လံာ်ကွဲးနီၣ်တၢ်ခံဘ့ၣ်တဘ့ၣ် 17:5 - Sgaw Karen Common Bible

⁵ ယွၤဟ့ၣ်လီၤစီၤယဟိၡၤဖးလၢတၢ်ပၢဘၣ်ကီၢ်ယူဒၤအဘီအမုၢ်ဂၢၢ် ဂၢၢ်ကျၢၤကျၢၤ, ဒီးကယဲၢ်ပှၤဂီၢ်မုၢ်ခဲလၢာ်ဟဲစိာ်န့ၢ်အီၤတၢ်ဟ့ၣ်တဖၣ်တုၤဒၣ် လဲာ်အဝဲထူးထီၣ်တီၤထီၣ်ဝဲဒီးဘၣ်တၢ်ပာ်လၤပာ်ကပီၤအီၤဒိၣ် ဒိၣ်အါအါန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 17:5 Iomraidhean Croise

လံာ်တၢ်ကဲထီၣ်အခီၣ်ထံး 13:2

စီၤအၤဘြၣ်မ့ၢ်ပှၤထူးဝဲတီၤဝဲဒိၣ်မးလၢအအိၣ်ဒီးသိ, မဲာ်တဲးလဲးဒီးဂီၤဘုၣ်ဂီၤဖံးဒီးထူဧိၤလွဲဧိၤ, ကျိၣ်ဧိၤစ့ဧိၤသ့ၣ်တဖၣ်န့ၣ်လီၤ.

လံာ်စီၤပၤအခီၣ်ထံးတဘ့ၣ် 10:25

ကယဲၢ်ပှၤလၢအဟဲတဂၤလၢ်လၢ်န့ၣ်ဟဲစိာ်န့ၢ်အီၤတၢ်ဟ့ၣ်တမံၤမံၤ, လၢအမ့ၢ်ဝဲ, တၢ်ပီးတၢ်လီတဖၣ်လၢအမ့ၢ်စ့မ့တမ့ၢ်ထူ, ဆ့ကၤဖးထီတဖၣ်, တၢ်စုကဝဲၤတဖၣ်, တၢ်နၢမူနၢဆှီတဖၣ်, ကသ့ၣ်တဖၣ်ဒီးကသ့ၣ်လၤတဖၣ်န့ၣ်လီၤ. တၢ်အံၤမၤထွဲအသးတနံၣ်ဝံၤတနံၣ်န့ၣ်လီၤ.

လံာ်စီၤပၤအခီၣ်ထံးတဘ့ၣ် 10:27

ဖဲအဝဲပၢတၢ်အစိၤန့ၣ်, လၢဝ့ၢ်ယရူၤၡလ့ၣ်အပူၤစ့ဘၣ်တၢ်ပာ်အီၤ ဒ်သိးဒၣ်ဒီးလၢၢ်ဧိၤလ့ဧိၤ, ဒီးလၢကီၢ်ယူဒၤအကစၢၢ်ခီၣ်ထံးတဖၣ်န့ၣ်သ့ၣ်ဆှိအ့ရ့းအိၣ်ဝဲ အါအါဂီၢ်ဂီၢ်ဒ်သိးဒၣ်သ့ၣ်သိးဝံာ်ဒၢမုၢ်ဆ့ၣ်မုၢ်ဂီၤန့ၣ်လီၤ.

လံာ်စီၤပၤအခီၣ်ထံးတဘ့ၣ် 4:21

စီၤၡလိၤမိၤအဘီအမုၢ်တုၤဝဲဆူကယဲၢ်ပှၤကလုာ်, လၢအအိၣ်လၢထံကျိဖရၤသးအကီၢ်ဒီးတုၤဆူကီၢ်အဲၤကူပတူး အကီၢ်ဆၢန့ၣ်လီၤ. ဒီးအဝဲသ့ၣ်ဟ့ၣ်အီၤတၢ်ခိတၢ်သွဲတဖၣ်ဒီးအိၣ်လၢအဝဲအတၢ်ပၢ အဖီလာ်တစိၤဒၣ်အီၤန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 1:15

ဖဲအဝဲပၢတၢ်အကတီၢ်န့ၣ်, စ့ဒီးထူတဖၣ်ကဲထီၣ်တၢ်လၢတမ့ၢ်တၢ် လီၤဆီလၢၤဘၣ်ဒ်ဒၣ်လၢၢ်တဖၣ်လၢဝ့ၢ်ယရူၤၡလ့ၣ်အပူၤအသိး, ဒီးသ့ၣ်ဆှိအ့ရ့းတဖၣ်အိၣ်ဝဲအါအါကလဲာ်ဒ်ဒၣ်သိးဝံၣ်ဒၢမုၢ် ဆ့ၣ်မုၢ်ဂီၤလၢအအိၣ်လၢယူဒၤအကစၢၢ်ကလိတဖၣ်အခီၣ်ထံး အသိးန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 18:1

တုၤကီၢ်ယူဒၤအစီၤပၤစီၤယဟိၡၤဖးထူးထီၣ်တီၤထီၣ်ဝဲဒီး အမံၤဟူသၣ်ဖျါထီၣ်ဝဲန့ၣ်, အဝဲသုးကျဲၤတၢ်တ့တၢ်ဖျီတခါလၢအဝဲအဒူၣ်ဖိထၢဖိတဂၤဒီး ကီၢ်အံၣ်စရ့လးအစီၤပၤအၤဃာ်အဒူၣ်ဖိထၢဖိတဂၤအဘၢၣ်စၢၤန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 32:23

ပှၤဂီၢ်မုၢ်အါမးဟဲဆူဝ့ၢ်ယရူၤရှလ့ၣ်, ဟဲစိာ်ဃုာ်ဒီးတၢ်လုၢ် တဖၣ်ဆူယွၤဒီးတၢ်ဟ့ၣ်တဖၣ်ဆူစီၤဃံးစကံယၤအအိၣ်တုၤဒၣ်လဲာ်, စးထီၣ်ဖဲန့ၣ်, ပှၤကလုာ်ခဲလၢာ်ပာ်လၤပာ်ကပီၤစီၤဃံးစကံယၤ န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 9:27

ဖဲအဝဲပၢတၢ်အကတီၢ်န့ၣ်, စ့ကဲထီၣ်တၢ်လၢတမ့ၢ်တၢ်လီၤဆီလၢၤဒ် ဒၣ်လၢၢ်အသိးလၢဝ့ၢ်ယရူၤၡလ့ၣ်အပူၤ, ဒီးသ့ၣ်ဆှိအ့ရ့းတဖၣ်အိၣ်ဝဲအါအါကလဲာ်ဒ်ဒၣ်သိးဝံၣ်ဒၢမုၢ် ဆ့ၣ်မုၢ်ဂီၤလၢအအိၣ်လၢကီၢ်ယူဒၤအကစၢၢ်ကလိတဖၣ်အခီၣ်ထံးအသိး န့ၣ်လီၤ.

လံာ်စီၤယိၤဘး 42:12

ဒီးယွၤဆိၣ်ဂ့ၤစီၤယိၤဘးအတၢ်အိၣ်မူလၢခံတပတီၢ်အါန့ၢ် ဒံးအဆိၣ်ဂ့ၤတ့ၢ်အီၤလၢအခီၣ်ထံးန့ၣ်လီၤ. စီၤယိၤဘးအိၣ်ဝဲဒီးသိတကလးလွံၢ်ကထိ, ကီၤလၤအူးဃု ကထိ, ဂီၤဖံးအဆိတကထိဒီးကသ့ၣ်ယီၤမိၢ်တကထိလီၤ.

စံးထီၣ်ပတြၢၤ 127:1

ယွၤမ့ၢ်တမၤဟံၣ်ဘၣ်ဒီး, ပှၤလၢအမၤဝဲတဖၣ်န့ၣ်မၤဝဲကလီကလီလီၤ. ယွၤမ့ၢ်တကွၢ်ဝ့ၢ်ဘၣ်ဒီး, ပှၤပၢၤတၢ်တဖၣ်န့ၣ်ဆိးသီဝဲကလီကလီလီၤ.

စံးထီၣ်ပတြၢၤ 132:12

နဖိခွါတဖၣ်မ့ၢ်တီဒီးယတၢ်အၢၣ်လီၤအီၤလီၤ, ဒီးတၢ်မၤလိာ်တဖၣ်လၢ ယဟ့ၣ်လီၤအဝဲသ့ၣ်ဒီး, အဖိခွါတဖၣ်စ့ၢ်ကီး ကကဲထီၣ်စီၤပၤလၢ နလီၢ်တစိၤဘၣ်တစိၤန့ၣ်လီၤ.

စံးထီၣ်ပတြၢၤ 68:29

လၢနတၢ်လုၢ်ဟံၣ်လၢယရူၤၡလ့ၣ်အပူၤ, ဖဲစီၤပၤတဖၣ်ဟဲစိာ်တၢ်ဟ့ၣ်တဖၣ်ဆူ နအိၣ်န့ၣ်တက့ၢ်.

စံးထီၣ်ပတြၢၤ 72:10

မ်ကီၢ်စပၤနံဒီးကီးတဖၣ်အစီၤပၤတဖၣ် ဟ့ၣ်အီၤလၢတၢ်ဟ့ၣ်, မ်ၡဘၤဒီးစဘၤအစီၤပၤတဖၣ် ဟဲစိာ်တၢ်ဟ့ၣ်တဖၣ်တက့ၢ်.

စံးထီၣ်ပတြၢၤ 76:11

ဟ့ၣ်ယွၤသုကစၢ်ယွၤလၢတၢ်လၢသုအၢၣ်လီၤတ့ၢ်အီၤ, ပှၤကိးကလုာ်လၢအအိၣ်ဘူးဒီးအီၤသ့ၣ်ဧၢ, ဟဲစိာ်တၢ်ဟ့ၣ်တဖၣ်ဆူယွၤတဂၤ လၢအမ့ၢ်တၢ်ပျံၤအလီၢ်အအိၣ်န့ၣ်တက့ၢ်.

တၢ်ကတိၤဒိ. 16:12

စီၤပၤတဖၣ်ကွၢ်တမီာ်တၢ်အၢတၢ်သီတကဲဘၣ်. အဂ့ၢ်ဒ်အံၤ, တၢ်လၢအမၤဂၢၢ်မၤကျၢၤတၢ်ပၢတၢ်ပြးတမံၤမ့ၢ်ဝဲ တၢ်စံၣ်ညီၣ်တီန့ၣ်လီၤ.

လံာ်မးသဲ 2:11

အဝဲသ့ၣ်လဲၤနုာ်ဆူဟံၣ်ပူၤဒီးတုၤအထံၣ်ဖိသၣ်ဒီးအမိၢ်နီၢ်မၤရံန့ၣ်, ချံးခီၣ်တီၤလီၤဒီးဘူၣ်ထီၣ်ဘါထီၣ်အီၤလီၤ. ဝံၤအိးထီၣ်အတၢ်လုၢ်ဒိၣ်ပှ့ၤဒိၣ်တဖၣ်ဒီးဟ့ၣ်အီၤလၢထူ, ဒီးတၢ်နၢမူလုၢ်ဒိၣ်ပှ့ၤဒိၣ်လၢအမ့ၢ်လီၢ်ဘၣ်, ဒီးမူရၣ်တဖၣ်လီၤ.

လံာ်မးသဲ 6:33

မ့မ့ၢ်ဃုဆိကစၢ်ယွၤအဘီအမုၢ်ဒီးအတၢ်တီတၢ်လိၤတက့ၢ်. ဒီးကစၢ်ယွၤကဟ့ၣ်လီၤသုလၢတၢ်တဖၣ်န့ၣ်ခဲလၢာ်လီၤ.

၁ ပ့းတရူး 5:10

ဒီးဖဲသုဒိးတၢ်နးတၢ်ဖှီၣ်တစိၢ်တလီၢ်ဝံၤဒီး, တၢ်ဘျုးတၢ်ဖှိၣ်ခဲလၢာ်အကစၢ်ယွၤလၢအကိးန့ၢ်သုလၢသုကဒိး န့ၢ်ဃုာ်အလၤကပီၤအထူအယိာ်လၢယ့ၣ်ၡူးခရံာ်အပူၤတဂၤန့ၣ်, အကစၢ်ဒၣ်ဝဲကမၤလၢပှဲၤသုဒီးဟ့ၣ်သုတၢ်ဂၢၢ်တၢ်ကျၢၤ, တၢ်ဂံၢ်တၢ်ဘါ, ဒီးတၢ်အခီၣ်ထံးလၢအဂၢၢ်အကျၢၤန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 10:27

ဘၣ်ဆၣ်ဒီးပှၤကလီကလီတနီၤစံးဝဲဒၣ်, ပှၤတဂၤအံၤမၤတၢ်ဂ့ၤလၢ ပဂီၢ်တမံၤမံၤကသ့ဝဲမနုၤလဲၣ်. အဝဲသ့ၣ်တကနၣ်ဃုာ်စီၤစီလူးဒီးတဟဲစိာ်န့ၢ်အီၤလၢ တၢ်ဟ့ၣ်ကနၢၤနီတမံၤဘၣ်.