လံာ်ကွဲးနီၣ်တၢ်ခံဘ့ၣ်တဘ့ၣ် 19:7 - Sgaw Karen Common Bible

⁷ ယူးယီၣ်ပာ်ကဲယွၤဒီးမၤတၢ်လီၤတံၢ်လီၤဆဲးတက့ၢ်. အဂ့ၢ်ဒ်အံၤ, ယွၤ, ပကစၢ်ယွၤန့ၣ်, တၢ်လီတၢ်ဝ့ၤမ့ၢ်ဂ့ၤ, တၢ်ကွၢ်မဲာ်တၢ်မ့ၢ်ဂ့ၤတၢ်ဟံးန့ၢ်ခိၣ်ဖးလာ်ဆှိးမ့ၢ်ဂ့ၤတအိၣ် ဘၣ်ဒီးအီၤဘၣ်.”

လံာ်ကွဲးနီၣ်တၢ်ခံဘ့ၣ်တဘ့ၣ် 19:7 Iomraidhean Croise

လံာ်တၢ်ကဲထီၣ်အခီၣ်ထံး 18:25

နတဘၣ်မၤသံပှၤလၢတၢ်ကမၣ်တအိၣ်ဃုာ်ဒီးပှၤလၢအတၢ်ကမၣ်အိၣ်န့ၣ် သပှၢ်တၢၢ်ဘၣ်. တၢ်န့ၣ်တသ့ဘၣ်. နမၤတၢ်န့ၣ်တသ့ဘၣ်. နမ့ၢ်မၤဒီးပှၤလၢအတၢ်ကမၣ်တအိၣ်န့ၣ်ကဘၣ် တၢ်စံၣ်ညီၣ်အီၤဃုာ်ဒီးပှၤလၢအတၢ်ကမၣ်အိၣ်န့ၣ်လီၤ. တၢ်န့ၣ်တသ့ဘၣ်. ဟီၣ်ခိၣ်ဒီဘ့ၣ်ညါအစံၣ်ညီၣ်ကွီၢ်န့ၣ်ကဘၣ်မၤ တၢ်လၢတၢ်စံၣ်ညီၣ်တီအပူၤလီၤ.”

လံာ်တၢ်ကဲထီၣ်အခီၣ်ထံး 42:18

လၢသၢသီတသီန့ၣ်စီၤယိၤသးစံးဘၣ်အဝဲသ့ၣ်, “ယမ့ၢ်ပှၤတဂၤလၢအပျံၤကစၢ်ယွၤလီၤ. ဒီးယကပျဲပူၤဖျဲးသုသးသမူတဖၣ်လၢတၢ်အဂ့ၢ်အခၢးတမံၤအဖီ ခိၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 23:3

ကီၢ်အံၣ်စရ့လးအကစၢ်ယွၤကတိၤလံတၢ်လံ. ကီၢ်အံၣ်စရ့လးအပှၤဒီဒၣ်အိၣ်ပှိၤအီၤစံးဘၣ်ယၤ, စီၤပၤလၢအပၢတၢ်လၢတၢ်စံၣ်ညီၣ်တီလၢအပၢတၢ်လၢတၢ်ယူးယီၣ်ပာ်ကဲကစၢ်ယွၤန့ၣ်,

လံာ်စီၤနဃ့မယၤ 5:15

ကယဲၢ်ပဒိၣ်ဖးဒိၣ်ခဲလၢာ်လၢအမၤတ့ၢ်လံတၢ်လၢယမဲာ်ညါန့ၣ်ကဲ ထီၣ်တၢ်ဝံတၢ်ယိးလၢပှၤဂီၢ်မုၢ်အဂီၢ်ဒီးလၢတနံၤအတီၢ်ပူၤန့ၣ်, လၢတၢ်အီၣ်တၢ်အီဒီးစပံးထံအမဲာ်ညါဃ့ဝဲစ့ညၣ်အဘ့ၣ်လွံၢ်ဆံ န့ၣ်လီၤ. အဝဲသ့ၣ်အခ့အပှၤသ့ၣ်တဖၣ်ဒၣ်လဲာ်မၤနးမၤဖှီၣ်ပှၤဂီၢ်မုၢ်န့ၣ် လီၤ. ဘၣ်ဆၣ်မ့ၢ်လၢယပာ်ကဲကစၢ်ယွၤအဃိ ယတမၤတၢ်ဒ်အဝဲသ့ၣ်အသိးန့ၣ်ဘၣ်.

လံာ်စီၤယိၤဘး 13:10

သုတၢ်ပာ်သူၣ်ပာ်သးတတီတလိၤန့ၣ်သုမ့ၢ်မၤဘံၣ်မၤဘၢအီၤဒၣ် လဲာ်အဝဲကသိၣ်ဃီၣ်သုသပှၢ်တၢၢ်လီၤ.

လံာ်စီၤယိၤဘး 34:19

အဝဲတကွၢ်မဲာ်ဘၣ်ပှၤပၢတၢ်သ့ၣ်တဖၣ်ဒီးတပာ်ဒိၣ်ပာ်ဂ့ၤဘၣ် ပှၤထူးပှၤတီၤလၢပှၤဖီၣ်ဖိယာ်ဖိအဖီခိၣ်န့ၣ်ဘၣ်. အဂ့ၢ်ဒ်အံၤအဝဲတ့လီၤပှၤကိးဂၤဒဲးလီၤ.

လံာ်စီၤယိၤဘး 8:3

ယွၤသ့တၢ်လၢာ်ကစၢ်တမၤဒၢက့ၣ်ဒၢကူတၢ်စံၣ်ညီၣ်တီနီ တဘျီဘၣ်. အဝဲတလီၤတိၢ်နီတဘျီလၢကမၤတၢ်အဘၣ်အဂီၢ်န့ၣ်ဘၣ်.

စံးထီၣ်ပတြၢၤ 82:2

“မ့ၢ်သုကအိၣ်ပှိၤပှၤတတီတလိၤဒီး ဒုးနဲၣ်သုတၢ်ကွၢ်မဲာ်ပှၤအၢပှၤသီန့ၣ်ဆံးယံာ်ဒံးလဲၣ်. စ့လၤ

လံာ်တၢ်ဟးထီၣ်ကွံာ် 23:8

တူၢ်လိာ်ခိၣ်ဖးလာ်ဆှိးတဂ့ၤ. အဂ့ၢ်ဒ်အံၤ, ခိၣ်ဖးလာ်ဆှိးမၤဘျီၣ်ပှၤအမဲာ်ဒ်သိးအသုတထံၣ်တၢ်အဘၣ်ဒီးမၤ ဟးဂီၤပှၤလၢအတၢ်ကမၣ်တအိၣ်ဘၣ်တဖၣ်အကွီၢ်န့ၣ်လီၤ.

လံာ်ယၡါယၤ 33:15

သုမ့ၢ်စံးဒီးမၤတၢ်လၢအဘၣ်န့ၣ်, သုထူၣ်ဖျဲးထီၣ်ကွံာ်သ့လီၤ. သူသုစိကမီၤလၢသုကလီန့ၢ်ပှၤဖှီၣ်ဖိယာ်ဖိဒီးတူၢ်လိာ်ခိၣ်ဖး လာ်ဆှိးတဂ့ၤ. မၤဃုာ်ဒီးပှၤလၢအကူၣ်ကျဲၤတၢ်မၤသံမၤဝီမ့ၢ်ဂ့ၤ, တၢ်အၢတၢ်သီအဂၤတဖၣ်မ့ၢ်ဂ့ၤန့ၣ်တဂ့ၤ.

လံာ်မံကၤ 7:3

အဝဲသ့ၣ်ခဲလၢာ်မ့ၢ်ပှၤစဲၣ်နီးလၢတၢ်မၤတၢ်အၢန့ၣ်လီၤ. ပဒိၣ်ဖးဒိၣ်တဖၣ်ဒီးပှၤစံၣ်ညီၣ်ကွီၢ်တဖၣ်ဃ့ခိၣ်ဖးလာ် ဆှိးတဖၣ်လီၤ. ပှၤဟံးစိဟံးကမီၤတဲဘၣ်အဝဲသ့ၣ်တၢ်လၢအသးလီဝဲသတးဒီးအဝဲ သ့ၣ်ကူၣ်ထီၣ်သကိးတၢ်အၢလီၤ.

လံာ်မးသဲ 22:16

တၢ်န့ၣ်ဝံၤအလီၢ်ခံ, အဝဲသ့ၣ်ဆှၢလီၤအပျဲၢ်အဘီၣ်တနီၤ, ဃုာ်ဒီးပှၤအိၣ်လၢဟ့ၤရိာ်အကရၢပူၤတနီၤ, ဆူယ့ၣ်ၡူးအအိၣ်လီၤ. အဝဲသ့ၣ်စံးဘၣ်အီၤ, “သရၣ်ဧၢ, ပသ့ၣ်ညါလၢနမ့ၢ်ပှၤလၢအတဲတၢ်တီတီတဂၤဒီးသိၣ် လီၤသီလီၤတၢ်မ့ၢ်တၢ်တီဘၣ်ဃးကစၢ်ယွၤအတၢ်ဘၣ်အသး လၢပှၤကညီအဂီၢ်, ဒီးနတပျံၤဒီးကွၢ်မဲာ်ပှၤနီတဂၤဘၣ်. အဂ့ၢ်ဒ်အံၤ ပှၤကညီအလီၢ်အလၤန့ၣ်, နတပာ်ဒိၣ်လီၤဆီအီၤဘၣ်.

မၤတၢ် 10:34

ဒီးစီၤပ့းတရူးအဲးထီၣ်အထးခိၣ်ဒီးစံးဝဲ, “ခဲကနံၣ်အံၤယသ့ၣ်ညါလံတၢ်မ့ၢ်တၢ်တီလၢ ကစၢ်ယွၤတကွၢ်မဲာ်ပှၤနီတဂၤဘၣ်န့ၣ်လီၤ.

ရိမ့ၤ 2:11

အဂ့ၢ်ဒ်အံၤ, ယွၤစံၣ်ညီၣ်ပှၤကိးဂၤဒဲးလၢတၢ်တကွၢ်ဒိၣ်ဆံးအါစှၤတၢ် အပူၤန့ၣ်လီၤ.

ရိမ့ၤ 9:14

မ့မ့ၢ်ဒ်န့ၣ်ဒီး, ပကစံးလၢကစၢ်ယွၤမၤတၢ်တတီဘၣ်န့ၣ်ဧါ. တမ့ၢ်ဒ်န့ၣ်လ့ၤတက့ၤဘၣ်.

ကလၤတံ 2:6

မ့မ့ၢ်ပှၤသ့ၣ်တဖၣ်လၢအဖျါဒ်ပှၤခိၣ်ပှၤနၢ်တဖၣ်အသိးန့ၣ်, ပစံးတၢ်အံၤမ့ၢ်လၢအဝဲသ့ၣ်မ့ၢ်တ့ၢ်တၢ်မနုၤလဲၣ်န့ၣ်တမ့ၢ် တၢ်လီၤဆီလၢယဂီၢ်ဘၣ်န့ၣ်လီၤ. ကစၢ်ယွၤတစံၣ်ညီၣ်တၢ်ဒ်တၢ်အိၣ်ဖျါလၢခိအသိးဘၣ်. ပှၤခိၣ်ပှၤနၢ်သ့ၣ်တဖၣ်န့ၣ်, ယစံးယဲတအိၣ်ဒီးတၢ်ဟ့ၣ်ကူၣ်ဟ့ၣ်ဖးအသီလၢယဂီၢ်နီတမံၤဘၣ်.

အ့းဖ့းစူး 6:9

ကစၢ်သ့ၣ်ဧၢ, မၤသုကုၢ်သုပှၤဒ်န့ၣ်အသိး, ဒီးဆိကတီၢ်တၢ်ကတိၤပျံၤကတိၤဖုးအဝဲသ့ၣ်တက့ၢ်. သ့ၣ်ညါသုဝဲလၢအဝဲသ့ၣ်ဒီးသု, သုကစၢ်အိၣ်တဂၤဃီလၢမူခိၣ်ဒီးကစၢ်အံၤတကွၢ်မဲာ်ပှၤနီတဂၤ ဘၣ်န့ၣ်တက့ၢ်.

လံာ်သိၣ်လီၤသီလီၤတၢ် 32:4

ယွၤမ့ၢ်သုပှၤကဟုကယာ်သုလၢအဂံၢ်ဆူၣ်ဘါဆူၣ်, လၢဝဲပှဲၤဝဲဒီးတီဝဲလိၤဝဲလၢကယဲၢ်အကျဲခဲလၢာ်အပူၤန့ၣ်လီၤ. သုကစၢ်ယွၤမ့ၢ်ပှၤလၢအသူၣ်တီသးရၤဒီးမ့ၢ်ဝဲတီဝဲ, အဝဲမၤတၢ်လၢအဘၣ်ဒီးအတီန့ၣ်လီၤ.

ကလီးစဲ 3:25

ဒီးပှၤမၤကမၣ်တၢ်ကိးဂၤဒဲးန့ၣ်ကဘၣ်တၢ်ဟ့ၣ်ကၣ်က့ၤအီၤဒ် အမၤတၢ်အသိးလီၤ. အဂ့ၢ်ဒ်အံၤကစၢ်ယွၤလၢအစံၣ်ညီၣ်တၢ်န့ၣ်, တကွၢ်မဲာ်ပှၤနီတဂၤဘၣ်.

၁ ပ့းတရူး 1:17

ဖဲသုဘါထုကဖၣ်ကစၢ်ယွၤဒီး, သုကိးအီၤလၢပၢ်လၢအစံၣ်ညီၣ်ပှၤခဲလၢာ်လၢနီၣ်ထိၣ်တမံၤ ဃီဒ်ပှၤတဂၤဒီးတဂၤမၤတၢ်အသိးန့ၣ်လီၤ. လၢတၢ်န့ၣ်အဃိ, မၤလၢာ်ကွံာ်သုတၢ်အိၣ်မူလၢအအိၣ်လီၤတဲာ်လၢဟီၣ်ခိၣ် ချၢအံၤလၢတၢ်ယူးယီၣ်ပာ်ကဲကစၢ်ယွၤအပူၤန့ၣ်တက့ၢ်.

လံာ်စီၤၡမူၤအ့လးအခီၣ်ထံးတဘ့ၣ် 11:7

အဝဲဟံးန့ၢ်ဂီၤဖံးဖါခံဒုဒီးဒီၣ်တဲာ်အီၤတကူာ်တကူာ်ဒီး မၢပှၤစိာ်တၢ်ကစီၣ်တဖၣ်စိာ်တၢ်ညၣ်အကူာ်တဖၣ်န့ၣ်သကုၤကီၢ်အံၣ် စရ့လးဒီဘ့ၣ်ဃုာ်ဒီးတၢ်ဟ့ၣ်ပလီၢ်အံၤန့ၣ်လီၤ. “ပှၤတဂၤလၢ်လၢ်လၢအတပိာ်ဘၣ်စီၤစီလူးဒီးစီၤၡမူအ့လးအခံ ဆူတၢ်ဒုးအပူၤန့ၣ်, အဂီၤဖံးဖါတဖၣ်ကဘၣ်တၢ်မၤအီၤဒ်အံၤလီၤ. ကီၢ်အံၣ်စရ့လးအပှၤဂီၢ်မုၢ်ပျံၤတၢ်လၢယွၤကမၤဝဲ, ဒီးဟဲထီၣ်သကိးဝဲခဲလၢာ်တအိၣ်ဒီးတၢ်လီၤတိၢ်ဘၣ်လီၤ.