လံာ်ကွဲးနီၣ်တၢ်ခံဘ့ၣ်တဘ့ၣ် 15:3 - Sgaw Karen Common Bible

³ လၢအါနံၣ်အါလါအပူၤန့ၣ်, ကီၢ်အံၣ်စရ့လးအိၣ်မူဝဲ, တအိၣ်ဘၣ်ဒီးကစၢ်ယွၤအမ့ၢ်အတီ, တအိၣ်ဘၣ်ဒီးပှၤလုၢ်တၢ်အခိၣ် တဖၣ်လၢကသိၣ်လိအဝဲသ့ၣ်ဒီးတအိၣ်ဘၣ်ဒီးတၢ်စူၢ်တၢ်နာ်အတၢ်သိၣ် တၢ်သီတမံၤဘၣ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 15:3 Iomraidhean Croise

လံာ်ကွဲးနီၣ်တၢ်ခံဘ့ၣ်တဘ့ၣ် 17:7

လၢအဝဲပၢတၢ်သၢနံၣ်တနံၣ်အပူၤန့ၣ်, အဝဲဆှၢလီၤပဒိၣ်ပပှၢ်လၢ လာ်တဖၣ်အံၤဒ်သိးကသိၣ်လိတၢ်လၢကီၢ်ယူဒၤအဝ့ၢ်တဖၣ်အပူၤန့ၣ် လီၤ. အဝဲသ့ၣ်တဖၣ်မ့ၢ်ဝဲ, စီၤဘ့ၣ်ဃၤယံလး, စီၤဧိၤဘါဒယၤ, စီၤစကၤရယၤ, စီၤနၤသန့လး, ဒီးစီၤမံၤကါယၤန့ၣ်လီၤ.

လံာ်စီၤနဃ့မယၤ 8:9

တုၤပှၤဂီၢ်မုၢ်နၢ်ဟူဘၣ်တၢ်လၢယူဒၤအတၢ်သိၣ်တၢ်သီဃ့ဝဲန့ၣ်, အဝဲသ့ၣ်အသးဘၣ်ဒိတုၤအစးထီၣ်ဟီၣ်ဝဲလီၤ. လၢတၢ်န့ၣ်အဃိ, ပဒိၣ်ဖးဒိၣ်စီၤနဃ့မယၤ, ပှၤလုၢ်တၢ်အခိၣ်ဒီးပှၤသ့ပှၤဘၣ်လၢယူဒၤအတၢ်သိၣ်တၢ်သီအဂ့ၢ် စီၤဧ့စြၤ, ဒီးပှၤလ့ၤဝံဖိတဖၣ်လၢအတဲနၢ်ပၢၢ်တ့ၢ်ယူဒၤအတၢ်သိၣ်တၢ်သီ န့ၣ်စံးဘၣ်ပှၤဂီၢ်မုၢ်ခဲလၢာ် “မုၢ်တနံၤအံၤမ့ၢ်မုၢ်နံၤစီဆှံလၢယွၤသုကစၢ်ယွၤအဂီၢ်အဃိသူၣ် အုးသးအုးတဂ့ၤဒီးဟီၣ်တဂ့ၤ.

လံာ်ယံးရမံယၤ 10:10

မ့မ့ၢ်နဲဒၣ်, ယွၤဧၢ, နမ့ၢ်ကစၢ်ယွၤအမ့ၢ်အတီန့ၣ်လီၤ. နမ့ၢ်ကစၢ်ယွၤလၢအမူဝဲ ဒီးစီၤပၤအထူအယိာ်န့ၣ်လီၤ. ဖဲနသးဒိၣ်ထီၣ်န့ၣ်ဟီၣ်ခိၣ်ဟူးဟးဆှဲးဆှိးဝဲ ဒီးပှၤကလုာ်တဖၣ်တူၢ်နတၢ်သးကဲၤထီၣ် တကဲဘၣ်လီၤ.

လံာ်သးသယုၢ်တၢ် 2:9

ဝ့ၢ်အပဲတြီတဖၣ်ဒါလီၤအသးလီၤဘျၢကွံာ်လၢတၢ်လီၤပှီၢ်လီၤ ကလဲတဖၣ်အဖီလာ်ဒီးအနီၣ်ဘိတဖၣ်ဘၣ်တၢ်ဒိကၢ်လီၤကလဲကွံာ်အီၤ န့ၣ်လီၤ. စီၤပၤဒီးပှၤတူၢ်ဒိၣ်ကီၤဒိၣ်တဖၣ်န့ၣ်ခဲအံၤအိၣ်လၢတၢ်စိာ် မၢကဲကုၢ်အီၤအပူၤလီၤ. ပှၤယူဒၤဖိအတၢ်သိၣ်တၢ်သီန့ၣ်တဘၣ်တၢ်သိၣ်လိသီလိအီလၢၤဘၣ် ဒီးဝံတဖၣ်တန့ၢ်ဘၣ်တၢ်ထံၣ်လၢညါခီလၢယွၤအအိၣ်နီတမံၤလၢၤ ဘၣ်.

လံာ်ဟိၤၡ့ 3:4

လၢကျဲဒ်အံၤအသိးန့ၣ်, ကီၢ်အံၣ်စရ့လးအပှၤဂီၢ်မုၢ်ကဘၣ်အိၣ်ဝဲ အါနံၣ်အါလါ, တအိၣ်ဘၣ်ဒီးစီၤပၤတဖၣ်မ့ၢ်ဂ့ၤ, ခိၣ်နၢ်တဖၣ်မ့ၢ်ဂ့ၤ, တအိၣ်ဘၣ်ဒီးတၢ်လုၢ်တၢ်ပာ်တဖၣ်မ့ၢ်ဂ့ၤ, လၢၢ်ထူၣ်စီဆှံတဖၣ်မ့ၢ်ဂ့ၤ, အ့ဖိးမ့ၢ်ဂ့ၤ, တၢ်ဂီၤတရၤဖးမ့ၢ်ဂ့ၤ, လၢကသံကွၢ်ဒီးသ့ၣ်ညါကစၢ်အတၢ်ဘၣ်အသးအဂီၢ်ဘၣ်လီၤ.

လံာ်တၢ်ဘူၣ်ထီၣ်ဘါထီၣ် 10:11

ဒီးသုကဘၣ်သိၣ်လိသီလိပှၤအံၣ်စရ့လးဖိလၢကယဲၢ်တၢ်သိၣ်တၢ် သီလၢယဟ့ၣ်လီၤသုခီဖျိစီၤမိၤၡ့န့ၣ်လီၤ.”

လံာ်တၢ်ဘူၣ်ထီၣ်ဘါထီၣ် 10:8

ဒီးယွၤစံးဘၣ်စီၤအၤဟရိၣ်, “နၤဒီးနဖိခွါတဖၣ်တဘၣ်လဲၤနုာ် လီၤဆူတၢ်ဘူၣ်ထီၣ်ဘါထီၣ်ယွၤအဒဲပူၤဖဲသုအီမူၤစပံးထံမ့ၢ်ဂ့ၤ, သံးမ့ၢ်ဂ့ၤန့ၣ်ဘၣ်. သုမ့ၢ်မၤဒီးသုကသံလီၤ. အအံၤမ့ၢ်တၢ်မၤလိာ်လၢသုစၢၤသုသွဲၣ်ကဘၣ်တိၢ်န့ၢ်အီၤအစိၤစိၤအဃၣ်ဃၣ်န့ၣ်လီၤ.

လံာ်ဧၤမိၣ် 8:11

ကွၢ်ကွၢ်, မုၢ်နံၤတဖၣ်ဟဲဝဲ, ဖဲယကဆှၢလီၤတၢ်သၣ်ဝံၤလီၤဒိ ဆူကီၢ်ဒီတဘ့ၣ်ညါလီၤ. ပှၤဂီၢ်မုၢ်ကသူၣ်ဝံၤသၣ်စ့ၤ, ဘၣ်ဆၣ်တမ့ၢ်ဘၣ်လၢကိၣ်ဘၣ်. အဝဲသ့ၣ်ကသူၣ်ဝံၤသၣ်စ့ၤဒီးကသူအသးလၢတၢ်ကစီၣ်တမံၤဟဲလၢ ယွၤအအိၣ်လီၤ. ယၤ, တၢ်စိတၢ်ကမီၤအယွၤစံးဝဲဒၣ်.

လံာ်မံကၤ 3:11

ဝ့ၢ်အပဒိၣ်တဖၣ်န့ၣ်ပၢတၢ်လၢခိၣ်ဖးလာ်ဆှိးတဖၣ်အဂီၢ်, ပှၤလုၢ်တၢ်အခိၣ်တဖၣ်ကတိၤကျိးထံတၢ်သိၣ်တၢ်သီလၢတၢ်အဘူး အလဲအဂီၢ်ဒီးဝံတဖၣ်ဖးတၢ်လၢစ့အဂီၢ်, ဒီးစံးသကိးခဲလၢာ်လၢယွၤအိၣ်ဒီးအဝဲသ့ၣ်လီၤ. ဒီးစံးဝဲဒၣ်, “တၢ်အၢတဘၣ်ဘၣ်ပှၤနီတမံၤဘၣ်. ယွၤအိၣ်ဒီးပှၤလီၤ”.

လံာ်မၤလကံ 2:7

တၢ်န့ၣ်မ့ၢ်ပှၤလုၢ်တၢ်အခိၣ်တဖၣ်အမူအဒါလၢ ကဘၣ်သိၣ်လိတၢ်သ့ၣ်ညါအမ့ၢ်အတီဘၣ်ဃး ဒီးကစၢ်ယွၤန့ၣ်လီၤ. ပှၤဘၣ်လဲၤဆူအဝဲသ့ၣ်အအိၣ်လၢကမၤလိယတၢ်ဘၣ်သး, မ့ၢ်လၢအဝဲသ့ၣ်မ့ၢ်ယွၤသ့တၢ်လၢာ်အပှၤစိာ်တၢ် ကစီၣ်တဖၣ်အဃိန့ၣ်လီၤ.

လံာ်ယိၤဟၣ် 17:3

ဒီးတၢ်မူအထူအယိာ်အခီပညီမ့ၢ်ဝဲတၢ်သ့ၣ်ညါနၤ, ကစၢ်ယွၤ အမ့ၢ်အတီတဂၤဧိၤ, ဒီးတၢ်သ့ၣ်ညါယ့ၣ်ၡူးခရံာ်လၢနမၢလီၤ အီၤန့ၣ်လီၤ.

ရိမ့ၤ 2:12

ပှၤလၢတအိၣ်ဘၣ်ဒီးတၢ်သိၣ်တၢ်သီဒီးမၤတၢ်ဒဲးဘးတဖၣ်န့ၣ်, ကတုၤလၢတၢ်ဟးဂီၤလၢအတၢ်တအိၣ်ဘၣ်ဒီးတၢ်သိၣ်တၢ်သီ အဃိ, ဒီးပှၤလၢအမၤတၢ်ဒဲးဘးလၢတၢ်သိၣ်တၢ်သီအဖီလာ် တဖၣ်န့ၣ်, ကဘၣ်တၢ်စံၣ်ညီၣ်အီၤလၢတၢ်သိၣ်တၢ်သီန့ၣ်လီၤ.

1 ကရံၣ်သူး 9:21

ဒ်န့ၣ်အသိး, ဖဲယမၤတၢ်လၢပှၤကလုာ်တဖၣ်အသိးအကျါ န့ၣ်, ယအိၣ်မူယဲဒ်ပှၤကလုာ်ဂၤတဂၤအသိး, လၢယူဒၤ တၢ်သိၣ်တၢ်သီအချၢ, ဒ်သိးယကမၤန့ၢ်က့ၤပှၤကလုာ်ဂၤတဖၣ်ဆူခရံာ်အအိၣ်န့ၣ်လီၤ. အဝဲအံၤန့ၣ်, အခီပညီတမ့ၢ်လၢယတဒိကနၣ်ယွၤအတၢ်သိၣ်တၢ် သီဘၣ်. ယအိၣ်ယဲနီၢ်နီၢ်လၢခရံာ်အတၢ်သိၣ်တၢ်သီအဖီလာ်လီၤ.

လံာ်သိၣ်လီၤသီလီၤတၢ် 33:10

အဝဲသ့ၣ်ကသိၣ်လိနပှၤဂီၢ်မုၢ်လၢကစူၢ်ယူဒၤအတၢ်သိၣ်တၢ်သီ, လၢနဟ့ၣ်လီၤန့ၣ်လီၤ. အဝဲသ့ၣ်ကလုၢ်ထီၣ်တၢ်လုၢ်တၢ်ပာ်တဖၣ်လၢနတၢ်လုၢ်လီၢ်အဖီခိၣ်န့ၣ်လီၤ.

၁ သ့းစၤလနံ 1:9

ပှၤခဲလၢာ်န့ၣ်စံးကတိၤတၢ်ဘၣ်ဃးသုတၢ်တူၢ်လိာ်မုာ်ပှၤဖဲ ပလဲၤအိၣ်သကိးသုအဆၢကတီၢ်, ဒီးဘၣ်ဃးသုတၢ်ဃၣ်ကွံာ်သုသးလၢတၢ်ဂီၤတၢ်ဖီၣ်ဒီးသုတၢ်ဃၣ် ကဒါက့ၤသုသးဆူကစၢ်ယွၤအအိၣ်, ဒ်သိးသုကမၤကစၢ်ယွၤလၢအတီဒီးမူဝဲတဂၤအတၢ်,

၁ တံၤမသ့း 3:2

တၢ်အိၣ်ဖှိၣ်အခိၣ်အနၢ်တဂၤကဘၣ်မ့ၢ်ပှၤလၢအတၢ်ကမၣ် တအိၣ်ဘၣ်, ကဘၣ်အိၣ်ဒီးအမါထဲတဂၤဧိၤ, ပာ်အသးသညူးသပှၢ်, ပၢၤအသး, ဒီးအိၣ်မူကဒုလီၤတံၢ်န့ၣ်လီၤ. အဝဲကဘၣ်တူၢ်တံၢ်တူၢ်သမှံၤလၢအဟံၣ်ပူၤ, ဒီးကဘၣ်သ့သိၣ်လိသီလိတၢ်န့ၣ်လီၤ.

၁ ယိၤဟၣ် 5:20

ပသ့ၣ်ညါလၢကစၢ်ယွၤအဖိခွါဟဲဝဲဒီးဟ့ၣ်တ့ၢ်လံ ပှၤတၢ်သ့ၣ်ညါနၢ်ပၢၢ်, ဒ်သိးပကသ့ၣ်ညါကစၢ်ယွၤ အမ့ၢ်အတီတဂၤအဂီၢ်န့ၣ်လီၤ. ပအိၣ်မူလၢကစၢ်ယွၤ အမ့ၢ်အတီတဂၤအံၤအပူၤ, လၢအဖိခွါယ့ၣ်ၡူးခရံာ် အပူၤန့ၣ်လီၤ. အအံၤမ့ၢ်ကစၢ်ယွၤနီၢ်နီၢ်, ဒီးအအံၤမ့ၢ် တၢ်မူအထူအယိာ်လီၤ.