လံာ်ကွဲးနီၣ်တၢ်ခံဘ့ၣ်တဘ့ၣ် 23:1 - Sgaw Karen Common Bible

¹ လၢတၢ်အိၣ်ခိးတၢ်ဃုနံၣ်ဝံၤအလီၢ်ခံန့ၣ်, ပှၤလုၢ်တၢ်အခိၣ်စီၤ ယဟိယဒါပာ်လီၤအသးလၢတၢ်အံၤမ့ၢ်တၢ်ဆၢကတီၢ်လၢအဝဲကဘၣ်စး ထီၣ်မၤတၢ်န့ၣ်လီၤ. အဝဲမၤသကိးတၢ်အၢၣ်လီၤအီလီၤတမံၤဒီးသုးခိၣ်သုးနၢ်ယဲၢ်ဂၤ လၢအမ့ၢ်ဝဲစီၤယရိဃၣ်အဖိခွါစီၤဧစၤရယၤ, စီၤယိဃၤနၣ်အဖိခွါစီၤယံးၡမၤဧ့လး, စီၤဧိၤဘ့းအဖိခွါ စီၤဧစၤရယၤ, စီၤဧဒါယၤအဖိခွါစီၤမၤစ့ယၤဒီးစီၤစံးကရံးအဖိခွါစီၤ အလံၡဖးတဖၣ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 23:1 Iomraidhean Croise

လံာ်စီၤပၤခံဘ့ၣ်တဘ့ၣ် 12:7

လၢတၢ်န့ၣ်အဃိ, အဝဲကိးဃီၤစီၤယဟိယဒါဒီးပှၤလုၢ်တၢ်အခိၣ် အဂၤတဖၣ်ဒီးသံကွၢ်အဝဲသ့ၣ်, “ဘၣ်မနုၤအဃိလၢသုတမၤဂ့ၤထီၣ်က့ၤယွၤအတၢ်လုၢ်ဟံၣ်န့ၣ် လဲၣ်. စးထီၣ်ခဲကနံၣ်အံၤဒီးဆူညါသုတဘၣ်ပၢၤဃာ်လၢၤစ့ လၢသုဒိးန့ၢ်အီၤန့ၣ်လၢၤဘၣ်. သုကဘၣ်ဟ့ၣ်လီၤဒ်သိးတၢ်ဘှီက့ၤဘၣ်တၢ်မၤအီၤကသ့ အဂီၢ်န့ၣ်လီၤ.”

လံာ်ကွဲးနီၣ်တၢ်ခံဘ့ၣ်တဘ့ၣ် 15:12

အဝဲသ့ၣ်မၤတ့ၢ်တၢ်အၢၣ်လီၤအီလီၤတမံၤလၢအဝဲသ့ၣ်အၢၣ်လီၤဝဲ လၢအဝဲသ့ၣ်ကဘူၣ်ထီၣ်ဘါထီၣ်ယွၤအဝဲသ့ၣ်အမိၢ်ပၢ်ဖံဖုလၢပျၢၤ တဖၣ်အကစၢ်ယွၤ, လၢအသူၣ်ကံၢ်သးလဲဒီးအသးဒီဖျၢၣ်ညါန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 22:12

လၢဃုနံၣ်အတီၢ်ပူၤ, ဖဲနီၢ်ဧသၤလယၤပၢတၢ်ဒ်နီၢ်ပၤမုၣ်အခါ န့ၣ်အဝဲအိၣ်ခူသူၣ်တ့ၢ်ဝဲဖဲန့ၣ်လီၤ.

လံာ်စီၤနဃ့မယၤ 9:38

မ့ၢ်လၢတၢ်မၤအသးခဲလၢာ်သ့ၣ်တဖၣ်အံၤအဃိပဝဲကီၢ်အံၣ်စရ့လး အပှၤဂီၢ်မုၢ်, ပမၤတၢ်အၢၣ်လီၤသမှံၤသပှၢ်တခါလၢအအိၣ်ကွဲးလီၤအသး, ဒီးပခိၣ်ပနၢ်တဖၣ်, ပပှၤလ့ၤဝံဖိတဖၣ်ဒီးပပှၤလုၢ်တၢ်အခိၣ်တဖၣ် စဲဃာ်အီၤဒီးအဝဲသ့ၣ်အတၢ်ပနီၣ်တဖၣ်န့ၣ်လီၤ.

လံာ်တၢ်ဟးထီၣ်ကွံာ် 6:21

ဒီးစီၤယံးစဟၢ်အိၣ်ဒီးအဖိခွါသၢဂၤလၢအမ့ၢ်, စီၤကိၤရး, စီၤန့ဖ့းဒီးစီၤစံးကရံလီၤ.

လံာ်စီၤၡမူၤအ့လးအခီၣ်ထံးတဘ့ၣ် 18:3

စီၤယိနၤသၣ်မၤတၢ်ရ့လိာ်မုာ်လိာ်အထူအယိာ်အတၢ်ဆိၣ်ဒီးစီၤဒၤဝံး လၢအအဲၣ်ဘၣ်အီၤဒိၣ်နီၢ်မးအဃိန့ၣ်လီၤ.