လံာ်ကွဲးနီၣ်တၢ်ခံဘ့ၣ်တဘ့ၣ် 17:16 - Sgaw Karen Common Bible

¹⁶ ဒီးသုးခိၣ်ဖးဒိၣ်သၢဂၤတဂၤမ့ၢ်စီၤစံးကရံးအဖိခွါစီၤ ဧမၤစယၤလၢအအိၣ်ဒီးပှၤသုးဖိအဂၤခံကလီၢ် န့ၣ်လီၤ. (စီၤဧမၤစယၤမၤတ့ၢ်ဝဲယွၤအတၢ်မၤလၢတၢ်သးအိၣ်အပူၤန့ၣ် လီၤ.)

လံာ်ကွဲးနီၣ်တၢ်ခံဘ့ၣ်တဘ့ၣ် 17:16 Iomraidhean Croise

လံာ်ကွဲးနီၣ်တၢ်အခီၣ်ထံးတဘ့ၣ် 29:14

အန့ၣ်ဒၣ်လဲာ်, ယပှၤဂီၢ်မုၢ်ဒီးယၤပဟ့ၣ်နၤတၢ်တသ့နီၢ်နီၢ်နီ တမံၤဘၣ်. အဂ့ၢ်ဒ်အံၤ, တၢ်ခဲလၢာ်န့ၣ်မ့ၢ်တၢ်ဟ့ၣ်ဟဲလၢနၤဒီးပဟ့ၣ်ဆၢ က့ၤနၤတၢ်လၢအမ့ၢ်တ့ၢ်နတၢ်တဖၣ်န့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 29:17

ယသ့ၣ်ညါလၢနမၤကွၢ်ပှၤခဲလၢာ်အသး, ဒီးနမုာ်သူၣ်မုာ်သးတ့ၢ် ဒီးပှၤဂီၢ်မုၢ်လၢအသူၣ်တီသးရၤန့ၣ်လီၤ. ဒီးလၢတၢ်သူၣ်တီသးလိၤနီၢ်နီၢ်အပူၤန့ၣ်, ယဟ့ၣ်လီၤတၢ်သ့ၣ်တဖၣ်အံၤခဲလၢာ်ဆူနၤ, လၢတၢ်သူၣ်အိၣ်သးအိၣ်အပူၤ, ဒီးယထံၣ်တ့ၢ်နပှၤဂီၢ်မုၢ်လၢအဟဲပာ်ဖှိၣ်အသးဖဲအံၤတဖၣ်သူၣ် ဖှံသးညီတ့ၢ်ဒ်လဲၣ်, လၢကဟဲစိာ်တၢ်မၤဘူၣ်တဖၣ်ဆူနအိၣ်န့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 29:9

ပှၤဂီၢ်မုၢ်ဟ့ၣ်တၢ်လၢတၢ်သူၣ်အိၣ်သးအိၣ်အပူၤဆူယွၤဒီးအဝဲ သ့ၣ်သူၣ်ဖှံသးညီဝဲလီၤ. စီၤပၤစီၤဒၤဝံးစ့ၢ်ကီးအသးခုဝဲဒိၣ်ဒိၣ်ကလဲာ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 17:15

သုးခိၣ်ဖးဒိၣ်ခံဂၤတဂၤန့ၣ်မ့ၢ်ဝဲစီၤယိဃၤနၣ်ဒီးအဝဲအိၣ် ဒီးအပှၤသုးဖိအဂၤ ခံကလီၢ်ဃိးကလး,

လံာ်ကွဲးနီၣ်တၢ်ခံဘ့ၣ်တဘ့ၣ် 17:17

သုးခိၣ်ကျၢၢ်လၢသုးဖိတဖၣ်လၢဘံၣ်ယၤမံၣ်အဒူၣ်ထၢတဖၣ်အဂီၢ် န့ၣ်မ့ၢ်ဝဲစီၤအလံဒၤ, ပှၤသုးဖိလၢအဖျိးစိတဂၤ, လၢအပၢဆှၢဘၣ်ပှၤအဂၤ ခံကလီၢ်, လၢအကံာ်တူာ်ထီၣ်အသးဒီးကတီၤတဖၣ်ဒီးချံၣ်တဖၣ်န့ၣ် လီၤ.

စံးထီၣ်ပတြၢၤ 110:3

မုၢ်တနံၤလၢနဒုးနဒုၣ်နဒါတဖၣ်န့ၣ်, နပှၤဂီၢ်မုၢ်ကဟ့ၣ်လီၤအသးလၢ တၢ်သးအိၣ်အပူၤလီၤ. ဒ်မုၢ်ဂီၤအပစီၤထံအသိး နပှၤသးစၢ်တဖၣ်ကဟဲဆူနအိၣ်လၢ ကစၢၢ်စီဆှံတဖၣ်အလိၤလီၤ.

၂ ကရံၣ်သူး 8:12

သုမ့ၢ်အိၣ်ဒီးတၢ်သးဆူၣ်ဟ့ၣ်တၢ်န့ၣ်, ကစၢ်ယွၤကတူၢ်လိာ် သုတၢ်ဟ့ၣ်, ဒ်အကြၢးဒီးတၢ်အိၣ်ဒီးသုလၢသုကဟ့ၣ်အဂီၢ်ဒီး တမ့ၢ်လၢတၢ်တအိၣ်ဒီးသုန့ၣ်ဘၣ်လီၤ.

လံာ်ပှၤစံၣ်ညီၣ်ကွီၢ် 5:2

စံးထီၣ်ပတြၢၤယွၤတက့ၢ်. ပှၤအံၣ်စရ့လးဖိတဖၣ်ပာ်လီၤအသးလၢကဒုးတၢ်ဒီး ပှၤဂီၢ်မုၢ်ဟ့ၣ်လီၤအသးလၢတၢ်သူၣ်အိၣ်သးအိၣ်ဒီးလၢတၢ်သးခုအပူၤန့ၣ်လီၤ.

လံာ်ပှၤစံၣ်ညီၣ်ကွီၢ် 5:9

ယသးလဲၤဃုာ်ဒီးအံၣ်စရ့လးအသုးခိၣ်တဖၣ်, ဃုာ်ဒီးပှၤဂီၢ်မုၢ်လၢအသူၣ်အိၣ်သးအိၣ်ဟ့ၣ်လီၤသးလၢတၢ်သးခု အပူၤန့ၣ်လီၤ. စံးထီၣ်ပတြၢၤယွၤတက့ၢ်.