လံာ်ကွဲးနီၣ်တၢ်ခံဘ့ၣ်တဘ့ၣ် 2:1 - Sgaw Karen Common Bible

¹ စီၤပၤၡလိၤမိၤပာ်လီၤအသးလၢကသူၣ်ထီၣ်တၢ်လုၢ်ဟံၣ်တဖျၢၣ်ဖဲ ယွၤကဘၣ်တၢ်ဘူၣ်ထီၣ်ဘါထီၣ်အီၤဒီးကသူၣ်ထီၣ်စ့ၢ်ကီးနီ တဖျၢၣ်လၢအဂီၢ်ဒၣ်ဝဲန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 2:1 Iomraidhean Croise

လံာ်စီၤပၤအခီၣ်ထံးတဘ့ၣ် 5:15

စီၤၡလိၤမိၤအိၣ်စ့ၢ်ကီးဒီးပှၤကူးတဲာ်လၢၢ်ဃိးကလးဂၤလၢ ကစၢၢ်ခိၣ်ကလိကျါဒီးပှၤစိၢ်လၢၢ်နွံကလးဂၤ,

လံာ်စီၤပၤအခီၣ်ထံးတဘ့ၣ် 5:5

ယွၤအၢၣ်လီၤတ့ၢ်ယပၢ်စီၤဒၤဝံးလၢ, နဖိခွါလၢယကဒုးကဲထီၣ် အီၤစီၤပၤလၢနလီၢ်ခံန့ၣ်, ကသူၣ်ထီၣ်တၢ်လုၢ်ဟံၣ်တဖျၢၣ်လၢယဂီၢ်လီၤ. ဒီးခဲကနံၣ်အံၤယပာ်လီၤယသးလၢယကသူၣ်ထီၣ်တၢ်လုၢ်ဟံၣ် အဝဲန့ၣ်လၢတၢ်ကဘူၣ်ထီၣ်ဘါထီၣ်ယွၤယကစၢ်ယွၤအဂီၢ်န့ၣ်လီၤ.

လံာ်စီၤပၤအခီၣ်ထံးတဘ့ၣ် 7:1

စီၤၡလိၤမိၤသူၣ်ထီၣ်စ့ၢ်ကီးနီတဖျၢၣ်လၢအဂီၢ်ဒၣ်ဝဲ, ဒီးယံာ်ဝဲတဆံသၢနံၣ်န့ၣ်လီၤ.

လံာ်စီၤပၤအခီၣ်ထံးတဘ့ၣ် 8:18

ဘၣ်ဆၣ်ယွၤစံးဘၣ်အီၤ, နသးအိၣ်သူၣ်ထီၣ်တၢ်လုၢ်ဟံၣ်တဖျၢၣ်လၢ ယဂီၢ်န့ၣ်ဘၣ်ဝဲလီၤ.

လံာ်စီၤပၤအခီၣ်ထံးတဘ့ၣ် 8:20

ဒီးခဲကနံၣ်အံၤယွၤဟံးဃာ်ဂၢၢ်ကျၢၤအတၢ်အၢၣ်လီၤန့ၣ်လံ. ယကဲထီၣ်လံအံၣ်စရ့လးအစီၤပၤလၢယပၢ်အလီၢ်ဒီးယသူၣ်ထီၣ်ဘၣ်လံ ယွၤအတၢ်လုၢ်ဟံၣ်တဖျၢၣ်လၢတၢ်ကဘူၣ်ထီၣ်ဘါထီၣ်ယွၤ, အံၣ်စရ့လးအကစၢ်ယွၤအဂီၢ်န့ၣ်လီၤ.

လံာ်စီၤပၤအခီၣ်ထံးတဘ့ၣ် 9:1

တုၤစီၤပၤၡလိၤမိၤမၤဝံၤတၢ်သူၣ်ထီၣ်ဘှီထီၣ်ယွၤအတၢ်လုၢ်ဟံၣ်, ဒီးနီ, ဒီးကယဲၢ်တၢ်လၢအဝဲအဲၣ်ဒိးဘှီထီၣ်ဝဲတဖၣ်အလီၢ်ခံ န့ၣ်,

လံာ်ကွဲးနီၣ်တၢ်အခီၣ်ထံးတဘ့ၣ် 22:10

အဝဲကသူၣ်ထီၣ်တၢ်လုၢ်ဟံၣ်တဖျၢၣ်လၢသါဂီၢ်န့ၣ်လီၤ. အဝဲကမ့ၢ်သါဖိခွါဒီးသါကမ့ၢ်အပၢ်န့ၣ်လီၤ. အဝဲအစၢၤအသွဲၣ်ကပၢအံၣ်စရ့လးအဘီအမုၢ်လီၤစိၤလီၤထီ န့ၣ်လီၤ.”

လံာ်ကွဲးနီၣ်တၢ်ခံဘ့ၣ်တဘ့ၣ် 1:17

ဒီးတၢ်ဟဲစိာ်ဆါလ့ၣ်ကဟၣ်တဖၣ်လၢကီၢ်အဲၤကူပတူးန့ၣ်လီၤ. အဝဲသ့ၣ်မၤစၢၤကီၢ်ဃ့ၤသးဒီးကီၢ်စူၤရံအစီၤပၤတဖၣ်လၢကသ့ၣ် တဖၣ်ဒီးလ့ၣ်ကဟၣ်တဖၣ်, ဆါန့ၢ်ဝဲလ့ၣ်ကဟၣ်တဖၣ်လၢတဆိစ့အဘ့ၣ်ဃုကယၤစုာ်စုာ်, ဒီးကသ့ၣ်တဖၣ်လၢတဒုစ့အဘ့ၣ်တကယၤယဲၢ်ဆံစုာ်စုာ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 2:12

စံးထီၣ်ပတြၢၤယွၤ, အံၣ်စရ့လးအကစၢ်ယွၤ, ကစၢ်လၢအတ့လီၤမူခိၣ်ဒီးဟီၣ်ခိၣ်တဂၤန့ၣ်တက့ၢ်. အဝဲဟ့ၣ်လီၤတ့ၢ်လံစီၤပၤစီၤဒၤဝံးလၢဖိခွါလၢအကူၣ်တၢ်သ့ တဂၤလၢအပှဲၤဒီးတၢ်သ့ၣ်ညါဒီးတၢ်သ့တၢ်ဘၣ်, လၢခဲကနံၣ်အံၤကူၣ်ကျဲၤဝဲလၢကသူၣ်ထီၣ်တၢ်လုၢ်ဟံၣ်တဖျၢၣ်လၢ ယွၤအဂီၢ်, ဒီးနီတဖျၢၣ်လၢအနီၢ်ကစၢ်ဒၣ်ဝဲအဂီၢ်န့ၣ်လီၤ.

လံာ်သိၣ်လီၤသီလီၤတၢ် 12:11

ယွၤကဃုထၢတၢ်လီၢ်ထဲတတီၤဖဲအဝဲကဘၣ်တၢ်ဘူၣ်ထီၣ်ဘါထီၣ်အီၤအဂီၢ်, ဒီးဖဲန့ၣ်, သုကဘၣ်ဟဲစိာ်ကယဲၢ်တၢ်လၢယမၤလိာ်သုဆူအအိၣ်, လၢအမ့ၢ်သုတၢ်လုၢ်တၢ်ပာ်တဖၣ်လၢတၢ်ကဆိၣ်ကဲၤအီၤဒီးသုတၢ်လုၢ် တၢ်ပာ်အဂၤတဖၣ်, သုတၢ်ဆံဆဲၣ်ပူတပူ တဖၣ်ဒီးတၢ်မၤဘူၣ်တဖၣ်, ဒီးသုတၢ်ဟ့ၣ်လီၤဆီတဖၣ်လၢ သုအၢၣ်လီၤလၢသုကဟ့ၣ်ယွၤန့ၣ်လီၤ.

လံာ်သိၣ်လီၤသီလီၤတၢ် 12:5

လၢကယဲၢ်သုဒူၣ်တဖၣ်အလီၢ်ကဝီၤပူၤန့ၣ်, ယွၤကဃုထၢထီၣ်တၢ်လီၢ် တတီၤဖဲပှၤဂီၢ်မုၢ်တဖၣ်ကဘၣ်ဟဲဆူအမဲာ်ညါဒီးဘူၣ်ထီၣ်ဘါထီၣ် အီၤန့ၣ်လီၤ.

လံာ်သိၣ်လီၤသီလီၤတၢ် 28:58

သုမ့ၢ်တစူၢ်ဘၣ်ကယဲၢ်ကစၢ်ယွၤအတၢ်သိၣ်လိတဖၣ်လၢအအိၣ်ကွဲးလီၤ အသးလၢလံာ်အံၤအပူၤလၢတၢ်သးတီ, ဒီးသုမ့ၢ်တယူးယီၣ်ပာ်ကဲဘၣ်ယွၤ, သုကစၢ်ယွၤအမံၤလၢအလီၤ လိၢ်လီၤလးဒီးလီၤပျံၤလီၤပာ်ကဲဘၣ်န့ၣ်,