လံာ်ကွဲးနီၣ်တၢ်ခံဘ့ၣ်တဘ့ၣ် 2:13 - Sgaw Karen Common Bible

¹³ ယဆှၢလီၤန့ၢ်နၤပှၤကူၣ်သ့ဒီးပှၤသ့မၤတၢ်လၢစုဂ့ၤဂ့ၤတဂၤ လၢအမံၤမ့ၢ်ဝဲစီၤဃူရၣ်အဘံန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 2:13 Iomraidhean Croise

လံာ်စီၤပၤအခီၣ်ထံးတဘ့ၣ် 7:13

စီၤပၤၡလိၤမိၤမၤလိာ်ပှၤတဂၤလၢအမံၤမ့ၢ်ဝဲစီၤဃူရၣ်အဘံ, ပှၤမၤတၢ်သ့လၢစုတဂၤ, လၢအအိၣ်ဝဲဆိးဝဲလၢဝ့ၢ်ထါယၢၣ်, ဒီးမ့ၢ်ပှၤမၤတၢ်သ့ဂ့ၤဂ့ၤဘၣ်ဘၣ်လၢတၢ်မၤတၢ်လၢတိၢ်ဘီန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 2:12

စံးထီၣ်ပတြၢၤယွၤ, အံၣ်စရ့လးအကစၢ်ယွၤ, ကစၢ်လၢအတ့လီၤမူခိၣ်ဒီးဟီၣ်ခိၣ်တဂၤန့ၣ်တက့ၢ်. အဝဲဟ့ၣ်လီၤတ့ၢ်လံစီၤပၤစီၤဒၤဝံးလၢဖိခွါလၢအကူၣ်တၢ်သ့ တဂၤလၢအပှဲၤဒီးတၢ်သ့ၣ်ညါဒီးတၢ်သ့တၢ်ဘၣ်, လၢခဲကနံၣ်အံၤကူၣ်ကျဲၤဝဲလၢကသူၣ်ထီၣ်တၢ်လုၢ်ဟံၣ်တဖျၢၣ်လၢ ယွၤအဂီၢ်, ဒီးနီတဖျၢၣ်လၢအနီၢ်ကစၢ်ဒၣ်ဝဲအဂီၢ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 2:14

အဝဲအမိၢ်မ့ၢ်ပှၤဒူၣ်ဖိထၢဖိတဂၤလၢဒၣ်အဒူၣ်ပူၤဒီးအပၢ်မ့ၢ် ပှၤလၢဝ့ၢ်ထါယၢၣ်ဖိတဂၤန့ၣ်လီၤ. အဝဲနၢ်ပၢၢ်တၢ်မၤဘၣ်ထွဲဒီးတၢ်ပိာ်ထူ, စ့, တိၢ်ဘီ, ထး, ဒီးတၢ်စိးပျၢၤလၢၢ်ဒီးသ့ၣ်န့ၣ်လီၤ. အဝဲဆးတၢ်ဒီးတၢ်ကံးယာ်အလွဲၢ်လါဟ့, လုးတကုာ်, အဂီၤဒီးဖှီဝါကဆှၣ်သ့စ့ၢ်ကီးဝဲန့ၣ်လီၤ. အဝဲမၤကယဲၢ်တၢ်စိးပျၤအတၢ်မၤအကလုာ်ကလုာ်သ့ဝဲ, ဒီးမၤကဲထီၣ်ကယဲၢ်တၢ်အက့ၢ်အဂီၤအဒိလၢအဘၣ်တၢ်ဟ့ၣ်ကူၣ်အီၤ န့ၣ်လီၤ. မ်အကမၤဃုာ်သကိးတၢ်ဒီးနပှၤတဖၣ်လၢအသ့မၤတၢ်လၢစုလၢအမၤ တ့ၢ်တၢ်လၢနပၢ်စီၤပၤဒၤဝံးအဂီၢ်န့ၣ်တက့ၢ်.

လံာ်ကွဲးနီၣ်တၢ်ခံဘ့ၣ်တဘ့ၣ် 2:7

ခဲကနံၣ်အံၤ, ဆှၢလီၤန့ၢ်ယၤပှၤတဂၤလၢအမၤတၢ်သ့ဂ့ၤဂ့ၤ, လၢတၢ်စိးပျၤအတၢ်မၤ, လၢတၢ်ပိာ်တၢ်လၢထူ, စ့, တိၢ်ဘီဒီးထး, လၢတၢ်သ့ဆးတၢ်လၢတၢ်ကံးယာ်အလွဲၢ်လါဟ့, အဂီၤလုးဒီးအဂီၤအပူၤတက့ၢ်. အဝဲကမၤသကိးတၢ်ဒီးပှၤစုသ့တဖၣ်လၢကီၢ်ယူဒၤဒီးဝ့ၢ်ယရူၤၡလ့ၣ်, လၢယပၢ်စီၤဒၤဝံးဃုထၢတ့ၢ်ဝဲန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 4:16

သပၢၤတဖၣ်, တပူာ်တဖၣ်ဒီးနီၣ်ဆဲးတဖၣ်န့ၣ်လီၤ. ပှၤအခိၣ်လၢအမၤတၢ်သ့လၢစု, စီၤဃူရၣ်အဘံမၤကယဲၢ်တၢ်သ့ၣ်တဖၣ် အံၤခဲလၢာ်လၢတိၢ်ဘီလၢတၢ်ထူးဘျ့ကတြ့ၣ်ထီၣ်အီၤ, ဒ်စီၤပၤၡလိၤမိၤမၤလိာ်တ့ၢ်ဝဲ, လၢကဘၣ်တၢ်သူ အီၤလၢယွၤအတၢ်လုၢ်ဟံၣ်အပူၤန့ၣ်လီၤ.