လံာ်ကွဲးနီၣ်တၢ်ခံဘ့ၣ်တဘ့ၣ် 2:4 - Sgaw Karen Common Bible

⁴ ယသူၣ်ထီၣ်တၢ်လုၢ်ဟံၣ်တဖျၢၣ်လၢတၢ်မၤလၤကပီၤယွၤ, ကစၢ်ယွၤအဂီၢ်န့ၣ်လီၤ. တၢ်န့ၣ်ကမ့ၢ်တၢ်အလီၢ်စီဆှံတတီၤ, လၢယပှၤဂီၢ်မုၢ်ဒီးယၤ, ကဘူၣ်ထီၣ်ဘါထီၣ်အီၤခီဖျိ တၢ်ဆူးကဲၤတၢ်လုၢ်နၢမူတဖၣ်, ဖဲပကလုၢ်ထီၣ်ကိၣ်စီဆှံ အတၢ်လုၢ်တဖၣ်လၢအဂီၢ်တဘိယူာ်ဃီ, ဒီးဖဲပကလုၢ်ထီၣ်တၢ်လုၢ်မ့ၣ် အူတဖၣ်ကိးမုၢ်ဂီၤဒီးကိးမုၢ်ဟါ, ဒီးဒ်န့ၣ်အသိးလၢမုၢ်အိၣ်ဘှံးနံၤတဖၣ်, လါထီၣ်သီအမူးတဖၣ်ဒီးမုၢ်နံၤစီဆှံအဂၤတဖၣ်လၢတၢ်မၤလၤကပီၤယွၤ, ပကစၢ်ယွၤအဂီၢ်န့ၣ်လီၤ. အဝဲအံၤမ့ၢ်တၢ်အလုၢ်အလၢ်စီဆှံလၢ အံၣ်စရ့လးကဘၣ်မၤဝဲလီၤစိၤလီၤထီန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 2:4 Iomraidhean Croise

လံာ်စီၤပၤအခီၣ်ထံးတဘ့ၣ် 5:5

ယွၤအၢၣ်လီၤတ့ၢ်ယပၢ်စီၤဒၤဝံးလၢ, နဖိခွါလၢယကဒုးကဲထီၣ် အီၤစီၤပၤလၢနလီၢ်ခံန့ၣ်, ကသူၣ်ထီၣ်တၢ်လုၢ်ဟံၣ်တဖျၢၣ်လၢယဂီၢ်လီၤ. ဒီးခဲကနံၣ်အံၤယပာ်လီၤယသးလၢယကသူၣ်ထီၣ်တၢ်လုၢ်ဟံၣ် အဝဲန့ၣ်လၢတၢ်ကဘူၣ်ထီၣ်ဘါထီၣ်ယွၤယကစၢ်ယွၤအဂီၢ်န့ၣ်လီၤ.

လံာ်စီၤပၤအခီၣ်ထံးတဘ့ၣ် 8:18

ဘၣ်ဆၣ်ယွၤစံးဘၣ်အီၤ, နသးအိၣ်သူၣ်ထီၣ်တၢ်လုၢ်ဟံၣ်တဖျၢၣ်လၢ ယဂီၢ်န့ၣ်ဘၣ်ဝဲလီၤ.

လံာ်စီၤပၤအခီၣ်ထံးတဘ့ၣ် 8:63

အဝဲလုၢ်ထီၣ်ဂီၤဖံးအဒုခံကလးခံကထိ, ဒီးသိအဒုတကလီၢ်ခံ ကလးဒ်တၢ်လုၢ်မၤဃူမၤဖိးအသိးန့ၣ်လီၤ. လၢတၢ်န့ၣ်အဃိ, စီၤပၤဒီးကယဲၢ်ပှၤဂီၢ်မုၢ်ခဲလၢာ်ပာ်စီဆှံ ယွၤအတၢ်လုၢ်ဟံၣ်န့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 22:5

စီၤဒၤဝံးဆိကမိၣ်ထီၣ်ဝဲ, “တၢ်လုၢ်ဟံၣ်လၢယဖိခွါစီၤၡလိၤမိၤကသူၣ်ထီၣ်န့ၣ်, ကဘၣ်လီၤဘီလီၤမုၢ်ဒီးမံၤဟူသၣ်ဖျါလၢဟီၣ်ခိၣ်ဒီဘ့ၣ်ညါလီၤ. ဘၣ်ဆၣ်အဝဲအသးစၢ်ဒံး, ဒီးအတၢ်လဲၤခီဖျိ စှၤဒံးမးန့ၣ်လီၤ. လၢတၢ်န့ၣ်အဃိ, ယကဘၣ်ကတဲာ်ကတီၤဆိတၢ် တဖၣ်လၢတၢ်န့ၣ်အဂီၢ်လီၤ.” သတးဒီးတချုးလၢအဝဲသံဒံးဘၣ်န့ၣ်, စီၤဒၤဝံးကတဲာ်ကတီၤပာ်စၢၤတၢ်ပီးတၢ်လီအါအါဂီၢ်ဂီၢ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 13:11

ကိးမုၢ်ဂီၤဒဲးဒီးကိးမုၢ်ဟါဒဲးန့ၣ်, ပှၤလုၢ်တၢ်အခိၣ်တဖၣ်, လုၢ်ထီၣ်ယွၤလၢတၢ်နၢမူဒီးဆၣ်ဖိကီၢ်ဖိဒ်တၢ်လုၢ်ဆူးကဲၤဒီ ဒုအတၢ်လုၢ်တၢ်ပာ်တဖၣ်န့ၣ်လီၤ. အဝဲသ့ၣ်လုၢ်ထီၣ်တၢ်လုၢ်တၢ်ပာ်အကိၣ်လၢစီၢ်နီၤခိၣ်တဖျၢၣ်လၢတၢ် မၤကဆှီအီၤဒ်တၢ်အလုၢ်အလၢ်အိၣ်ဝဲအသိး, ဒီးကိးမုၢ်ဟါဒဲးန့ၣ်, အဝဲသ့ၣ်ဒွဲၣ်ထီၣ်မ့ၣ်အူဒၢတဖၣ်လၢတၢ် ပာ်မ့ၣ်အူဒၢအလီၢ်လၢတၢ်မၤအီၤဒီးထူတဖၣ်အဖီခိၣ်န့ၣ်လီၤ. ပမၤတၢ်လၢယွၤမၤလိာ်တ့ၢ်ပှၤ, ဘၣ်ဆၣ်သုဝဲသုလဲၤသဒၣ်ကွံာ်အီၤလီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 2:1

စီၤပၤၡလိၤမိၤပာ်လီၤအသးလၢကသူၣ်ထီၣ်တၢ်လုၢ်ဟံၣ်တဖျၢၣ်ဖဲ ယွၤကဘၣ်တၢ်ဘူၣ်ထီၣ်ဘါထီၣ်အီၤဒီးကသူၣ်ထီၣ်စ့ၢ်ကီးနီ တဖျၢၣ်လၢအဂီၢ်ဒၣ်ဝဲန့ၣ်လီၤ.

လံာ်စီၤနဃ့မယၤ 10:33

လၢတၢ်ဘူၣ်ထီၣ်ဘါထီၣ်ယွၤလၢတၢ်လုၢ်ဟံၣ်ပူၤအဂီၢ်န့ၣ်, ပကဟ့ၣ်ကိၣ်စီဆှံတၢ်လုၢ်ဘုဧိၤဟုဧိၤကိးနံၤဒဲး, ဆၣ်ဖိကီၢ်ဖိတဖၣ်လၢကဘၣ်တၢ်ဆိၣ်ကဲၤထီၣ်အီၤကိးနံၤဒဲးဒ်တၢ် လုၢ်တၢ်ပာ်တဖၣ်, တၢ်လုၢ်စီဆှံတဖၣ်လၢမုၢ်အိၣ်ဘှံးနံၤတဖၣ်, လါထီၣ်သီအမူးတဖၣ်, ဒီးမူးအဂၤတဖၣ်အဂီၢ်, တၢ်လုၢ်စီဆှံအဂၤတဖၣ်, တၢ်လုၢ်လၢကစိာ်ကွံာ်ပှၤအံၣ်စရ့လးဖိ တဖၣ်အတၢ်ဒဲးဘးအဂီၢ်ဒီးကယဲၢ်တၢ်လိၣ်အဂၤတဖၣ်လၢယွၤတၢ်လုၢ် ဟံၣ်အဂီၢ်န့ၣ်လီၤ.

စံးထီၣ်ပတြၢၤ 86:8

ယွၤဧၢ, လၢကစၢ်တဖၣ်အကျါန့ၣ် ပှၤဒ်သိးဒီးနၤတအိၣ်နီတဂၤဘၣ်. ပှၤတမၤတ့ၢ်တၢ်ဒ်နမၤတ့ၢ်အသိးနီတဂၤဘၣ်.

စံးထီၣ်ပတြၢၤ 96:4

အဂ့ၢ်ဒ်အံၤ, ယွၤန့ၣ်ဒိၣ်ဝဲ ဒီးကဘၣ်တၢ်စံးထီၣ်ပတြၢၤအီၤဒိၣ်ဒိၣ်အါအါန့ၣ်လီၤ. အဝဲကဘၣ်တၢ်ပျံၤအီၤဒိၣ်န့ၢ်ဒံး ကစၢ်ခဲလၢာ်တက့ၢ်န့ၣ်လီၤ.

လံာ်တၢ်ဟးထီၣ်ကွံာ် 25:30

စီၢ်နီၤခိၣ်န့ၣ်ကဘၣ်တၢ်ပာ်အီၤလၢတၢ်အၢၣ်လီၤအီလီၤအတလါစီ ဆှံအမဲာ်ညါဒီးလၢစီၢ်နီၤခိၣ်အလိၤန့ၣ်ကိၣ်စီဆှံလၢတၢ်လုၢ် မၤဘူၣ်အီၤဆူယအိၣ်န့ၣ်ကဘၣ်အိၣ်ဝဲထီဘိန့ၣ်လီၤ.

လံာ်တၢ်ဟးထီၣ်ကွံာ် 30:7

ကိးမုၢ်ဂီၤဒဲးဖဲစီၤအၤဟရိၣ်ဟဲလၢကကတဲာ်ကတီၤမ့ၣ်အူဒၢတဖၣ်န့ၣ်, အဝဲကဘၣ်ဆိၣ်ကဲၤတၢ်နၢမူလၢတၢ်လုၢ်လီၢ်အံၤအဖီခိၣ်လီၤ.

တၢ်ကတိၤဒိ. 7:20

အဝဲစိာ်ဃုာ်စ့ဒီးအီၤအါမးဒီးလၢခံနွံအတီၢ်ပူၤန့ၣ်တဟဲ က့ၤဝဲဘၣ်.”