လံာ်ကွဲးနီၣ်တၢ်ခံဘ့ၣ်တဘ့ၣ် 22:3 - Sgaw Karen Common Bible

³ အဝဲအမိၢ်နီၢ်ဧသၤလယၤ, ကီၢ်အံၣ်စရ့လးအစီၤပၤဧိၣ်ရံၤအလံၤ မုၣ်ဒီးစီၤပၤအၤဃာ်အဖိမုၣ်, ဟ့ၣ်တ့ၢ်အီၤတၢ်ဟ့ၣ်ကူၣ်လၢအဆှၢဃီၤအီၤဆူတၢ်အၢတၢ်သီအပူၤ န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 22:3 Iomraidhean Croise

လံာ်စီၤပၤခံဘ့ၣ်တဘ့ၣ် 8:27

မ့ၢ်လၢစီၤအဃၤစယၤဒီဘူးဒီတံၢ်ဒီးစီၤပၤအၤဃာ်ခီဖျိတၢ် တ့တၢ်ဖျီအဃိန့ၣ်, အဝဲမၤတ့ၢ်တၢ်ဒဲးဘးထီဒါယွၤဒ်သိးဒၣ်စီၤ အၤဃာ်အဒူၣ်ဖိထၢဖိမၤတ့ၢ်ဝဲန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 22:2

စီၤအဃၤစယၤကဲထီၣ်စီၤပၤဖဲအသးအိၣ်ခံဆံခံနံၣ်ဒီးပၢတ့ၢ် တၢ်လၢဝ့ၢ်ယရူၤၡလ့ၣ်အပူၤတနံၣ်န့ၣ်လီၤ. စီၤအဃၤစယၤပိာ်ထွဲ စ့ၢ်ကီးစီၤပၤအၤဃာ်အဒူၣ်ဖိထၢဖိအဒိအတဲာ်အခံန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 22:4

အဝဲမၤတ့ၢ်တၢ်ဒဲးဘးထီဒါယွၤ, မ့ၢ်လၢဖဲအပၢ်သံဝံၤအလီၢ်ခံ န့ၣ်, စီၤပၤအၤဃာ်အဒူၣ်ဖိထၢဖိအဂၤတဖၣ်ကဲထီၣ်အဝဲအပှၤဟ့ၣ်ကူၣ် ဟ့ၣ်ဖးတၢ်တဖၣ်, ဒီးအဝဲသ့ၣ်ဆှၢဃီၤအီၤဆူအတၢ်ဟးဂီၤအပူၤအဃိန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 24:17

ဘၣ်ဆၣ်တုၤစီၤယဟိယဒါသံဝဲတဘျီန့ၣ်, ကီၢ်ယူဒၤအခိၣ်အနၢ်တဖၣ် ကွဲန့ၢ်လွဲန့ၢ်စီၤပၤယိၤအၣ်အသးလၢကဒိကနၣ်က့ၤအဝဲသ့ၣ်လၢ တၢ်ပိာ်ထွဲစီၤယဟိယဒါအတၢ်အတၢ်သိၣ်လိနဲၣ်ယုၤတ့ၢ်တဖၣ်အလီၢ် န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 24:7

(ပှၤတဖၣ်လၢအပိာ်ပှၤပိာ်မုၣ်အအၢအသီနီၢ်ဧသၤလယၤအခံန့ၣ်, မၤဟးဂီၤကွံာ်ယွၤအတၢ်လုၢ်ဟံၣ်, ဒီးသူတ့ၢ်တၢ်အဃၢၤအဃိာ်စီ ဆှံတဖၣ်အါမးလၢတၢ်ဘူၣ်ထီၣ်ဘါထီၣ်ဘဧၤလးအပူၤန့ၣ်လီၤ.)

လံာ်ကွဲးနီၣ်တၢ်ခံဘ့ၣ်တဘ့ၣ် 28:2

ဒီးလူၤပိာ်ထွဲကီၢ်အံၣ်စရ့လးအစီၤပၤတဖၣ်အဒိအတဲာ်အခံ န့ၣ်လီၤ. အဝဲမၢပှၤမၤထီၣ်ဘဧၤလးအဂီၤတဖၣ်, သိအသးလၢစ့, တိၢ်ဒီးထး,

လံာ်မၤလကံ 2:15

မ့ၢ်ကစၢ်ယွၤတဒုးကဲထီၣ်ဘၣ်သုဒီးသုမါလၢနီၢ်တဂၤ ဃီဒီးသးတဖျၢၣ်ဃီန့ၣ်ဘၣ်ဧါ. အဝဲအတၢ်ကွၢ်စိလၢတၢ်အံၤန့ၣ်မ့ၢ်မနုၤလဲၣ်. တၢ်န့ၣ်မ့ၢ်ဒၣ်ဒ်သိးသုကအိၣ်ဒီး သုဖိတဖၣ်လၢအမ့ၢ်ကစၢ်ယွၤအပှၤဂီၢ်မုၢ်အမ့ၢ်အတီန့ၣ်လီၤ. လၢတၢ်န့ၣ်အဃိ, ပလီၢ်သုသးဒ်သိးသုသုတမၤဟးဂီၤသုတၢ် အၢၣ်လီၤဒီးသုမါနီတဂၤတဂ့ၤန့ၣ်တက့ၢ်.

လံာ်မးသဲ 10:37

ပှၤတဂၤလၢ်လၢ်လၢအအဲၣ်အမိၢ်မ့တမ့ၢ်အပၢ်အါန့ၢ်အအဲၣ်ယၤန့ၣ်, တကြၢးဘၣ်ဒီးယၤဘၣ်. ဒီးပှၤလၢအအဲၣ်အဖိခွါမ့တမ့ၢ်အဖိမုၣ်အါန့ၢ်အအဲၣ်ယၤန့ၣ်, တကြၢးဘၣ်ဒီးယၤဘၣ်.

မၤတၢ် 4:19

ဘၣ်ဆၣ်ဒီးစီၤပ့းတရူးဒီးစီၤယိၤဟၣ်စံးဆၢက့ၤအဝဲသ့ၣ်, “လၢကစၢ်ယွၤအမဲာ်ညါန့ၣ်, တၢ်အဘၣ်မ့ၢ်တၢ်ဒ်လဲၣ်န့ၣ်စံၣ်ညီၣ်ဒၣ်သုဝဲတက့ၢ်. မ့ၢ်တၢ်ဒိကနၣ်သုကလုၢ်ဧါ. မ့တမ့ၢ်ဘၣ်ဒီးတၢ်ဒိကနၣ်ကစၢ်ယွၤ အကလုၢ်လဲၣ်.