လံာ်ကွဲးနီၣ်တၢ်ခံဘ့ၣ်တဘ့ၣ် 22:12 - Sgaw Karen Common Bible

¹² လၢဃုနံၣ်အတီၢ်ပူၤ, ဖဲနီၢ်ဧသၤလယၤပၢတၢ်ဒ်နီၢ်ပၤမုၣ်အခါ န့ၣ်အဝဲအိၣ်ခူသူၣ်တ့ၢ်ဝဲဖဲန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 22:12 Iomraidhean Croise

လံာ်ကွဲးနီၣ်တၢ်ခံဘ့ၣ်တဘ့ၣ် 22:11

စီၤအဃၤစယၤအိၣ်ဒီးအဒီပုၢ်ဝဲၢ်မုၣ်တဂၤလၢအမိၢ်တမ့ၢ်တဂၤဃီ ဘၣ်လၢအမံၤမ့ၢ်နီၢ်ယဟိၡဘၤလၢအဒိးတ့ဒိးဖျီအသးဒီးပှၤလုၢ် တၢ်အခိၣ်တဂၤလၢအမ့ၢ်ဝဲစီၤယဟိယဒါန့ၣ်လီၤ. လၢတၢ်ခူသူၣ်အပူၤ, အဝဲမၤပူၤဖျဲးစီၤအဃၤစယၤအဖိခွါတဖၣ် အကျါတဂၤလၢအမ့ၢ်စီၤယိၤအၣ်န့ၣ်လီၤ. အဝဲစိာ်ကွံာ်အီၤလၢစီၤပၤဖိခွါအဂၤလၢတၢ်ကမၤသံအီၤတဖၣ် အကျါဒီးပာ်ခူသူၣ်အီၤဃုာ်ဒီးပိာ်မုၣ်လၢအကွၢ်အီၤတဂၤလၢ ယွၤအတၢ်လုၢ်ဟံၣ်အဒၢးတဖျၢၣ်အပူၤန့ၣ်လီၤ. လၢအဝဲအတၢ်ပာ်ခူသူၣ်အံၤအဃိ, အဝဲမၤပူၤမၤဖျဲးအီၤလၢနီၢ်ဧသၤလယၤအတၢ်မၤသံအီၤန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 23:1

လၢတၢ်အိၣ်ခိးတၢ်ဃုနံၣ်ဝံၤအလီၢ်ခံန့ၣ်, ပှၤလုၢ်တၢ်အခိၣ်စီၤ ယဟိယဒါပာ်လီၤအသးလၢတၢ်အံၤမ့ၢ်တၢ်ဆၢကတီၢ်လၢအဝဲကဘၣ်စး ထီၣ်မၤတၢ်န့ၣ်လီၤ. အဝဲမၤသကိးတၢ်အၢၣ်လီၤအီလီၤတမံၤဒီးသုးခိၣ်သုးနၢ်ယဲၢ်ဂၤ လၢအမ့ၢ်ဝဲစီၤယရိဃၣ်အဖိခွါစီၤဧစၤရယၤ, စီၤယိဃၤနၣ်အဖိခွါစီၤယံးၡမၤဧ့လး, စီၤဧိၤဘ့းအဖိခွါ စီၤဧစၤရယၤ, စီၤဧဒါယၤအဖိခွါစီၤမၤစ့ယၤဒီးစီၤစံးကရံးအဖိခွါစီၤ အလံၡဖးတဖၣ်န့ၣ်လီၤ.

စံးထီၣ်ပတြၢၤ 12:8

ပှၤအၢပှၤသီတဖၣ် အိၣ်လၢတၢ်လီၢ်ကိးပူၤဒဲး, ဒီးပှၤကိးဂၤဒဲး စံးထီၣ်ပတြၢၤ တၢ်အၢတၢ်သီန့ၣ်လီၤ.

စံးထီၣ်ပတြၢၤ 27:5

အဂ့ၢ်ဒ်အံၤ, လၢတၢ်ကိၢ်တၢ်ဂီၤအမုၢ်နံၤန့ၣ်, အဝဲကပာ်ခူသူၣ်ယၤ, ကမၤပူၤဖျဲးယၤလၢအတၢ်လုၢ်ဟံၣ်အပူၤ ဒီးပာ်ယၤလၢလၢၢ်ထီၣ်ထီအဖီခိၣ်န့ၣ်လီၤ.

စံးထီၣ်ပတြၢၤ 73:14

ကစၢ်ယွၤဧၢ, ကိးမုၢ်နံၤဒဲးန့ၣ် နဒုးတူၢ်ဘၣ်ယၤတၢ်, ကိးမုၢ်ဂီၤဒဲးနစံၣ်ညီၣ်ယၤလီၤ.

တၢ်ကတိၤဒိ. 28:28

တုၤပှၤအအၢအသီတဖၣ်န့ၢ်စိန့ၢ်ကမီၤဒီး, ပှၤအိၣ်ခူသူၣ်ဝဲလီၤ. ဘၣ်ဆၣ်တုၤအဝဲသ့ၣ်လီၤတဲာ်ကွံာ်လၢတၢ်စိတၢ်ကမီၤအလီၢ်ဒီး, ပှၤအတီအလိၤတဖၣ်ကပၢကဒီးတၢ်န့ၣ်လီၤ.

လံာ်ယံးရမံယၤ 12:1

ယွၤဧၢ, ယမ့ၢ်လိာ်ကွီၢ်ယတၢ်ဂ့ၢ်ဒီးနၤဒီး, နကဒုးနဲၣ်ဖျါလၢနတၢ်မ့ၢ်ဝဲတီဝဲန့ၣ်လီၤ. သနာ်က့, ယဘၣ်သံကွၢ်နၤတၢ်ဂ့ၢ် တၢ်ကျိၤတဖၣ်လၢအဘၣ်ဃးဒီးတၢ်စံၣ်ညီၣ်န့ၣ်လီၤ. ဘၣ်မနုၤအဃိပှၤအၢပှၤသီတဖၣ်ဘီၣ်ထီၣ်ညီထီၣ်ဝဲ နးမးန့ၣ်လဲၣ်. ဘၣ်မနုၤအဃိပှၤတတီတလိၤတဖၣ် မၤတၢ်ကဲထီၣ်လိၣ်ထီၣ်ဝဲန့ၣ်လဲၣ်.

လံာ်ဃဘးကူာ် 1:12

ယွၤဧၢ, လၢထံးလၢမကိာ်လံၤလံၤန့ၣ်နမ့ၢ်ကစၢ်ယွၤလီၤ. နမ့ၢ်ကစၢ်ယွၤ, တၢ်စီတၢ်ဆှံဒီးတၢ်လီၤထူလီၤယိာ်လီၤ. ယွၤ, ယကစၢ်ယွၤဒီးပှၤလၢအကဟုဘံၣ်ကယာ်ဘၢယၤဧၢ, နဃုထၢတ့ၢ်ပှၤဘၤဘူၤလိၣ်ဖိတဖၣ်ဒီးဒုးမၤထီၣ်အ ဂံၢ်အဘါဒ်သိးစံၣ်ညီၣ်ပှၤကသ့အဂီၢ်လီၤ.