လံာ်ကွဲးနီၣ်တၢ်ခံဘ့ၣ်တဘ့ၣ် 21:2 - Sgaw Karen Common Bible

² ကီၢ်ယူဒၤအစီၤပၤစီၤယဟိၡၤဖးအဖိခွါစီၤယဟိရၣ်အိၣ်ဒီး အဒီပုၢ်ဝဲၢ်ခွါဃုဂၤ, လၢအမ့ၢ်ဝဲစီၤဧစၤရယၤ, စီၤယဃံအ့လး, စီၤစကၤရယၤဟူၤ, စီၤဧစၤရယၤ, စီၤမံၤက့လးဒီးစီၤၡဖးတယၤ န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 21:2 Iomraidhean Croise

လံာ်ကွဲးနီၣ်တၢ်ခံဘ့ၣ်တဘ့ၣ် 12:6

စီၤပၤဒီးပှၤခိၣ်ပှၤနၢ်တဖၣ်အၢၣ်လီၤဝဲလၢအဝဲသ့ၣ်မၤတ့ၢ်တၢ် ဒဲးဘးဒီးအဝဲသ့ၣ်စံးဝဲ, “တၢ်လၢယွၤမၤဝဲန့ၣ်, တီဝဲလိၤဝဲလီၤ.”

လံာ်ကွဲးနီၣ်တၢ်ခံဘ့ၣ်တဘ့ၣ် 21:4

တုၤစီၤယဟိရၣ်အိၣ်ဂၢၢ်ဆိးကျၢၤလၢတၢ်ပၢဘၣ်ဘီမုၢ်န့ၣ်, အဝဲမၢပှၤမၤသံကွံာ်အဒီပုၢ်ဝဲၢ်ခွါခဲလၢာ်ဒီးဒ်န့ၣ်အသိး ကီၢ်အံၣ်စရ့လးအပဒိၣ်ပပှၢ်တနီၤန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 23:2

အဝဲသ့ၣ်လဲၤတၢ်က့ၤတၢ်ဆူကယဲၢ်ဝ့ၢ်ခဲလၢာ်လၢကီၢ်ယူဒၤအပူၤ ဒီးဟဲက့ၤကိးက့ၤ, ပှၤလ့ၤဝံဖိတဖၣ်ဒီးကယဲၢ်ဒူၣ်ထၢခဲလၢာ်အခိၣ်တဖၣ်ဃုာ်ဒီးအဝဲ သ့ၣ်ဆူဝ့ၢ်ယရူၤၡလ့ၣ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 24:16

အဝဲသ့ၣ်ခူၣ်လီၤကွံာ်အီၤလၢစီၤပၤအတၢ်သွၣ်ခိၣ်တဖၣ်အပူၤလၢ အအိၣ်လၢစီၤဒၤဝံးအဝ့ၢ်ပူၤ, လၢတၢ်သ့ၣ်ညါနီၣ်တၢ်မၤလၢအဝဲမၤဝဲတ့ၢ်လၢကီၢ်အံၣ်စရ့လး အပှၤဂီၢ်မုၢ်တဖၣ်အဂီၢ်, လၢကစၢ်ယွၤအဂီၢ်ဒီးလၢယွၤအတၢ်လုၢ်ဟံၣ်အဂီၢ်အဃိန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 24:5

အဝဲဟ့ၣ်လီၤအကလုၢ်ဆူပှၤလုၢ်တၢ်အခိၣ်တဖၣ်ဒီးပှၤလ့ၤဝံဖိ တဖၣ်လၢကလဲၤဆူဝ့ၢ်တဖၣ်လၢအအိၣ်လၢကီၢ်ယူဒၤအပူၤ, ဒီးထၢဖှိၣ်တၢ်လၢကယဲၢ်ပှၤဂီၢ်မုၢ်အအိၣ်ဒ်သိးစ့ကလၢဝဲလၢ တနံၣ်တဘျီတၢ်ဘှီက့ၤယွၤအတၢ်လုၢ်ဟံၣ်အဂီၢ်န့ၣ်လီၤ. အဝဲစံးဘၣ်အဝဲသ့ၣ်လၢကမၤတၢ်န့ၣ်ချ့ချ့တဘျီဃီ, ဘၣ်ဆၣ်ပှၤလ့ၤဝံဖိတဖၣ်သုးဆၢသုးကတီၢ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 28:19

မ့ၢ်လၢကီၢ်ယူဒၤအစီၤပၤအၤဃးမၤတရီတပါကွံာ်အပှၤဂီၢ်မုၢ် အတၢ်ခွဲးတၢ်ယာ်တဖၣ်ဒီးခီၣ်ဆၢဝဲယွၤအဃိ, ယွၤဟဲစိာ်တၢ်ကိၢ်တၢ်ဂီၤလၢကီၢ်ယူဒၤအလိၤန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 28:23

အဝဲလုၢ်ထီၣ်ပာ်ထီၣ်တၢ်လုၢ်တၢ်ပာ်တဖၣ်ဆူပှၤစူၤရံဖိတဖၣ်လၢ အမၤနၢၤတ့ၢ်အီၤအကစၢ်တဖၣ်လၢအမၤနၢၤတ့ၢ်အီၤအအိၣ်န့ၣ်လီၤ. အဝဲစံးဝဲ, “ပှၤစူၤရံဖိအကစၢ်တဖၣ်မၤစၢၤတ့ၢ်ကီၢ်စူၤရံ အစီၤပၤတဖၣ်, အဃိယမ့ၢ်လုၢ်ထီၣ်ပာ်ထီၣ်တၢ်ဆူ အဝဲသ့ၣ်အအိၣ်န့ၣ်, ဘၣ်သ့ၣ်သ့ၣ်, အဝဲသ့ၣ်ကမၤစၢၤယၤစ့ၢ်ကီး လီၤ.” တၢ်အံၤဟဲစိာ်တၢ်တတၢးတနါတဖၣ်လၢအဝဲအဖီခိၣ်ဒီးအပှၤကလုာ် အဖီခိၣ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 28:27

စီၤပၤအၤဃးသံဝဲ, ဒီးဘၣ်တၢ်ခူၣ်လီၤကွံာ်အီၤလၢဝ့ၢ်ယရူၤ ၡလ့ၣ်အပူၤ, ဘၣ်ဆၣ်တမ့ၢ်ဘၣ်လၢစီၤပၤအတၢ်သွၣ်ခိၣ်တဖၣ်န့ၣ်ဘၣ်. အဖိခွါစီၤဃံးစကံယၤကဲထီၣ်စီၤပၤလၢအလီၢ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 33:18

ကယဲၢ်တၢ်အဂုၤအဂၤတမံၤလၢ်လၢ်လၢစီၤမနၤၡ့ၤမၤတ့ၢ်ဝဲ, တၢ်ထုကဖၣ်လၢအဝဲဃ့ဝဲဆူအကစၢ်ယွၤအအိၣ်, ဒီးတၢ်ကစီၣ်တဖၣ်လၢဝံတဖၣ်စံးဘၣ်တ့ၢ်အီၤလၢယွၤ, အံၣ်စရ့လးအကစၢ်ယွၤအမံၤအပူၤန့ၣ်, ခဲလၢာ်ဘၣ်တၢ်ကွဲးနီၣ် ကွဲးဃါအီၤလၢကီၢ်အံၣ်စရ့လးအစီၤပၤတဖၣ်အလံာ်တၢ်စံၣ်စိၤတဲ စိၤအပူၤန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 35:18

စးထီၣ်လၢဝံၡမူၤအ့လးအမုၢ်နံၤတဖၣ်န့ၣ်, ဘူၣ်လဲၤကပာ်တဘၣ်တၢ်မၤအီၤဒ်သိးအံၤနီတစုဘၣ်. ဘူၣ်လဲၤကပာ်ဒ်သိးအံၤလၢအဘၣ်တၢ်မၤအီၤလၢစီၤပၤယိၤၡံယၤ, ပှၤလုၢ်တၢ်အခိၣ်တဖၣ်, ပှၤလ့ၤဝံဖိတဖၣ်ဒီး, ပှၤဂီၢ်မုၢ်လၢကီၢ်ယူဒၤ, ကီၢ်အံၣ်စရ့လးဒီးဝ့ၢ်ယရူၤရှလ့ၣ်န့ၣ်, စီၤပၤလၢအပူၤကွံာ်တဖၣ်တမၤတ့ၢ်ဝဲနီတဂၤနီတစုဘၣ်.