လံာ်ကွဲးနီၣ်တၢ်ခံဘ့ၣ်တဘ့ၣ် 19:6 - Sgaw Karen Common Bible

⁶ ဒီးသိၣ်လိနဲၣ်ယူၤအဝဲသ့ၣ်ဒ်အံၤ, “ပလီၢ်သူၣ်ပလီၢ်သးလၢသု တၢ်ခါလီၤသုကလုၢ်လၢတၢ်စံၣ်ညီၣ်အဂီၢ်တက့ၢ်. သုတမၤဘၣ်တၢ်လၢပှၤကညီအတၢ်စိတၢ်ကမီၤအမံၤအပူၤဘၣ်. မ့မ့ၢ်လၢယွၤအတၢ်စိတၢ်ကမီၤအပူၤ, ဒီးအဝဲအိၣ်ဒီးသုဖဲသုဟ့ၣ်လီၤတၢ်စံၣ်ညီၣ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 19:6 Iomraidhean Croise

လံာ်ကွဲးနီၣ်တၢ်အခီၣ်ထံးတဘ့ၣ် 28:10

နကဘၣ်သ့ၣ်ညါလၢယွၤဃုထၢတ့ၢ်နၤလၢနကသူၣ်ထီၣ်အတၢ်လုၢ်ဟံၣ်စီ ဆှံအဂီၢ်န့ၣ်လီၤ. ခဲကနံၣ်အံၤမၤအီၤ, ဒီးမၤအီၤအိၣ်ဒီးတၢ်ပာ်လီၤသးကျၢၤမုဆှုတက့ၢ်.”

လံာ်ပှၤစံၣ်တဲၤတဲလီၤတၢ် 5:8

ဖဲလၢနထံၣ်ဘၣ်ထံကီၢ်ပဒိၣ်ပပှၢ်မၤနးမၤဖှီၣ်ပှၤဖှီၣ်ဖိယာ်ဖိဒီးတပျဲ ဘၣ်အဝဲသ့ၣ်ဒိးန့ၢ်တၢ်စံၣ်ညီၣ်တီဒီးအခွဲးအယာ်တဖၣ်ဘၣ်န့ၣ်, ကမၢကမၣ်တဂ့ၤ. ပဒိၣ်ပပှၢ်ကိးဂၤဒဲးန့ၣ်ဘၣ်တၢ်ဒီဒၣ်အိၣ်ပှိၤ အီၤလၢပှၤလၢအဖီခိၣ်တဂၤ, ဒီးအဝဲသ့ၣ်ခံဂၤလိာ်န့ၣ်ဘၣ်တၢ်ဒီဒၣ်အိၣ်ပှိၤဒံးအီၤလၢ ပဒိၣ်ပပှၢ်တဖၣ်လၢအဒိၣ်န့ၢ်ထီန့ၢ်အဝဲသ့ၣ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 19:15

လၢတၢ်စံၣ်ညီၣ်အပူၤန့ၣ်မၤတၢ်တတီတလိၤတဂ့ၤ. ကွၢ်မဲာ်ပှၤဖှီၣ်ဖိဒီးပျံၤပှၤထူးပှၤတီၤတဂ့ၤ. သုဘၣ်စံၣ်ညီၣ်ပှၤလၢသုဃၢၤတီတီလိၤလိၤလီၤ.

လံာ်လူၤကၣ် 12:15

ဒီးအဝဲဒၣ်ကတိၤတၢ်ဒီးစံးဘၣ်အဝဲသ့ၣ်ကိးဂၤဒဲး, “ပလီၢ်သူၣ်ပလီၢ်သး, ဒီးဟးဆှဲးတၢ်သးကွံကိးကလုာ်ဒဲးတက့ၢ်. အဂ့ၢ်ဒ်အံၤ, ပှၤကညီတဂၤမ့ၢ်ထူးဝဲတီၤဝဲဆံးအါဆံးအါသနာ်က့ အဝဲအတၢ်အိၣ်မူနီၢ်နီၢ်န့ၣ်, တဘၣ်ဃးဘၣ်ဒီးတၢ်လၢအအိၣ်ဒီးအီၤသ့ၣ်တဖၣ်န့ၣ်ဘၣ်.”

လံာ်လူၤကၣ် 21:8

ယ့ၣ်ၡူးစံးဝဲ, “အိၣ်ပလီၢ်သူၣ်ပလီၢ်သးတက့ၢ်. တဘၣ်ပျဲပှၤလီန့ၢ်သုတဂ့ၤ. အဂ့ၢ်ဒ်အံၤ, ပှၤအါဒံအါဂၤကဟဲလၢယမံၤဒီးစံးဝဲ, ‘ယမ့ၢ်အဝဲဒၣ်လီၤ.’ ဒီး ‘တၢ်ဆၢကတီၢ်ဟဲတုၤလံ’ န့ၣ်လီၤ. ဘၣ်ဆၣ်ဒီးတဘၣ်ပိာ်အဝဲသ့ၣ်အခံတဂ့ၤ.

မၤတၢ် 22:26

ဖဲသုးဖိတကယၤအခိၣ်နၢ်ဟူတၢ်အံၤန့ၣ်, အဝဲဒၣ်လဲၤဆူသုးဖိတကထိအခိၣ်အအိၣ်ဒီးသံကွၢ်အီၤ, “နမၤတၢ်မနုၤလဲၣ်န့ၣ် မ့ၢ်နသ့ၣ်ညါကစီဒီဧါ. ပှၤတဂၤန့ၣ်, မ့ၢ်ရိမ့ၤအထံဖိကီၢ်ဖိတဂၤလီၤ.”

မၤတၢ် 5:35

အန့ၣ်ဒီးအဝဲဒၣ်စံးဘၣ်ကီၣ်ကးတဖုန့ၣ်, “ပှၤအံၣ်စရ့လးဖိသကိးဒီးယၤသ့ၣ်ဧၢ, သုကမၤပှၤသ့ၣ်တဖၣ်အံၤဒ်လဲၣ်ဒ်လဲၣ်န့ၣ်, ပလီၢ်သုသးတက့ၢ်.

လံာ်သိၣ်လီၤသီလီၤတၢ် 1:17

ယတဲအဝဲသ့ၣ်လၢ, အသုတကွၢ်မဲာ်တၢ်လၢအတၢ်စံၣ်ညီၣ်တဖၣ်အပူၤတ ဂ့ၤ. လၢတၢ်စံၣ်ညီၣ်အပူၤန့ၣ်ကဘၣ်ဒိကနၣ်ပှၤအဒိၣ်မ့ၢ်ဂ့ၤ, ပှၤအဆံးမ့ၢ်ဂ့ၤဒ်သိးသိးန့ၣ်လီၤ. တဘၣ်ပျံၤဘၣ်ပှၤနီတဂၤဘၣ်. အဂ့ၢ်ဒ်အံၤ, တၢ်စံၣ်ညီၣ်တဲာ်တဖၣ်လၢ အမၤဝဲန့ၣ်ဟဲလၢကစၢ်ယွၤအအိၣ်လီၤ. တၢ်ဂ့ၢ်တမံၤဂ့ၤတမံၤဂ့ၤမ့ၢ်ကီကဲာ်ဆိးလၢအဂီၢ်န့ၣ်, ကဘၣ်ဟဲစိာ်ဝဲဆူယအိၣ်လီၤ. ဒီးယကစံၣ်ညီၣ်တဲာ်အီၤန့ၣ်လီၤ.

လံာ်စီၤယိၤၡူ 22:5

ပာ်သူၣ်ပာ်သးလီၤတံၢ်လီၤဆဲးလၢသုကဒိကနၣ် တၢ်သိၣ်တၢ်သီလၢယွၤအခ့အပှၤစီၤမိၤၡ့မၤလိာ်တ့ၢ်သုလၢအမ့ၢ်ဝဲ, အဲၣ်ယွၤသုကစၢ်, မၤအတၢ်ဘၣ်အသး, ဒိကနၣ်အတၢ်မၤလိာ်တဖၣ်, တီဒီးအီၤ, ဒီးမၤအတၢ်လၢသုသးဒီဖျၢၣ်ညါဒီးသုသူၣ်ကံၢ်သးလဲန့ၣ်တက့ၢ်.”