လံာ်ကွဲးနီၣ်တၢ်ခံဘ့ၣ်တဘ့ၣ် 18:3 - Sgaw Karen Common Bible

³ အဝဲသံကွၢ်ဝဲ, “မ့ၢ်နကလဲၤသကိးတၢ်ဒီးယၤလၢတၢ်ကလဲၤထီၣ်ဒုးဝ့ၢ်ရၤမိးအဂီၢ်န့ၣ်ဧါ.” စီၤယဟိၡၤဖးစံးဆၢဝဲ, “နမ့ၢ်အိၣ်ကတဲာ်ကတီၤနသးဒီးယအိၣ် ကတဲာ်ကတီၤယသးန့ၣ်လီၤ. ဒ်န့ၣ်အသိးပှၤသုးမုၢ်စ့ၢ်ကီးအိၣ်ကတဲာ်ကတီၤအသးန့ၣ်လီၤ. ပကလဲၤဃုာ်သကိးဒီးနၤလီၤ.”

လံာ်ကွဲးနီၣ်တၢ်ခံဘ့ၣ်တဘ့ၣ် 18:3 Iomraidhean Croise

လံာ်စီၤပၤအခီၣ်ထံးတဘ့ၣ် 22:4

ဒီးစီၤအၤဃာ်သံကွၢ်စီၤယဟိၡၤဖး, “မ့ၢ်နကလဲၤဒီးယၤလၢ ပကထီၣ်ဒုးဝ့ၢ်ရၤမိးန့ၣ်ဧါ.” စီၤယဟိၡၤဖးစံးဆၢဝဲ, “ဖဲနအိၣ်ကတဲာ်ကတီၤနသးန့ၣ်, ယအိၣ်ကတဲာ်ကတီၤယသးလီၤ. ဒီးဒ်န့ၣ်အသိးယပှၤသုးဖိတဖၣ်ဒီးယပှၤဒိးကသ့ၣ်သုးဖိတဖၣ်စ့ၢ် ကီးန့ၣ်လီၤ.

လံာ်စီၤပၤအခီၣ်ထံးတဘ့ၣ် 4:13

စီၤက့ဘ့ၢ်အဖိခွါလၢဝ့ၢ်ရၤမိးလၢကီၢ်ကံးလဧးအပူၤ, ဒီးသဝီတဖၣ်လၢကီၢ်ကံးလဧးအပူၤလၢအဘၣ်ဃးဒီးစီၤယၤအံၢ်, ပှၤတဂၤလၢအလီၤစၢၤလၢစီၤမနၤၡ့ၤအဒူၣ်ထၢ, ဒီးတၢ်လီၢ်အိၣ်လၢအၢ်ကိးလၢအအိၣ်လၢကီၢ်ဘၤၡၣ်အပူၤ, ဝ့ၢ်ဖးဒိၣ်အဖျၢၣ်ဃုဆံလၢအဘၣ်တၢ်မၤကျၢၤအီၤဒီးဝ့ၢ်ခိၣ်ဒူ တဖၣ်ဒီးတြဲၤဖးဒိၣ်တဖၣ်လၢအအိၣ်ဒီးတိၢ်ဘီနီၣ်တြီတဖၣ်လၢအ လိၤ,

လံာ်စီၤပၤခံဘ့ၣ်တဘ့ၣ် 3:7

အဝဲဆှၢလီၤတၢ်ကစီၣ်ဆူကီၢ်ယူဒၤအစီၤပၤယဟိၡၤဖးအအိၣ်ဒီး စံးဝဲဒၣ်, “ကီၢ်မိၤအးအစီၤပၤပူထီၣ်တၢ်ထီဒါယၤလံ. မ့ၢ်နကလဲၤသကိးတၢ်ဒီးယၤလၢတၢ်ဒုးထီဒါအီၤအဂီၢ်န့ၣ်ဧါ.” စီၤပၤယဟိၡၤဖးစံးဆၢဝဲဒၣ်, “ယကလဲၤလီၤ. ယအိၣ်လၢနတၢ်သုးတၢ်ကျဲၤအပူၤလီၤ. ယပှၤဂီၢ်မုၢ်ဒီးယကသ့ၣ်တဖၣ် မ့ၢ်ဒ်န့ၣ်အသိးစ့ၢ်ကီးလီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 18:2

တဘျုးနံၣ်ဝံၤအလီၢ်ခံန့ၣ်, စီၤယဟိၡၤဖးလဲၤဆူဝ့ၢ်ၡၤမရံ လၢကလဲၤအိၣ်သကိးစီၤအၤဃာ်အဂီၢ်န့ၣ်လီၤ. လၢတၢ်မၤလၤကပီၤစီၤယဟိၡၤဖး, ဒီးပှၤလဲၤဃုာ်တၢ်ဒီးအီၤ တဖၣ်အဂီၢ်, စီၤအၤဃာ်မၤသံသိဒီးဂီၤဖံးအါအါဂီၢ်ဂီၢ်လၢတၢ်အီၣ်အမူး ဖးဒိၣ်တဘျီအဂီၢ်န့ၣ်လီၤ. အဝဲဂုာ်ကျဲးစၢးကွဲန့ၢ်လွဲန့ၢ်စီၤယဟိၡၤဖးအသးဒ်သိးကပာ် ဖှိၣ်အသးဒီးအီၤလၢအတၢ်လဲၤထီၣ်ဒုးဝ့ၢ်ရၤမိး, လၢကီၢ်ကံးလဧးအပူၤအဂီၢ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 18:4

အန့ၣ်ဝံၤဒီးအဝဲစံးအါထီၣ်ဝဲ, “ဘၣ်ဆၣ်အဆိကတၢၢ်န့ၣ်, မ်ပကသံကွၢ်တၢ်လၢယွၤတက့ၢ်.”

လံာ်ကွဲးနီၣ်တၢ်ခံဘ့ၣ်တဘ့ၣ် 19:2

ဝံတဂၤလၢအမ့ၢ်စီၤဃနၤနံအဖိခွါစီၤယ့ၤဟူ, လဲၤထီၣ်သဂၢၢ်စီၤပၤဒီးစံးဘၣ်အီၤ, “မ့ၢ်နဆိကမိၣ်လၢတၢ်မၤ စၢၤပှၤအၢပှၤသီဒီးတၢ်အိၣ်လၢပှၤသးဟ့ယွၤအအိၣ်တကပၤန့ၣ်, မ့ၢ်တၢ်အဘၣ်န့ၣ်ဧါ. တၢ်လၢနမၤတ့ၢ်န့ၣ်, ဟဲစိာ်ယွၤအတၢ်သးထီၣ်လၢနလိၤန့ၣ်လီၤ.

စံးထီၣ်ပတြၢၤ 139:21

ယွၤဧၢ, မ့ၢ်ယတသးဟ့ဘၣ်ပှၤလၢ အသးဟ့နၤန့ၣ်ဘၣ်ဧါ, ဒီးမ့ၢ်ယတသးဘၣ်အၢဘၣ်ပှၤလၢ အဂဲၤထၢၣ်ထီဒါနၤန့ၣ်ဘၣ်ဧါ.

အ့းဖ့းစူး 5:11

တဘၣ်မၤဃုာ်တၢ်ခံးတၢ်နၤအတၢ်မၤလၢအဘျုးတအိၣ်ဘၣ် လၢပှၤအဂၤမၤဝဲတဖၣ်န့ၣ်တဂ့ၤ. မ့မ့ၢ်မၤဖျါထီၣ်အီၤတက့ၢ်.