လံာ်ကွဲးနီၣ်တၢ်ခံဘ့ၣ်တဘ့ၣ် 17:1 - Sgaw Karen Common Bible

¹ စီၤယဟိၡၤဖးကဲထီၣ်စီၤပၤလၢအပၢ်စီၤအၤစါအလီၢ်ဒီးမၤဂၢၢ် ထီၣ်ကျၢၤထီၣ်အလီၢ်အလၤထီဒါကီၢ်အံၣ်စရ့လးန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 17:1 Iomraidhean Croise

လံာ်စီၤပၤအခီၣ်ထံးတဘ့ၣ် 15:24

စီၤအၤစါသံဝဲ, ဒီးဘၣ်တၢ်ခူၣ်လီၤကွံာ်အီၤလၢစီၤပၤအတၢ် သွၣ်ခိၣ်လၢစီၤဒၤဝံးအဝ့ၢ်ပူၤ, ဒီးအဖိခွါစီၤယဟိၡၤဖးကဲထီၣ်စီၤပၤလၢအလီၢ်န့ၣ်လီၤ.

လံာ်စီၤပၤအခီၣ်ထံးတဘ့ၣ် 22:41

လၢကီၢ်အံၣ်စရ့လးအစီၤပၤအၤဃာ်ပၢတၢ်လွံၢ်နံၣ်တနံၤအပူၤ န့ၣ်, စီၤအၤစါအဖိခွါစီၤယဟိၡၤဖးကဲထီၣ်ကီၢ်ယူဒၤအစီၤပၤ,

လံာ်စီၤပၤခံဘ့ၣ်တဘ့ၣ် 1:17

စီၤပၤအဃၤစယၤသံဝဲဒ်ယွၤစံးတ့ၢ်ဝဲခီဖျိစီၤအ့ၤလံယၤန့ၣ်လီၤ. စီၤအဃၤစယၤအဖိခွါတအိၣ်နီတဂၤဘၣ်. လၢတၢ်န့ၣ်အဃိအဝဲအဒီပုၢ်ဝဲၢ်ခွါစီၤယဟိရၣ်ကဲထီၣ်စီၤပၤ လၢအဝဲအလီၢ်, ဖဲစီၤယဟိၡၤဖးအဖိခွါ, ကီၢ်ယူဒၤအစီၤပၤ, စီၤယဟိရၣ်ကဲစီၤပၤပှဲၤထီၣ်ခံနံၣ်တနံၣ်အကတီၢ်န့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 11:10

အအံၤမ့ၢ်တၢ်ကွဲးနီၣ်ကွဲးဃါဘၣ်ထွဲဒီးစီၤဒၤဝံးအပှၤသုး ဖိအမံၤဟူသၣ်ဖျါတဖၣ်န့ၣ်လီၤ. အဝဲသ့ၣ်တဖၣ်ဃုာ်ဒီးပှၤအံၣ်စရ့လးဖိအိၣ်လီၤတဲာ်တဖၣ်န့ၣ်, မၤစၢၤသကိးစီၤဒၤဝံးဒ်သိးကကဲထီၣ်ဘၣ်စီၤပၤအဂီၢ်ဒ်ယွၤ အၢၣ်လီၤတ့ၢ်အသိးဒီးအဝဲသ့ၣ်ပၢၤဃာ်အဘီအမုၢ်ဒ်သိးကအိၣ်ဂၢၢ် အိၣ်ကျၢၤန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 12:1

တဘျီဖဲစီၤရဃၤဘၣ်မၤဂၢၢ်ထီၣ်မၤကျၢၤထီၣ်ဝဲအဝဲအတၢ်စိ တၢ်ကမီၤဒ်စီၤပၤအသိးဝံၤအလီၢ်ခံန့ၣ်, အဝဲဒီးကယဲၢ်ပှၤဂီၢ်မုၢ်ခဲလၢာ်လဲၤသဒၣ်ကွံာ်ယူဒၤအတၢ်သိၣ်တၢ် သီလၢယွၤဟ့ၣ်လီၤဝဲန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 17:2

အဝဲပာ်လီၤအပှၤသုးဖိတဖၣ်လၢကီၢ်ယူဒၤအဝ့ၢ်လၢအအိၣ်ဒီးတိာ် ဧိၤတာ်ဧိၤတဖၣ်အပူၤ, လၢကီၢ်ယူဒၤအဒီခိၣ်အလီၢ်အကျဲတဖၣ်, ဒီးလၢဝ့ၢ်တဖၣ်လၢစီၤအၤစါမၤန့ၢ်တ့ၢ်ဝဲလၢကီၢ်အ့ဖရဲၣ် အလီၢ်ကဝီၤတဖၣ်အပူၤန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 26:8

ပှၤဧၣ်မိၣ်ဖိတဖၣ်ဟ့ၣ်စီၤဧူးစံယါလၢတၢ်ယူးယီၣ်အတၢ်ဟ့ၣ်ဒီး အဝဲအစိအကမီၤဒိၣ်ထီၣ်ဝဲအါမး, တုၤအတၢ်မံၤဟူသၣ်ဖျါအကစီၣ်ရၤလီၤအသးတုၤလၢကီၢ်အဲၤကူ ပတူးဒၣ်လဲာ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 32:5

စီၤပၤမၤခၢၣ်သနၢၣ်ထီၣ်က့ၤဝ့ၢ်အတၢ်တြီဆၢဒုၣ်ဒါအလီၢ်တဖၣ်, ခီဖျိတၢ်ဘှီဂ့ၤက့ၤဝ့ၢ်ခိၣ်ဒူ, ဘှီထီၣ်ပှၤခိးတၢ်အလီၢ်တဖၣ်လၢအဖီခိၣ်, ဒီးဘှီထီၣ်ကဒီးတၢ်ဒူၣ်လၢတၢ်ချၢတဒူၣ်န့ၣ်လီၤ. တကးဒံးဘၣ်, အဝဲဘှီဂ့ၤက့ၤတၢ်တြီဆၢဒုၣ်ဒါအလီၢ်တဖၣ်လၢအဘၣ် တၢ်ဘှီထီၣ်တ့ၢ်အီၤဖဲဝ့ၢ်ယရူၤၡလ့ၣ်အတၢ်လီၢ်လၢအလီၢ်လံၤတကပၤ အမုၢ်ထီၣ်, တၢ်လီၢ်လၢတၢ်မၤဃူမၤပှဲၤက့ၤအီၤအပူၤန့ၣ်လီၤ. အဝဲမၢပှၤမၤစ့ၢ်ကီးဘီတဖၣ်ဒီးကတီၤတဖၣ်အါအါဂီၢ်ဂီၢ်န့ၣ်လီၤ.

လံာ်ယဃ့းစက့လး 7:27

စီၤပၤကဟီၣ်တၢ်ယၢၤတၢ်, စီၤပၤဖိခွါကပျဲကွံာ်တၢ်မုၢ်လၢ်, ဒီးပှၤဂီၢ်မုၢ်ကကနိးကစုာ်ဝဲလၢတၢ်ပျံၤတၢ်ဖုးအပူၤလီၤ. ယကသိၣ်ဃီၣ်သုလၢတၢ်ခဲလၢာ်လၢသုမၤတ့ၢ်အီၤအဃိ, ဒီးစံၣ်ညီၣ်သုဒ်သုစံၣ်ညီၣ်တ့ၢ်ပှၤအဂၤတဖၣ်အသိးန့ၣ်လီၤ. တၢ်ဝဲအံၤကဒုးနဲၣ်သုလၢယမ့ၢ်ယွၤန့ၣ်လီၤ.”

အ့းဖ့းစူး 6:10

တၢ်ကတိၤလၢခံကတၢၢ်, အိၣ်ပှဲၤဒီးဂံၢ်ဘါလၢကစၢ်အပူၤဒီးလၢအစိကမီၤအဂံၢ် အဘါအပူၤတက့ၢ်.

လံာ်စီၤၡမူၤအ့လးအခီၣ်ထံးတဘ့ၣ် 23:16

စီၤယိၤနၤသၣ်လဲၤဆူအအိၣ်ဖဲန့ၣ်ဒီးဟ့ၣ်ဂံၢ်ဟ့ၣ်ဘါအီၤလၢ ကစၢ်ယွၤအတၢ်ဒီဒၣ်အိၣ်ပှိၤအီၤသပှၢ်တၢၢ်အဂ့ၢ်န့ၣ်လီၤ.