လံာ်ကွဲးနီၣ်တၢ်ခံဘ့ၣ်တဘ့ၣ် 2:16 - Sgaw Karen Common Bible

¹⁶ ပကကူာ်လီၤကယဲၢ်သ့ၣ်ဆှိအ့ရ့းလၢနလိၣ်ဘၣ်, လၢကစၢၢ်တဖၣ်အလိၤလၢလဘၤနိၣ်, ဒီးစၢဖှိၣ်ထီၣ်အီၤဒ်ထိအသိး, ဒီးဟဲစိာ်အီၤခီဖျိပီၣ်လဲၣ်တုၤလၢဝ့ၢ်ယၤဖိၤန့ၣ်လီၤ. စးထီၣ်ဖဲန့ၣ်သုဟဲက့ၤစိာ်အီၤဆူဝ့ၢ်ယရူၤၡလ့ၣ်သ့ဝဲလီၤ.”

လံာ်ကွဲးနီၣ်တၢ်ခံဘ့ၣ်တဘ့ၣ် 2:16 Iomraidhean Croise

လံာ်ကွဲးနီၣ်တၢ်အခီၣ်ထံးတဘ့ၣ် 22:2

စီၤပၤစီၤဒၤဝံးဟ့ၣ်လီၤတ့ၢ်အကလုၢ်ဒ်သိးပှၤတခီဘီမုၢ်ဖိ ခဲလၢာ်လၢအအိၣ်ဝဲဆိးဝဲလၢကီၢ်အံၣ်စရ့လးအပူၤကအိၣ်ဖှိၣ်ရိ ဖှိၣ်, ဒီးပာ်အဝဲသ့ၣ်လၢကမၤတၢ်အဂီၢ်န့ၣ်လီၤ. အဝဲသ့ၣ်တနီၤဘၣ်ကူး တဲာ်လၢၢ်တဖၣ်ဒ်သိးကအိၣ်ကတဲာ်ကတီၤအသးလၢတၢ်သူၣ်ထီၣ်တၢ်လုၢ် ဟံၣ်အဂီၢ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 30:25

လၢတၢ်န့ၣ်အဃိပှၤကိးဂၤဒဲးလၢအမ့ၢ်, ကီၢ်ယူဒၤအပှၤဂီၢ်မုၢ်, ပှၤလုၢ်တၢ်အခိၣ်တဖၣ်, ပှၤလ့ၤဝံဖိတဖၣ်, ဒီးပှၤဂီၢ်မုၢ်လၢအဟဲ လၢကလံၤစိးတဖၣ်ဒီးပှၤတခီဘီမုၢ်ဖိလၢအအိၣ်ဝဲဆိးဝဲဂၢၢ် ဂၢၢ်ကျၢၤကျၢၤလၢကီၢ်အံၣ်စရ့လးဒီးကီၢ်ယူဒၤအပူၤ, သးခုဝဲဒၣ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 8:7

ကယဲၢ်ကီၢ်ကနၤဧၣ်အပှၤဂီၢ်မုၢ်အစၢၤအသွဲၣ်တဖၣ်, လၢပှၤအံၣ်စရ့လးဖိတဖၣ်မၤသံကွံာ်ဘၣ်အီၤဖဲအဟံးန့ၢ်ကွံာ် တ့ၢ်ထံကီၢ်အခါ, ဃုာ်ဒီးပှၤဃ့ၤသးဖိ, ပှၤအမိၢ်ဖိ, ပှၤပရးစးဖိ, ပှၤဃံၤဝံဖိဒီးပှၤယဘူၣ်ဖိ, ပှၤလၢအတမ့ၢ်ဘၣ်ပှၤအံၣ်စရ့လးဖိတဖၣ်ဘၣ်,

လံာ်ကွဲးနီၣ်တၢ်ခံဘ့ၣ်တဘ့ၣ် 8:8

လၢအမ့ၢ်ပှၤအိၣ်လီၤတဲာ်တ့ၢ်တဖၣ်န့ၣ်, စီၤၡလိၤမိၤမၢဆူၣ်အီၤ လၢကုၢ်အတၢ်မၤအပူၤတုၤလၢမုၢ်မဆါတနံၤအံၤန့ၣ်လီၤ.

လံာ်စီၤဧ့စြၤ 3:7

ပှၤဂီၢ်မုၢ်ဟ့ၣ်လီၤစ့လၢပှၤမၤတၢ်လၢလၢၢ်တဖၣ်ဒီးပှၤစုသ့ တဖၣ်ဒီးဟ့ၣ်တၢ်အီၣ်တၢ်အီ, ဒီးသ့ၣ်စၤယံးအသိဒ်သိးကဘၣ်တၢ်ဆှၢအီၤဆူဝ့ၢ်ထါယၢၣ်ဒီးဝ့ၢ် စံဒိၣ်တဖၣ်လၢတၢ်ကလဲလိာ်အီၤဒီးလဘၤနိၣ်အသ့ၣ်ဆှိအ့ရ့းတဖၣ် လၢကဘၣ်တၢ်ဟဲစိာ်အီၤလၢပီၣ်လဲၣ်အကျဲတကပၤဆူဝ့ၢ်ယၤဖိၤန့ၣ် လီၤ. ကယဲၢ်တၢ်အံၤခဲလၢာ်ဘၣ်တၢ်မၤအီၤဒၣ်လၢကီၢ်ပၤရၣ်အစီၤပၤဖး ဒိၣ်စီၤကိရ့ၣ်အတၢ်ပျဲန့ၣ်လီၤ.

လံာ်ယိၤနါ 1:3

ဘၣ်ဆၣ်ဒီးစီၤယိၤနါလဲၤဆူဝ့ၢ် တၢ်ၡံၣ်ဒ်သိးကဃ့ၢ်ပူၤဖျဲးအသးလၢယွၤအမဲာ်ညါအဂီၢ်န့ၣ်လီၤ. အဝဲလဲၤလီၤဆူဝ့ၢ်ယၤဖိၤဒီးထံၣ်န့ၢ်ကဘီလၢကလဲၤဆူ ဝ့ၢ်တၢ်ၡံၣ်, ဒီးဟ့ၣ်အဘူးအလဲ, ဒီးလဲၤနုာ်ဆူကဘီပူၤလၢ ကလဲၤသကိးတၢ်ဒီးပှၤကဘီဖိတဖၣ်ဆူဝ့ၢ်တၢ်ၡံၣ်ဒ်သိး ကယံၤဒီးယွၤအဂီၢ်န့ၣ်လီၤ.

လံာ်ယိၤဟၣ် 1:3

ခီဖျိအီၤန့ၣ်တၢ်ခဲလၢာ်ကဲထီၣ်ဝဲဒီးတၢ်လၢအဘၣ်တၢ်တ့အီၤ ခဲလၢာ်န့ၣ်တကဲထီၣ်လၢအစုပူၤဘၣ်ဒီးတအိၣ်ဘၣ်နီတမံၤဘၣ်.

မၤတၢ် 10:32

ဆှၢလီၤပှၤဆူဝ့ၢ်ယၤဖိၤဒ်သိးအကကိးန့ၢ်ပှၤတဂၤလၢအမံၤ အလၢအပှဲၤမ့ၢ်ဝဲစီၤၡံမိၣ်ပ့းတရူးန့ၣ်တက့ၢ်. အဝဲအိၣ်သမှံၤဖဲပှၤမၤတၢ်ဖံးဖိစီၤၡံမိၣ်အဟံၣ်, လၢအအိၣ်ဝဲဖဲပီၣ်လဲၣ်နံၤန့ၣ်လီၤ.’

မၤတၢ် 9:36

ဖဲဝ့ၢ်ယၤဖိၤန့ၣ်အပျဲၢ်အဘီၣ်မုၣ်အိၣ်ဝဲတဂၤ, တၢ်ကိးအမံၤလၢနီၢ်တဘံၤသါန့ၣ်လီၤ. (အမံၤလၢကြံးခ်ကျိာ်တခီမ့ၢ်နီၢ်ဒီၢ်ကါ, အခီပညီ, တၤဟိတဒု) အဝဲဒၣ်ဟ့ၣ်လီၤအသးလၢာ်ဆၢလၢာ်ကတီၢ်လၢတၢ်မၤဂ့ၤ ပှၤဂၤဒီးတၢ်မၤစၢၤပှၤဖှီၣ်ဖိယာ်ဖိတဖၣ်အဂီၢ်န့ၣ်လီၤ.

မၤတၢ် 9:38

ဝ့ၢ်လူးဒၤအိၣ်ဘူးဝဲဒီးဝ့ၢ်ယၤဖိၤအဃိ, တုၤအပျဲၢ်အဘီၣ်တဖၣ်နၢ်ဟူဘၣ်လၢစီၤပ့းတရူးအိၣ်ဝဲလၢဝ့ၢ် လူးဒၤန့ၣ်ဒီး, အဝဲသ့ၣ်မၢလီၤပှၤခံဂၤဆူအဝဲဒၣ်အအိၣ်, ဒီးဃ့သကွံၢ်ကညးအီၤဒီးစံး, “ဝံသးစူၤမၤချ့ချ့ဒီးဟဲဘၣ်ဆူပအိၣ်တက့ၢ်.”

မၤတၢ် 9:42

တၢ်ကစီၣ်ဘၣ်ဃးတၢ်မၤအသးတမံၤအံၤဟူထီၣ်သါလီၤဝဲသကုၤ လၢဝ့ၢ်ယၤဖိၤအပူၤ, ဒီးပှၤစူၢ်က့ၤနာ်က့ၤကစၢ်တဘျုးဒံတဘျုးဂၤလီၤ.

မၤတၢ် 9:43

စီၤပ့းတရူးအိၣ်ဝဲဖဲဝ့ၢ်ယၤဖိၤအပူၤန့ၣ်တဘျုးနံၤတဘျုးသီ, လၢစီၤၡံမိၣ်, ပှၤလၢအဟံးန့ၢ်ဆၣ်ဖိကီၢ်ဖိအဖံးအဘ့ၣ်ဒီးမၤကဲထီၣ်ဝဲလၢ တၢ်ဖံးတဂၤန့ၣ်, အဟံၣ်လီၤ.

လံာ်စီၤယိၤၡူ 19:46

မ့ယၢ်ကိၣ်, ရးကိၣ်, ဃုာ်ဒီးကီၢ်လၢအအိၣ်သဃီၤလိာ်အသးဒီးဝ့ၢ် ယၤဖိၤန့ၣ်လီၤ.

လံာ်စီၤယိၤၡူ 9:27

ဘၣ်ဆၣ်ဒီး, တကတီၢ်ဃီန့ၣ်အဝဲဒုးကဲထီၣ်အဝဲသ့ၣ်လၢကုၢ်တဖၣ် လၢအကျီသ့ၣ်မုၣ်ဒီးဒၢၣ်ထံလၢပှၤအံၣ်စရ့လးဖိတဖၣ်အဂီၢ်ဒီး လၢယွၤအတၢ်လုၢ်လီၢ်အဂီၢ်န့ၣ်လီၤ. အဝဲသ့ၣ်မၤတၢ်မၤအံၤတုၤလီၤလၢမုၢ်မဆါတနံၤအံၤလၢတၢ်လီၢ် ဖဲယွၤဃုထၢလၢပှၤကဘူၣ်ထီၣ်ဘါထီၣ်အီၤအဂီၢ်န့ၣ်လီၤ.