လံာ်ကွဲးနီၣ်တၢ်ခံဘ့ၣ်တဘ့ၣ် 16:11 - Sgaw Karen Common Bible

¹¹ ကယဲၢ်တၢ်မၤအသးခဲလၢာ်ဘၣ်ထွဲဒီးစီၤပၤအၤစါအတၢ်ပၢစးထီၣ် လၢအခီၣ်ထံးတုၤအကတၢၢ်န့ၣ်, ဘၣ်တၢ်ကွဲးနီၣ်ကွဲးဃါအီၤလၢကီၢ်ယူဒၤဒီးကီၢ်အံၣ်စရ့လး အစီၤပၤတဖၣ်အလံာ်တၢ်စံၣ်စိၤတဲစိၤအပူၤန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 16:11 Iomraidhean Croise

လံာ်ကွဲးနီၣ်တၢ်ခံဘ့ၣ်တဘ့ၣ် 12:15

စီၤရဃၤဘၣ်အတၢ်မၤတဖၣ်စးထီၣ်လၢအခီၣ်ထံးတုၤလၢအကတၢၢ်ဒီး အဝဲအဟံၣ်ဖိဃီဖိအတၢ်ကွဲးနီၣ်ကွဲးဃါတဖၣ်, ဘၣ်တၢ်ထံၣ်န့ၢ်အီၤလၢ, ဝံၡမါယၤအလံာ်တၢ်စံၣ်စိၤတဲစိၤအပူၤ, ဒီးဝံယံးဒိၤအတၢ်စံၣ်စိၤတဲစိၤအပူၤန့ၣ်လီၤ. စီၤရဃၤဘၣ်ဒီးစီၤယၤရၤဘၣ်အိၣ်ဒီးအတၢ်ဒုးလိာ်အသးတဂၤဒီး တဂၤတထံၣ်ဃီန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 16:10

တၢ်အံၤမ့ၢ်တၢ်လၢအဒုးသးထီၣ်ဘၣ်စီၤအၤစါလၢဝံဃနၤနံ ဒိၣ်ဒိၣ်မုၢ်မုၢ်အဃိ, အဝဲမၢပှၤတ့ၢ်နုာ်အီၤဆူဃိာ်ပူၤန့ၣ် လီၤ. တၢ်န့ၣ်မ့ၢ်တၢ်ဆၢကတီၢ်တကတီၢ်ဃီဖဲစီၤအၤစါစးထီၣ်မၤအၢမၤ နးပှၤဂီၢ်မုၢ်တနီၤနီၤအၢအၢသီသီန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 20:34

ကယဲၢ်တၢ်အဂုၤအဂၤခဲလၢာ်လၢစီၤယဟိၡၤဖးမၤတ့ၢ်ဝဲ, စးထီၣ်လၢအဝဲပၢတၢ်အခီၣ်ထံးတုၤလၢအတၢ်ပၢအကတၢၢ်န့ၣ်ဘၣ်တၢ် ကွဲးနီၣ်ကွဲးဃါအီၤလၢစီၤဃနၤနံအဖိခွါစီၤယ့ၤဟူ အလံာ်တၢ်စံၣ်စိၤတဲစိၤအပူၤ, လၢအမ့ၢ်ကီၢ်အံၣ်စရ့လးအစီၤပၤ တဖၣ်အလံာ်တၢ်စံၣ်စိၤတဲစိၤအကျါတခါန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 25:26

ကယဲၢ်တၢ်ခဲလၢာ်လၢစီၤအမၤစယါမၤတ့ၢ်ဝဲစးထီၣ်လၢအတၢ်ပၢ အခီၣ်ထံးတုၤလၢအကတၢၢ်န့ၣ်ဘၣ်တၢ်ကွဲးနီၣ်ကွဲးဃါအီၤလၢကီၢ် ယူဒၤဒီးကီၢ်အံၣ်စရ့လးအစီၤပၤတဖၣ်အလံာ်တၢ်စံၣ်စိၤတဲစိၤ အပူၤန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 26:22

စီၤအၤမိာ်အဖိခွါဝံယၡါယၤကွဲးနီၣ်ကွဲးဃါကယဲၢ်တၢ်အဂၤ တဖၣ်လၢစီၤဧူးစံယါမၤတ့ၢ်ဝဲဖဲအဝဲပၢတၢ်အကတီၢ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 27:7

တၢ်မၤအသးအဂုၤအဂၤတဖၣ်အဂ့ၢ်လၢစီၤယိၤသၣ်ပၢတၢ်အကတီၢ်, အဝဲအတၢ်ဒုးတၢ်ယၤတဖၣ်ဒီးအဝဲအသနူတဖၣ်, ခဲလၢာ်ဘၣ်တၢ်ကွဲးနီၣ်ကွဲးဃါအီၤလၢကီၢ်အံၣ်စရ့ လးဒီးကီၢ်ယူဒၤအစီၤပၤတဖၣ်အလံာ်တၢ်စံၣ်စိၤတဲစိၤအပူၤန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 32:32

ကယဲၢ်တၢ်ဂ့ၢ်အဂုၤအဂၤတဖၣ်လၢစီၤပၤဃံးစကံယၤမၤတ့ၢ်ဝဲဒီး အဝဲအတၢ်အဲၣ်ထူအဲၣ်ယွၤအဂ့ၢ်န့ၣ်, ဘၣ်တၢ်ကွဲးနီၣ်ကွဲးဃါအီၤလၢလံာ်စီၤအၤမိၣ်အဖိခွါဝံယၡါ ယၤအတၢ်ထံၣ်လၢညါခီအပူၤဒီးလၢကီၢ်ယူဒၤဒီးကီၢ်အံၣ်စရ့လး အစီၤပၤတဖၣ်အလံာ်တၢ်စံၣ်စိၤတဲစိၤအပူၤန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 34:18

ဒီးစံးအါထီၣ်ကဒီးဝဲ “အအံၤ, ယအိၣ်ဒီးလံာ်တဘ့ၣ်လၢစီၤဃံးလကံယၤဟ့ၣ်ယၤန့ၣ်လီၤ.” ဒီးအဝဲဖးထီၣ်န့ၢ်စီၤပၤ, လၢအကလုၢ်ဖးဒိၣ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 35:27

ဒီးအဝဲအတၢ်စံၣ်စိၤတဲစိၤစးထီၣ်လၢအခီၣ်ထံးတုၤလၢအကတၢၢ်, ခဲလၢာ်န့ၣ်ဘၣ်တၢ်ကွဲးနီၣ်ကွဲးဃါအီၤလၢကီၢ်အံၣ်စရ့လးဒီး ကီၢ်ယူဒၤအစီၤပၤတဖၣ်အလံာ်တၢ်စံၣ်စိၤတဲစိၤအပူၤန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 9:29

တၢ်စံၣ်စိၤတဲစိၤအိၣ်လီၤတဲာ်ဘၣ်ထွဲဒီးစီၤၡလိၤမိၤစးထီၣ် လၢအခီၣ်ထံးဒီးတုၤလၢအကတၢၢ်န့ၣ်ဘၣ်တၢ်ကွဲးနီၣ်ကွဲးဃါအီၤ တၢ်စံၣ်စိၤတဲစိၤအလံာ်လၢအဘၣ်တၢ်ကွဲးအီၤလၢဝံနၤသၣ်အပူၤ, ဒီးလၢစီၤအဃံယၤလၢဝ့ၢ်ၡံလိၤ, အလံာ်ဝံအတၢ်စံးပာ်အပူၤ, ဒီးလၢဝံယံးဒိၤအတၢ်ထံၣ်လၢညါခီအလံာ်ဘၣ်ထွဲဒီးအံၣ်စရ့ လးအစီၤပၤယၤရၤဘၣ်အတၢ်ပၢအဂ့ၢ်အပူၤန့ၣ်လီၤ.