၣ်လီၤအီလီၤဒီးနခ့နပှၤ, ဒီးနတ့ၢ်လီၤကွံာ် အခိၣ်သလုးဆူ ကပံာ်ကျါလီၤ.

လံာ်တၢ်ဟးထီၣ်ကွံာ် 25:16

အန့ၣ်ဝံၤဒီးလၢၢ်ဘ့ၣ်ဘၣ်ခံဘ့ၣ်လၢတၢ်ကွဲးလီၤတ့ၢ်တၢ်မၤလိာ် တဖၣ်လၢယကဟ့ၣ်သုန့ၣ်ဒၢနုာ်အီၤဆူတလါအပူၤတက့ၢ်.

လံာ်တၢ်ဟးထီၣ်ကွံာ် 25:21

ဒၢနုာ်လၢၢ်ဘ့ၣ်ဘၣ်ခံဘ့ၣ်ဆူတလါအပူၤန့ၣ်ဒီးကးဘၢအီၤလၢ တလါအခိၣ်ကၢၢ်တက့ၢ်.

လံာ်တၢ်ဟးထီၣ်ကွံာ် 31:18

ဖဲကစၢ်ယွၤကတိၤတၢ်ဒီးစီၤမိၤၡ့လၢကစၢၢ်စံၤနါအလိၤဝံၤဝဲန့ၣ်, အဝဲဟ့ၣ်လီၤအီၤလၢလၢၢ်ဘ့ၣ်ဘၣ်ခံဘ့ၣ်လၢကစၢ်ယွၤအနီၢ်ကစၢ်ဒၣ်ဝဲ ကွဲးလီၤတၢ်မၤလိာ်တဖၣ်န့ၣ်လီၤ.

လံာ်ယၡါယၤ 49:23

စီၤပၤတဖၣ်ကလီၤဂာ်ဒီးပၢ်တဖၣ်လၢသုဂီၢ်ဒီးနီၢ်ပၤမုၣ်တဖၣ် ကလီၤဂာ်ဒီးမိၢ်တဖၣ်လီၤ. အဝဲသ့ၣ်ကသကူးလီၤအသးလၢသုမဲာ်ညါဒီး မၤလၤကပီၤသုလီၤ. အဝဲသ့ၣ်ကပာ်ဖျါအတၢ်ယူးယီၣ်ပာ်ကဲသုလၢ တၢ်ဆီၣ်လီၤသးအပူၤလီၤ. အန့ၣ်ဒီးသုကသ့ၣ်ညါလၢယမ့ၢ်ယွၤလီၤ. ပှၤလၢအမုၢ်လၢ်ယတၢ်မၤစၢၤန့ၣ်, တသးဟးဂီၤဘၣ်နီတဂၤန့ၣ်ဘၣ်.”

လံာ်ယၡါယၤ 8:16

သုဝဲ, ယပျဲၢ်ယဘီၣ်တဖၣ်သုကဘၣ်အံးထွဲကွၢ်ထွဲဒီးပၢၤဃး တၢ်ကစီၣ်တဖၣ်လၢကစၢ်ယွၤဟ့ၣ်လီၤတ့ၢ်ယၤလီၤ.

လံာ်ယၡါယၤ 8:20

သုကဘၣ်စံးဆၢက့ၤအဝဲသ့ၣ်, “ဒိကနၣ်တၢ်လၢယွၤသိၣ်လိ သီလိသုတက့ၢ်. ဒိကနၣ်ပှၤကွဲပှၤသံအကလၤတဖၣ်တဂ့ၤ. တၢ်လၢအစံးဘၣ်သုန့ၣ်တမၤဂ့ၤသုနီတမံၤဘၣ်.”

လံာ်မးသဲ 21:9

ဒီးပှၤဂီၢ်မုၢ်လၢအလဲၤလၢယ့ၣ်ၡူးအမဲာ်ညါဒီးပှၤလၢအပိာ်ထီၣ် အခံတဖၣ်ကိးပသူထီၣ်ဒီးစံး, “စီၤဒၤဝံးအဖိခွါဧၢ, အုၣ်က့ၤခီၣ်က့ၤပှၤတက့ၢ်. ပှၤလၢအဟဲလၢကစၢ်အမံၤတဂၤန့ၣ်မ်ယွၤဆိၣ်ဂ့ၤအီၤတက့ၢ်. မ်ကစၢ်ယွၤအမံၤဘၣ်တၢ်စံးထီၣ်ပတြၢၤအီၤတက့ၢ်” (စံး. ၁၁၈:၂၅-၂၆).

ဧ့ၤဘြံၤ 2:9

မ့မ့ၢ်ပထံၣ်ယ့ၣ်ၡူး, လၢအဘၣ်တၢ်ပာ်အလီၢ်ဖုၣ်န့ၢ်ကလူးတဖၣ် တစိၢ်တလီၢ်, ဒ်သိးခီဖျိကစၢ်ယွၤအဘျုးအဖှိၣ်န့ၣ်အဝဲကဘၣ် သံဝဲလၢပှၤကိးဂၤဒဲးအဂီၢ်လီၤ. ပထံၣ်အီၤခဲအံၤဘၣ်တၢ်ကုာ်ထီၣ်အီၤလၢတၢ်လၤကပီၤဒီး တၢ်ကဟုကညီၢ်လၢအဝဲတူၢ်သံအသးအဃိလီၤ.

ယၤကိာ် 1:12

ပှၤလၢအအိၣ်ဂၢၢ်ဆိးကျၢၤဖဲအဘၣ်တၢ်မၤကွၢ်အီၤ အခါန့ၣ်, ဘၣ်ဆိၣ်ဂ့ၤဝဲလီၤ. အဂ့ၢ်ဒ်အံၤ, ဖဲအဝဲမၤနၢၤတၢ်မၤကွၢ်ဒ်အံၤအသိးန့ၣ်, အဝဲကဒိးန့ၢ်ဘၣ်ခိၣ်ဖးလၢအမ့ၢ်တၢ်မူလၢကစၢ်ယွၤ အၢၣ်လီၤတ့ၢ်လၢပှၤလၢအအဲၣ်အီၤတဖၣ်အဂီၢ်န့ၣ်လီၤ.

ယၤကိာ် 2:5

ယဒီပုၢ်ဝဲၢ်သးဘိသ့ၣ်ဧၢ, ဒိကနၣ်တက့ၢ်. ကစၢ်ယွၤဃုထၢပှၤအဖှီၣ်လၢဟီၣ်ခိၣ်အံၤဒ်သိး ကထူးဝဲတီၤဝဲလၢတၢ်စူၢ်တၢ်နာ်ဒီးမၤန့ၢ်ဘီမုၢ်လၢ အအၢၣ်လီၤတ့ၢ်ဝဲလၢပှၤလၢအအဲၣ်အီၤတဖၣ်အဂီၢ်န့ၣ်လီၤ.

လံာ်လီၣ်ဖျါ 19:12

အဝဲအမဲာ်ချံတဖၣ်လီၤဂာ်ဒီးမ့ၣ်အူလၣ်, ဒီးအဝဲဒၣ်ကၢၢ်ခိၣ်သလုးအါဖျၢၣ်လၢအခိၣ်လိၤလီၤ. အဝဲအိၣ်ဒီးအမံၤတဖျၢၣ်အိၣ်ကွဲးအသးလၢအလိၤ, ဘၣ်ဆၣ်ဒီးထဲအဝဲဒၣ်တဂၤဧိၤသ့ၣ်ညါမံၤအဝဲ အံၤလီၤ. ပှၤဂၤတသ့ၣ်ညါနီတဂၤဘၣ်.

လံာ်လီၣ်ဖျါ 4:10

ပှၤသူၣ်က့သးပှၢ်ခံဆံလွံၢ်ဂၤန့ၣ်, ထိၣ်လီၤပှီၤအသးလၢပှၤဆ့ၣ်နီၤလၢလီၢ်ပစိာ်အလိၤ တဂၤန့ၣ်အမဲာ်ညါ, ဒီးဘါထီၣ်ပှၤလၢအမူဝဲလီၤစိၤလီၤဃၣ် တဂၤန့ၣ်လီၤ. အဝဲသ့ၣ်ကွံာ်လီၤအခိၣ်သလုးတဖၣ်လၢလီၢ် ပစိာ်န့ၣ်အမဲာ်ညါဒီးသးဝံၣ်ထီၣ်ဝဲ,

လံာ်လီၣ်ဖျါ 4:4

ဝးတရံးလီၢ်ပစိာ်န့ၣ်, လီၢ်ပစိာ်အဂၤခံဆံလွံၢ်ဖျၢၣ်အိၣ်ကဝီၤ ဃာ်အီၤဝးကဝီၤကျီၤ, ဒီးလၢအဝဲသ့ၣ်အလိၤန့ၣ်, ပှၤသူၣ်က့သးပှၢ်အိၣ်ဆ့ၣ်နီၤဝဲဒၣ်ခံဆံလွံၢ်ဂၤလၢ အကူဝဲသိးဝဲလၢတၢ်ဝါဒီးကုာ်ဃာ်ခိၣ်သလုးထူတဖၣ် န့ၣ်လီၤ.

လံာ်လီၣ်ဖျါ 5:10

နဒုးကဲထီၣ်အဝဲသ့ၣ်လၢဘီမုၢ်တဘ့ၣ်လၢ အဘၣ်ဃးဒီးပှၤလုၢ်တၢ်အခိၣ်တဖၣ် လၢအကမၤကစၢ်ယွၤအတၢ်ဖံးတၢ်မၤအဂီၢ်န့ၣ်လီၤ. ဒီးအဝဲသ့ၣ်ကပၢတၢ်လၢဟီၣ်ခိၣ်ချၢလီၤ.”

လံာ်စီၤၡမူၤအ့လးအခီၣ်ထံးတဘ့ၣ် 10:1

တုၤနုၤတစုစီၤၡမူၤအ့လးဟံးန့ၢ်သ့ၣ်စၤယံးအသိတကိဒီးလူ လီၤအီၤလၢစီၤစီလူးအခိၣ်လိၤဒီးနၢမူအီၤလီၤ. ဒီးစံးဝဲဒၣ်, “ယွၤဖှူနၤဒ်အပှၤဂီၢ်မုၢ်ကီၢ်အံၣ်စရ့လးအပှၤပၢတၢ်တဂၤ အသိးန့ၣ်လီၤ. နကဘၣ်ပၢအဝဲအပှၤဂီၢ်မုၢ်ဒီးဒီဒၣ်အိၣ်ပှိၤအီၤလၢ ကယဲၢ်အဒုၣ်အဒါတဖၣ်ခဲလၢာ်လီၤ. ဒီးအဝဲအံၤမ့ၢ်တၢ်အုၣ်အသးတမံၤလၢယွၤဃုထၢတ့ၢ်နၤ, လၢနကကဲထီၣ်ပှၤပၢဘၣ်အပှၤဂီၢ်မုၢ်န့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 10:24

စီၤၡမူၤအ့လးစံးဘၣ်ပှၤဂီၢ်မုၢ်, “အဝဲအံၤ, မ့ၢ်ပှၤတဂၤလၢယွၤဃုထၢထီၣ်အီၤန့ၣ်လီၤ. လၢပဝဲဒၣ်ခဲလၢာ်အကျါပှၤလီၤဂာ်ဒီးအီၤတအိၣ်ဘၣ်နီတဂၤဘၣ်.” ဒီးကယဲၢ်ပှၤဂီၢ်မုၢ်ခဲလၢာ်ကိးထီၣ်ဝဲ, “မ်ပကစၢ်စီၤပၤအိၣ်ကၢအိၣ်ခိးတက့ၢ်.”