လံာ်ကွဲးနီၣ်တၢ်ခံဘ့ၣ်တဘ့ၣ် 18:9 - Sgaw Karen Common Bible

⁹ စီၤပၤခံဂၤန့ၣ်, ကူသိးဝဲစီၤပၤအဆ့ကၤဒိၣ်တဖၣ်ဒီးဆ့ၣ် နီၤဝဲလၢအဝဲသ့ၣ်အလီၢ်ပစိာ်တဖၣ်အဖီခိၣ်ဖဲပှၤကြဲၢ်တၢ်အလီၢ်, လၢအအိၣ်ဖဲဝ့ၢ်ၡၤမရံအတြဲၤဖးဒိၣ်အချၢ, ဒီးကယဲၢ်ဝံတဖၣ်ကတိၤတၢ်လၢဝံအကျိာ်လၢအဝဲသ့ၣ်အမဲာ်ညါန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 18:9 Iomraidhean Croise

လံာ်မးသဲ 19:28

ယ့ၣ်ၡူးစံးဘၣ်အဝဲသ့ၣ်, “နာ်ယၤတက့ၢ်. လၢစိၤအသီအပူၤ, ဖဲပှၤကညီဖိခွါကဆ့ၣ်နီၤလၢအလီၢ်ပစိာ်လၢအအိၣ်ဒီး အလၤကပီၤအဖီခိၣ်န့ၣ်, သုဝဲလၢအပိာ်တ့ၢ်ယခံတဖၣ်, သုကဆ့ၣ်နီၤလၢလီၢ်ပစိာ်တဆံခံဖျၢၣ်အဖီခိၣ်, ဒီးပၢဘၣ်ပှၤအံၣ်စရ့လးဖိတဆံခံဒူၣ်န့ၣ်လီၤ.

လံာ်မးသဲ 11:8

မ့တမ့ၢ်ဘၣ်ဒီးမ့ၢ်သုလဲၤဒ်သိးသုကထံၣ်ဘၣ်ပှၤလၢအကူအသိး ဆှုၣ်ဆှုၣ်ဘှဲၣ်ဘှဲၣ် တဂၤန့ၣ်ဧါ. ပှၤကူပှၤသိးဒ်န့ၣ်တဖၣ်အိၣ် ဆိးဒၣ်လၢနီတဖၣ်အပူၤလီၤ.

လံာ်မးသဲ 6:29

ဘၣ်ဆၣ်ဒီးယစံးဘၣ်သု, စီၤပၤၡလိၤမိၤလၢအအိၣ်ဒီးအကဟု ကညီၢ်အတၢ်ထူးတၢ်တီၤခဲလၢာ်န့ၣ်တကူတသိးဘၣ်ဂ့ၤထဲသိး ဒီးဖီဒ့ၣ်ညါဖိအံၤတဖိးဒၣ်လဲာ်ဘၣ်.

လံာ်ဒၤနံးယ့လး 7:9

ဒီးဖဲယကွၢ်တၢ်အဖၢမုၢ်န့ၣ်, လီၢ်ပစိာ်တဖၣ်ဘၣ်တၢ်ကျဲၤလီၤ ပာ်လီၤအီၤန့ၣ်လီၤ. ပှၤတဂၤလၢအအိၣ်မူတ့ၢ်ဝဲဒၣ်အထူအယိာ် န့ၣ်ဆ့ၣ်နီၤဝဲလၢလီၢ်ပစိာ်တဖၣ်အကျါတဖျၢၣ်အလိၤန့ၣ်လီၤ. အဝဲအတၢ်ကူတၢ်သိးတဖၣ်ဝါဝဲဒၣ်ဒ်မူခိၣ်ဖီအသိးဒီးအခိၣ် သူလီၤဂာ်ဒ်သိဆူၣ်လၢအကဆှီမးန့ၣ်လီၤ. အဝဲအလီၢ်ပစိာ်န့ၣ်ဆီလီၤအသးလၢလ့ၣ်ဖံဘၣ်မ့ၣ်အူတဖၣ်အလိၤ, ဒီးကဲၤကပျီၤလၢမ့ၣ်အူလီၤ.

လံာ်ယဃ့းစက့လး 26:16

ကယဲၢ်ပှၤကလုာ်တဖၣ်လၢ အအိၣ်လၢပီၣ်လဲၣ်နံၤ အစီၤပၤခဲလၢာ်ကဟဲလီၤလၢ အလီၢ်ပစိာ်တဖၣ်န့ၣ်လီၤ. အဝဲသ့ၣ်ကဘ့ၣ်လီၤကွံာ်အဆ့ဖးထီတဖၣ်, ဒီးအကူအသိးလၢအဘၣ်တၢ်ဆးဒဲးကံၣ်ဒဲးဝ့ၤအီၤတဖၣ်ဒီး ကဆ့ၣ်နီၤကနိးကစုာ်လၢဟီၣ်ခိၣ်လိၤန့ၣ်လီၤ. အဝဲသ့ၣ် ကပျံၤတၢ်နးနးကလဲာ်လၢနတၢ်ဘူၣ်တၢ်တီၤအဃိ တုၤဒၣ်လဲာ် အဝဲသ့ၣ်တဆိကတီၢ် ကနိးကစုာ်ဘၣ်န့ၣ်လီၤ.

လံာ်ယၡါယၤ 14:9

တၢ်သံအကီၢ်အိၣ်ကတဲာ်ကတီၤအသးလၢကတူၢ်လိာ်မုာ်ကီၢ် ဘၤဘူၤလိၣ်အစီၤပၤအဂီၢ်လီၤ. ပှၤတဖၣ်လၢအစိကမီၤ ဒိၣ်တ့ၢ်လၢဟီၣ်ခိၣ်ချၢအံၤအတဃၣ်တဖၣ်ဂဲၤဂီၤအသးဖဲအံၤ ဖဲနုၤန့ၣ်လီၤ. စီၤပၤတဖၣ်အတဃၣ်ဂဲၤဆၢ ထၢၣ်လၢအလီၢ်ပစိာ်တဖၣ်အဖီခိၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 18:29

စီၤအၤဃာ်စံးဘၣ်စီၤယဟိၡၤဖး, “တုၤပလဲၤထီၣ်ဒုးတၢ်န့ၣ်, ယကပျိာ်လီၤဆီယသး, မ့မ့ၢ်နဲ, ကူသိးဒၣ်နစီၤပၤအတၢ်ကူတၢ် သိးန့ၣ်တက့ၢ်.” လၢတၢ်န့ၣ်အဃိကီၢ်အံၣ်စရ့လးအစီၤပၤလဲၤထီၣ်ဆူတၢ်ဒုးအပူၤ အိၣ်ဒီးတၢ်ပျိာ်လီၤဆီအသးန့ၣ်လီၤ.

လံာ်နီၢ်ရူၤသး 4:1

စီၤဘိၤဧးလဲၤဆူတၢ်အိၣ်ဖှိၣ်ရိဖှိၣ်အလီၢ်ဖဲဝ့ၢ်အပဲတရီ, ဒီးဆ့ၣ်နီၤဝဲဖဲန့ၣ်လီၤ. တုၤနုၤတစု, တုၤစီၤအလံၤမ့လ့း အဘူးအတံၢ်နီၢ်နီၢ်, လၢစီၤဘိၤဧးစံးကတိၤတ့ၢ်ဝဲလၢအဂ့ၢ်တဂၤ, ဟဲဝဲန့ၣ်ဒီး, စီၤဘိၤဧးကိးအီၤဒီးစံးဘၣ်အီၤ, “ယတံၤသကိးဧၢ, ဟဲဆ့ၣ်နီၤဖဲအံၤတက့ၢ်.” ဒီးဟဲဆ့ၣ်နီၤဝဲဒၣ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 18:8

လၢတၢ်န့ၣ်အဃိ, စီၤပၤအၤဃာ်ကိးနုာ်ကွီၢ်ဘျီၣ်အပဒိၣ်တဂၤ, ဒီးတဲဘၣ်အီၤလၢကလဲၤကိးန့ၢ်စီၤမံၤကါယၤတဘျီဃီန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 18:10

လၢအဝဲသ့ၣ်အကျါတဂၤလၢအမ့ၢ်စီၤကနၤနါအဖိခွါစီၤစံးဒကံ ယၤပိာ်န့ၢ်နၢၤထးတဖၣ်ဒီးစံးဘၣ်စီၤအၤဃာ်, “အအံၤမ့ၢ်တၢ်လၢယွၤစံးဝဲဒၣ်န့ၣ်လီၤ. နကဒုးပှၤစူၤရံဖိ တဖၣ်လၢတၢ်တဖၣ်အံၤဒီးနကမၤနၢၤအဝဲသ့ၣ်လၢာ်လၢာ်ဆ့ဆ့န့ၣ် လီၤ.”