လံာ်ကွဲးနီၣ်တၢ်ခံဘ့ၣ်တဘ့ၣ် 15:7 - Sgaw Karen Common Bible

⁷ မ့မ့ၢ်, သုဂံၢ်သုဘါကဘၣ်ဆူၣ်ဒီးသုတဘၣ်သးဟးဂီၤဘၣ်. တၢ်မၤလၢသုမၤန့ၣ်ကအိၣ်ဒီးအဘူးအလဲန့ၣ်လီၤ.”

လံာ်ကွဲးနီၣ်တၢ်ခံဘ့ၣ်တဘ့ၣ် 15:7 Iomraidhean Croise

လံာ်တၢ်ကဲထီၣ်အခီၣ်ထံး 15:1

တၢ်န့ၣ်တဖၣ်အလီၢ်ခံစီၤအၤဘြၣ်ဒိးန့ၢ်ဘၣ်တၢ်ထံၣ်လၢညါခီ တမံၤဒီးနၢ်ဟူယွၤစံးဘၣ်အီၤ, “စီၤအၤဘြၣ်ဧၢ, ပျံၤတၢ်တဂ့ၤ, ယကခိးတြီကွံာ်တၢ်အၢလၢနၤဒီးဟ့ၣ်လီၤနၤတၢ်ဘျုးတၢ်ဖှိၣ်ဖး ဒိၣ်တမံၤန့ၣ်လီၤ.”

လံာ်ကွဲးနီၣ်တၢ်အခီၣ်ထံးတဘ့ၣ် 28:20

စီၤပၤစီၤဒၤဝံးစံးဘၣ်အဖိခွါစီၤၡလိၤမိၤ, “နာ်န့ၢ်လီၤနသးဒီးပာ်နသးကျၢၤမုဆှုတက့ၢ်. စးထီၣ်နတၢ်မၤဒီးပျဲတၢ်နီတမံၤဒုးဆိကတီၢ်နၤတဂ့ၤ. ယွၤ, ကစၢ်ယွၤလၢယမၤအတၢ်ကအိၣ်ဒီးနၤလီၤ. အဝဲတပာ်လီၤတဲာ်နၤဘၣ်. မ့မ့ၢ်အဝဲကအိၣ်ဒီးနၤတုၤနသူၣ်ထီၣ်ယွၤအတၢ်လုၢ်ဟံၣ်ဝံၤဝဲ တစုန့ၣ်လီၤ.”

လံာ်ကွဲးနီၣ်တၢ်ခံဘ့ၣ်တဘ့ၣ် 19:11

ပှၤလုၢ်တၢ်အခိၣ်အဒိၣ်ကတၢၢ်စီၤအမၤရယၤကအိၣ်ဒီးတၢ်စိ တၢ်ကမီၤလၢခံကတၢၢ်တပတီၢ်လၢကယဲၢ်တၢ်ဘူၣ်တၢ်ဘါအကွီၢ်တဖၣ်အ ဂီၢ်, ဒီးကီၢ်ယူဒၤအပဒိၣ်ဖးဒိၣ်အဒိၣ်ကတၢၢ်စီၤယံးၡမၤဧ့လးအဖိ ခွါစီၤစဘၤဒယၤကအိၣ်ဒီးတၢ်စိတၢ်ကမီၤလၢခံကတၢၢ်တပတီၢ်လၢ ကယဲၢ်ထံဖိကီၢ်ဖိအကွီၢ်တဖၣ်အဂီၢ်န့ၣ်လီၤ. ပှၤလ့ၤဝံဖိတဖၣ်အိၣ်မူအိၣ်ဒါလၢတၢ်ကွၢ်ထွဲကွီၢ်ဘျီၣ်အတၢ် စံၣ်ညီၣ်တဖၣ်မ့ၢ်အဘၣ်တၢ်မၤထွဲအီၤဧါ, တဘၣ်တၢ်မၤထွဲအီၤဘၣ်လဲၣ်အဂ့ၢ်န့ၣ်လီၤ. အိၣ်ဒီးတၢ်သူၣ်ဒူသးဒူဒီးစိာ်ထီၣ်မၤထွဲတၢ်သိၣ်လိနဲၣ်ယုၤ တဖၣ်အံၤအခံ, ဒီးမ်ယွၤအိၣ်လၢတၢ်အဘၣ်တကပၤန့ၣ်တက့ၢ်.”

လံာ်ကွဲးနီၣ်တၢ်ခံဘ့ၣ်တဘ့ၣ် 32:7

“ပာ်လီၤသုသးသပှၢ်ပှၢ်ဒီးနာ်န့ၢ်လီၤသုသးတက့ၢ်. ပျံၤဘၣ်ကီၢ်အၤရူၢ်အစီၤပၤဖးဒိၣ်မ့ၢ်ဂ့ၤ, အသုးမုၢ်လၢအဝဲဆှၢဝဲမ့ၢ်ဂ့ၤန့ၣ်တဂ့ၤ. လၢပအိၣ်တခီန့ၣ်ပအိၣ်ဒီးတၢ်စိတၢ်ကမီၤအါန့ၢ်ဒံး, တၢ်စိတၢ်ကမီၤလၢအအိၣ်ဒီးအီၤတက့ၢ်လီၤ.

စံးထီၣ်ပတြၢၤ 19:11

နခ့နပှၤဒိးတၢ်ဒုးပလီၢ်အသးစ့ၢ်ကီးလၢအီၤ, ပှၤလၢအတိၢ်န့ၢ်အီၤန့ၣ် ဒိးန့ၢ်အဘျုးဖးဒိၣ်လီၤ.

စံးထီၣ်ပတြၢၤ 27:14

မုၢ်လၢ်တၢ်လၢယွၤတက့ၢ်. ပာ်ဆူၣ်နသးတက့ၢ်. အိၣ်ဒီးတၢ်သူၣ်ဒူသးဒူတက့ၢ်. မုၢ်လၢ်တၢ်လၢယွၤတက့ၢ်.

စံးထီၣ်ပတြၢၤ 58:11

ပှၤကစံးဝဲ, “မ့ၢ်မးခိၣ်ဖးအိၣ်လၢပှၤတီပှၤလိၤအဂီၢ်, မ့ၢ်မးကစၢ်ယွၤအိၣ်ဝဲလၢအကစံၣ်ညီၣ်တၢ်လၢ ဟီၣ်ခိၣ်ချၢန့ၣ်လီၤ.”

လံာ်ယံးရမံယၤ 31:16

ဆိကတီၢ်နတၢ်ဟီၣ်တၢ်ယၢၤ, ဒီးထွါကွံာ်နမဲာ်ထံမဲာ်နိတဖၣ် တက့ၢ်. ကယဲၢ်တၢ်ခဲလၢာ်လၢ နမၤတ့ၢ်အီၤလၢ နဖိတဖၣ်အဂီၢ်န့ၣ်, ကအိၣ်ဒီး အတၢ်ဘျုးတၢ်ဖှိၣ်လီၤ. အဝဲသ့ၣ် ကဟဲက့ၤကဒါက့ၤလၢ ဒုၣ်ဒါ အထံအကီၢ်န့ၣ်လီၤ.

လံာ်ဒၤနံးယ့လး 10:19

ဒီးစံးဘၣ်ယၤ, “ကစၢ်ယွၤအဲၣ်နၤလီၤ. မၤသးဒ်န့ၣ်ဒီး ပျဲတၢ်မၤကိၢ်မၤဂီၤနၤမ့ၢ်ဂ့ၤတၢ်မၤပျံၤမၤဖုးနၤမ့ၢ်ဂ့ၤအိၣ်နီ တမံၤတဂ့ၤ.” ဖဲအစံးတၢ်အံၤဝံၤဒီး, မၤသးဒ်ယဂံၢ်ယဘါဆူၣ်ထီၣ်န့ၢ်အလီၢ်ဒီးယစံးဘၣ်အီၤ, “တၢ်ဒိၣ်ဧၢ, တဲဘၣ်ယၤတၢ်လၢနကဘၣ်တဲယၤန့ၣ်တက့ၢ်. နမၤဆူၣ်ထီၣ်က့ၤယၤလီၤ.”

လံာ်စကၤရယၤ 8:9

အိၣ်ဒီးတၢ်သူၣ်ဒူသးဒူတက့ၢ်. ခဲအံၤသုနၢ်ဟူဘၣ်တၢ်ကတိၤတမံၤဃီဒ်သိးဒီးတၢ်ကတိၤလၢဝံ တဖၣ်ကတိၤတ့ၢ်ဝဲဖဲတၢ်ပာ်လီၤတၢ်ခီၣ်ထံးလၢတၢ်ကဘှီထီၣ် ကဒါက့ၤယတၢ်လုၢ်ဟံၣ်အဆၢကတီၢ်န့ၣ်လီၤ.

လံာ်မးသဲ 5:12

သူၣ်ခုသးခုဒီး သူၣ်ဖှံသးညီတက့ၢ်. အဂ့ၢ်ဒ်အံၤ, ယွၤကတီၤပာ်စၢၤတၢ်အဘူးအလဲအဒိၣ်အမုၢ်လၢမူခိၣ်လၢသုဂီၢ်လီၤ. ဝံလၢညါသ့ၣ်တဖၣ်စ့ၢ်ကီးဘၣ်တၢ်မၤအၢမၤနးတ့ၢ်အီၤဒ်န့ၣ် အသိးလီၤ.

လံာ်မးသဲ 5:46

သုမ့ၢ်အဲၣ်ဒၣ်ထဲပှၤလၢအအဲၣ်သုဒီး ကစၢ်ယွၤဟ့ၣ်ဘူးဟ့ၣ်လဲသုကသ့ဒ်လဲၣ်. ပှၤဃ့သွဲတဖၣ်ဒၣ်လဲာ်မၤဝဲဒ်န့ၣ်လီၤ.

လံာ်မးသဲ 6:1

လၢတၢ်မၤတၢ်ဘူၣ်တၢ်ဘါအမူအဒါလၢအလီၤဘၣ်သုအပူၤန့ၣ်, ပလီၢ်သုသးဒ်သိးသုသုတမၤအီၤလၢပှၤကညီကထံၣ်အီၤအဂီၢ် တဂ့ၤ. သုမ့ၢ်မၤအီၤလၢပှၤကညီကထံၣ်အီၤအဂီၢ်ဒီး, သုတဒိးန့ၢ်ဘၣ်တၢ်အဘူးအလဲလၢသုပၢ်အိၣ်လၢမူခိၣ်အအိၣ်နီ တမံၤဘၣ်.

လံာ်မးသဲ 6:18

ဒ်သိးပှၤဂၤအသုတသ့ၣ်ညါလၢသုဒုၣ်တၢ်အီၣ်တဂ့ၤ, မ့မ့ၢ်ထဲသုပၢ်လၢပှၤတထံၣ်အီၤတဂၤဧိၤကထံၣ်ဒီးသ့ၣ်ညါဝဲ အဂီၢ်န့ၣ်တက့ၢ်. ဒီးသုပၢ်လၢအထံၣ်တၢ်လၢတၢ်ကစုဒုအပူၤတဂၤန့ၣ်, ကဟ့ၣ်သုတၢ်အဘူးအလဲလီၤ.

လံာ်မးသဲ 6:4

တုၤနုၤတစုသုတၢ်ဟ့ၣ်သးကညီၤတၢ်ကစုဒုအံၤတဖျါဘၣ်လၢပှၤ ကညီအမဲာ်ညါဘၣ်ဒီးသုပၢ်လၢအထံၣ်သုတၢ်မၤကစုဒုန့ၣ်, ကဟ့ၣ်သုတၢ်အဘူးအလဲလီၤ.

လံာ်မးသဲ 6:6

ဘၣ်ဆၣ်တုၤသုဘါထုကဖၣ်ယွၤဒီး က့ၤနုာ်လၢသုဒၢးပူၤ, ကးတံာ်ဃာ်သုတြဲၤဒီးဘါထုကဖၣ်တၢ်ဆူသုပၢ်လၢပှၤတထံၣ်အီၤ တဂၤအအိၣ်ဒီးသုပၢ်လၢအထံၣ်တၢ်လၢတၢ်ကစုဒုအပူၤတဂၤန့ၣ်, ကဟ့ၣ်သုတၢ်အဘူးအလဲလီၤ.

လံာ်လူၤကၣ် 6:35

တဘၣ်မ့ၢ်ဒ်န့ၣ်ဘၣ်. အဲၣ်သုဒုၣ်သုဒါတဖၣ်ဒီးမၤဂ့ၤအဝဲသ့ၣ်တက့ၢ်. ဟ့ၣ်လိၢ်တၢ်, ဒီးမုၢ်လၢ်က့ၤတၢ်နီတမံၤတဂ့ၤ. သုကဒိးန့ၢ်ဘၣ်ခိၣ်ဖးလၢအဒိၣ်, ဒီးသုကမ့ၢ်တၢ်ထီကတၢၢ်ကစၢ်ယွၤတဂၤအဖိခွါတဖၣ်လီၤ. အဂ့ၢ်ဒ်အံၤ, အဝဲဒၣ်ဂ့ၤလၢပှၤတသ့ၣ်ညါတၢ်ဘျုးတၢ်ဖှိၣ်, ဒီးပှၤအၢပှၤသီတဖၣ် အဖီခိၣ်လီၤ.

1 ကရံၣ်သူး 15:58

လၢတၢ်န့ၣ်အဃိ, ယဒီပုၢ်ဝဲၢ်သးဘိသ့ၣ်ဧၢ, အိၣ်ဆၢထၢၣ်ဂၢၢ်ဂၢၢ်ကျၢၤကျၢၤတက့ၢ်. လၢသုတၢ်မၤတၢ်လၢကစၢ်အဂီၢ်အပူၤန့ၣ်, မၤသုဝဲဆူၣ်ဆူၣ်ထီဘိတဘိယူၢ်ဃီတက့ၢ်. အဂ့ၢ်ဒ်အံၤ, သုသ့ၣ်ညါသုဝဲလၢကစၢ်အတၢ်ဖံးတၢ်မၤအပူၤ, သုတၢ်ဖံးတၢ်မၤလၢအဘျုးအဖှိၣ်တအိၣ်န့ၣ်, တအိၣ်ဝဲနီတမံၤဘၣ်န့ၣ်လီၤ.

1 ကရံၣ်သူး 16:13

အိၣ်ပလီၢ်သူၣ်ပလီၢ်သး, ဆၢထၢၣ်ကျၢၤကျၢၤလၢတၢ်စူၢ်တၢ်နာ် အပူၤ, အိၣ်ဒီးတၢ်သးဒူ, အိၣ်ဒီးတၢ်ဂံၢ်တၢ်ဘါတက့ၢ်.

1 ကရံၣ်သူး 3:14

တၢ်လၢအဘၣ်တၢ်သူၣ်ထီၣ်အီၤလၢတၢ်အခီၣ်ထံးအလိၤ မ့ၢ်တဘၣ်တၢ်မၤဟးဂီၤကွံာ်အီၤလၢမ့ၣ်အူဘၣ်ဒီးပှၤသူၣ်ထီၣ် တၢ်ဖိကဒိးန့ၢ်ဘၣ်ခိၣ်ဖးလီၤ.

1 ကရံၣ်သူး 3:8

ပှၤလၢအဖှံတၢ်ချံ, ဒီးပှၤလၢအလူထံ, ပှၤခံဂၤန့ၣ်အဘၢၣ်စၢၤ, တၢ်လီၤဆီတအိၣ်ဘၣ်. ကစၢ်ယွၤကဟ့ၣ်ဘူးဟ့ၣ်လဲအဝဲသ့ၣ် တဂၤဒီးတဂၤဒ်အကြၢးဒီးတၢ်ဖံးတၢ်မၤလၢအမၤဝဲန့ၣ်လီၤ.

အ့းဖ့းစူး 6:10

တၢ်ကတိၤလၢခံကတၢၢ်, အိၣ်ပှဲၤဒီးဂံၢ်ဘါလၢကစၢ်အပူၤဒီးလၢအစိကမီၤအဂံၢ် အဘါအပူၤတက့ၢ်.

ကလီးစဲ 3:24

သ့ၣ်ညါသုဝဲလၢကစၢ်ကဟ့ၣ်သုတၢ်န့ၢ်သါလၢအကတီၤ ပာ်တ့ၢ်ဝဲလၢအပှၤဂီၢ်မုၢ်အဂီၢ်, ဒ်ခိၣ်ဖးအသိးန့ၣ်တက့ၢ်. အဂ့ၢ်ဒ်အံၤ, ခရံာ်မ့ၢ်ကစၢ်နီၢ်နီၢ်လၢသုမၤအတၢ်န့ၣ်လီၤ.

ဧ့ၤဘြံၤ 10:35

မၤသးဒ်န့ၣ်ဒီး တဘၣ်ညိကွံာ်သုတၢ်သးခူတလ့ၣ် လၢအအိၣ်ဒီးအဘူးအလဲဒိၣ်ဒိၣ်ကလဲာ်န့ၣ်တဂ့ၤ.

ဧ့ၤဘြံၤ 6:10

အဂ့ၢ်ဒ်အံၤကစၢ်ယွၤတမ့ၢ်ပှၤလၢအမၤတၢ်တတီတလိၤ န့ၣ်ဘၣ်. သုတၢ်မၤဒီးသုတၢ်အဲၣ်တၢ်ကွံယွၤလၢသုလီၣ်ဖျါ ထီၣ်ခီဖျိသုတၢ်ဟ့ၣ်မၤစၢၤတ့ၢ်ဒီးဟ့ၣ်မၤစၢၤဒံးပှၤခရံာ်ဖိ ကဒဲကဒဲဒီးသုန့ၣ်ယွၤတကွၢ်ကပာ်ဒီးသးပ့ၤနီၣ်အီၤဘၣ်.

လံာ်စီၤယိၤၡူ 1:6

ပာ်ဆူၣ်နသးဒီးအိၣ်ဒီးတၢ်သးဒူတက့ၢ်. အဂ့ၢ်ဒ်အံၤ, နကမ့ၢ်ပှၤဂီၢ်မုၢ်အံၤအခိၣ်အနၢ် ဖဲအဝဲသ့ၣ်နုာ်လီၤဒီးန့ၢ်သါကီၢ်အံၤလၢယအၢၣ်လီၤတ့ၢ်အဝဲ သ့ၣ်အမိၢ်ပၢ်ဖံဖုလၢပျၢၤတဖၣ်န့ၣ်လီၤ.

လံာ်စီၤယိၤၡူ 1:7

ထဲပာ်ဆူၣ်နသးဒီးအိၣ်ဒီးတၢ်သးဒူတက့ၢ်. ဒီးမၤလီၤတံၢ်နသးလၢနစူၢ်တၢ်သိၣ်တၢ်သီခဲလၢာ်လၢယခ့ယပှၤစီၤမိၤၡ့ ဟ့ၣ်လီၤနၤန့ၣ်တက့ၢ်. ဆူစုထွဲမ့ၢ်ဂ့ၤ, စုစ့ၣ်မ့ၢ်ဂ့ၤတဘၣ်ဃၣ်ကပၤကွံာ်နသးလၢအီၤ တဂ့ၤ. ဒီးဖဲနလဲၤတၢ်တပူၤလၢ်လၢ်န့ၣ်နကဘီၣ်ထီၣ်ညီထီၣ်လီၤ.

လံာ်စီၤယိၤၡူ 1:9

သ့ၣ်နီၣ်ထီၣ်လၢယမၤလိာ်တ့ၢ်နၤလၢနကပာ်ဆူၣ်နသးဒီးသူၣ်ဒူသး ဒူန့ၣ်တက့ၢ်. တဘၣ်ပျံၤတၢ်တဂ့ၤ, ဒီးတဘၣ်တ့ၢ်စၢ်လီၤနဂံၢ်နဘါတဂ့ၤ. ယၤ, ယွၤနကစၢ်အိၣ်ဒီးနၤဖဲနလဲၤတၢ်တပူၤလၢ်လၢ်န့ၣ်လီၤ.”

လံာ်စီၤယိၤၡူ 14:14

ဝ့ၢ်ဃ့ဘြိၣ်ဘၣ်ဃးဒံးဒၣ်ဒီးပှၤကနးဖိစီၤယဖူန့ၤအဖိခွါစီၤကၤလ့းအစၢၤ တဖၣ်မ့ၢ်လၢအဝဲစူၢ်ယွၤ, အံၣ်စရ့လးအကစၢ်လၢတၢ်သးတီအပူၤ အဃိန့ၣ်လီၤ.

၂ ယိၤဟၣ် 1:8

လၢတၢ်န့ၣ်အဃိ, ပလီၢ်သုသးဒ်သိးတၢ်လၢသုမၤန့ၢ်တ့ၢ်တဖၣ် အသုတလီၤမၢ်ကွံာ်န့ၢ်သုတဂ့ၤ, ဒီးဒ်သိးသုကဒိးန့ၢ်ဘၣ်သုခိၣ်ဖး လၢလၢပှဲၤပှဲၤအဂီၢ်န့ၣ်တက့ၢ်.

လံာ်နီၢ်ရူၤသး 2:12

မ်ယွၤဟ့ၣ်ဘျုးက့ၤနၤလၢတၢ်လၢနမၤတ့ၢ်တဖၣ်အဃိန့ၣ်တက့ၢ်. မ်အံၣ်စရ့လးအကစၢ်ယွၤလၢနဟဲဃုတၢ်အိၣ်သဒၢလၢအဒံးဆ့ဖီလာ် တဂၤန့ၣ်ဟ့ၣ်ဘျုးက့ၤနၤလၢလၢပှဲၤပှဲၤတက့ၢ်.”