လံာ်ကွဲးနီၣ်တၢ်ခံဘ့ၣ်တဘ့ၣ် 19:3 - Sgaw Karen Common Bible

³ ဘၣ်ဆၣ်ဒီးလၢနပူၤန့ၣ်တၢ်အဂ့ၤအိၣ်ဒံးဝဲတနီၤန့ၣ်လီၤ. နသုးကွံာ်တ့ၢ်ကယဲၢ်ကစၢ်မုၣ်အၡ့ရၤအတၢ်ပနီၣ်တဖၣ်လၢပှၤဂီၢ်မုၢ် ဘူၣ်ထီၣ်ဘါထီၣ်ဝဲ, ဒီးနဂုာ်ကျဲးစၢးပိာ်ထွဲတ့ၢ်ကစၢ်ယွၤအတၢ်ဘၣ်အသးအခံန့ၣ် လီၤ.”

လံာ်ကွဲးနီၣ်တၢ်ခံဘ့ၣ်တဘ့ၣ် 19:3 Iomraidhean Croise

လံာ်စီၤပၤအခီၣ်ထံးတဘ့ၣ် 14:13

ကယဲၢ်ကီၢ်အံၣ်စရ့လးအပှၤဂီၢ်မုၢ်, ကဘၣ်မိၢ်ဘၣ်မးလၢအဃိဒီး ကခူၣ်လီၤကွံာ်အီၤန့ၣ်လီၤ. အဝဲကမ့ၢ်ထဲပှၤတဂၤဧိၤလၢစီၤယၤရၤဘၣ်အဟံၣ်ဖိဃီဖိအပူၤလၢ ကဘၣ်တၢ်ခူၣ်လီၤကွံာ်အီၤဂ့ၤဂ့ၤန့ၣ်လီၤ. အဂ့ၢ်ဒ်အံၤ, အဝဲမ့ၢ်ပှၤထဲတဂၤဧိၤလၢယွၤ, အံၣ်စရ့လးအကစၢ်ယွၤဘၣ်သူၣ်ဘၣ်သးအီၤန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 11:16

ပှၤဂီၢ်မုၢ်လၢကယဲၢ်အံၣ်စရ့လးအဒူၣ်တဖၣ်အပူၤ, လၢအသးအိၣ်နီၢ်နီၢ်လၢကဘူၣ်ထီၣ်ဘါထီၣ်ယွၤ, အံၣ်စရ့လးအကစၢ်ယွၤန့ၣ်, ပိာ်ထီၣ်ပှၤလ့ၤဝံဖိတဖၣ်အခံဆူ ဝ့ၢ်ယရူၤၡလ့ၣ်, ဒ်သိးကလုၢ်ထီၣ်ဘၣ်တၢ်လုၢ်တၢ်ပာ်တဖၣ်ဆူယွၤ, အဝဲသ့ၣ်အမိၢ်ပၢ်ဖံဖုလၢပျၢၤတဖၣ်အကစၢ်ယွၤအအိၣ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 12:12

မ့ၢ်လၢအဝဲဆီၣ်လီၤအသးလၢယွၤအဖီလာ်အဃိ, ယွၤအတၢ်သးဒိၣ်ထီၣ်တမၤဟးဂီၤကွံာ်အီၤလၢာ်လၢာ်ဆ့ဆ့ဘၣ်. ဒီးတၢ်ခဲလၢာ်လဲၤအသးဂ့ၤဂ့ၤဘၣ်ဘၣ်လၢယူဒၤအဂီၢ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 12:14

အဝဲမၤတ့ၢ်တၢ်လၢအအၢအသီ, မ့ၢ်လၢအဝဲတကျဲးစၢးဃုထံၣ်ယွၤ အတၢ်ဘၣ်အသးအဃိလီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 15:12

အဝဲသ့ၣ်မၤတ့ၢ်တၢ်အၢၣ်လီၤအီလီၤတမံၤလၢအဝဲသ့ၣ်အၢၣ်လီၤဝဲ လၢအဝဲသ့ၣ်ကဘူၣ်ထီၣ်ဘါထီၣ်ယွၤအဝဲသ့ၣ်အမိၢ်ပၢ်ဖံဖုလၢပျၢၤ တဖၣ်အကစၢ်ယွၤ, လၢအသူၣ်ကံၢ်သးလဲဒီးအသးဒီဖျၢၣ်ညါန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 15:15

ကယဲၢ်ပှၤဂီၢ်မုၢ်လၢကီၢ်ယူဒၤအပူၤသူၣ်ဖှံသးညီဝဲမ့ၢ်လၢ အဝဲသ့ၣ်မၤတ့ၢ်တၢ်အၢၣ်လီၤအီလီၤအံၤလၢအသူၣ်ဒီဖျၢၣ်သးဒီ ဖျၢၣ်အဃိန့ၣ်လီၤ. အဝဲအိၣ်ဒီးတၢ်သူၣ်မုာ်သးမုာ်လၢတၢ်ဘူၣ်ထီၣ်ဘါထီၣ်ယွၤအပူၤ, ဒီးယွၤတူာ်လိာ်အဝဲသ့ၣ်ဒီးဟ့ၣ်လီၤအဝဲသ့ၣ်လၢတၢ်ဃူတၢ်ဖိး လၢတၢ်ကိးကပၤဒဲးအပူၤန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 20:3

စီၤယဟိၡၤဖးပျံၤတၢ်ဖုးတၢ်ဒီးဘါထုကဖၣ်တၢ်ဆူယွၤအအိၣ်လၢ တၢ်နဲၣ်ကျဲအဂီၢ်န့ၣ်လီၤ. အန့ၣ်ဝံၤဒီး, အဝဲဟ့ၣ်လီၤအကလုၢ်လၢတၢ်ဒုၣ်တၢ်အီၣ်တမံၤကဘၣ်တၢ် မၤအီၤလၢထံကီၢ်ဒီဘ့ၣ်အပူၤအဂီၢ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 20:33

ဘၣ်ဆၣ်ပှၤဘါတၢ်ဂီၤတၢ်ဖီၣ်အတၢ်ဘါအလီၢ်တဖၣ်, တဘၣ်တၢ်မၤဟးဂီၤကွံာ်အီၤဘၣ်. ပှၤဂီၢ်မုၢ်တဃၣ်က့ၤအသးလၢာ် လၢာ်ဆ့ဆ့လၢသူၣ်ဒီဖျၢၣ်သးဒီဖျၢၣ်အပူၤဆူတၢ်ဘူၣ်ထီၣ်ဘါ ထီၣ်အမိၢ်ပၢ်ဖံဖုလၢပျၢၤတဖၣ်အကစၢ်ယွၤဒံးဘၣ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 22:9

တၢ်ဃုထံၣ်န့ၢ်စီၤအဃၤစယၤ, ဒီးအဝဲဘၣ်တၢ်ထံၣ်န့ၢ်အီၤလၢ အအိၣ်ခူသူၣ်ဝဲဖဲကီၢ်ၡၤမရံအပူၤန့ၣ်လီၤ. အဝဲသ့ၣ်လဲၤစိာ်အီၤဆူ စီၤယ့ၤဟူအအိၣ်ဒီးအဝဲဒၣ်မၤသံကွံာ်အီၤန့ၣ်လီၤ. ဘၣ်ဆၣ်အဝဲသ့ၣ်ခူၣ်လီၤကွံာ်အစိၣ်လၢတၢ်ပာ်ကဲအဝဲအဖုစီၤပၤ ယဟိၡၤဖးအဃိန့ၣ်လီၤ. စီၤယဟိၡၤဖးမၤတ့ၢ်ကယဲၢ်တၢ်ခဲလၢာ်ဒ်အသ့ဝဲအသိးလၢကမၤယွၤ အတၢ်အဂီၢ်န့ၣ်လီၤ. စီၤအဃၤစယၤအဟံၣ်ဖိဃီဖိတအိၣ်လီၤတဲာ်တ့ၢ်ဘၣ်နီတဂၤလၢပၢ က့ၤဘီမုၢ်ကသ့ဝဲန့ၣ်ဘၣ်.

လံာ်ကွဲးနီၣ်တၢ်ခံဘ့ၣ်တဘ့ၣ် 27:6

စီၤယိၤသၣ်အစိအကမီၤဒိၣ်ထီၣ်ဝဲ, မ့ၢ်လၢအဝဲစူၢ်ယွၤ, အကစၢ်ယွၤလၢတၢ်သးတီအပူၤအဃိန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 30:19

“အိယွၤ, ပမိၢ်ပၢ်ဖံဖုလၢပျၢၤတဖၣ်အကစၢ်ယွၤဧၢ, လၢနတၢ်ဂ့ၤတၢ်ဝါဒၣ်နဲအပူၤန့ၣ်, ပျၢ်လၢ်ပှၤတဖၣ်လၢအဘူၣ်ထီၣ် ဘါထီၣ်နၤလၢအသူၣ်ဒီဖျၢၣ်သးဒီဖျၢၣ်အတၢ်ကမၣ်, ဖဲအဝဲသ့ၣ်တကဆှီဘၣ်ဒ်တၢ်အလုၢ်အလၢ်အိၣ်ဝဲအသိးအခါဒၣ်လဲာ်န့ၣ် တက့ၢ်.”

လံာ်စီၤဧ့စြၤ 7:10

စီၤဧ့စြၤမ့ၢ်ပှၤဟ့ၣ်လီၤအးလီၤတ့ၢ်အသးဒ်သိးကမၤလိယွၤအတၢ် သိၣ်တၢ်သီလၢပှၤယူဒၤဖိအဂီၢ်, ဒ်သိးကမၤထွဲအီၤဒီးဒ်သိးကသိၣ်လိန့ၢ်အံၣ်စရ့လးအပှၤဂီၢ် မုၢ်လၢကယဲၢ်တၢ်စူၢ်တၢ်နာ်အတၢ်သိၣ်တၢ်သီတဖၣ်ဒီးအတၢ်ဘျၢတဖၣ် န့ၣ်လီၤ.

စံးထီၣ်ပတြၢၤ 57:7

ယသးအိၣ်ဂၢၢ်ဆိးကျၢၤ, ကစၢ်ယွၤဧၢ, ယသးအိၣ်ဂၢၢ်ဆိးကျၢၤ လီၤ. ယကသးဝံၣ်တၢ်ဒီးစံးထီၣ်ပတြၢၤနၤလီၤ.

ရိမ့ၤ 7:18

ဒ်ယအိၣ်ဒီးပှၤကညီအန့ဆၢၣ်အသိး, ယသ့ၣ်ညါလၢတၢ်ဂ့ၤတၢ်ဝါတမူလၢယပူၤဘၣ်. အဂ့ၢ်ဒ်လဲၣ်န့ၣ်, သးလၢအဆၢမၤဂ့ၤတၢ်အိၣ်လၢယပူၤသနာ်က့, ယမၤထွဲအီၤ တသ့ဘၣ်.

လံာ်စီၤၡမူၤအ့လးအခီၣ်ထံးတဘ့ၣ် 7:3

စီၤၡမူၤအ့လးစံးဘၣ်ပှၤဂီၢ်မုၢ်, “သုမ့ၢ်ဃၣ်က့ၤသုသးဆူ ယွၤအအိၣ်လၢသူၣ်လၢသးဒီဖျၢၣ်ညါန့ၣ် သုကဘၣ်တၢၤကွံာ်ကယဲၢ်ပှၤ တခီဘီမုၢ်ဖိအကစၢ်တဖၣ်ဒီးကစၢ်မုၣ်ဧၤၡတြိးအဂီၤတဖၣ်လီၤ. ပာ်စီဆှံထီၣ်သုသးလၢာ်လၢာ်ဆ့ဆ့ဆူယွၤအအိၣ်ဒီး ဘူၣ်ထီၣ်ဘါထီၣ်ထဲအဝဲတဂၤဧိၤန့ၣ်တက့ၢ်. ဒီးအဝဲကအုၣ်က့ၤခီၣ်က့ၤသုလၢပှၤဖလ့ၡသးဖိတဖၣ်အစိကမီၤအ ဖီလာ်လီၤ.”