လံာ်ကွဲးနီၣ်တၢ်ခံဘ့ၣ်တဘ့ၣ် 21:8 - Sgaw Karen Common Bible

⁸ ဖဲစီၤယဟိရၣ်ပၢတၢ်အစိၤန့ၣ်ကီၢ်အဒိၣ်ပူထီၣ်တၢ်ထီဒါကီၢ်ယူ ဒၤဒီးကဲထီၣ်ဘီမုၢ်သဘျ့တဘ့ၣ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 21:8 Iomraidhean Croise

လံာ်တၢ်ကဲထီၣ်အခီၣ်ထံး 27:40

နကအိၣ်မူခီဖျိနနးလီၤ. ဘၣ်ဆၣ်ဒီးနကမ့ၢ်နပုၢ်အကုၢ်အပှၤလီၤ. ဒီးတုၤနပူထီၣ်အီၤဒီးနကပူၤဖျဲးလၢအတၢ်ပၢနၤလီၤ.”

လံာ်စီၤပၤအခီၣ်ထံးတဘ့ၣ် 22:47

ကီၢ်အဒိၣ်တအိၣ်ဘၣ်ဒီးအစီၤပၤနီတဂၤဘၣ်. ဘၣ်တၢ်ပၢအီၤဒၣ်လၢခၢၣ်စးတဂၤလၢကီၢ်ယူဒၤအစီၤပၤဃုထၢပာ် လီၤအီၤန့ၣ်လီၤ.

လံာ်စီၤပၤခံဘ့ၣ်တဘ့ၣ် 3:9

လၢတၢ်န့ၣ်အဃိစီၤပၤယဟိရၣ်ဒီးကီၢ်ယူဒၤအစီၤပၤဒီးကီၢ် အဒိၣ်အစီၤပၤတဖၣ်ဟးထီၣ်ဝဲဒၣ်လီၤ. ဖဲအဝဲသ့ၣ်လဲၤတၢ်နွံသီဝံၤအလီၢ်ခံန့ၣ်, အဝဲသ့ၣ်အထံလၢာ်ကွံာ်န့ၢ်အီၤ, ဒီးထံတအိၣ်တီၢ်နီတစဲးလၢပှၤ ကညီအဂီၢ်မ့ၢ်ဂ့ၤလၢဆၣ်ဖိကီၢ်ဖိတဖၣ်လၢအလဲၤတၢ်ဒီးအဝဲသ့ၣ် အဂီၢ်မ့ၢ်ဂ့ၤန့ၣ်ဘၣ်.

လံာ်ကွဲးနီၣ်တၢ်ခံဘ့ၣ်တဘ့ၣ် 21:10

လၢန့ၣ်လံၤလံၤကီၢ်အဒိၣ်အိၣ်သဘျ့ထီၣ်ကွံာ်လၢကီၢ်ယူဒၤန့ၣ် လီၤ. တကတီၢ်ဃီအံၤ, ဝ့ၢ်လံးဘနၤစ့ၢ်ကီးပူထီၣ်ထီဒါကွံာ်တၢ်, မ့ၢ်လၢစီၤယဟိရၣ်ညိကွံာ်ယွၤ, အမိၢ်ပၢ်ဖံဖုလၢပျၢၤတဖၣ်အကစၢ်ယွၤအဃိန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 21:9

လၢတၢ်န့ၣ်အဃိ, စီၤယဟိရၣ်ဒီးအသုးခိၣ်သုးနၢ်တဖၣ်ဟးထီၣ် ဒီးလ့ၣ်ကဟၣ်ဒုးသုးတဖၣ်, ဒီးလဲၤထီၣ်ဒုးကီၢ်အဒိၣ်န့ၣ်လီၤ. ဖဲန့ၣ်ပှၤအဒိၣ်အသုးမုၢ်ကဝီၤဃာ်အဝဲသ့ၣ်, ဘၣ်ဆၣ်လၢမုၢ်နၤအကတီၢ်န့ၣ်, အဝဲသ့ၣ်ဟးဖျိထီၣ်ပၢၢ်ဝဲဒီးပူၤ ဖျဲးကွံာ်ဝဲန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 28:17

မ့ၢ်လၢပှၤအဒိၣ်ဖိတဖၣ်ဟဲနုာ်လီၤဒုးဆူၣ်ကဒီးကီၢ်ယူဒၤဒီး ဖီၣ်န့ၢ်ပှၤဘၣ်စၢဃာ်အါဂၤအဃိန့ၣ်လီၤ.