လံာ်ကွဲးနီၣ်တၢ်ခံဘ့ၣ်တဘ့ၣ် 20:2 - Sgaw Karen Common Bible

² ပှၤဟဲစိာ်တၢ်ကစီၣ်တနီၤဟဲဝဲဒီးဒုးသ့ၣ်ညါဘၣ်စီၤပၤယဟိၡၤ ဖးစံးဝဲ, “သုးမုၢ်ဖးဒိၣ်တဖုလၢကီၢ်အဒိၣ်တခီဟဲဝဲလၢပီၣ်လဲၣ်သံ အဝၢ်ဘးခီလၢကဟဲထီၣ်ဒုးနၤအဂီၢ်န့ၣ်လီၤ. အဝဲသ့ၣ်မၤန့ၢ်ကွံာ်လံဝ့ၢ်ဃၤဃစိၣ်တါမၢ်န့ၣ်လီၤ. (အအံၤမ့ၢ်ဝ့ၢ်ဧ့ၣ်က့ဒၤအမံၤအဂၤတဖျၢၣ်န့ၣ်လီၤ.)

လံာ်ကွဲးနီၣ်တၢ်ခံဘ့ၣ်တဘ့ၣ် 20:2 Iomraidhean Croise

လံာ်တၢ်ကဲထီၣ်အခီၣ်ထံး 14:3

စီၤပၤယဲၢ်ဂၤအံၤကရၢကရိထီၣ်အသးဒ်ပှၤဒီသိၣ်ဒီမှံၤအသိး ဒီးပာ်ဖှိၣ်ထီၣ်အသုးမုၢ်တဖၣ်လၢစံးဒံၣ်တၢ်တြီၤပူၤ, ဒ်ပစံးတၢ်အသိး, ခဲကနံၣ်အံၤမ့ၢ်ဝဲပီၣ်လဲၣ်သံန့ၣ်လီၤ.

လံာ်တၢ်ကဲထီၣ်အခီၣ်ထံး 14:7

ဒီးဟဲက့ၤကဒါက့ၤဝဲ, ဒီးဟဲက့ၤဆူဝ့ၢ်ကၤဒ့ၢ် (လၢအကတီၢ်ဖဲ န့ၣ်ဘၣ်တၢ်သ့ၣ်ညါအီၤဒ်ဝ့ၢ်ဧ့ၣ်မံးၡပး) န့ၣ်လီၤ. အဝဲသ့ၣ်မၤနၢၤပှၤဧမၤလ့းဖိအကီၢ်ဒီဘ့ၣ်ညါဒီးပှၤ အမိၢ်ဖိလၢအအိၣ်အဆိးလၢဝ့ၢ်ဃၤစစိၣ်တါမၢ်အပူၤန့ၣ်လီၤ.

လံာ်တၢ်သးဝံၣ်တဖၣ်အတၢ်သးဝံၣ် 1:14

ပှၤလၢယအဲၣ်အီၤတဂၤလီၤဂာ်ဒ်သ့ၣ်ဂီၤစုမ့ၣ်တကရူၢ်အသိး, လၢအဘိၣ်ထီၣ်ဖးထီၣ်ဖဲဧ့ၣ်က့ဒံၤစပံးအလီၢ်တဖၣ်လီၤ.

လံာ်ယဃ့းစက့လး 47:10

စးထီၣ်လၢဧ့ၣ်က့ၤဒံအထံမူထီၣ်ပၢၢ်တဖၣ်ပၢၢ်တုၤလၢဧ့ၣ်ဧ့ကလဲၣ် အထံမူထီၣ်ပၢၢ်တဖၣ်ဒီတကျဲညါန့ၣ်ကအိၣ်ဒီးပှၤမၤညၣ်ဖိတဖၣ် လၢပီၣ်လဲၣ်ဖိအကၢၢ်နံၤ, ဒီးအဝဲသ့ၣ်ကသလၣ်လီၤအပှာ်ဧိၤစၤဧိၤ ဖဲန့ၣ်လၢကမၤဃ့ထီအီၤအဂီၢ်န့ၣ်လီၤ. ဖဲန့ၣ်ညၣ်တဖၣ်ကအိၣ်ဝဲ အကလုာ်ကလုာ်အါဝဲဒ်သိးဒၣ်လၢပီၣ်လဲၣ်ဖးဒိၣ်မဲးဒံးထၢၣ်ရ့နယၢၣ် အပူၤအသိးန့ၣ်လီၤ.

လံာ်ယဃ့းစက့လး 47:19

ကလံၤထံးအကီၢ်ဆၢန့ၣ်လဲၤဝဲဆူကလံၤထံးမုၢ်နုာ်တကပၤစးထီၣ် လၢဝ့ၢ်တၤမၣ်ပၢၢ်တုၤဆူကၤဒ့ၣ်မရံဘါအမဲးမုၢ်ခိၣ်ထံအိၣ်အလီၢ် ဒီးလဲၤကဒီးဆူကလံၤစိးမုၢ်နုာ်လၢကီၢ်အဲၤကူပတူးအကီၢ်ဆၢ တကျိၤဆူပီၣ်လဲၣ်ဖးဒိၣ်မဲးဒံးထၢၣ်ရ့နယၢၣ်န့ၣ်လီၤ.

လံာ်ယဃ့းစက့လး 48:28

လၢတၢ်နီၤဖးတတီၤလၢတၢ်ဟ့ၣ်အီၤဆူကးအဒူၣ်, အကလံၤထံးန့ၣ်, ကီၢ်အဆၢလဲၤဝဲဆူကလံၤထံးမုၢ် နုာ်စးထီၣ်လၢဝ့ၢ်တၤမၢ်ပၢၢ်တုၤလၢကၤဒ့ၣ်အမဲး မုၢ်ခိၣ်ထံအိၣ်အလီၢ်တတီၤ, အန့ၣ်ဝံၤဒီးလဲၤဝဲဆူ ကလံၤစိးမုၢ်နုာ်တကပၤလၢအဲၤကူပတူးအကီၢ်ဆၢတကျိၤ တုၤဆူပီၣ်လဲၣ်ဖးဒိၣ်မဲးဒံးထၢၣ်ရ့နယၢၣ်န့ၣ်လီၤ.

လံာ်တၢ်ဂံၢ် 34:12

ဝံၤဒီးဆူကလံၤထံးစးထီၣ်လၢထံကျိယၢ်ဒ့ၣ်တရဲာ်ဃီဆူပီၣ် လဲၣ်သံန့ၣ်လီၤ. တၢ်အံၤကမ့ၢ်သုထံသုကီၢ်အကီၢ်ဆၢတဖၣ်လွံၢ်ကပၤန့ၣ်လီၤ.”

လံာ်စီၤယိၤၡူ 15:62

နံးဘၡၣ်, ဝ့ၢ်အံသၣ်, ဒီးဧ့ၣ်က့ဒံၤန့ၣ်လီၤ. မ့ၢ်ဝ့ၢ်ဃုဝ့ၢ်ဃုာ်ဒီးဝ့ၢ်ဖိလၢအအိၣ်ဝးတရံးအီၤတဖၣ်န့ၣ်လီၤ.

လံာ်စီၤယိၤၡူ 3:16

ထံန့ၣ်အိၣ်ပတုာ်ဝဲဒီးအိၣ်ဖှိၣ်စိထီၣ်အသးလၢတၢ်လီၢ်အယံၤဖဲ ဝ့ၢ်အၤဒၣ်လၢအအိၣ်ဘူးဒီးစၤရတၣ်န့ၣ်လီၤ. ထံလၢအယွၤလီၤဝဲဆူပီၣ်လဲၣ်သံန့ၣ်တယွၤလီၤလၢၤဘၣ်အဃိပှၤ ဂီၢ်မုၢ်တဖၣ်ခီဂာ်တၢ်ဆူဝ့ၢ်ယရံၤဃိသ့ဝဲန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 23:29

စီၤဒၤဝံးဟးထီၣ်ကွံာ်ဒီးလဲၤဆူတၢ်ပၢၤခိၣ်ဧ့ၣ်က့ဒံၤအကီၢ် ဒီးအိၣ်ဝဲဖဲန့ၣ်လၢတၢ်ခူသူၣ်အပူၤန့ၣ်လီၤ.