လံာ်ကွဲးနီၣ်တၢ်ခံဘ့ၣ်တဘ့ၣ် 18:5 - Sgaw Karen Common Bible

⁵ လၢတၢ်န့ၣ်အဃိစီၤအၤဃာ်ကိးနုာ်ဝံတဖၣ်လၢကအိၣ်ဝဲ အဂၤလွံၢ်ကယၤဃၣ်ဃၣ်ဒီးသံကွၢ်အဝဲသ့ၣ်, “မ့ၢ်ယကဘၣ်လဲၤထီၣ်ဒုးဝ့ၢ်ရၤမိးန့ၣ်ဧါ. မ့တမ့ၢ်ယတဘၣ်လဲၤဘၣ်န့ၣ်ဧါ.” အဝဲသ့ၣ်စံးဆၢဝဲ, “လဲၤထီၣ်ဒုးအီၤတက့ၢ်. ကစၢ်ယွၤကဟ့ၣ်နၤတၢ်မၤနၢၤန့ၣ် လီၤ.”

လံာ်ကွဲးနီၣ်တၢ်ခံဘ့ၣ်တဘ့ၣ် 18:5 Iomraidhean Croise

လံာ်စီၤပၤအခီၣ်ထံးတဘ့ၣ် 12:9

အဝဲသံကွၢ်ဝဲ, “သုကဟ့ၣ်ကူၣ်ယၤလၢယကဘၣ်မၤတၢ်မနုၤန့ၣ်လဲၣ်. ပှၤဂီၢ်မုၢ်လၢအဃ့ယၤလၢယကဘၣ်မၤဖှံထီၣ်အတၢ်ဝံတၢ်ယိးတဖၣ်န့ၣ်, ယကဘၣ်စံးဘၣ်အီၤဒ်လဲၣ်.”

လံာ်စီၤပၤအခီၣ်ထံးတဘ့ၣ် 18:19

ခဲကနံၣ်အံၤဟ့ၣ်လီၤနကလုၢ်လၢကယဲၢ်ကီၢ်အံၣ်စရ့လးအပှၤဂီၢ်မုၢ် ကဟဲထံၣ်ယၤဖဲကစၢၢ်ကၢ်မ့ၤလးအလိၤန့ၣ်တက့ၢ်. ဟဲကိးဃုာ်ဘဧၤလးအဝံလွံၢ်ကယၤယဲၢ်ဆံဂၤဒီးကစၢ်မုၣ်အၡ့ရၤ အဝံလွံၢ်ကယၤဂၤလၢအဘၣ်တၢ်ဆီၣ်ထွဲမၤစၢၤတ့ၢ်အီၤလၢနီၢ်ပၤ မုၣ်အံၤစ့ဘ့ၤလးန့ၣ်တက့ၢ်.”

လံာ်စီၤပၤအခီၣ်ထံးတဘ့ၣ် 4:13

စီၤက့ဘ့ၢ်အဖိခွါလၢဝ့ၢ်ရၤမိးလၢကီၢ်ကံးလဧးအပူၤ, ဒီးသဝီတဖၣ်လၢကီၢ်ကံးလဧးအပူၤလၢအဘၣ်ဃးဒီးစီၤယၤအံၢ်, ပှၤတဂၤလၢအလီၤစၢၤလၢစီၤမနၤၡ့ၤအဒူၣ်ထၢ, ဒီးတၢ်လီၢ်အိၣ်လၢအၢ်ကိးလၢအအိၣ်လၢကီၢ်ဘၤၡၣ်အပူၤ, ဝ့ၢ်ဖးဒိၣ်အဖျၢၣ်ဃုဆံလၢအဘၣ်တၢ်မၤကျၢၤအီၤဒီးဝ့ၢ်ခိၣ်ဒူ တဖၣ်ဒီးတြဲၤဖးဒိၣ်တဖၣ်လၢအအိၣ်ဒီးတိၢ်ဘီနီၣ်တြီတဖၣ်လၢအ လိၤ,

လံာ်စီၤပၤခံဘ့ၣ်တဘ့ၣ် 3:13

စီၤအလံၤၡါစံးဘၣ်ကီၢ်အံၣ်စရ့လးအစီၤပၤ, “ဘၣ်မနုၤလၢယကဘၣ်မၤစၢၤနၤန့ၣ်လဲၣ်. လဲၤဒီးသံကွၢ်တၢ်လၢ ဝံတဖၣ်လၢနပၢ်မ့ၢ်ဂ့ၤ, နမိၢ်မ့ၢ်ဂ့ၤသံကွၢ်တ့ၢ်အီၤတၢ်တက့ၢ်.” စီၤယဟိရၣ်စံးဆၢအီၤ “တမ့ၢ်ဘၣ်, ပှၤလၢအကိးဖှိၣ်ပဝဲ စီၤပၤသၢဂၤဆူကီၢ်မိၤအးအစီၤပၤအတၢ်သူၣ်ကညီၤသးကညီၤအပူၤ န့ၣ်မ့ၢ်ယွၤလီၤ.”

လံာ်ကွဲးနီၣ်တၢ်ခံဘ့ၣ်တဘ့ၣ် 18:14

တုၤအဝဲလဲၤအိၣ်ဖျါထီၣ်လၢစီၤပၤအၤဃာ်အမဲာ်ညါန့ၣ်, စီၤပၤသံကွၢ်အီၤ, “စီၤမံၤကါယၤဧၢ, မ့ၢ်စီၤပၤယဟိၡၤဖး ဒီးယၤပကြၢးလဲၤထီၣ်ဒုးဝ့ၢ်ရၤမိးဧါ. မ့တမ့ၢ်ပတကြၢးလဲၤဒုးဘၣ်န့ၣ်ဧါ.” စီၤမံၤကါယၤစံးဆၢဝဲ, “လဲၤထီၣ်ဒုးတက့ၢ်. သပှၢ်ကတၢၢ်နကမၤနၢၤတၢ်လီၤ. ယွၤကဟ့ၣ်နၤတၢ်မၤနၢၤန့ၣ်လီၤ.”

လံာ်ကွဲးနီၣ်တၢ်ခံဘ့ၣ်တဘ့ၣ် 18:4

အန့ၣ်ဝံၤဒီးအဝဲစံးအါထီၣ်ဝဲ, “ဘၣ်ဆၣ်အဆိကတၢၢ်န့ၣ်, မ်ပကသံကွၢ်တၢ်လၢယွၤတက့ၢ်.”

လံာ်ကွဲးနီၣ်တၢ်ခံဘ့ၣ်တဘ့ၣ် 18:6

ဘၣ်ဆၣ်စီၤယဟိၡၤဖးသံကွၢ်ဝဲ, “ယွၤအဝံတအိၣ်ဘၣ်ဖဲအံၤနီ တဂၤလၢပသံကွၢ်အီၤတၢ်ကသ့န့ၣ်ဘၣ်ဧါ.”

လံာ်ယံးရမံယၤ 23:14

မ့မ့ၢ်ယထံၣ်ဘၣ်တ့ၢ်ဝ့ၢ်ယရူၤၡလ့ၣ်အဝံတဖၣ်မၤတၢ်အၢဒိၣ်န့ၢ် တၢ်အံၤဒၣ်လဲာ်န့ၣ်လီၤ. အဝဲသ့ၣ်မၤကမၣ်မုၣ်ကမၣ်ခွါဒီးကတိၤတၢ်လီတၢ်ဝ့ၤတဖၣ်န့ၣ်လီၤ. အဝဲသ့ၣ်မၤစၢၤပှၤဂီၢ်မုၢ်လၢကမၤကမၣ်တၢ်အဂီၢ်, တုၤဒၣ်လဲာ်ပှၤတဆိကတီၢ်လၢတၢ်မၤတၢ်အၢတၢ်သီနီတဂၤ လၢၤဘၣ်န့ၣ်လီၤ. လၢယဂီၢ်န့ၣ်, အဝဲသ့ၣ်ခဲလၢာ်အၢဝဲသီဝဲ ဒ်သိးဝ့ၢ်စဒိၣ်ဒီးဝ့ၢ်ဂမိရၤအပှၤဂီၢ်မုၢ်န့ၣ်လီၤ.

လံာ်ယံးရမံယၤ 23:16

ယွၤသ့တၢ်လၢာ်စံးဘၣ်ဝ့ၢ်ယရူၤၡလ့ၣ်အပှၤဂီၢ်မုၢ်, “ဒိကနၣ်တၢ်လၢဝံတဖၣ်စံးကတိၤဝဲန့ၣ်တဂ့ၤ. အဝဲသ့ၣ်မၤပှဲၤသုဒီးတၢ်မုၢ်လၢ်လၢအတတီဘၣ်တဖၣ်န့ၣ်လီၤ. အဝဲသ့ၣ်တဲဘၣ်သုတၢ်လၢအဆိကမိၣ်ထီၣ်ဒၣ်ဝဲ, ဒီးတမ့ၢ်ဘၣ်တၢ်လၢယစံးတ့ၢ်တဖၣ်န့ၣ်ဘၣ်.

လံာ်ယံးရမံယၤ 23:17

လၢပှၤဂီၢ်မုၢ်လၢတဒိကနၣ်တၢ်လၢယစံးတ့ၢ်အဂီၢ်န့ၣ်, ဝံတဖၣ်န့ၣ် စံးဝဲတထံၣ်ဃီလၢတၢ်ခဲလၢာ်ကလဲၤအသးဂ့ၤဂ့ၤဘၣ်ဘၣ်လၢ အဝဲသ့ၣ်အဂီၢ်န့ၣ်လီၤ. ဒီးပှၤတဂၤလၢ်လၢ်လၢအခိၣ်ကိၤန့ၣ်, အဝဲသ့ၣ်တဲဘၣ်ဝဲလၢတၢ်တတၢးတနါတမၤဘၣ်ဒိဘၣ်ထံး အီၤနီတစုဘၣ်န့ၣ်လီၤ.”

လံာ်ယံးရမံယၤ 42:20

သုမၤကမၣ်တၢ်ဖးဒိၣ်တမံၤလက အဒုးသံက့ၤသုသ့ ဝဲန့ၣ်လီၤ. သုမၢယဃ့ထုကဖၣ်တၢ်ဆူ ယွၤပကစၢ်ယွၤ လၢ သုဂီၢ်, ဒီးသုအၢၣ်လီၤလၢ သုကမၤတၢ်ကိးမံၤဒဲးလၢ အဝဲမၤလိာ်ဝဲန့ၣ်လီၤ.

လံာ်ယဃ့းစက့လး 13:22

သုတၢ်လီတၢ်ဝ့ၤတဖၣ်န့ၣ်မၤသးဟးဂီၤပှၤအဂ့ၤတဖၣ်လၢယတသးအိၣ် မၤဘၣ်ဒိဘၣ်ထံးအီၤန့ၣ်လီၤ. သုတြီဃာ်ပှၤဂီၢ်မုၢ်လၢအအၢအသီတဖၣ်လၢကညိကွံာ်အတၢ်အၢတၢ်သီ ဒီးအုၣ်က့ၤခီၣ်က့ၤအသးသမူဒၣ်ဝဲန့ၣ်လီၤ.

လံာ်မံကၤ 2:11

ပှၤဂီၢ်မုၢ်တဖၣ်အံၤအဲၣ်ဒိးဝဲဒၣ်ဝံတကလုာ်လၢအလဲၤဝ့ၤဝီၤတၢ်, အိၣ်ပှဲၤဒီးတၢ်လီတၢ်ဝ့ၤဒီးတၢ်ကဘျံးကဘျၣ်ဒီးစံး, “ယကတိၤဝံအကျိာ်ဒ်သိးစပံးထံဒီးသံးကယွၤလီၤလၢသုဂီၢ် လီၤ”.

လံာ်မံကၤ 3:11

ဝ့ၢ်အပဒိၣ်တဖၣ်န့ၣ်ပၢတၢ်လၢခိၣ်ဖးလာ်ဆှိးတဖၣ်အဂီၢ်, ပှၤလုၢ်တၢ်အခိၣ်တဖၣ်ကတိၤကျိးထံတၢ်သိၣ်တၢ်သီလၢတၢ်အဘူး အလဲအဂီၢ်ဒီးဝံတဖၣ်ဖးတၢ်လၢစ့အဂီၢ်, ဒီးစံးသကိးခဲလၢာ်လၢယွၤအိၣ်ဒီးအဝဲသ့ၣ်လီၤ. ဒီးစံးဝဲဒၣ်, “တၢ်အၢတဘၣ်ဘၣ်ပှၤနီတမံၤဘၣ်. ယွၤအိၣ်ဒီးပှၤလီၤ”.

၂ တံၤမသ့း 4:3

တၢ်ဆၢကတီၢ်ကဟဲဝဲဖဲပှၤတဒိကနၣ်လၢၤတၢ်သိၣ်လိသီလိလၢအမ့ၢ် အတီဘၣ်, မ့မ့ၢ်ကပိာ်ထွဲတၢ်သူၣ်လီသးကွံတဖၣ်အခံဒီးကပာ်ဖှိၣ်သရၣ် တဖၣ်အါထီၣ်အါထီၣ်လၢ အဝဲသ့ၣ်အကစၢ်ဒၣ်ဝဲအဂီၢ်, လၢအကစံးဘၣ်တဲဘၣ်အီၤတၢ်လၢအဝဲသ့ၣ်ဘၣ်အသး ဒီးသးအိၣ်နၢ်ဟူဝဲတဖၣ်န့ၣ်လီၤ.

လံာ်လီၣ်ဖျါ 19:20

တၢ်ဒူတၢ်ဃိၤတဒုန့ၣ်ဘၣ်တၢ်ဖီၣ်န့ၢ်အီၤတပူၤဃီဒီးဝံ အဘျၣ်လၢအမၤတ့ၢ်တၢ်လီၤလးတဖၣ်လၢတၢ်ဒူတၢ်ဃိၤ တဒုန့ၣ်အမဲာ်ညါလီၤ. (ခီဖျိတၢ်လီၤလးတဖၣ်န့ၣ်, အဝဲဒၣ်လီန့ၢ်တ့ၢ်ပှၤသ့ၣ်တဖၣ်လၢအအိၣ်ဒီးတၢ်ဒူတၢ်ဃိၤ တဒုန့ၣ်အတၢ်ပနီၣ်, ဒီးပှၤသ့ၣ်တဖၣ်လၢအဘါတ့ၢ်တၢ်ဒူတၢ်ဃိၤတဒုန့ၣ် အက့ၢ်အဂီၤလီၤ.) တၢ်ဒူတၢ်ဃိၤဒီးဝံအဘျၣ်စ့ၢ်ကီး, ဘၣ်တၢ်တ့ၢ်လီၤမူဒံးအီၤဆူနိၣ်မ့ၣ်အူလၢအအီၣ်ဃုာ် တၢ်ဒီးကးန့ၣ်လီၤ.