လံာ်ကွဲးနီၣ်တၢ်ခံဘ့ၣ်တဘ့ၣ် 22:1 - Sgaw Karen Common Bible

¹ ပှၤဂုာ်ဆူၣ်ပျိဆူၣ်တၢ်တဖုလၢအဟဲဃုာ်ဒီးပှၤဧ့ရ့းဖိတနီၤ န့ၣ်နုာ်လီၤဒုးတၢ်, ဒီးမၤသံကွံာ်စီၤပၤစီၤယဟိရၣ်အဖိခွါခဲလၢာ်, အိၣ်လီၤတဲာ်ဒၣ်ထဲအဖိခွါသဒါစီၤအဃၤစယၤတဂၤဧိၤန့ၣ်လီၤ. လၢတၢ်န့ၣ်အဃိဝ့ၢ်ယရူၤၡလ့ၣ်အပှၤဂီၢ်မုၢ်ဒုးကဲထီၣ်စီၤအဃၤ စယၤလၢစီၤပၤ, လၢအပၢ်အလီၢ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 22:1 Iomraidhean Croise

လံာ်စီၤပၤခံဘ့ၣ်တဘ့ၣ် 10:13

အဝဲထံၣ်လိာ်အသးဒီးစီၤပၤအဃၤစယၤလၢအသံတ့ၢ်လံတဂၤအဘူး အတံၢ်တနီၤဒီးစီၤယ့ၤဟူသံကွၢ်အဝဲသ့ၣ်, “သုမ့ၢ်မတၤလဲၣ်.” အဝဲသ့ၣ်စံးဆၢဝဲ, “ပမ့ၢ်စီၤအဃၤစယၤအဘူးအတံၢ်တဖၣ်လီၤ. ပကလဲၤဆူဝ့ၢ်ယံးစရ့လးလၢပကဟ့ၣ်တၢ်ယူးယီၣ်ဆူနီၢ်ပၤမုၣ် အံစ့ၤဘ့ၤလးအဖိတဖၣ်ဒီးစီၤပၤအဟံၣ်ဖိဃီဖိအဂၤတဖၣ်န့ၣ် လီၤ.”

လံာ်စီၤပၤခံဘ့ၣ်တဘ့ၣ် 8:16

လၢစီၤအၤဃာ်အဖိခွါကီၢ်အံၣ်စရ့လးအစီၤပၤစီၤယဟိရၣ်ပၢတၢ် ယဲၢ်နံၣ်တနံၣ်န့ၣ်စီၤယဟိၡၤဖးအဖိခွါစီၤယဟိရၣ်ကဲထီၣ်ကီၢ် ယူဒၤအစီၤပၤ,

လံာ်စီၤပၤခံဘ့ၣ်တဘ့ၣ် 9:1

ဖဲဆၢကတီၢ်အဝဲန့ၣ်အပူၤအတ့ၤ, ဝံအလံၤၡါကိးဃီၤဝံသးစၢ် အကျါတဂၤဒီးစံးဘၣ်အီၤ, “ကတဲာ်ကတီၤထီၣ်နသးဒီးလဲၤဆူဝ့ၢ်ရၤမိးလၢကီၢ်ကံးလဧး အပူၤန့ၣ်တက့ၢ်. လဲၤစိာ်သ့ၣ်စၤယံးအသိတကိအံၤဃုာ်ဒီးနၤ,

လံာ်ကွဲးနီၣ်တၢ်အခီၣ်ထံးတဘ့ၣ် 3:11

စီၤယဟိရၣ်, စီၤအဃၤစယၤ, စီၤယိၤအၣ်,

လံာ်ကွဲးနီၣ်တၢ်ခံဘ့ၣ်တဘ့ၣ် 22:2

စီၤအဃၤစယၤကဲထီၣ်စီၤပၤဖဲအသးအိၣ်ခံဆံခံနံၣ်ဒီးပၢတ့ၢ် တၢ်လၢဝ့ၢ်ယရူၤၡလ့ၣ်အပူၤတနံၣ်န့ၣ်လီၤ. စီၤအဃၤစယၤပိာ်ထွဲ စ့ၢ်ကီးစီၤပၤအၤဃာ်အဒူၣ်ဖိထၢဖိအဒိအတဲာ်အခံန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 23:3

အဝဲသ့ၣ်ခဲလၢာ်ပာ်ဖှိၣ်ထီၣ်အသးလၢယွၤအတၢ်လုၢ်ဟံၣ်အပူၤ, ဒီးဖဲန့ၣ်အဝဲသ့ၣ်မၤတၢ်အၢၣ်လီၤဒီးစီၤပၤဖိခွါစီၤယိၤအၣ်န့ၣ်လီၤ. စီၤယဟိယဒါစံးဘၣ်အဝဲသ့ၣ်, “အအံၤမ့ၢ်စီၤပၤအဃၤစယၤလၢအသံဝဲအဖိခွါန့ၣ်လီၤ. ခဲအံၤအဝဲကကဲထီၣ်စီၤပၤ, ဒ်ယွၤအၢၣ်လီၤတ့ၢ်ဝဲလၢစီၤပၤ ဒၤဝံးအစၢၤအသွဲၣ်တဖၣ်ကမ့ၢ်စီၤပၤအသိးန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 25:23

စီၤယိၤအၣ်ဖီၣ်န့ၢ်စီၤအမၤစယါဒီးက့ၤကိးအီၤဆူဝ့ၢ်ယရူၤ ၡလ့ၣ်န့ၣ်လီၤ. ဖဲန့ၣ်အဝဲမၤလီၤပှီၢ်ကွံာ်ဝ့ၢ်အခိၣ်ဒူစးထီၣ်လၢအ့ဖရဲၣ် အတြဲၤဖးဒိၣ်တုၤဆူတၢ်အသနၢၣ်အတြဲၤဖးဒိၣ်, စီၤစုၤယံၤဝဲအပျၢ်လွံၢ်ကယၤန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 26:1

ကယဲၢ်ကီၢ်ယူဒၤအပှၤဂီၢ်မုၢ်ဃုထၢစီၤအမၤစယါအဖိခွါစီၤဧူး စံယါလၢအသးအိၣ်တဆံဃုနံၣ်တဂၤလၢကကဲထီၣ်စီၤပၤလၢအပၢ် အလီၢ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 33:25

ကီၢ်ယူဒၤအပှၤဂီၢ်မုၢ်မၤသံကွံာ်ပှၤတဖၣ်လၢအမၤသံစီၤအၤ မိၣ်, ဒီးဒုးကဲထီၣ်အဖိခွါစီၤယိၤၡံယၤလၢစီၤပၤ န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 36:1

ကီၢ်ယူဒၤအပှၤဂီၢ်မုၢ်ဃုထၢစီၤယိၤၡံယၤအဖိခွါစီၤယဟိအါ ဃးဒီးဖှူအီၤလၢသိဒ်စီၤပၤလၢဝ့ၢ်ယရူၤရှလ့ၣ်အပူၤန့ၣ်လီၤ.