လံာ်ကွဲးနီၣ်တၢ်ခံဘ့ၣ်တဘ့ၣ် 22:5 - Sgaw Karen Common Bible

⁵ ပိာ်ထွဲထီၣ်အဝဲသ့ၣ်အတၢ်ဟ့ၣ်ကူၣ်အခံန့ၣ်, အဝဲမၤသကိးတၢ်ဒီးကီၢ်အံၣ်စရ့လးအစီၤပၤစီၤယဟိရၣ်လၢတၢ် ဒုးတၢ်ယၤတဘျီထီဒါကီၢ်စူၤရံအစီၤပၤစီၤဃစ့လးန့ၣ်လီၤ. သုးမုၢ်တဖၣ်ဒုးလိာ်အသးဖဲဝ့ၢ်ရၤမိးလၢကီၢ်ကံးလဧးအပူၤ ဒီးစီၤယဟိရၣ်ဘၣ်ဒိဝဲလၢတၢ်ဒုးတၢ်ယၤအပူၤန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 22:5 Iomraidhean Croise

လံာ်စီၤပၤအခီၣ်ထံးတဘ့ၣ် 22:3

စီၤအၤဃာ်သံကွၢ်အပဒိၣ်ပပှၢ်တဖၣ်, “ဘၣ်မနုၤပတမၤတၢ်နီတမံၤမံၤ, လၢပကဒိးန့ၢ်ဘၣ်က့ၤဝ့ၢ်ရၤ မိးလၢကီၢ်ကံးလဧးအပူၤ, လၢကီၢ်စူၤရံအစီၤပၤအစုပူၤန့ၣ်လဲၣ်. တၢ်န့ၣ်မ့ၢ်တၢ်လၢအဘၣ်ဃးဒီးပှၤလီၤ.”

လံာ်စီၤပၤအခီၣ်ထံးတဘ့ၣ် 4:13

စီၤက့ဘ့ၢ်အဖိခွါလၢဝ့ၢ်ရၤမိးလၢကီၢ်ကံးလဧးအပူၤ, ဒီးသဝီတဖၣ်လၢကီၢ်ကံးလဧးအပူၤလၢအဘၣ်ဃးဒီးစီၤယၤအံၢ်, ပှၤတဂၤလၢအလီၤစၢၤလၢစီၤမနၤၡ့ၤအဒူၣ်ထၢ, ဒီးတၢ်လီၢ်အိၣ်လၢအၢ်ကိးလၢအအိၣ်လၢကီၢ်ဘၤၡၣ်အပူၤ, ဝ့ၢ်ဖးဒိၣ်အဖျၢၣ်ဃုဆံလၢအဘၣ်တၢ်မၤကျၢၤအီၤဒီးဝ့ၢ်ခိၣ်ဒူ တဖၣ်ဒီးတြဲၤဖးဒိၣ်တဖၣ်လၢအအိၣ်ဒီးတိၢ်ဘီနီၣ်တြီတဖၣ်လၢအ လိၤ,

လံာ်စီၤပၤခံဘ့ၣ်တဘ့ၣ် 3:1

လၢကီၢ်ယူဒၤအစီၤပၤစီၤယဟိၡၤဖးပၢတၢ်တဆံဃိးနံၣ်တနံၣ် အပူၤန့ၣ်, စီၤအၤဃာ်အဖိခွါစီၤယဟိရၣ်, ကဲထီၣ်ကီၢ်အံၣ်စရ့လးအစီၤပၤ ဒီးအဝဲပၢတၢ်လၢဝ့ၢ်ၡၤမရံအပူၤတဆံခံနံၣ်န့ၣ်လီၤ.

လံာ်စီၤပၤခံဘ့ၣ်တဘ့ၣ် 8:9

လၢတၢ်န့ၣ်အဃိစီၤဃစ့လးဂီၤကၢ်ထီၣ်ကီၤလၤအူးအဒုလွံၢ်ဆံ ဒီးကယဲၢ်တၢ်ဟ့ၣ်အဂ့ၤကတၢၢ်အကလုာ်ကလုာ်လၢဝ့ၢ်ဒၤမ့ၤစ့းဒီး လဲၤဝဲဆူစီၤအလံၤၡါအအိၣ်န့ၣ်လီၤ. တုၤစီၤဃစ့လးထံၣ်စီၤအလံၤၡါန့ၣ်စံးဝဲဒၣ်, “နခ့နပှၤစီၤပၤဘ့ၣ်ဟဒးဆှၢလီၤယၤဒ်သိးယကသံကွၢ်နၤလၢမ့ၢ် အဝဲကဘျါက့ၤဧါမ့တမ့ၢ်တဘျါက့ၤလၢၤဘၣ်လဲၣ်အဂ့ၢ်န့ၣ်လီၤ.”

လံာ်စီၤပၤခံဘ့ၣ်တဘ့ၣ် 9:1

ဖဲဆၢကတီၢ်အဝဲန့ၣ်အပူၤအတ့ၤ, ဝံအလံၤၡါကိးဃီၤဝံသးစၢ် အကျါတဂၤဒီးစံးဘၣ်အီၤ, “ကတဲာ်ကတီၤထီၣ်နသးဒီးလဲၤဆူဝ့ၢ်ရၤမိးလၢကီၢ်ကံးလဧး အပူၤန့ၣ်တက့ၢ်. လဲၤစိာ်သ့ၣ်စၤယံးအသိတကိအံၤဃုာ်ဒီးနၤ,

လံာ်ကွဲးနီၣ်တၢ်ခံဘ့ၣ်တဘ့ၣ် 18:3

အဝဲသံကွၢ်ဝဲ, “မ့ၢ်နကလဲၤသကိးတၢ်ဒီးယၤလၢတၢ်ကလဲၤထီၣ်ဒုးဝ့ၢ်ရၤမိးအဂီၢ်န့ၣ်ဧါ.” စီၤယဟိၡၤဖးစံးဆၢဝဲ, “နမ့ၢ်အိၣ်ကတဲာ်ကတီၤနသးဒီးယအိၣ် ကတဲာ်ကတီၤယသးန့ၣ်လီၤ. ဒ်န့ၣ်အသိးပှၤသုးမုၢ်စ့ၢ်ကီးအိၣ်ကတဲာ်ကတီၤအသးန့ၣ်လီၤ. ပကလဲၤဃုာ်သကိးဒီးနၤလီၤ.”

လံာ်ကွဲးနီၣ်တၢ်ခံဘ့ၣ်တဘ့ၣ် 18:31

လၢတၢ်န့ၣ်အဃိ, တုၤအဝဲသ့ၣ်ထံၣ်ဃီၤစီၤယဟိၡၤဖးန့ၣ်, အဝဲသ့ၣ်ခဲလၢာ်ဆိကမိၣ်လၢအဝဲမ့ၢ်ကီၢ်အံၣ်စရ့လးအစီၤပၤဒီး အဝဲသ့ၣ်ဃၣ်အသးလၢကဒုးအီၤအဂီၢ်န့ၣ်လီၤ. ဘၣ်ဆၣ်စီၤယဟိၡၤဖးကိးထီၣ်ဝဲဒီးယွၤ, ကစၢ်ယွၤမၤပူၤဖျဲး အီၤဒီးဃၣ်ကွံာ်တၢ်ဒုးယံၤဒီးအီၤန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 19:2

ဝံတဂၤလၢအမ့ၢ်စီၤဃနၤနံအဖိခွါစီၤယ့ၤဟူ, လဲၤထီၣ်သဂၢၢ်စီၤပၤဒီးစံးဘၣ်အီၤ, “မ့ၢ်နဆိကမိၣ်လၢတၢ်မၤ စၢၤပှၤအၢပှၤသီဒီးတၢ်အိၣ်လၢပှၤသးဟ့ယွၤအအိၣ်တကပၤန့ၣ်, မ့ၢ်တၢ်အဘၣ်န့ၣ်ဧါ. တၢ်လၢနမၤတ့ၢ်န့ၣ်, ဟဲစိာ်ယွၤအတၢ်သးထီၣ်လၢနလိၤန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 22:6

အဝဲဟဲက့ၤကဒါက့ၤဆူဝ့ၢ်ယံးစရ့လးလၢကမၤဘျါက့ၤအတၢ်ပူၤ လီၢ်ပူၤကျဲအဂီၢ်, ဒီးစီၤအဃၤစရၤလဲၤဖဲန့ၣ်လၢကအိၣ်သကိးအီၤအဂီၢ်န့ၣ်လီၤ.

စံးထီၣ်ပတြၢၤ 1:1

ပှၤလၢအတတူၢ်လိာ်ပှၤတတီတလိၤသ့ၣ်တဖၣ် အတၢ်ဟ့ၣ်ကူၣ်ဟ့ၣ်ဖး, ပှၤလၢအတလူၤပိာ်ထွဲပှၤတၢ်ဒဲးဘးဖိသ့ၣ်တဖၣ် အတၢ်သိၣ်လိသီလိအခံ, ဒီးပှၤလၢအတမၤဘၣ်ထွဲလိာ်အသးဒီး ပှၤလၢအဒုၣ်ဒွဲၣ်ကစၢ်ယွၤတဖၣ်န့ၣ်, မ့ၢ်ပှၤဘၣ်ဆိၣ်ဂ့ၤနီၢ်နီၢ်လီၤ.

လံာ်ဒၤနံးယ့လး 5:22

ဒီးအဝဲဒၣ်အဖိခွါနဲဒၣ်, စီၤဘ့ၤလၡါစၢ်ဧၢ, နသ့ၣ်ညါ တ့ၢ်တၢ်ဂ့ၢ်တဖၣ်အံၤခဲလၢာ်ဒၣ်လဲာ်န့ၣ်နတဆီၣ်လီၤတ့ၢ် ဘၣ်နသးဘၣ်.

လံာ်မံကၤ 6:16

တၢ်အံၤကမၤအသးလီၤ. အဂ့ၢ်ဒ်အံၤ, သုမၤထွဲတ့ၢ်စီၤပၤစီၤဧိၢ်ရံၤဒီးအဖိခွါစီၤပၤစီၤ အၤဃာ်အလုၢ်အၢလၢ်သီတဖၣ်အခံလီၤ. သုလဲၤတၢ်လၢအဝဲသ့ၣ်အတၢ်သိၣ်တၢ်သီအကျဲတဖၣ်အပူၤဒီးတဆိ တ့ၢ်ဘၣ်သတးဒီးယကမၤဟးဂီၤသု ဒီးပှၤကိးဂၤကစူးကွံာ်ညိကွံာ်သုလီၤ. ဒီးယပှၤဂီၢ်မုၢ်လၢတၢ်လီၢ်ကိးပူၤဒဲးကသးဘၣ်အၢသုလီၤ.” revised 16-2-98