လံာ်ကွဲးနီၣ်တၢ်ခံဘ့ၣ်တဘ့ၣ် 16:2 - Sgaw Karen Common Bible

² လၢတၢ်န့ၣ်အဃိစီၤအၤစါဟံးထီၣ်ကွံာ်စ့ဒီးထူလၢယွၤအတၢ် လုၢ်ဟံၣ်ဒီးနီအတၢ်ပာ်ဖှိၣ်အလီၢ်တဖၣ်ဒီးဆှၢလီၤဝဲဆူဝ့ၢ်ဒၤ မ့ၤစ့းဆူကီၢ်စူၤရံအစီၤပၤဘ့ၣ်ဟဒးအအိၣ်ဃုာ်ဒီးတၢ်ကစီၣ်အံၤန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 16:2 Iomraidhean Croise

လံာ်စီၤပၤအခီၣ်ထံးတဘ့ၣ် 15:18

လၢတၢ်န့ၣ်အဃိစီၤအၤစါဟံးထီၣ်ကယဲၢ်စ့ဒီးထူလၢအအိၣ်လီၤ တဲာ်လၢယွၤအတၢ်လုၢ်ဟံၣ်အပူၤဒီးနီအပူၤ, ဒီးဆှၢလီၤဝဲဆူဒၤမ့ၤစ့း, ဆူကီၢ်စူၤရံအစီၤပၤဘ့ၣ် ဟဒးအအိၣ်ခီဖျိပဒိၣ်ပပှၢ်တနီၤဃုာ်ဒီးတၢ်ကစီၣ်အံၤန့ၣ်လီၤ. စီၤပၤဘ့ၤဟဒးမ့ၢ်စီၤတၤဘြံမိၣ်အဖိခွါ, ဒီးစီၤဃ့စိၣ်အလံၤန့ၣ်လီၤ.

လံာ်စီၤပၤခံဘ့ၣ်တဘ့ၣ် 12:18

ကီၢ်ယူဒၤအစီၤပၤယိၤအၣ်ဟံးန့ၢ်ကယဲၢ်တၢ်မၤဘူၣ်ခဲလၢာ်လၢပှၤ လၢအမဲာ်ညါတဖၣ်လၢအမ့ၢ်စီၤယဟိၡၤဖး, စီၤယဟိရၣ်ဒီးစီၤအဃၤစယၤလုၢ်ထီၣ်တ့ၢ်ဝဲဆူယွၤအအိၣ်, ပာ်ဖှိၣ်အါထီၣ်ဃုာ်ဝဲဒီးအဝဲအနီၢ်ကစၢ်အတၢ်မၤဘူၣ်တဖၣ်ဒီး ကယဲၢ်ထူခဲလၢာ်အအိၣ်လၢတၢ်ပာ်ဖှိၣ်အလီၢ်လၢယွၤအတၢ်လုၢ်ဟံၣ် အပူၤဒီးနူၢ်ဧိၤစီၤဧိၤအပူၤဒီးဆှၢလီၤဝဲခဲလၢာ်ဒ်တၢ်ဟ့ၣ် အသိးဆူစီၤပၤဃစ့လးအအိၣ်, ဒီးအန့ၣ်တစုဟးထီၣ်ကွံာ်ဒီးအသုးမုၢ်ယံၤဒီးဝ့ၢ်ယရူၤၡလ့ၣ်န့ၣ်လီၤ.

လံာ်စီၤပၤခံဘ့ၣ်တဘ့ၣ် 16:8

စီၤအၤဃာ်ဟံးထီၣ်စ့ဒီးထူလၢယွၤအတၢ်လုၢ်ဟံၣ်ဒီးနူၢ်ဧိၤ စီၤဧိၤအတၢ်ပာ်ဖှိၣ်လီၢ်အပူၤဒီးဆှၢလီၤအီၤဆူစီၤပၤဖး ဒိၣ်အအိၣ်ဒ်တၢ်ဟ့ၣ်ကနၢၤအသိးန့ၣ်လီၤ.

လံာ်စီၤပၤခံဘ့ၣ်တဘ့ၣ် 18:15

စီၤဃံးစကံယၤဆှၢလီၤန့ၢ်အီၤကယဲၢ်စ့လၢအိၣ်လၢယွၤအတၢ်လုၢ် ဟံၣ်ပူၤဒီးလၢအအိၣ်လၢစီၤပၤအနူၢ်အစီၤအတၢ်ပာ်ဖှိၣ်အလီၢ်န့ၣ် လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 16:1

လၢကီၢ်ယူဒၤအစီၤပၤအၤစါပၢတၢ်သၢဆံဃုနံၣ်တနံၣ်အပူၤန့ၣ်, ကီၢ်အံၣ်စရ့လးအစီၤပၤဘါၡၤဟဲနုာ်လီၤဒုးကီၢ်ယူဒၤဒီးစး ထီၣ်မၤဂၢၢ်မၤကျၢၤဝ့ၢ်ရၤမါအတိာ်အတာ်တဖၣ်ဒ်သိးအကတြီကွံာ် တၢ်ဟဲနုာ်ဟးထီၣ်လၢကီၢ်ယူဒၤအပူၤန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 16:3

“မ်ပကဲထီၣ်ပှၤဒီသိၣ်ဒီမှံၤတဖၣ်ဒ်ပပၢ်တဖၣ်မၤတ့ၢ်ဝဲအသိး တက့ၢ်. စ့ဒီးထူအံၤမ့ၢ်တၢ်ဟ့ၣ်ကနၢၤလၢနဂီၢ်လီၤ. ခဲကနံၣ်အံၤမၤဟးဂီၤကွံာ်နတၢ်ဒီသိၣ်ဒီမှံၤဒီးကီၢ်အံၣ် စရ့လးအစီၤပၤဘါၡၤ, ဒ်သိးအဝဲကဘၣ်ထုးကွံာ်အပှၤသုးဖိတဖၣ်လၢယလီၢ်ကဝီၤအပူၤန့ၣ် တက့ၢ်.”

လံာ်ကွဲးနီၣ်တၢ်ခံဘ့ၣ်တဘ့ၣ် 28:21

လၢတၢ်န့ၣ်အဃိစီၤအၤဃးဟံးထီၣ်ထူလၢယွၤအတၢ်လုၢ်ဟံၣ်အပူၤ, လၢစီၤပၤအနီပူၤဒီးလၢပှၤဂီၢ်မုၢ်အခိၣ်အနၢ်တဖၣ်အဟံၣ်ပူၤ, ဒီးဟ့ၣ်လီၤဝဲဆူစီၤပၤဖးဒိၣ်အအိၣ်န့ၣ်လီၤ. အန့ၣ်ဒၣ်လဲာ်, တၢ်အံၤတကဲထီၣ်တၢ်မၤစၢၤအီၤဘၣ်.

လံာ်ယံးရမံယၤ 49:23

အအံၤမ့ၢ်တၢ်လၢ ယွၤစံးဝဲဘၣ်ဃးဒီးဝ့ၢ်ဒၤမ့ၤစ့းလီၤ. “ပှၤဂီၢ် မုၢ်လၢ ဝ့ၢ်ဃမါသးဒီးဝ့ၢ်အ့ၢ်ဖးတဖၣ်ဘၣ်ကိၢ်ဘၣ်ဂီၤဒီး အသးဘၣ်တံာ်တာ်ဝဲ မ့ၢ်လၢအဝဲသ့ၣ်နၢ်ဟူတ့ၢ်တၢ်ကစီၣ် အအၢအသီအဃိန့ၣ်လီၤ. တၢ်သူၣ်ကိၢ်သးဂီၤတလ့ၣ်အသး လၢအဝဲသ့ၣ်အဖီခိၣ်ဒ်ပီၣ်လဲၣ်လၢတအိၣ်ဘှံးဘၣ်အသိးန့ၣ်လီၤ.