လံာ်ကွဲးနီၣ်တၢ်ခံဘ့ၣ်တဘ့ၣ် 21:4 - Sgaw Karen Common Bible

⁴ တုၤစီၤယဟိရၣ်အိၣ်ဂၢၢ်ဆိးကျၢၤလၢတၢ်ပၢဘၣ်ဘီမုၢ်န့ၣ်, အဝဲမၢပှၤမၤသံကွံာ်အဒီပုၢ်ဝဲၢ်ခွါခဲလၢာ်ဒီးဒ်န့ၣ်အသိး ကီၢ်အံၣ်စရ့လးအပဒိၣ်ပပှၢ်တနီၤန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 21:4 Iomraidhean Croise

လံာ်တၢ်ကဲထီၣ်အခီၣ်ထံး 4:8

ဒီးစီၤကၤယံၣ်စံးဘၣ်အပုၢ်စီၤဟ့းဘ့းလး, “ပကလဲၤသကိးဆူပျီပူၤ” န့ၣ်လီၤ. ဒီးဖဲအတုၤလၢပျီပူၤန့ၣ်ဒီးစီၤကၤယံၣ်ထီဒါအပုၢ်စီၤဟ့း ဘ့းလးဒီးမၤသံကွံာ်အီၤန့ၣ်လီၤ.

လံာ်စီၤပၤအခီၣ်ထံးတဘ့ၣ် 1:12

နမ့ၢ်အဲၣ်ဒိးနသးသမူဒီးနဖိခွါစီၤၡလိၤမိၤအသးသမူပူၤ ဖျဲးန့ၣ်, ယကဟ့ၣ်ကူၣ်နၤဒ်အံၤ,

လံာ်ကွဲးနီၣ်တၢ်ခံဘ့ၣ်တဘ့ၣ် 21:13

အခိၣ်တလိာ်, နပိာ်ထွဲတ့ၢ်ကီၢ်အံၣ်စရ့လးအစီၤပၤတဖၣ်အဒိအတဲာ် ဒီးဆှၢဃီၤကီၢ်ယူဒၤဒီးဝ့ၢ်ယရူၤၡလ့ၣ်အပှၤဂီၢ်မုၢ်တဖၣ်လၢ အသးအသုတတီဒီးကစၢ်ယွၤတဂ့ၤ, ဒ်သိးဒၣ်စီၤပၤအၤဃာ်ဒီးပှၤထီၣ်က့ၤအဝဲအလီၢ်တဖၣ်ဆှၢဃီၤ ကီၢ်အံၣ်စရ့လးဆူတၢ်သူၣ်တတီသးတရၤအပူၤန့ၣ်လီၤ. နမၤသံကွံာ်ဒၣ်လဲာ်နဒီပုၢ်ဝဲၢ်ခွါတဖၣ်, လၢအမ့ၢ်ပှၤအဂ့ၤဒိၣ် န့ၢ်ဒံးနၤတက့ၢ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 21:17

အဝဲသ့ၣ်လဲၤထီၣ်ဒုးကီၢ်ယူဒၤ, ဂုာ်န့ၢ်ဆူၣ်တၢ်လၢစီၤပၤအနီ ပူၤ, ဒီးက့ၤစိာ်ကွံာ်ကယဲၢ်စီၤပၤအမါတဖၣ်ဒီးအဖိခွါတဖၣ်ဒ်ပှၤဘၣ် တၢ်စၢဃာ်တဖၣ်အသိးန့ၣ်လီၤ. ပှၤအိၣ်လီၤတဲာ်မ့ၢ်ဒၣ်ထဲအဖိခွါသဒါစီၤအဃၤစယၤတဂၤဧိၤန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 22:10

တုၤစီၤပၤအဃၤစယၤအမိၢ်နီၢ်ဧသၤလယၤသ့ၣ်ညါဝဲလၢအဖိခွါဘၣ် တၢ်မၤသံကွံာ်အီၤတဘျီဃီန့ၣ်အဝဲဟ့ၣ်လီၤအကလုၢ်လၢကယဲၢ်ကီၢ် ယူဒၤအစီၤပၤအပှၤဟံၣ်ဖိဃီဖိခဲလၢာ်ကဘၣ်တၢ်မၤသံကွံာ်အီၤန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 22:8

ဖဲစီၤယ့ၤဟူမၤထွဲကစၢ်ယွၤအတၢ်စံၣ်ညီၣ်လၢစီၤအၤဃာ်အစၢၤ အသွဲၣ်အတၢ်ပၢအစိၤအဂီၢ်န့ၣ်, အဝဲဘၣ်သဃိာ်လိာ်အသးဒီးပှၤတဖုလၢအမ့ၢ်ဝဲ, ပှၤယူဒၤဖိအခိၣ်အနၢ်တဖၣ်ဒီးစီၤအဃၤစယၤအဖိဒိၣ်ခွါတဖၣ်လၢ အဟဲပိာ်ထွဲစီၤအဃၤစယၤအခံလၢတၢ်လဲၤအိၣ်သကိးအပူၤန့ၣ်လီၤ. စီၤယ့ၤဟူမၤသံကွံာ်အဝဲသ့ၣ်ခဲလၢာ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 25:3

တုၤအဝဲအိၣ်ဂၢၢ်ကျၢၤလၢတၢ်စိတၢ်ကမီၤအပူၤတဘျီ ဃီန့ၣ်အဝဲမၤသံကွံာ်ပဒိၣ်ပပှၢ်တဖၣ်လၢအမၤသံတ့ၢ်အပၢ်န့ၣ်လီၤ.

၁ ယိၤဟၣ် 3:12

ပတဘၣ်လီၤဂာ်ဒီးစီၤကၤယံၣ်, လၢအဘၣ်ဃးဒီးတၢ်အၢတၢ်သီ တဂၤ, လၢအမၤသံအဒီပုၢ်ဝဲၢ်ဒၣ်ဝဲန့ၣ်ဘၣ်. ဘၣ်မနုၤအဃိစီၤကၤယံၣ်မၤသံအီၤလဲၣ်. မ့ၢ်လၢအတၢ်မၤဒၣ်ဝဲတဖၣ်မ့ၢ်အအၢအသီ, ဒီးအဒီပုၢ်ဝဲၢ် အတၢ်မၤတဖၣ်န့ၣ်, မ့ၢ်အတီအလိၤအဃိလီၤ.

လံာ်ပှၤစံၣ်ညီၣ်ကွီၢ် 9:5

ဒီးအဝဲလဲၤဆူအပၢ်အဟံၣ်ဖဲဝ့ၢ်ဧိးဖြၤဒီးမၤသံကွံာ်အဒီပုၢ်ဝဲၢ်ခွါအဂၤနွံဆံလၢအမ့ၢ် စီၤကံးဒဧိၣ်အဖိခွါတဖၣ်လၢလၢၢ်တဖျၢၣ်ဃီအဖီခိၣ်လီၤ. ဘၣ်ဆၣ်စီၤကံးဒဧိၣ်အဖိခွါအဆံးကတၢၢ်စီၤယိၤသၣ်တဂၤန့ၣ် အိၣ်ခူသူၣ်ဝဲအဃိတၢ်တမၤသံဘၣ်အီၤဘၣ်.