လံာ်ကွဲးနီၣ်တၢ်ခံဘ့ၣ်တဘ့ၣ် 15:9 - Sgaw Karen Common Bible

⁹ ပှၤဂီၢ်မုၢ်အါမးလၢအ့ဖရဲၣ်, မနၤၡ့ၤဒီးစူးမ့းအိၣ်, ဟဲခီဃီၤဆူစီၤအၤစါအအိၣ်တကပၤဒီးအိၣ်ဝဲဆိးဝဲလၢအဘီအမုၢ်အပူၤ, မ့ၢ်လၢအဝဲသ့ၣ်ထံၣ်တ့ၢ်ဝဲလၢယွၤအိၣ်ဒီးအီၤအဃိန့ၣ်လီၤ. စီၤအၤစါကိးဖှိၣ်အဝဲသ့ၣ်ခဲလၢာ်ဃုာ်ဒီးပှၤဂီၢ်မုၢ်လၢယူ ဒၤဒီးဘံၣ်ယၤမံၣ်တဖၣ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 15:9 Iomraidhean Croise

လံာ်တၢ်ကဲထီၣ်အခီၣ်ထံး 26:28

ဒီးအဝဲသ့ၣ်စံးဆၢဝဲ, “ဒီးခဲကနံၣ်အံၤ, ပသ့ၣ်ညါလၢယွၤအိၣ်ဒီးနၤလီၤ. ဒီးပဆိကမိၣ်လၢတၢ်အၢၣ်လီၤအီ လီၤသညူးသပှၢ်တမံၤကြၢးအိၣ်လၢပဘၢၣ်စၢၤန့ၣ်လီၤ. ပအဲၣ်ဒိးလၢနကအၢၣ်လီၤပှၤ,

လံာ်တၢ်ကဲထီၣ်အခီၣ်ထံး 39:3

ဒီးအကစၢ်ထံၣ်ဝဲလၢယွၤအိၣ်ဒီးစီၤယိၤသးဒီးဒုးကဲထီၣ်လိၣ် ထီၣ်တၢ်လၢအမၤဝဲတမံၤလၢ်လၢ်န့ၣ်လီၤ.

လံာ်စီၤပၤအခီၣ်ထံးတဘ့ၣ် 12:19

စးထီၣ်လၢတၢ်ဆၢကတီၢ်န့ၣ်လံၤလံၤ, ပှၤဂီၢ်မုၢ်လၢကီၢ်အံၣ်စရ့ လးအကလံၤစိးအဘီမုၢ်အပူၤပူထီၣ်လံတၢ်ထီဒါစီၤဒၤဝံးအစၢၤ အသွဲၣ်အတၢ်ပၢန့ၣ်လီၤ.

လံာ်စီၤပၤအခီၣ်ထံးတဘ့ၣ် 3:28

တုၤအံၣ်စရ့လးအပှၤဂီၢ်မုၢ်နၢ်ဟူဘၣ်စီၤၡလိၤမိၤအတၢ်စံၣ်ညီၣ် န့ၣ်အဝဲသ့ၣ်ခဲလၢာ်ပှဲၤဝဲဒီးအတၢ်ယူးယီၣ်ပာ်ကဲအီၤဒိၣ်ဒိၣ် မုၢ်မုၢ်မ့ၢ်လၢအဝဲသ့ၣ်, သ့ၣ်ညါဝဲလၢကစၢ်ယွၤဟ့ၣ်လီၤလံအီၤတၢ်ကူၣ်သ့လၢကမၤဘၣ်လီၢ် ဘၣ်စးတၢ်ဂ့ၢ်လိာ်ဘှီလိာ်တီတီလိၤလိၤအဃိန့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 12:19

ပှၤသုးဖိတနီၤလၢမနၤၡ့ၤအဒူၣ်ပူၤလဲၤနုာ်ပာ်ဖှိၣ်အသးဆူ စီၤဒၤဝံးအအိၣ်တခီဖဲအဝဲလဲၤထီၣ်သကိးဒီးပှၤဖလ့ၡသးဖိ တဖၣ်လၢကဒုးစီၤပၤစီၤစီလူးအဂီၢ်န့ၣ်လီၤ. နီၢ်နီၢ်တခီအဝဲတမၤစၢၤပှၤဖလ့ၡသးဖိတဖၣ်န့ၣ်ဘၣ်. အဂ့ၢ်ဒ်အံၤ, အဝဲသ့ၣ်အစီၤပၤတဖၣ်ပျံၤတၢ်လၢအဝဲကဟ့ၣ်လီၤဘၣ် ဖုးအဝဲသ့ၣ်ဆူစီၤစီလူးလၢအမ့ၢ်အဝဲအကစၢ်လၢညါအစုပူၤန့ၣ်လီၤ. လၢတၢ်န့ၣ်အဃိအဝဲသ့ၣ်ဆှၢကဒါက့ၤအီၤဆူဝ့ၢ်စံကလးန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 11:16

ပှၤဂီၢ်မုၢ်လၢကယဲၢ်အံၣ်စရ့လးအဒူၣ်တဖၣ်အပူၤ, လၢအသးအိၣ်နီၢ်နီၢ်လၢကဘူၣ်ထီၣ်ဘါထီၣ်ယွၤ, အံၣ်စရ့လးအကစၢ်ယွၤန့ၣ်, ပိာ်ထီၣ်ပှၤလ့ၤဝံဖိတဖၣ်အခံဆူ ဝ့ၢ်ယရူၤၡလ့ၣ်, ဒ်သိးကလုၢ်ထီၣ်ဘၣ်တၢ်လုၢ်တၢ်ပာ်တဖၣ်ဆူယွၤ, အဝဲသ့ၣ်အမိၢ်ပၢ်ဖံဖုလၢပျၢၤတဖၣ်အကစၢ်ယွၤအအိၣ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 15:10

အဝဲသ့ၣ်အိၣ်ဖှိၣ်ရိဖှိၣ်ဝဲလၢဝ့ၢ်ယရူၤၡလ့ၣ်အပူၤဖဲစီၤအၤ စါကဲစီၤပၤတဆံယဲၢ်နံၣ်တနံၣ်လါသၢလါတလါအပူၤန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 19:4

စီၤပၤယဟိၡၤဖးမ့ၢ်အိၣ်ဝဲဆိးဝဲလၢဝ့ၢ်ယရူၤၡလ့ၣ်အပူၤဒၣ် လဲာ်, အဝဲလဲၤတၢ်က့ၤတၢ်တဘျီဘၣ်တဘျီလၢပှၤဂီၢ်မုၢ်အကျါစးထီၣ်လၢ ဝ့ၢ်ဘ့ၤၡဘၤလၢကလံၤထံးတခီ, တုၤဆူအ့ဖရဲၣ်အကစၢၢ်ကလိအကီၢ်အကတၢၢ်လၢကလံၤစိးတခီ, ဒ်သိးကကိးကဒါက့ၤပှၤဂီၢ်မုၢ်ဆူယွၤ, မိၢ်ပၢ်ဖံဖုလၢပျၢၤ တဖၣ်အကစၢ်ယွၤအအိၣ်အဂီၢ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 30:25

လၢတၢ်န့ၣ်အဃိပှၤကိးဂၤဒဲးလၢအမ့ၢ်, ကီၢ်ယူဒၤအပှၤဂီၢ်မုၢ်, ပှၤလုၢ်တၢ်အခိၣ်တဖၣ်, ပှၤလ့ၤဝံဖိတဖၣ်, ဒီးပှၤဂီၢ်မုၢ်လၢအဟဲ လၢကလံၤစိးတဖၣ်ဒီးပှၤတခီဘီမုၢ်ဖိလၢအအိၣ်ဝဲဆိးဝဲဂၢၢ် ဂၢၢ်ကျၢၤကျၢၤလၢကီၢ်အံၣ်စရ့လးဒီးကီၢ်ယူဒၤအပူၤ, သးခုဝဲဒၣ်န့ၣ်လီၤ.

မၤတၢ် 9:31

သတးဒီး, တၢ်မၤအသးလၢတၢ်အိၣ်ဖှိၣ်အိၣ်လၢကီၢ်ယူဒၤ, ကီၢ်ကၤလံၤလါ, ဒီးကီၢ်ၡၤမရံတဖၣ်အပူၤန့ၣ်, အိၣ်ဘၣ်ဝဲလၢတၢ်ဃူတၢ်မုာ်အပူၤဒီးဘၣ်တၢ်ဒုးဒိၣ်ထီၣ်အီၤန့ၣ် လီၤ. ခီဖျိလၢသးစီဆှံဟ့ၣ်ဂံၢ်ဟ့ၣ်ဘါတၢ်အိၣ်ဖှိၣ်န့ၣ်, အဂံၢ်အဘါဆူၣ်ထီၣ်ဒီးတၢ်အိၣ်ဖှိၣ်ဖိအနီၣ်ဂံၢ်အါထီၣ်ဂီၢ်ထီၣ်, ဒီးအိၣ်မူဝဲလၢတၢ်ယူးယီၣ်ကစၢ်အပူၤန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 18:28

စီၤစီလူးသ့ၣ်ညါလီၤတံၢ်လီၤဆဲးလၢယွၤအိၣ်ဒီးစီၤဒၤဝံး ဒီးအဖိမုၣ်နီၢ်မံကၤလးစ့ၢ်ကီးအဲၣ်အီၤလီၤ.