လံာ်ကွဲးနီၣ်တၢ်ခံဘ့ၣ်တဘ့ၣ် 16:7 - Sgaw Karen Common Bible

⁷ ဖဲအကတီၢ်အဝဲန့ၣ်, ဝံဃနၤနံလဲၤဆူစီၤပၤအၤစါအအိၣ်ဒီးစံး ဘၣ်အီၤ, “လၢနကသန့ၤနသးလၢယွၤ, နကစၢ်ယွၤအလီၢ်န့ၣ်, မ့ၢ်လၢနသန့ၤနသးလၢကီၢ်စူၤရံအစီၤပၤအဃိ စူၤရံအစီၤပၤအသုးမုၢ်ဃ့ၢ်ပူၤဖျဲးကွံာ်လၢနအိၣ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 16:7 Iomraidhean Croise

လံာ်စီၤပၤအခီၣ်ထံးတဘ့ၣ် 15:19

တၢ်ကစီၣ်မ့ၢ်ဝဲ, “မ်ပဒီသိၣ်ဒီမှံၤလိာ်ပသးဒ်ပပၢ်သ့ၣ်တဖၣ် အသိးန့ၣ်တက့ၢ်. စ့ဒီးထူတဖၣ်အံၤမ့ၢ်တၢ်ဟ့ၣ်ကနၢၤလၢနဂီၢ်န့ၣ်လီၤ. ခဲကနံၣ်အံၤမၤဟးဂီၤကွံာ်နတၢ်ဒီသိၣ်ဒီမှံၤဒီးကီၢ်အံၣ်စရ့လး အစီၤပၤဘါၡၤ, ဒ်သိးအဝဲကဘၣ်ထုးက့ၤအသုးဖိတဖၣ်လၢယတၢ်လီၢ်ကဝီၤအပူၤန့ၣ် တက့ၢ်.”

လံာ်စီၤပၤအခီၣ်ထံးတဘ့ၣ် 16:1

ယွၤကတိၤတ့ၢ်တၢ်ဒီးစီၤဃနၤနံအဖိခွါဝံယ့ၤဟူဒီးဟ့ၣ်အီၤ တၢ်ကစီၣ်အံၤလၢစီၤဘါၡၤအဂီၢ်လီၤ

လံာ်စီၤပၤအခီၣ်ထံးတဘ့ၣ် 16:7

ယွၤအတၢ်ကစီၣ်လၢအကတိၤထီဒါစီၤဘါၡၤဒီးအပှၤဟံၣ်ဖိ ဃီဖိန့ၣ်ဘၣ်တၢ်ဟ့ၣ်လီၤအီၤလၢဝံယ့ၤဟူ, မ့ၢ်လၢစီၤဘါၡၤမၤတ့ၢ်တၢ်ဒဲးဘးထီဒါယွၤအဃိန့ၣ်လီၤ. အဝဲထိၣ်ဂဲၤထီၣ်ယွၤအတၢ်သးဒိၣ်တမ့ၢ်ထဲလၢတၢ်အၢတၢ်သီလၢအမၤ တ့ၢ်ဝဲဒ်စီၤပၤယၤရၤဘၣ်လၢအဝဲအမဲာ်ညါမၤတ့ၢ်ဝဲအသိးအဃိန့ၣ် ဘၣ်. မ့မ့ၢ်, မ့ၢ်စ့ၢ်ကီးလၢအဝဲမၤသံကွံာ်ကယဲၢ်စီၤယၤရၤဘၣ်အပှၤ ဟံၣ်ဖိဃီဖိခဲလၢာ်အဃိန့ၣ်လီၤ.

လံာ်စီၤပၤခံဘ့ၣ်တဘ့ၣ် 18:5

စီၤဃံးစကံယၤပာ်အတၢ်နာ်လၢယွၤ, အံၣ်စရ့လးအကစၢ်ယွၤအပူၤလီၤ. ကီၢ်ယူဒၤတအိၣ်ဘၣ်ဒီးစီၤပၤအဂၤတဂၤဒ်သိးဒီးအီၤနီတစုလၢ အဝဲအမဲာ်ညါမ့ၢ်ဂ့ၤ, အလီၢ်ခံမ့ၢ်ဂ့ၤဘၣ်န့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 5:20

အဝဲသ့ၣ်အိၣ်ဒီးတၢ်နာ်လၢကစၢ်ယွၤအပူၤ, ဘါထုကဖၣ်ဆူအအိၣ်လၢတၢ်မၤစၢၤအဂီၢ်ဒီးကစၢ်ယွၤစံးဆၢအဝဲ သ့ၣ်အတၢ်ထုကဖၣ်တဖၣ်ဒီးယွၤဟ့ၣ်အီၤတၢ်မၤနၢၤလၢပှၤဟၤကၢ်ဖိ ဒီးအသိၣ်အမှံၤတဖၣ်အဖီခိၣ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 13:18

လၢတၢ်န့ၣ်အဃိယူဒၤအပှၤဂီၢ်မုၢ်အိၣ်ဒီးတၢ်မၤနၢၤတၢ်လၢပှၤ အံၣ်စရ့လးဖိတဖၣ်အဖီခိၣ်, မ့ၢ်လၢအဝဲသ့ၣ်သန့ၤအသးလၢယွၤ, အမိၢ်ပၢ်ဖံဖုလၢပျၢၤတဖၣ်အကစၢ်ယွၤအဃိန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 14:11

စီၤအၤစါဃ့ဘါထုကဖၣ်ဆူယွၤ, အကစၢ်ယွၤအအိၣ်စံးဝဲ, “ယွၤဧၢ, နမၤစၢၤသုးမုၢ်လၢအဂံၢ်အဘါစၢ်ဝဲတဖုသ့ဝဲ ညီကဒၣ်ဒ်ပှၤတဖုလၢအဂံၢ်ဆူၣ်ဘါဆူၣ်အသိးန့ၣ်လီၤ. ယွၤ, ပကစၢ်ယွၤဧၢ, မၤစၢၤပှၤခဲအံၤန့ၣ်တက့ၢ်. အဂ့ၢ်ဒ်အံၤ, ပသန့ၤပသးလၢနၤဒီးလၢနမံၤအပူၤန့ၣ်, ပဟဲထီၣ်လၢပကဒုးတၢ်ထီဒါသုးမုၢ်ဖးဒိၣ်အံၤန့ၣ်လီၤ. ယွၤဧၢ, နမ့ၢ်ပကစၢ်ယွၤလီၤ. ပှၤမုၢ်လၢ်လၢအကမၤနၢၤကွံာ်နၤ တသ့နီတဂၤဘၣ်.”

လံာ်ကွဲးနီၣ်တၢ်ခံဘ့ၣ်တဘ့ၣ် 16:6

အန့ၣ်ဒီးစီၤပၤအၤစါကိးဖှိၣ်ပှၤတဖၣ်လၢကီၢ်ယူဒၤဒီတဘ့ၣ် ညါ, ဒီးမၢအစိာ်ထီၣ်ကွံာ်လၢၢ်တဖၣ်ဒီးသ့ၣ်တဖၣ်လၢစီၤဘါၡၤသူတ့ၢ် ဝဲဖဲဝ့ၢ်ရၤမါ, ဒီးအဝဲသ့ၣ်သူက့ၤဝဲလၢတၢ်မၤဂၢၢ်မၤကျၢၤက့ၤ ဝ့ၢ်က့ဘၢ်ဒီးဝ့ၢ်မံးစပၤအတိာ်ဧိၤတာ်ဧိၤအဂီၢ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 19:2

ဝံတဂၤလၢအမ့ၢ်စီၤဃနၤနံအဖိခွါစီၤယ့ၤဟူ, လဲၤထီၣ်သဂၢၢ်စီၤပၤဒီးစံးဘၣ်အီၤ, “မ့ၢ်နဆိကမိၣ်လၢတၢ်မၤ စၢၤပှၤအၢပှၤသီဒီးတၢ်အိၣ်လၢပှၤသးဟ့ယွၤအအိၣ်တကပၤန့ၣ်, မ့ၢ်တၢ်အဘၣ်န့ၣ်ဧါ. တၢ်လၢနမၤတ့ၢ်န့ၣ်, ဟဲစိာ်ယွၤအတၢ်သးထီၣ်လၢနလိၤန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 20:32

ဒ်အပၢ်စီၤအၤစါလၢအဝဲအမဲာ်ညါအသိးန့ၣ်, အဝဲမၤတ့ၢ်တၢ်အဘၣ်လၢယွၤအမဲာ်ညါလီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 20:34

ကယဲၢ်တၢ်အဂုၤအဂၤခဲလၢာ်လၢစီၤယဟိၡၤဖးမၤတ့ၢ်ဝဲ, စးထီၣ်လၢအဝဲပၢတၢ်အခီၣ်ထံးတုၤလၢအတၢ်ပၢအကတၢၢ်န့ၣ်ဘၣ်တၢ် ကွဲးနီၣ်ကွဲးဃါအီၤလၢစီၤဃနၤနံအဖိခွါစီၤယ့ၤဟူ အလံာ်တၢ်စံၣ်စိၤတဲစိၤအပူၤ, လၢအမ့ၢ်ကီၢ်အံၣ်စရ့လးအစီၤပၤ တဖၣ်အလံာ်တၢ်စံၣ်စိၤတဲစိၤအကျါတခါန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 24:24

ပှၤစူၤရံအသုးမုၢ်မ့ၢ်သုးမုၢ်လၢအဆံး, ဘၣ်ဆၣ်ယွၤပျဲ အမၤနၢၤကွံာ်ပှၤယူဒၤအသုးမုၢ်လၢဒိၣ်န့ၢ်ဒံးအဝဲသ့ၣ်မ့ၢ်လၢ ပှၤဂီၢ်မုၢ်လဲၤသဒၣ်ကွံာ်အီၤ, ယွၤ, အဝဲသ့ၣ်အမိၢ်ပၢ်ဖံဖုလၢပျၢၤတဖၣ်အကစၢ်ယွၤအဃိန့ၣ်လီၤ. လၢကျဲဒ်သိးအံၤစီၤပၤယိၤအၣ်ဘၣ်တၢ်စံၣ်ညီၣ်အီၤန့ၣ်လီၤ.

လံာ်ယၡါယၤ 31:1

ပှၤလၢအလဲၤဆူကီၢ်အဲၤကူပတူးလၢတၢ်မၤစၢၤအဂီၢ်တဖၣ် ကဘၣ်တၢ်စံၣ်ညီၣ်ဃါမနၤလီၤ. အဝဲသ့ၣ်သန့ၤထီၣ်အသးလၢ ကီၢ်အဲၤကူပတူးအသုးမုၢ်ဖးဒိၣ်လၢအဂံၢ်ဆူၣ်ဘါဆူၣ်ဝဲ, သုးမုၢ် လၢအအိၣ်ဒီးကသ့ၣ်တဖၣ်, လ့ၣ်ကဟၣ်ဒုးသုးတဖၣ်, ဒီးသုးမုၢ်သံၣ်ဘိတဖၣ်လီၤ. ဘၣ်ဆၣ်အဝဲသ့ၣ်တသန့ၤအသးလၢ ယွၤ, အံၣ်စရ့လးအယွၤစီၤဆှံ, ဒီးတဃ့အီၤတၢ်မၤစၢၤဘၣ်.

လံာ်ယၡါယၤ 32:2

အဝဲသ့ၣ်တဂၤဘၣ်တဂၤကလီၤ ဂာ်ဒီးတၢ်အိၣ်ကဒုပူၤဖျဲးအလီၢ်တတီၤလၢကလံၤမုၢ်, ဒီးတၢ်လီၢ်တတီၤလၢတၢ်အိၣ်သဒၢပူၤဖျဲးဒီးကလံၤ မုၢ်တွၤတဖၣ်အဂီၢ်န့ၣ်လီၤ. အဝဲသ့ၣ်ကလီၤဂာ်ဒီး ထံဖိကျိတဖၣ်လၢအယွၤလီၤလၢမဲးမုၢ်ခိၣ်တတီၤ, ဒီးလၢၢ်မုၢ်ဖးဒိၣ်တဖျၢၣ်အကဒုလၢကီၢ်အိၣ်လီၤ ဃီတဘ့ၣ်အပူၤန့ၣ်လီၤ.

လံာ်ယၡါယၤ 39:3

အန့ၣ်ဝံၤဒီး, ဝံယၡါယၤလဲၤဆူစီၤပၤဃံးစကံယၤအအိၣ်ဒီးသံ ကွၢ်အီၤ, “ပှၤသ့ၣ်တဖၣ်အံၤဟဲလၢလဲၣ်တခီလဲၣ်ဒီးစံးဘၣ်တ့ၢ်နၤတၢ်မနုၤ တဖၣ်လဲၣ်.” စီၤပၤဃံးစကံယၤစံးဆၢတၢ်ဒီးစံးဝဲ, “အဝဲသ့ၣ်ဟဲလၢထံကီၢ်ဖးယံၤတဘ့ၣ်လၢအမ့ၢ်ဝဲကီၢ်ဘၤဘူၤလိၣ် လီၤ.”