လံာ်ကွဲးနီၣ်တၢ်ခံဘ့ၣ်တဘ့ၣ် 22:7 - Sgaw Karen Common Bible

⁷ ကစၢ်ယွၤသူတၢ်လဲၤအိၣ်သကိးစီၤယဟိရၣ်အံၤဒ်ကျဲလၢကကဲထီၣ် စီၤအဃၤစယၤအတၢ်ဟးဂီၤအဂီၢ်န့ၣ်လီၤ. ဖဲစီၤအဃၤစယၤအိၣ်ဝဲဖဲန့ၣ်အခါန့ၣ်, အဝဲဒီးစီၤယဟိရၣ်ဘၣ် ကွၢ်ဆၢၣ်မဲာ်လိာ်အသးဒီးပှၤတဂၤလၢအမံၤမ့ၢ်ဝဲစီၤယ့ၤဟူ, လၢအမ့ၢ်စီၤနံၣ်ၡံၤအဖိခွါ, ပှၤတဂၤလၢယွၤဃုထၢတ့ၢ်အီၤလၢ ကမၤဟးဂီၤကွံာ်စီၤအၤဃာ်အစၢၤအသွဲၣ်အတၢ်ပၢအစိၤန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 22:7 Iomraidhean Croise

လံာ်စီၤပၤအခီၣ်ထံးတဘ့ၣ် 12:15

တၢ်အံၤမ့ၢ်ယွၤအတၢ်ဘၣ်အသးလၢကမၤလၢထီၣ်ပှဲၤထီၣ်တၢ်လၢအဝဲ စံးဘၣ်တ့ၢ်စီၤနဘးအဖိခွါစီၤယၤရၤဘၣ်ခီဖျိ ဝံအဃံယၤလၢဝ့ၢ်ၡံလိၤန့ၣ်လီၤ. လၢတၢ်န့ၣ်အဃိစီၤပၤတကနၣ်ဃုာ်ဘၣ်ပှၤဂီၢ်မုၢ်နီတစဲးဘၣ်.

လံာ်စီၤပၤအခီၣ်ထံးတဘ့ၣ် 12:24

“ကီၢ်အံၣ်စရ့လးအပှၤဂီၢ်မုၢ်ဧၢ, ဒုးတၢ်ဒီးသုဒီပုၢ်ဝဲၢ် ကဒဲကဒဲတဖၣ်တဂ့ၤ. သုဝဲခဲလၢာ်က့ၤဆူသုဟံၣ်တက့ၢ်. တၢ်လၢအမၤတ့ၢ်အသးအံၤမ့ၢ်ဒၣ်ယတၢ်ဘၣ်ယသးန့ၣ်လီၤ.” အဝဲသ့ၣ်ခဲလၢာ်စူၢ်ယွၤအတၢ်မၤလိာ်ဒီးက့ၤကဒါက့ၤဆူအဟံၣ်ဒၣ် ဝဲန့ၣ်လီၤ.

လံာ်စီၤပၤအခီၣ်ထံးတဘ့ၣ် 19:16

ဖှူစီၤနံၣ်ၡံၤအဖိခွါစီၤယ့ၤဟူဒ်ကီၢ်အံၣ်စရ့လးအစီၤပၤ ဒီးစီၤၡၤဖးလၢဝ့ၢ်အၤဘ့လးမဃိလံၤအဖိခွါစီၤအလံၤၡါဒ် သိးကကဲထီၣ်ဝံတဂၤလၢနလီၢ်တက့ၢ်.

လံာ်စီၤပၤအခီၣ်ထံးတဘ့ၣ် 22:20

ယွၤသံကွၢ်ဝဲ, မ့ၢ်မတၤကလီန့ၢ်စီၤအၤဃာ်ဒ်သိးကလဲၤဒုးတၢ် ဒီးဘၣ်တၢ်မၤသံကွံာ်အီၤလၢဝ့ၢ်ရၤမိးန့ၣ်လဲၣ်. ကလူးတနီၤစံးတၢ်တမံၤဒီးအဂၤတနီၤစံးတၢ်အဂၤတမံၤဒၣ်လီၤ.

လံာ်စီၤပၤခံဘ့ၣ်တဘ့ၣ် 10:11

ဝံၤဒီးစီၤယ့ၤဟူမၤသံကွံာ်ကယဲၢ်စီၤအၤဃာ်အဘူးအတံၢ်အဂၤ ခဲလၢာ်လၢအအိၣ်ဆိးလၢဝ့ၢ်ယံးစရ့လးအပူၤဒီးကယဲၢ်အပဒိၣ်ပပှၢ် ခဲလၢာ်, အတံၤသကိးဘူးဘူးတံၢ်တံၢ်တဖၣ်ဒီးအပှၤလုၢ်တၢ်အခိၣ်တဖၣ်န့ၣ် လီၤ. တပာ်လီၤတဲာ်မူဒံးအဝဲသ့ၣ်နီတဂၤဘၣ်.

လံာ်စီၤပၤခံဘ့ၣ်တဘ့ၣ် 9:21

စီၤပၤယဟိရၣ်ဟ့ၣ်လီၤအကလုၢ်စံးဝဲ, “ကတဲာ်ကတီၤထီၣ်ယလ့ၣ် ကဟၣ်တက့ၢ်.” အတၢ်ဟ့ၣ်လီၤအကလုၢ်ဘၣ်တၢ်မၤထွဲအီၤ, ဒီးအဝဲဒီးစီၤပၤအဃၤစယၤဟးထီၣ်ဒိးထီၣ်အလ့ၣ်ကဟၣ်ဒၣ်ဝဲ စုာ်စုာ်လၢကလဲၤသဂၢၢ်စီၤယ့ၤဟူအဂီၢ်န့ၣ်လီၤ. အဝဲသ့ၣ်ထံၣ်လိာ်အသးဒီးစီၤယ့ၤဟူဖဲပှၤယံးစရ့လးဖိစီၤ နၤဘိးအပျီန့ၣ်လီၤ.

လံာ်စီၤပၤခံဘ့ၣ်တဘ့ၣ် 9:27

စီၤပၤအဃၤစယၤထံၣ်ဘၣ်တၢ်မၤအသး, အဃိဒီး, အဝဲဃ့ၢ်ပူၤဖျဲးကွံာ်အသးလၢအလ့ၣ်ကဟၣ်ဒၣ်ဝဲအပူၤဆူ တၤသၣ်လီၢ်အဟံၣ်အကျဲ, ဒီးစီၤယ့ၤဟူလူၤထွဲအီၤန့ၣ်လီၤ. စီၤယ့ၤဟူမၤလိာ်အခ့အပှၤတဖၣ်, “မၤသံကွံာ်အီၤစ့ၢ်ကီးတ က့ၢ်.” ဒီးအဝဲသ့ၣ်မၤဘၣ်ဒိဘၣ်ထံးအီၤဖဲအဝဲနီၣ်အလ့ၣ်ကဟၣ်ဆူ ကျဲလဲၤထီၣ်ဆူကူၢ်ဖဲဝ့ၢ်ယံးဘျၣ်အကပၤန့ၣ်လီၤ. ဘၣ်ဆၣ်အဝဲဃ့ၢ်ဝဲဆူညါကဲဒံးတုၤအလဲၤတုၤဆူဝ့ၢ်မကံးဒိၤ ဒီးသံဝဲဖဲန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 10:15

တၢ်အံၤ, မ့ၢ်ယွၤ, ကစၢ်ယွၤအတၢ်ဘၣ်သးလၢကမၤလၢပှဲၤထီၣ်တၢ်လၢ အဝဲစံးဘၣ်တ့ၢ်စီၤနဘးအဖိခွါစီၤယၤရၤဘၣ်ခီဖျိ, ဝံအဃံယၤလၢဝ့ၢ်ၡံလိၤန့ၣ်လီၤ. လၢတၢ်အံၤအဃိစီၤပၤတကနၣ်ဃုာ်ဘၣ်ပှၤဂီၢ်မုၢ်နီတစဲးဘၣ်.

လံာ်ကွဲးနီၣ်တၢ်ခံဘ့ၣ်တဘ့ၣ် 22:6

အဝဲဟဲက့ၤကဒါက့ၤဆူဝ့ၢ်ယံးစရ့လးလၢကမၤဘျါက့ၤအတၢ်ပူၤ လီၢ်ပူၤကျဲအဂီၢ်, ဒီးစီၤအဃၤစရၤလဲၤဖဲန့ၣ်လၢကအိၣ်သကိးအီၤအဂီၢ်န့ၣ်လီၤ.

စံးထီၣ်ပတြၢၤ 9:16

ယွၤဒုးနဲၣ်အသးခီဖျိအတၢ်စံၣ်ညီၣ်အတီအလိၤတဖၣ်, ဒီးပှၤတတီတလိၤတဖၣ်န့ၣ်, ဘၣ်ဘျးလၢပျံၤသကွီၤလၢ အမၤဝဲလၢအစုဒၣ်ဝဲလီၤ. ဟံၣ်ကယိၣ်စ့လၤ

တၢ်ကတိၤဒိ. 16:9

နမၤနတၢ်ကူၣ်တၢ်ကျဲၤဒၣ်နဲသ့လီၤ. ဘၣ်ဆၣ်ဒီးယွၤနဲၣ်နတၢ်ဖံး တၢ်မၤတဖၣ်လီၤ.

လံာ်ယၡါယၤ 46:10

လၢထံးလၢသီလံၤလံၤယကတိၤဆိပာ်တ့ၢ်တၢ်လၢ အကကဲထီၣ်လိၣ်ထီၣ်ဝဲ, ဒီးလၢပျၢၤလံၤလံၤယတဲတ့ၢ်ပာ်စၢၤတၢ်လၢအကမၤအသးလီၤ. ယစံးတ့ၢ်လၢယတၢ်ကူၣ်ကျဲၤတဖၣ်တကဲထီၣ်ဒီးတအိၣ်ဘၣ်နီ တဘျီဘၣ် ဒီးယကမၤတၢ်ခဲလၢာ်လၢယတိာ်သူၣ်ပာ်သးလၢယကမၤအီၤန့ၣ်လီၤ.

လံာ်ဟိၤၡ့ 14:9

မ်ပှၤလၢအကူၣ်သ့ကိးဂၤဒဲးနၢ်ပၢၢ်တၢ်လၢအကွဲးအသးဖဲအံၤ ဒီးမ်အတိၢ်န့ၢ်ဝဲလၢအသးပူၤန့ၣ်တက့ၢ်. ယွၤအကျဲန့ၣ်မ့ၢ်အဘၣ်ဒီးပှၤဂီၢ်မုၢ်လၢအတီဝဲလိၤဝဲကမူလၢ တၢ်ပိာ်ထွဲအီၤအဃိ, မ့မ့ၢ်ပှၤတၢ်ဒဲးဘးဖိတဖၣ်အခီၣ် ကဘၣ်တိၢ်ဒီးကလီၤဃံၤဝဲမ့ၢ်လၢအဝဲသ့ၣ်လဲၤကပာ်အီၤအဃိန့ၣ် လီၤ.

လံာ်မၤလကံ 4:3

မုၢ်တနံၤလၢယမၤတၢ်န့ၣ်, သုကမၤနၢၤကွံာ်ပှၤတတီတလိၤ, ဒီးအဝဲသ့ၣ်ကလီၤဂာ်ဒ်ဖၣ်ဆါလၢသုခီၣ်အဖီလာ်အသိးန့ၣ်လီၤ.

လံာ်သိၣ်လီၤသီလီၤတၢ် 32:35

ယွၤကဟ့ၣ်ကၣ်တၢ်ဒီးစံၣ်ညီၣ်အဝဲသ့ၣ်, တၢ်ဆၢကတီၢ်ကတုၤဝဲဖဲအဝဲသ့ၣ်ကဟးဂီၤကွံာ်, အဝဲသ့ၣ်အတၢ်ဘၣ်စံၣ်ညီၣ်ဃါမနၤအမုၢ်နံၤန့ၣ် ဘူးထီၣ်ဝဲလံ.

လံာ်စီၤယိၤၡူ 11:20

အဂ့ၢ်မ့ၢ်လၢယွၤမၤကိၤထီၣ်အဝဲသ့ၣ်အသးတဖၣ်လၢကဟဲ ထီဒါအံၣ်စရ့လးလၢတၢ်ဒုးအပူၤ, ဒ်သိးအဝဲသ့ၣ်ကဘၣ်တၢ်မၤဟးဂီၤကွံာ်အီၤခဲလၢာ်ဒီးတဒိးန့ၢ်တၢ်သးကညီၤဘၣ်ဒီးကဘၣ်တၢ်မၤ သံကွံာ်အီၤခဲလၢာ်ဒ်ယွၤမၤလိာ်တ့ၢ်စီၤမိၤၡ့အသိးအဃိန့ၣ်လီၤ.

လံာ်ပှၤစံၣ်ညီၣ်ကွီၢ် 14:4

အမိၢ်အပၢ်တဖၣ်တသ့ၣ်ညါလၢတၢ်န့ၣ်မ့ၢ်ယွၤအတၢ်ဆှၢစီၤၡံၣ်ၡိၣ် လၢအကမၤတၢ်န့ၢ်အဂ့ၢ်ဘၣ်န့ၣ်လီၤ. အဂ့ၢ်ဒ်အံၤ, ယွၤဃုတၢ်အခွဲးအယာ်လၢကဒုးပှၤဖလ့ၡသးဖိတဖၣ်န့ၣ်လီၤ. အကတီၢ်ဖဲအံၤပှၤဖလ့ၡသးဖိတဖၣ်ပၢကီၢ်အံၣ်စရ့လးန့ၣ်လီၤ.