လံာ်ကွဲးနီၣ်တၢ်ခံဘ့ၣ်တဘ့ၣ် 18:1 - Sgaw Karen Common Bible

¹ တုၤကီၢ်ယူဒၤအစီၤပၤစီၤယဟိၡၤဖးထူးထီၣ်တီၤထီၣ်ဝဲဒီး အမံၤဟူသၣ်ဖျါထီၣ်ဝဲန့ၣ်, အဝဲသုးကျဲၤတၢ်တ့တၢ်ဖျီတခါလၢအဝဲအဒူၣ်ဖိထၢဖိတဂၤဒီး ကီၢ်အံၣ်စရ့လးအစီၤပၤအၤဃာ်အဒူၣ်ဖိထၢဖိတဂၤအဘၢၣ်စၢၤန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 18:1 Iomraidhean Croise

လံာ်စီၤပၤအခီၣ်ထံးတဘ့ၣ် 21:25

(ပှၤဒ်စီၤအၤဃာ်အသိးန့ၣ်တအိၣ်ဘၣ်နီတဂၤဂၤဘၣ်. အဝဲဟ့ၣ်လီၤအးလီၤအသးလၢာ်လၢာ်ဆ့ဆ့လၢကမၤတၢ်ကမၣ်လၢယွၤ အမဲာ်ညါ, ကယဲၢ်တၢ်လၢအမါနီၢ်အံၤစ့ဘ့ၤလးမၢဆူၣ်အီၤလၢကမၤဝဲန့ၣ်လီၤ.

လံာ်စီၤပၤအခီၣ်ထံးတဘ့ၣ် 22:1

လၢခံ, ခံနံၣ်အတီၢ်ပူၤန့ၣ်တၢ်ဃူတၢ်ဖိးအိၣ်ဝဲဒၣ်လၢကီၢ်အံၣ် စရ့လးဒီးကီၢ်စူၤရံအဘၢၣ်စၢၤန့ၣ်လီၤ.

လံာ်စီၤပၤအခီၣ်ထံးတဘ့ၣ် 22:45

ကယဲၢ်တၢ်အဂုၤအဂၤတမံၤလၢ်လၢ်လၢစီၤယဟိၡၤဖးမၤတ့ၢ်ဝဲ, ကယဲၢ်အဝဲအတၢ်သူၣ်ဒူသးဒူတဖၣ်ဒီးအတၢ်ဒုးတၢ်ယၤတဖၣ်အဂ့ၢ် န့ၣ်, ဘၣ်တၢ်ကွဲးနီၣ်ကွဲးဃါအီၤလၢကီၢ်ယူဒၤအစီၤပၤတဖၣ်အလံာ်တၢ် စံၣ်စိၤတဲစိၤအပူၤန့ၣ်လီၤ.

လံာ်စီၤပၤခံဘ့ၣ်တဘ့ၣ် 11:1

ဖဲစီၤပၤအဃၤစယၤအမိၢ်နီၢ်ဧသၤလယၤသ့ၣ်ညါဝဲဒၣ်လၢအဖိခွါ ဘၣ်တၢ်မၤသံအီၤတဘျီဃီန့ၣ်အဝဲဟ့ၣ်လီၤအကလုၢ်လၢစီၤပၤအဟံၣ် ဖိဃီဖိခဲလၢာ်ကဘၣ်တၢ်မၤသံကွံာ်အီၤန့ၣ်လီၤ.

လံာ်စီၤပၤခံဘ့ၣ်တဘ့ၣ် 8:18

အဝဲအမါမ့ၢ်စီၤအၤဃာ်အဖိမုၣ်, ဒီးဒ်စီၤအၤဃာ်အဟံၣ်ဖိဃီဖိ အသိးန့ၣ်အဝဲပိာ်ထွဲကျဲအၢကျဲသီတဖၣ်လၢကီၢ်အံၣ်စရ့လး အစီၤပၤတဖၣ်ပိာ်တ့ၢ်ဝဲန့ၣ်လီၤ. အဝဲမၤတ့ၢ်တၢ်ဒဲးဘးထီဒါယွၤ,

လံာ်ကွဲးနီၣ်တၢ်ခံဘ့ၣ်တဘ့ၣ် 17:12

လၢတၢ်န့ၣ်အဃိစီၤယဟိၡၤဖးဒိၣ်ထီၣ်ထီထီၣ်ဝဲပှီၢ်ပှီၢ်ဒီး အစိကမီၤဒံးယံာ်ဒံးအါထီၣ်န့ၣ်လီၤ. လၢကီၢ်ယူဒၤဒီကီၢ်ညါအပူၤန့ၣ်, အဝဲဘှီထီၣ်တိာ်ဧိၤတာ်ဧိၤ တဖၣ်ဒီးဝ့ၢ်တဖၣ်,

လံာ်ကွဲးနီၣ်တၢ်ခံဘ့ၣ်တဘ့ၣ် 17:5

ယွၤဟ့ၣ်လီၤစီၤယဟိၡၤဖးလၢတၢ်ပၢဘၣ်ကီၢ်ယူဒၤအဘီအမုၢ်ဂၢၢ် ဂၢၢ်ကျၢၤကျၢၤ, ဒီးကယဲၢ်ပှၤဂီၢ်မုၢ်ခဲလၢာ်ဟဲစိာ်န့ၢ်အီၤတၢ်ဟ့ၣ်တဖၣ်တုၤဒၣ် လဲာ်အဝဲထူးထီၣ်တီၤထီၣ်ဝဲဒီးဘၣ်တၢ်ပာ်လၤပာ်ကပီၤအီၤဒိၣ် ဒိၣ်အါအါန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 18:31

လၢတၢ်န့ၣ်အဃိ, တုၤအဝဲသ့ၣ်ထံၣ်ဃီၤစီၤယဟိၡၤဖးန့ၣ်, အဝဲသ့ၣ်ခဲလၢာ်ဆိကမိၣ်လၢအဝဲမ့ၢ်ကီၢ်အံၣ်စရ့လးအစီၤပၤဒီး အဝဲသ့ၣ်ဃၣ်အသးလၢကဒုးအီၤအဂီၢ်န့ၣ်လီၤ. ဘၣ်ဆၣ်စီၤယဟိၡၤဖးကိးထီၣ်ဝဲဒီးယွၤ, ကစၢ်ယွၤမၤပူၤဖျဲး အီၤဒီးဃၣ်ကွံာ်တၢ်ဒုးယံၤဒီးအီၤန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 19:2

ဝံတဂၤလၢအမ့ၢ်စီၤဃနၤနံအဖိခွါစီၤယ့ၤဟူ, လဲၤထီၣ်သဂၢၢ်စီၤပၤဒီးစံးဘၣ်အီၤ, “မ့ၢ်နဆိကမိၣ်လၢတၢ်မၤ စၢၤပှၤအၢပှၤသီဒီးတၢ်အိၣ်လၢပှၤသးဟ့ယွၤအအိၣ်တကပၤန့ၣ်, မ့ၢ်တၢ်အဘၣ်န့ၣ်ဧါ. တၢ်လၢနမၤတ့ၢ်န့ၣ်, ဟဲစိာ်ယွၤအတၢ်သးထီၣ်လၢနလိၤန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 20:35

တဘျီန့ၣ်, ကီၢ်ယူဒၤအစီၤပၤစီၤယဟိၡၤဖးမၤတ့ၢ်တၢ်ဒီသိၣ် ဒီမှံၤဒီးစီၤအဃၤစယၤလၢအမ့ၢ်ကီၢ်အံၣ်စရ့လးအစီၤပၤတဂၤ လၢအမၤတ့ၢ်တၢ်အၢတၢ်သီအါမံၤန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 21:6

အဝဲပိာ်ထွဲတ့ၢ်စီၤပၤအၤဃာ်ဒီးကီၢ်အံၣ်စရ့လးအစီၤပၤအဂၤ တဖၣ်အဒိတဲာ်အၢသီအခံမ့ၢ်လၢအဝဲဒိးတ့ဒိးဖျီတ့ၢ်အသးဒီး စီၤအၤဃာ်အဖိမုၣ်တဖၣ်အကျါတဂၤအဃိန့ၣ်လီၤ. ဒီးမၤတ့ၢ်တၢ်ဒဲးဘးထီဒါယွၤ,

လံာ်မးသဲ 6:33

မ့မ့ၢ်ဃုဆိကစၢ်ယွၤအဘီအမုၢ်ဒီးအတၢ်တီတၢ်လိၤတက့ၢ်. ဒီးကစၢ်ယွၤကဟ့ၣ်လီၤသုလၢတၢ်တဖၣ်န့ၣ်ခဲလၢာ်လီၤ.

၂ ကရံၣ်သူး 6:14

တဘၣ်ဂုာ်ကျဲးစၢးမၤသကိးတၢ်ဒီးပှၤတစူၢ်တနာ်တၢ် တဖၣ်ဒ်သုမ့ၢ်ပှၤဒ်သိးသိးဒီးအဝဲသ့ၣ်တဂ့ၤ. အဂ့ၢ်ဒ်အံၤ, တၢ်မၤဒ်န့ၣ်တသ့ဘၣ်. တၢ်အဘၣ်ဒီးတၢ်ကမၣ်န့ၣ်, ဒီတံၤဒီသကိးကသ့ဝဲလၢကျဲဒ်လဲၣ်. တၢ်ကပီၤဒီးတၢ်ခံးန့ၣ်အိၣ်ဃုာ်တပူၤဃီကသ့ဝဲလၢကျဲဒ်လဲၣ်.