လံာ်ကွဲးနီၣ်တၢ်ခံဘ့ၣ်တဘ့ၣ် 2:10 - Sgaw Karen Common Bible

¹⁰ လၢနပှၤကူာ်သ့ၣ်တဖၣ်အတၢ်အီၣ်အဂီၢ်, ယကဟ့ၣ်လီၤနၤဘုကၠူၣ်အကိၢ် ခံကလးဘုမုယီၤအကိၢ်ခံကလး, စပံးထံအဘၤသးခံကလးဒီးသ့ၣ်စၤယံးအသိအဘၤသးခံကလးန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 2:10 Iomraidhean Croise

လံာ်စီၤပၤအခီၣ်ထံးတဘ့ၣ် 5:11

ဒီးစီၤၡလိၤမိၤဟ့ၣ်လီၤစီၤဃူရၣ်လၢဘုကၠူၣ်အကိၢ်ခံကလး, ဒီးသ့ၣ်စၤယံးအသိဆှံဆှံအကိၢ်ခံဆံကိးနံၣ်ဒဲးလၢကဒုး အီၣ်အပှၤတဖၣ်အဂီၢ်န့ၣ်လီၤ.

လံာ်စီၤပၤအခီၣ်ထံးတဘ့ၣ် 7:26

ထံဒၢဖးဒိၣ်န့ၣ်တီၣ်ဝဲသၢစုမုၢ်ဒိၣ်လီၤ. အခိၣ်ဒူအကနုၤမၤအသးဒ်သလၢတဖျၢၣ်အခိၣ်ဒူအသိး, လီၤဂာ်ဒ်ဖီဒ့ၣ်ညါတဖီးသလၣ်ထီၣ်အကဘျံးတဖၣ်န့ၣ်လီၤ. ထံဒၢတိၢ်ဘီဖးဒိၣ်အံၤတြီၢ်ဝဲဘၤသၤခံကထိန့ၣ်လီၤ.

လံာ်စီၤပၤအခီၣ်ထံးတဘ့ၣ် 7:38

စီၤဃူရၣ်အဘံမၤစ့ၢ်ကီးသရာ်အဖျၢၣ်တဆံ, တဖျၢၣ်လၢလ့ၣ်တခိၣ်စုာ်စုာ်အဂီၢ်န့ၣ်လီၤ. သရာ်တဖျၢၣ်စုာ်စုာ်အဒီၣ်ဃီၤမ့ၢ်ဝဲလွံၢ်ပျၢ်ဒီးတြီၢ်ဝဲဘၤသး လွံၢ်ကယၤန့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 14:2

ဒီးလၢတၢ်န့ၣ်အဃိစီၤဒၤဝံးသ့ၣ်ညါဘၣ်ဝဲလၢယွၤပာ်ဂၢၢ်ပာ် ကျၢၤအီၤဒ်လၢကီၢ်အံၣ်စရ့လးအစီၤပၤအသိးဒီးဒုးဘီၣ်ထီၣ်ညီ ထီၣ်အဘီအမုၢ်, လၢအပှၤဂီၢ်မုၢ်အဂီၢ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 2:15

လၢတၢ်န့ၣ်အဃိ, ခဲကနံၣ်အံၤဆှၢလီၤန့ၢ်ပှၤဘုကၠူၣ်, ဘုမုယီၤ, စပံးထံဒီးသ့ၣ်စၤယံးအသိလၢနအၢၣ်လီၤတ့ၢ်ပှၤန့ၣ်တက့ၢ်.

လံာ်ကွဲးနီၣ်တၢ်ခံဘ့ၣ်တဘ့ၣ် 2:9

လၢတၢ်ကတဲာ်ကတီၤသ့ၣ်အါအါဂီၢ်ဂီၢ်, မ့ၢ်လၢတၢ်လုၢ်ဟံၣ်လၢယအဲၣ် ဒိးသူၣ်ထီၣ်အံၤကမ့ၢ်တၢ်လုၢ်ဟံၣ်ဖးဒိၣ်လီၤဘီလီၤမုၢ်အဃိ န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 9:8

မ်ယွၤ, နကစၢ်ယွၤဘၣ်တၢ်စံးထီၣ်ပတြၢၤအီၤတက့ၢ်. အဝဲဒုးနဲၣ်ဖျါထီၣ်အတၢ်ဘၣ်သူၣ်ဘၣ်သးနၤထဲလဲၣ်ခီဖျိအဒုး ကဲထီၣ်နၤလၢစီၤပၤဒ်သိးကပၢတၢ်လၢအမံၤအပူၤန့ၣ်လီၤ. အဂ့ၢ်ဒ်အံၤ, အဝဲအဲၣ်အပှၤဂီၢ်မုၢ်အံၣ်စရ့လးဒီးကတီၤဃာ်အီၤ လီၤစိၤလီၤထီအဃိ, အဝဲဒုးကဲထီၣ်နၤလၢအဝဲသ့ၣ်အစီၤပၤဒ်သိး, နဟံးဃာ်တၢ်သိၣ်တၢ်သီဘၣ်ထွဲဒီးတၢ်စူၢ်တၢ်နာ်ဒီးတၢ်စံၣ်ညီၣ် တီကသ့ဝဲန့ၣ်လီၤ.

လံာ်စီၤဧ့စြၤ 3:7

ပှၤဂီၢ်မုၢ်ဟ့ၣ်လီၤစ့လၢပှၤမၤတၢ်လၢလၢၢ်တဖၣ်ဒီးပှၤစုသ့ တဖၣ်ဒီးဟ့ၣ်တၢ်အီၣ်တၢ်အီ, ဒီးသ့ၣ်စၤယံးအသိဒ်သိးကဘၣ်တၢ်ဆှၢအီၤဆူဝ့ၢ်ထါယၢၣ်ဒီးဝ့ၢ် စံဒိၣ်တဖၣ်လၢတၢ်ကလဲလိာ်အီၤဒီးလဘၤနိၣ်အသ့ၣ်ဆှိအ့ရ့းတဖၣ် လၢကဘၣ်တၢ်ဟဲစိာ်အီၤလၢပီၣ်လဲၣ်အကျဲတကပၤဆူဝ့ၢ်ယၤဖိၤန့ၣ် လီၤ. ကယဲၢ်တၢ်အံၤခဲလၢာ်ဘၣ်တၢ်မၤအီၤဒၣ်လၢကီၢ်ပၤရၣ်အစီၤပၤဖး ဒိၣ်စီၤကိရ့ၣ်အတၢ်ပျဲန့ၣ်လီၤ.

လံာ်စီၤဧ့စြၤ 7:22

အအါကတၢၢ်တုၤလၢစ့လီၤတယၢၢ်အကံကၢ်တကယၤ, ဘုကၠူၣ်အကိၢ်ယဲၢ်ကယၤ, စပံးထံအဘၤသၤတကယၤ, သ့ၣ်စၤယံးအသိအဘၤသၤတကယၤဒီးအံသၣ်ဒ်အလိၣ်ဘၣ်ဝဲအသိးလီၤ.

လံာ်လူၤကၣ် 10:7

အိၣ်ဖဲဟံၣ်တဖျၢၣ်ဃီန့ၣ်, ဒီးအီၣ်တၢ်အီတၢ်လၢအဝဲသ့ၣ် ဟ့ၣ်သုန့ၣ်တက့ၢ်. အဂ့ၢ်ဒ်အံၤ, ပှၤမၤတၢ်ဖိတဂၤကြၢးဘၣ်တၢ်ဟ့ၣ်အီၤလၢအဘူးအလဲလီၤ. တဘၣ်ဟးဝ့ၤဝီၤလၢဟံၣ်တဖျၢၣ်ဆူအဂၤတဖျၢၣ်န့ၣ်တဂ့ၤ.